عِشَايَ 8 - أَتَّوْرَتْ دَ أَنَّبَاوَا

طَنْ عِشَايَ عَلَمَرْ يَاڧِ مَيْ ذُوَا

¹ سَيْ يَهْوٜىٰهْ يَثٜىٰ مِنِ ‏«‏كَطَوْكِ بَبَّنْ أَلُّواْ كَيِ رُبُوتُو عَكَيْ دَ حَنْيَرْ رُبُوتُنْ دَ كُواْوَ ذَيْ غَانٜىٰ؞ كَرُبُوتَ، ‏‹‏نَ مَهٜىٰرْ شَلَلْ هَشْ بَظْ؞›‏ »‏

² نَطَوْكِ مُتَنٜىٰ مَاسُ أَمِنْثِ سُذَمَ مِنِ شَيْدَ، وَتُواْ عُرِيَ ڢِرِسْتِ دَ زَكَرِيَّا طَنْ يٜىٰبٜىٰرٜىٰكِيَ؞

³ سَعَنً نَݣُونَ دَ مَاتَتَ أَنَّبِيَ، تَيِ ثِكِ تَحَيْڢِ طَا؞ سَيْ يَهْوٜىٰهْ يَثٜىٰ مِنِ ‏«‏كَسَا مَسَ سُونَ مَهٜىٰرْ شَلَلْ هَشْ بَظْ؞

⁴ غَمَا كَاڢِنْ يَرُوانْ يَيِ وَيُوانْ كِرَا ‏‹‏بَابَ›‏ كُواْ ‏‹‏مَامَا›‏، سَرْكِنْ أَسُّرِيَ ذَيْ ݣُوشِ أَرْزِڧِنْ دِمَشْڧُ دَ دُوكِيَرْ سَمَرِيَ؞»‏

⁵ يَهْوٜىٰهْ يَا سَاكٜىٰيِ مِنِ مَغَنَ يَثٜىٰ،

⁶ ‏«‏تُنْدَ مُتَنٜىٰنَّنْ سُنْڧِے ضُوَيٜىٰنْ شِلُواْوَ مَاسُ غُدُ أَ حَنْكَلِ، سُكَيِ ڢَضٍ ثِكِ عَكَنْ سَرْكِے رٜىٰظِنْ دَ سَرْكِے ڢٜىٰكَ طَنْ رٜىٰمَلِيَ،

⁷ تُواْ، غَاشِ ذَنْ عَيْكُواْ مُسُ دَ ضُوً بَبَّنْ كُواْغِنَّنْ مَيْ ڧَرْڢِے، وَتُواْ سَرْكِنْ أَسُّرِيَ دَ دُكَنْ سُواْجُواْجِنْسَ؞ ذَيْ تَاشِ كَمَرْ بَبَّنْ كُواْغِنَّنْ يُڢِرٜىٰتِسْ، يَثِثِّكَ كُواْعِنَ يَذَمَ أَمْبَلِيَ؞

⁸ ذَيْبِے تَڧَسَرْ يَهُودَ كَمَرْ أَمْبَلِيَ، يَيِ تَظُبُواْوَ عَثِكِنْ ڧَسَرْ حَرْ سَيْ ضُوً يَكَيْ وُيَنْتَ؞»‏ عَمَّا مُو، ڢِكَڢِكَنْ اللَّهْ سُنَ إِنُوَنْتَرْ دَمُو حَرْ إِيَاكَرْ ڧَسَرْكَ، يَا كَيْ إِمَّنُوٜىٰلْ!‏

⁹ يَا كُو ڧَبِيلُ، كُتَتَّارُ سَبُواْدَ ڟُواْرُواْ!‏ يَا كُو ڧَسَاشٜىٰ مَاسُ نِيسَ، كُسَوْرَرَ، كُيِ شِرِنْ يَاڧِ، عَمَّا ذَاكُ هَلَّكَ، كُيِ شِرِنْ يَاڧِ، عَمَّا ذَاكُ هَلَّكَ!‏

¹⁰ كُيِ شَوَرَا تَرٜىٰ، عَمَّا ذَيْ ذَمَ بَنْظَ، كُيِ شِرِ، عَمَّا بَذَيْ ظَوْنُبَ؞ غَمَا مُو، اللَّهْ يَنَ تَرٜىٰدَمُو!‏

كِرَنْ دُواْغَضَ غَ يَهْوٜىٰهْ

¹¹ يَهْوٜىٰهْ يَا جَانِ دَ حَنُّنْسَ مَيْ ڧَرْڢِے، يَا يِمِنِ غَرْغَطِے ثٜىٰوَ كَدَ إِنْيِ تَڢِيَ أَ حَنْيَرْ مُتَنٜىٰنَّنْ؞ يَثٜىٰ،

