يَعْڧُوبَ 2 - أَتَّوْرَتْ دَ أَنَّبَاوَا

ڟَاوَتَرْوَ عَكَنْ نُونَ بَمْبَنْثِ

¹ یَنْعُوَنَ، كَدَ كُنُونَ بَمْبَنْثِ أَڟَكَانِنْكُ دَيَكٜىٰ كُنْ سَا بَنْ‌غَسْكِيَرْكُ غَ عُبَنْ‌غِجِنْمُ عِيسَىٰ أَلْمَسِيحُ، عُبَنْ‌غِجِ مَطَوْكَكِ؞

² مِصَالِ، مَيْيِوُوَ وَنِ مَيْ أَرْزِڧِ يَشِغُواْ ثِكِنْ تَارُوانْكُ يَنَ سَنْيٜىٰ دَ ذُواْبٜىٰنْ ظِينَارِيَ دَ كُمَ رِيغُنَ مَاسُ دَرَجَ، سَعَنً كُمَ وَنِ مَتَلَوْثِ يَشِغُواْ دَ رِغَرْ دَ تَيَيَّاغٜىٰ؞

³ عِدَنْ ذَاكُڢِبَا مَيْ أَرْزِڧِنَّنْ غِرْمَ كُثٜىٰ مَسَ ‏«‏غَا كُجٜىٰرَ مَيْݣَوْ كَذَوْنَ،»‏ عَمَّا كُثٜىٰ وَمَتَلَوْثِنَّنْ ‏«‏كَڟَيَ عَثَنْ،»‏ كُواْ كُمَ ‏«‏كَذَوْنَ عَڧَسَا،»‏

⁴ أَيْ، بَمْبَنْثِ كٜىٰنَنْ كُكٜىٰ نُونَاوَ جُونَنْكُ، كُنَ كُمَ يَنْكٜىٰ شَرِيعَ دَ مُوغُنْ تُنَانِ؞

⁵ كُجِ، یَنْعُوَنَ وَطَنْدَ نَكٜىٰ ڧَوْنَ!‏ أَشٜىٰ، اللَّهْ بَيْ ذَاٻِ مَتَلَوْتَنْ دُونِيَرْ نَنْ سُذَمَ مَاسُ أَرْزِڧِ ثِكِنْ بَنْ‌غَسْكِيَابَ؟ بَسُونٜىٰ كُمَ ذَاسُ غَاجِ مُلْكِنَّنْ وَنْدَ يَيِ أَلْڧَوَرِ وَ وَطَنْدَ سُكٜىٰ ڧَوْنَرْسَبَ؟

⁶ عَمَّا كُو، كُكَنْ رٜىٰنَ مَتَلَوْتَ؞ أَشٜىٰ، بَا مَاسُ أَرْزِڧِنٜىٰ سُكٜىٰ وُلَڧَنْتَاكُبَ؟ بَسُونٜىٰ سُكٜىٰ جَنْكُ ذُوَا غَبَنْ كُواْتُبَ؟

⁷ بَسُونٜىٰ كُمَ سُكٜىٰ مَغَنَرْ صَاٻُواْ عَكَنْ سُونَنَّنْ مَيْ دَرَجَ دَ عَكَ سَنْكُ دَشِيبَ؟

⁸ عِدَنْ كُنْيِ بِيَيَّ دَ كُواْيَرْوَرْ نَنْ تَمُلْكٍ اللَّهْ وَدَّ تَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‏«‏كَڧَوْنَثِ مَڨُوبْثِنْكَ كَمَرْ كَنْكَ، كُنْيِ دَيْدَيْ؞»‏

⁹ عَمَّا عِدَنْ كُنَ نُونَ بَمْبَنْثِ أَڟَكَانِنْكُ، وَنَّنْ ذُنُوبِ نٜىٰ؞ بِسَغَ كُواْيَرْوَرْ مُوسَٰى كُنْ ذَمَ مَاسُ كَرْيٜىٰ دُواْكَا؞

¹⁰ غَمَا دُكْ وَنْدَ يَكِيَايٜىٰ دُكَنْ كُواْيَرْوَرْ مُوسَٰى، عَمَّا يَكَرْيٜىٰ طَيَ، تُواْ، يَكَرْيَ دُكَنْ كٜىٰنَنْ؞

¹¹ غَمَا شِے وَنْدَ يَثٜىٰ ‏«‏كَدَ كَيِ ظِنَ»‏ شِينٜىٰ كُمَ يَثٜىٰ ‏«‏كَدَ كَيِ كِسَنْكَيْ؞»‏ عِدَنْ بَكَيِ ظِنَ بَ، عَمَّا كَكَشٜىٰ وَنِ، تُواْ، كَا ذَمَ مَيْ كَرْيٜىٰ كُواْيَرْوَرْ كٜىٰنَنْ؞

¹² سَبُواْدَ حَكَ، كُيِ مَغَنَرْكُ دَ عَيْكِنْكُ يَدَّ ذَاتَ نُونَ ثٜىٰوَ كُو مُتَنٜىٰنٜىٰ دَ ذَاعَيِ مُسُ شَرِيعَ بِسَغَ ڧَٰعِدَ مَيْ بَادَ یَنْثِ؞

¹³ غَمَا أَ لُواْكَثِنْ شَرِيعَ، اللَّهْ بَذَيْ نُونَ جِنْڧَيْ غَ مُتُمْ مَرَرْ جِنْڧَيْبَ؞ عَمَّا جِنْڧَيْ ذَيْ يِنَصَرَا عَكَنْ حُكُنْثِ؞

