يَعْڧُوبَ 3 - أَتَّوْرَتْ دَ أَنَّبَاوَا

مَيْبِے دَ هَرْشٜىٰنْسَ

¹ یَنْعُوَنَ، كَدَ دَيَوَ عَثِكِنْكُ كُذَمَ مَاسُ كُواْيَرْوَا، دُواْمِنْ كُنْ سَنْ ثٜىٰوَ مُو دَمُكٜىٰ كُواْيَرْوَا ذَاعَيِ مَنَ شَرِيعَ مَڢِے ڟَنَنِ ڢِيٜىٰدَ تَسَوْرَنْ مُتَنٜىٰ؞

² غَمَا دُكَنْمُ مُكَنْيِ كُسْكُرٜىٰ دَيَوَ؞ عِدَنْ كُوَ وَنِ بَايَ كُسْكُرٜىٰ أَ مَغَنَرْسَ، تُواْ، لَلَّيْ شِ ثِكَكّٜىٰ نٜىٰ، مَيْ عِيَ لُورَ دَ جِكِنْسَ غَبَاطَيَ؞

³ مُكَنْ سَا وَدُواْكِ لِنْظَمِ عَبَاكِ دُواْمِنْ يَيِ بِيَيَّ دَمُو؞ تَهَكَ مُكَنْ عِيَ بِدَشِ ذُوَا عِنْدَ مُكٜىٰسُواْ؞

⁴ كُكُمَ دُوبَ جِضَاغٜىٰنْ ضُوَ كُغَانٜىٰ؞ كُواْدَيَكٜىٰ سُو مَنْيَنٜىٰ، كُمَ إِسْكَ مَيْ ڧَرْڢِثٜىٰ تَكٜىٰ تُورَسُ، دُكْدَهَكَ دَ طَنْ ڧَرَمِنْ سَنْدَنْ تُوڧِ نٜىٰ مَيْ تُوڧِنْ جِضْغٍ يَكَنْ عِيَ جُويَ جِضْغٍ ذُوَا كُواْعِنَ دَ يَكٜىٰسُواْ؞

⁵ حَكَمَا هَرْشٜىٰنْ مُتُمْ يَكٜىٰ؞ كُواْدَيَكٜىٰ شِے طَنْ ڧَرَمِنٜىٰ ثِكِنْ غَٻُواْٻِنْ جِكِے دُكْدَهَكَ يَنَ ثِكٜىٰ دَ مَنْيَنْ تَاڧَمَ!‏ كُدُوبِے يَدَّ ڧَنْڧَنُوَرْ وُتَا تَكَنْ عِيَ ڧُواْنٜىٰ دَاجِ ڧُرْمُسْ!‏

⁶ أَيْ، هَرْشٜىٰنْ مُتُمْ ڢَا وُتَانٜىٰ، دُونِيَا نٜىٰ تَمُغُنْتَا ثِكِنْ غَٻُواْٻِنْ جِكِنْمُ!‏ هَرْشٜىٰ يَنَ كُمَ ٻَاتَ مُتُمْ غَبَاطَيَ؞ يَكَنْ ذُغَ دُكَنْ رَيْ يَتَڢَسَ، هَرْشٜىٰنْ كَنْسَ مَا عَكٜىٰ كُنَّ شِ دَ وُتَادَغَ غِدَنْ وُتَا؞

⁷ طَنْ ءَادَمُ يَنَ عِيَ شَنْ كَنْ كُواْوَثٜىٰ دَبَّ، حَرْ مَا يَارِغَا يَشَا كَنْ دَبُّواْبِے إِرِ إِرِ، وَتُواْ، نَمُواْمِنْ دَاجِ دَ ڟُنْڟَيٜىٰ دَ دَنْ‌غِنْ مَثِيظَيْ دَ ڧَدَنْ‌غَرُ دَ كُمَ حَلِتَّ ثِكِنْ تٜىٰكُ؞

⁸ عَمَّا بَاوَنْدَ يَتَٻَ عِيَ شَنْ كَنْ هَرْشٜىٰنْسَ؞ هَرْشٜىٰ مُوغُنْ أَبُنٜىٰ مَرَرْ هُوتُ، كُمَ يَنَ ثِكٜىٰ دَ دَڢِ مَيْ هَلَّكَرْوَ؞

