يَعْڧُوبَ 4 - أَتَّوْرَتْ دَ أَنَّبَاوَا

ذَمَ أَبُواْكِنْ دُونِيَا

¹ مٜىٰنٜىٰنٜىٰ يَكٜىٰ كَٰوُاْ ڢَطَا دَ جَيَيَّ ڟَكَانِنْكُ؟ بَاشَكَّ سُنَ ذُوَا نٜىٰ تَدَلِيلِنْ ݣُوطَيِ إِرِ إِرِ وَطَنْدَ سُكٜىٰ يَاڧِ عَثِكِنْكُ؞

² كُكَنْ نٜىٰمِ أَبُ كُرَسَ، سَيْ كُيِ كِسَنْ كَيْ؞ كُكَنْ نٜىٰمِ أَبُ دَ ڟَنَنِ، كُكَاسَ سَامُ، سَيْ كُشِغَ ڢَطَ دَ يِنْ جَيَيَّ؞ أَيْ، بَكُ سَامِ أَبِنْدَ كُكٜىٰ نٜىٰمَ بَ سَبُواْدَ بَكُ ضُواْڧَا بَ؞

³ كُمَ سَعَدَّ كُكَنْ ضُواْڧَا بَكُ سَامُبَ، غَمَا كُكَنْ ضُواْڧَا دَ مُوغُنْ نُڢِ؞ كُنَسُواْ كُكَشٜىٰ أَبِنْدَ كُنْ سَامُ عَكَنْ أَيُّكَنْ بَنْظَ نَجِنْ دَاطِنْ جِكِنْكُ نٜىٰ؞

⁴ كُو مَرَسَ أَمِنْثِ!‏ بَكُسَنِے بَ ثٜىٰوَ ذَمَنْ أَبُواْكِنْ دُونِيَا يَنَ دَيْدَيْ دَ ذَمَنْ غَابَادَ اللَّهْ؟ غَمَا دُكْ مَيْ ڧَوْنَرْ دُونِيَا، يَمَيْدَ كَنْسَ مَيْ غَابَادَ اللَّهْ كٜىٰنَنْ؞

⁵ كُواْ كُنَ ڟَمَّنِ عَبَنْظَا نٜىٰ رُبُوتَثِّيَرْ مَغَنَرْ اللَّهْ تَثٜىٰ ‏«‏اللَّهْ يَنَ ثِكٜىٰ دَ ڟَنَنِنْ كِيشِنْ ڧَوْنَ عَكَنْ رُوحُنْدَ يَسَا عَثِكِنْمُ؟

⁶ عَمَّا اللَّهْ يَنَ ڧَارَ مَنَ أَلْحٜىٰرِنْسَ مَيْ يَوَ، شِے يَسَا رُبُوتَثِّيَرْ مَغَنَرْسَ تَثٜىٰ، ‏«‏اللَّهْ يَنَ ڧِنْ مَيْ غِرْمَنْ كَيْ، عَمَّا يَنَ يِنْ أَلْحٜىٰرِ غَ مَيْ سَوْڧِنْ كَيْ؞»‏

⁷ دُواْمِنْ حَكَ سَيْ كُمِيڧَ كَنْكُ طُنْ‌غُمْ غَ اللَّهْ؞ كَدَ كُبَا شَيْطَنْ دَامَ، شِيكُوَ ذَيْ غُجٜىٰ مُكُ؞

⁸ كُيِ كُسَدَ اللَّهْ، شِے كُوَ ذَيْ يِكُسَدَكُو؞ يَا كُو مَاسُ ذُنُوبِ، كُڟَبْتَثٜىٰ حَنُّوَنْكُ دَغَ أَيُّكَنْ ذُنُوبِ، كُڟَبْتَثٜىٰ ظُكَاتَنْكُ، يَا كُو مُنَاڢُكَيْ؞