بَنْ‌غَسْكِيَ مَرَرْ أَيُّكَ بَنْظَثٜىٰ

¹⁴ یَنْعُوَ، إِنَا أَمْڢَانِ مُتُمْ يَثٜىٰ يَنَدَ بَنْ‌غَسْكِيَ عَمَّا أَيُّكَنْسَ بَسُ نُونَ حَكَبَ؟ أَنْيَ!‏ وَنَّنْ بَنْ‌غَسْكِيَرْسَ ذَاتَ عِيَ ثٜىٰتُوانْسَ كُوَ؟

¹⁵ مِصَالِ، مَيْيِوُوَ وَنِ طَنْعُوَ كُواْ وَتَ یَرْعُوَ سُنَ ذَمَ بَابُ رِغَرْ سَاوَا، كُمَ بَابُ عَبِنْثِ نَيَوْ دَ كُلُّمْ؞

¹⁶ عِدَنْ وَنِنْكُ يَثٜىٰ مُسُ ‏«‏كُسَوْكَ لَاڢِيَ، اللَّهْ يَبَاكُ عَبِنْثِ دَ أَبِنْ سَاوَا،»‏ عَمَّا بَيْيِ كُواْمٜىٰ غَمٜىٰدَ بُڧَاتَرْسُ نَنْ تَجِكِبَ، تُواْ، إِنَا أَمْڢَانِنْ وَنَّنْ؟

¹⁷ حَكَكُمَ بَنْ‌غَسْكِيَ وَدَّ بَاتَ دَ أَيُّكَنْ دَسُكٜىٰ تَبَّتَرْ دَ عِتَ بَنْظَثٜىٰ؞

¹⁸ وَنِ ذَيْ عِيَ ثٜىٰوَ ‏«‏أَيْ، كَيْ كَنَدَ بَنْ‌غَسْكِيَ، نِے كُمَ إِنَدَ أَيُّكَ نٜىٰ؞»‏ تُواْ، نُونَ مِنِ بَنْ‌غَسْكِيَرْكَ مَرَرْ أَيُّكَ، نِے كُمَ ذَنْ نُونَ مَكَ بَنْ‌غَسْكِيَتَ تَوُرِنْ أَيُّكَنَ؞

¹⁹ كَا غَسْكَتَ اللَّهْ طَيَ نٜىٰ؟ تُواْ مَادَلَّ؞ أَيْ، كُواْ أَلْجَنُ مَا سُنْ غَسْكَتَ حَكَ، حَرْ مَا دَ ضَوَرْ جِكِے؞

²⁰ كَيْ مَرَرْ حِكِمَ!‏ كُواْ كَنَ بُڧَاتَ حَرْ يَنْذُ إِنْ تَبَّتَا مَكَ يَدَّ بَنْ‌غَسْكِيَ مَرَرْ أَيُّكَ بَنْظَ ثٜىٰ؟

²¹ سَعَدَّ كَكَنْمُ إِبْرَٰهِيمْ يَبَادَ طَنْسَ إِسْحَٰڧَ عَكَنْ بَغَدٜىٰنْ هَدَايَ، بَ سَبُواْدَ أَيُّكَنْسَ نٜىٰ عَكَ شَيْدَ شِے مَيْ أَدَلْثِبَ؟

²² تُواْ، كَا غَنِ يَدَّ بَنْ‌غَسْكِيَرْسَ تَنَ تَڢِيَ تَرٜىٰدَ أَيُّكَنْسَ، كُمَ بَنْ‌غَسْكِيَرْسَ تَذَمَ ثِكَكِّيَ تَوُرِنْ أَيُّكَنْسَ؞

²³ أَ نَنْ عَكَ ثِكَ رُبُوتَثِّيَرْ مَغَنَرْ اللَّهْ ثٜىٰوَ ‏«‏سَبُواْدَ إِبْرَٰهِيمْ يَبَادَ غَسْكِيَ غَ اللَّهْ، سَيْ اللَّهْ يَلِسَّڢْتَا وَنَّنْ أَدَلْثِے نٜىٰ أَغَرٜىٰشِ؞»‏ تَدَلِيلِنْ حَكَ كُوَ عَكَثٜىٰ دَ إِبْرَٰهِيمْ أَبُواْكِنْ اللَّهْ؞

²⁴ تُواْ، كُنْ غَنِ، مُتُمْ يَنَ سَامُنْ ذَمَ مَرَرْ لَيْڢِے أَغَبَنْ اللَّهْ سَبُواْدَ أَيُّكَنْسَ نٜىٰ، بَ سَبُواْدَ بَنْ‌غَسْكِيَ عِتَ كَطَيْبَ؞

²⁵ حَكَ يَكٜىٰ كُمَ دَ كَارُوَرْ نَنْ رَهَبْ أَ لُواْكَثِنْ دَ تَٻُواْيٜىٰ یَنْ لٜىٰڧٜىٰنْ أَسِيرِنْ ڧَسَرْ نَنْ، تَكُمَ تَيْمَكٜىٰسُ سُنْ ڟِيرَا تَوَتَ حَنْيَ دَبَمْ؞ بَتَوُرِنْ أَيُّكَ نٜىٰ تَذَمَ مَرَرْ لَيْڢِے بَ؟

²⁶ سَبُواْدَ حَكَ كَمَرْ يَدَّ جِكِنْ مُتُمِنْ دَ بَاشِدَ رُوحُ غَاوَا نٜىٰ، حَكَكُمَ بَنْ‌غَسْكِيَ مَرَرْ أَيُّكَ تَكٜىٰ دَيْدَيْ دَ غَاوَا؞