⁹ دَشِے عَكٜىٰ يَبُوانْ عُبَنْ‌غِجِنْمُ وَنْدَ يَكٜىٰ عُبَنْمُ، دَشِے كُمَ عَكٜىٰ ذَاغِنْ مُتَنٜىٰ وَطَنْدَ اللَّهْ يَيِ ثِكِنْ كَمَنِّنْسَ؞

¹⁰ دَبَاكِ عَكٜىٰيَبُواْ، دَشِے كُمَ عَكٜىٰذَاغِ؞ حَبَ، یَنْعُوَنَ!‏ أَيْ، بَيْ كَمَاتَ يَكَسَنْثٜىٰ حَكَبَ؞

¹¹ كُواْ رِجِيَ طَيَ ذَاتَ عِيَ بَادَ ضُوَ مَيْ دَاطِے، تَكُمَ بَادَ ضُوَ مَيْ غِشِرِ؟

¹² یَنْعُوَنَ، إِتَاثٜىٰنْ ٻَوْرٜىٰ ذَيْ عِيَ حَيْڢَرْ یَیَنْ ظَيْتُنْ، كُواْ إِتَاثٜىٰنْ إِنَبِے ذَيْ عِيَ حَيْڢَرْ یَیَنْ ٻَوْرٜىٰ؟ تَهَكَ كُمَ رِجِيَ مَيْ بَادَ ضُوً غِشِرِ بَذَاتَ بَادَ ضُوَ مَيْ دَاطِبَ؞

حِكِمَ تَغَسْكٜىٰ

¹³ وَنٜىٰنٜىٰ مَيْ حِكِمَ دَ غَانٜىٰوَ عَثِكِنْكُ؟ سَيْ يَنُونَتَ تَوُرِنْ يِنْ رَايُوَا مَيْݣَوْ دَ كُمَ عَيْكِ مَيْݣَوْ دَ يَكٜىٰيِ ثِكِنْ سَوْڧِنْ كَيْ وَنْدَ يَكٜىٰ ڢِتُواْوَ دَغَ ثِكِنْ حِكِمَ؞

¹⁴ عَمَّا عِدَنْ أَ ذُوثِيَارْكُ كُنَدَ ڟَنَنِنْ كِيشِ دَ كُمَ سُوانْكَيْ، تُواْ، كُبَرْ يِنْ تَاڧَمَ دَ مُسُونْ سَنِنْ غَسْكِيَ؞

¹⁵ وَنَّنْ حِكِمَ بَا إِرِنْ دَتَكٜىٰ سَوْكُواْوَ دَغَ سَمَ بَثٜىٰ، عَمَّا تَدُونِيَاثٜىٰ؞ كُمَ بَتَرُوحَنِيَ بَثٜىٰ، عَمَّا تَ شَيْطَنْ ثٜىٰ؞

¹⁶ غَمَا دُكْ عِنْدَ أَݣَويْ كِيشِ دَ سُوانْكَيْ، تُواْ، أَݣَويْ كُواْوَثٜىٰ إِرِنْ ضِكِثِيوَ دَ مُغُنْتَا أَوُرِنْ؞

¹⁷ عَمَّا حِكِمَرْ دَتَكٜىٰ دَغَ وُرِنْ اللَّهْ دَ ڢَرْكُواْ دَيْ مَيْ ڟَرْكِے ثٜىٰ، كُمَ مَيْ كَٰوُاْ سَلَمَثٜىٰ، مَيْ حَنْكَلِثٜىٰ، مَيْ سَوْڧِنْ كَيْثٜىٰ، مَيْ يَوَنْ تَوْسَيِثٜىٰ، مَيْ يَوَنْ أَلْحٜىٰرِثٜىٰ؞ بَاتَنُونَ بَمْبَنْثِ كُواْ مُنَاڢُنْثِ؞

¹⁸ دَغَ ڨُويَرْ سَلَمَ وَدَّ مَاسُ كَٰوُاْ سَلَمَ سُكٜىٰ شُوكَاوَ، عَكَنْ غِرْبٜىٰ أَدَلْثِے؞