⁹ كُيِ بَڧِنْ ثِكِ، كُيِ كُوكَا، كُيِ هَوَيٜىٰ؞ بَرِ دَارِيَارْكُ تَكُواْمَ كُوكَا، ڢَضٍ ثِكِنْكُ كُمَ يَكُواْمَ بَڧِنْ ثِكِ؞

¹⁰ كُڧَسْڧَنْتَرْ دَكَنْكُ أَغَبَنْ عُبَنْ‌غِجِ، شِے كُوَ ذَيْ طَوْكَكَاكُ؞

كَدَ أَطُواْرَ وَطَنْعُوَ لَيْڢِ

¹¹ یَنْعُوَ، كَدَ كُذَمَ مَاسُ مَغَنَرْ زَرْغِنْ جُونَ؞ سَبُواْدَ دُكْ وَنْدَ يَكٜىٰ زَرْغِنْ طَنْعُوَنْسَ مَيْبِے، كُواْ يَطُواْرَ مَسَ لَيْڢِے، يَنَ زَرْغِنْ كُواْيَرْوَرْ مُوسَٰى كٜىٰنَنْ، يَنَ كُمَ طُواْرَوَ كُواْيَرْوَرْ لَيْڢِے؞ غَمَا سَعَدَّ كَيِ وَ كُواْيَرْوَرْ مُوسَٰى شَرِيعَ، بَكَ مِيڧَ كَنْكَ غَ يِنْ بِيَيَّ دَ كُواْيَرْوَرْ مُوسَٰى بَ، مَيْمَكُوانْ حَكَ كَذَمَ مَيْيِ مَتَ شَرِيعَ؞

¹² اللَّهْ نٜىٰ كَطَيْ مَيْ بَادَ كُواْيَرْوَا، شِينٜىٰ كُمَ مَيْيِنْ شَرِيعَ؞ شِے كَطَيْ يَكٜىٰبَادَ ثٜىٰتُواْ، كُمَ شِے يَكٜىٰدَ إِيكُوانْ هَلَّكَرْوَ؞ سَبُواْدَ حَكَ، وَنٜىٰنٜىٰ كَيْ دَ حَرْ كَاإِسَ كَطُواْرَ وَطَنْعُوَنْكَ لَيْڢِے؟

كَدَ عَيِ تَاڧَمَ دَ غُواْبٜىٰ

¹³ كُسَوْرَرَ، كُو دَ كُكٜىٰثٜىٰوَ ‏«‏يَوْ كُواْ غُواْبٜىٰ ذَامُ تَڢِے غَرِ كَاظَا، مُيِ شٜىٰكَرَا غُدَا مُنَ تَكَاسُوَنْثِ مُنَ ثِنْ رِيبَ؞»‏

¹⁴ غَاشِ كُوَ بَكُ مَا سَنْ مٜىٰ ذَيْ ڢَرُ غُواْبٜىٰبَ؞ شِنْ، وَنٜىٰ إِرِنْ أَبُ نٜىٰ رَنْكُ؟ أَيْ، أَبُ نٜىٰ كَمَرْ حَزُواْ وَنْدَ يَكٜىٰ بَيَّنَ أَطَنْ لُواْكَثِ سَعَنً يَٻَثٜىٰ؞

¹⁵ يَا كَمَاتَ كُثٜىٰ ‏«‏عِدَنْ اللَّهْ يَيَرْدَ، عِدَنْ كُمَ مُنَ ثِكِنْ مَاسُ رَيْ، ذَامُيِ كَاظَا دَ كَاظَا؞»‏

¹⁶ عَمَّا غَاشِ، يَنْذُ كُنَ تَاڧَمَ كُنَ يَنْ‌غَ؞ أَيْ، وَنَّنْ إِرِنْ تَاڧَمَ مُوغُوَرْ أَبُ نٜىٰ؞

¹⁷ سَبُواْدَ حَكَ دُكْ وَنْدَ يَسَنْ أَبِنْدَ يَكَمَاتَ يَيِ عَمَّا يَڧِيِ، يَيِ ذُنُوبِ كٜىٰنَنْ؞