عِشَايَ 9 - أَتَّوْرَتْ دَ أَنَّبَاوَا

سَا ذُوثِيَا غَ ذُوَانْ سَرْكِنْ سَلَمَ

¹ دُكْدَهَكَ دَيْ، غَ وَطَنْدَ دَا سُكٜىٰ ذَمَ ثِكِنْ وَهَلَ، دُهُ دَ عَذَابَ بَذَاسُ ثِيغَبَ حَرْ أَبَدَابَ؞ أَ دَا أَنْ ڧَسْڧَنْتَرْدَ يَنْكِنْ ذُرِيَرْ ظٜىٰبُلُنْ دَ نَ نَڢْتَلِ أَ غَلِيلِ، عَمَّا نَنْ غَبَ ذَاعَ غِرْمَمَ يَنْكِنَّنْ نَمُتَنٜىٰنْ دَ بَا يَهُودَاوَا بَ، يَنْكِنْدَ يَمِيڧٜىٰ دَغَ تٜىٰكُنْ مٜىٰدِتٜىٰرٜىٰنِيَ حَرْ ذُوَا يَنْكِنْ ڧٜىٰتَرٜىٰنْ كُواْغِنْ يُواْدَنْ؞

² مَاسُ تَڢِيَ ثِكِنْ دُهُ سُنْ غَ بَبَّنْ حَصْكٜىٰ؞ مَاسُ ذَمَ عَڧَسَرْ إِنُوَرْ مُتُوَ، حَصْكٜىٰ يَٻُلُّواْ عَكَنْسُ؞

³ يَا يَهْوٜىٰهْ، كَكَٰوُاْ ڧَارُوَ غَ أَلْعُمَّرْ، كَڧَارَ ڢَضٍ ثِكِنْتَ؞ سُنَ مُرْنَ أَغَبَنْكَ كَمَرْ تَمَاسُ غِرْبِنْ حَڟِ، كَمَرْ تَسُواْجُواْجِ مَاسُ رَبَ كَايَنْ دَ سُكَ ݣُوشٜىٰ أَوُرِنْ يَاڧِ؞

⁴ غَمَا كَا كَرْيَ غُنْ‌غُمٜىٰنْ وَهَلَرْسُ، دَ سَنْدَنْدَ يَدَنّٜىٰ وُيَنْسُ؞ كَيِ نَصَرَا عَكَنْ أَلْعُمَّرْ دَ تَدَنّٜىٰ مُتَنٜىٰنْكَ، كَمَرْ يَدَّ دَا كَيِ عَيَاڧِ دَ مَدْيَنَ؞

⁵ كُواْوَنٜىٰ تَاكَلْمِنْ سُواْجَنْ يَاڧِ، دَ كُواْوَثٜىٰ رِغَرْ دَ تَتَٻَ جِنِ ذَاعَ ڧُواْنٜىٰسُ، ذَاسُ ذَمَ إِتَاثٜىٰنْ وُتَا!‏

⁶ غَاشِ، دُواْمِنْمُ عَكَ حَيْڢِ يَرُواْ!‏ دُواْمِنْمُ عَكَ بَادَ طَا!‏ مُلْكِ ذَيْ كَسَنْثٜىٰ عَكَڢَطَرْسَ؞ ذَاعَ ثٜىٰ دَ سُونَنْسَ، مَيْ بَادَ شَوَرَا مَيْ بَنْ مَامَاكِ، اللَّهْ مَيْ إِيكُواْ، عُبَا مَدَوَّمِ، سَرْكِنْ سَلَمَ؞

⁷ ڧَرُوَرْ مُلْكِنْسَ ذَاتَ ثِيغَبَ، مُلْكِنْسَ ذَيْ كَسَنْثٜىٰ دَ سَلَمَ حَرْ أَبَدَا؞ ذَيْ غَاجِ كُجٜىٰرَرْ مُلْكٍ كَكَنْسَ دَاوُدَ، ذَيْ كَڢَ يَرِڧٜىٰشِ ثِكِنْ غَسْكِيَ دَ أَدَلْثِے دَغَ يَنْذُ ذُوَا حَرْ أَبَدَا؞ كِيشِنْ ڧَوْنَ نَ يَهْوٜىٰهْ مَيْ ضُنْدُنَا نٜىٰ ذَيْ عَيْكَتَ وَنَّنْ دُكَ؞

يَهْوٜىٰهْ ذَيْ حُكُنْتَ إِسْرَٰٓءِيلَ

⁸ عُبَنْ‌غِجِ يَيِ مَغَنَ غَابَادَ يَعْڧُوبَ، سَڧُوانْ كُوَ يَسَوْكُواْ غَ جَمَعَرْ إِسْرَٰٓءِيلَ؞

⁹ دُكَنْ جَمَعَرْ سُنْ سَنِ، عِ، مَذَوْنَنْ إِسْرَٰٓءِيلَ عَ أَرٜىٰوَ دَ نَبِرْنِنْ سَمَرِيَ سُنْ سَنِ، عَمَّا سُنْ طَغَ كَيْ، ثِكِنْ غِرْمَنْ كَنْسُ سُنَ مَغَنَ سُنَ ثٜىٰوَ

¹⁰ ‏«‏غِنٜىٰ غِنٜىٰنْ دَ عَكَيِ دَ بُلُواكْ سُنْ رُشٜىٰ، عَمَّا مُو ذَامُ سَاكٜىٰ غِنَسُ دَ دُووَڟُنْ دَ عَكَ سَسَّڧَ؞ عِتَتُوَنْ دُرُمِ، أَنْسَسَّرٜىٰسُ، عَمَّا ذَامُ شُوكَ عِتَتُوَنْ سٜىٰدَ أَمَيْمَكُواْ؞»‏

¹¹ سَبُواْدَ غِرْمَنْ كَنْسُ، يَهْوٜىٰهْ يَتَادَ مَاسُ غَابَادَ سَرْكِے رٜىٰظِنْ عَكَنْسُ،

¹² سُرِيَاوَا أَبُواْكَنْ غَابَنْسُ دَغَ غَبَسْ دَ ڢِلِسْتِيَاوَا دَغَ يَمَّ سُنْ بُوطٜىٰ بَاكِنْسُ دُواْمِنْ سُثِنْيٜىٰ إِسْرَٰٓءِيلَ؞ دُكْ دَ وَنَّنْ، ڢُشِنْ يَهْوٜىٰهْ يَا ڧِ يَݣُونْتَ، حَنُّنْ حُكُنْثِنْسَ يأَنَانً أَ مِيڧٜىٰ!‏

¹³ دُكْدَهَكَ، مُتَنٜىٰنْ بَسُ جُويَا غَ وَنْدَ يَحُكُنْتَسُبَ، بَسُ كُواْ نٜىٰمِ يَهْوٜىٰهْ مَيْ ضُنْدُنَا بَ؞

¹⁴ سَبُواْدَ حَكَ، أَ رَانَ طَيَ، يَهْوٜىٰهْ ذَيْ يَنْكٜىٰ كَيْ دَ وُڟِيَرْ إِسْرَٰٓءِيلَ، ذَيْ يَنْكٜىٰ رٜىٰشٜىٰنْ دَبِينُواْ دَ ثِيَوَرْ إِوَ؞

¹⁵ دَتَّاوَا دَ مَنْيَنْ مُتَنٜىٰ سُونٜىٰ كَيْ، أَنَّبَاوَا مَاسُ كُواْيَرْوَرْ ڧَضْيَا سُونٜىٰ وُڟِيَرْ؞

¹⁶ شُوغَبَنِّنَّنْ سُنْسَا مُتَنٜىٰ سُنْ كَوْثٜىٰ دَغَ حَنْيَ، مَاسُبِنْسُ كُمَ أَنْرُوطٜىٰسُ غَبَاطَيَ؞

¹⁷ شِيَسَا يَهْوٜىٰهْ بَيْ عِيَجِنْ دَاطِنْ سَمَارِنْسُبَ، كُواْ يَنُونَ جِنْڧَيْ غَ مَاتَانْدَ مَذَنْسُ سُكَ مُتُ، كُواْ كُمَ مَرَايُبَ؞ غَمَا كُواْوَ مَرَرْ ڟُواْرُوانْ اللَّهْ نٜىٰ، مَيْ عَيْكَتَ مُغُنْتَا، كُواْوَنٜىٰ بَاكِ مَا يَنَ ڢَطِنْ مَغَنَرْ بَنْظَ؞ دُكْ دَ وَنَّنْ، ڢُشِنْ يَهْوٜىٰهْ يَڧِ يَݣُونْتَ، حَنُّنْ حُكُنْثِنْسَ يأَنَانً أَ مِيڧٜىٰ!‏

¹⁸ حَڧِيڧَ مُغُنْتَا تَنَ تَڧُواْنَ كَمَرْ وُتَا، تَنَ ثِنْ ڧَيُواْيِ دَ وُتَا وُتَا؞ تَنَ ڧُواْنٜىٰ دَاجِ دَ كُرْمِ، ڧُنْشِنْ هَيَاڧِنْ وُتَرْ يَنَ تَاشِ سَمَ؞

¹⁹ تَوُرِنْ ڢُشِنْ يَهْوٜىٰهْ مَيْ ضُنْدُنَا، ڧَسَرْ تَڧُواْنٜىٰ؞ مُتَنٜىٰ كُمَ سُنْ ذَمَ كَمَرْ وُتَا مَيْثِ، بَاوَنْدَ يَتَوْسَيَ وَ طَنْعُوَنْسَ؞

²⁰ مُتَنٜىٰ سُنْ ڨُوثٜىٰ أَغٜىٰڢٜىٰنْ دَامَ، دُكْدَهَكَ سُنَ ثِكِنْ يُنْوَ؞ سُنْ ثَڢْكٜىٰ أَغٜىٰڢٜىٰنْ هَغُ، عَمَّا بَسُ ڧُواْشِبَ؞ حَرْ مَا سُنْثِنْيٜىٰ یَیَنْسُ!‏

²¹ مُتَنٜىٰنْ مَنَسّٜىٰ سُنْثِنْيٜىٰ نَ إِڢْرَيِمْ، مُتَنٜىٰنْ إِڢْرَيِمْ كُمَ سُنْثِنْيٜىٰ نَ مَنَسّٜىٰ، تَرٜىٰ كُمَ سُنْيِ غَابَادَ مُتَنٜىٰنْ يَهُودَ؞ دُكْ دَ وَنَّنْ، ڢُشِنْ يَهْوٜىٰهْ يَڧِ يَݣُونْتَ، حَنُّنْ حُكُنْثِنْسَ يأَنَانً أَ مِيڧٜىٰ!‏