¹² ‏«‏أَبِنْ دَ جَمَعَرْ نَنْ سُكٜىٰ كِرَا ڧُلّٜىٰ ڧُلّٜىٰ، كَدَ كَيَرْدَ كَثٜىٰ دَشِ ‏‹‏ڧُلّٜىٰ ڧُلّٜىٰ›‏، أَبِنْدَ سُكٜىٰ جِنْ ڟُواْرُوانْسَ كُمَ، كَدَ كَجِڟُواْرُوانْسَ؞

¹³ كَتُنَ ڢَا، نِے يَهْوٜىٰهْ مَيْ ضُنْدُنَا، نِے مَيْ ڟَرْكِے نٜىٰ، نِنٜىٰ كَطَيْ ذَاكَجِے ڟُواْرُواْنَ، نِنٜىٰ كَطَيْ ذَاكَ غِرْمَمَ؞

¹⁴ ذَنْ ذَمَ مَكَ مَڢَكَا مَيْ ڟَرْكِے، عَمَّا غَ غِدَاجٜىٰ بِيُنَّنْ نَ إِسْرَٰٓءِيلَ دَ كُمَ يَهُودَ، ذَنْ ذَمَ مُسُ دُوڟٜىٰنْ تُنْتُٻٜىٰ دَ نَسَا ڢَاطُوَ، ذَنْ ذَمَ كَمَرْ تَرْكُواْ دَ أَبِنْدَ ذَيْ كَامَ مَذَوْنَنْ عُرُوشَلِيمَ؞

¹⁵ دَيَوَ عَثِكِنْسُ ذَاسُيِ تُنْتُٻٜىٰ، ذَاسُ ڢَاطِ سُكَرْيٜىٰ، ذَاعَ كَامَسُ عَتَرْكُواْ عَتَڢِے دَسُو؞»‏

سَڧُوانْ عِشَايَ غَ أَلْمَجِرَنْسَ

¹⁶ كُو أَلْمَجِرَيْنَ، كُرِڧٜىٰ شَيْدَتَ، كُلُورَ دَ كُواْيَرْوَرْ يَهْوٜىٰهْ دَغَ بَاكِنَ؞

¹⁷ يَهْوٜىٰهْ يَا ٻُواْيٜىٰ ڢُسْكَرْسَ دَغَ جَمَعَرْسَ دَغَ غِدَنْ يَعْڧُوبَ، عَمَّا نِے ذَنْسَا ذُوثِيَا غَرٜىٰشِ، ذَنْ كُوَ دُواْغَضَ غَرٜىٰشِ؞

¹⁸ غَانِنَنْ، تَرٜىٰدَ یَیَنْ دَ يَهْوٜىٰهْ يَبَانِ!‏ مُنْ ذَمَ عَلَمُ دَ ݣُوتَنْثِنْ غَرْغَطِے غَ إِسْرَٰٓءِيلَ دَغَ يَهْوٜىٰهْ مَيْ ضُنْدُنَا، وَنْدَ يَكٜىٰ ظَوْنٜىٰ عَبَبَّنْ تُدُنْ سِهِيُواْنَ؞

¹⁹ مَيْ يِوُوَ وَنِ ذَيْ غَيَ مُكُ كُنٜىٰمِ شَوَرَا دَغَ بُواْكَيٜىٰ دَ مَاسُ حَطَكَيْ دَ رُوحُواْحِنْ مَتَتُّو، وَطَنْدَ سُكٜىٰ مَغَنَ كَمَرْ دُواْدُواْ دَ یَرْ مُرْيَ كَمَرْ ڟُنْڟُ؞ سُنَ ثٜىٰوَ ‏«‏أَيْ، يَا كَمَاتَ مُتَنٜىٰ سُنٜىٰمِ شَوَرَا دَغَ أَلُّواْلِنْسُ، سُنٜىٰمِ رَعَيِنْ مَتَتُّو غَمٜىٰدَ رَايَيُّ!‏»‏

²⁰ غَا أَمْسَرْ دَ ذَاكُبَاسُ ‏«‏كُكَسَ كُنّٜىٰ غَ كُواْيَرْوَا تَبَاكِنْ مُوسَٰى دَ شَيْدَرْتَ، سَبُواْدَ وَطَنْدَ سُكٜىٰ دُواْغَضَ غَ بُواْكَيٜىٰ، بَذَاسُ سَامِ حَصْكٜىٰنْ رَايُوَابَ؞

²¹ ذَاسُيِ تَيَٰوُاْ عَڧَسَرْ ثِكِنْ عَذَابَ دَ يُنْوَ؞ ذَيْ كُوَ كَسَنْثٜىٰ ثٜىٰوَ عَثِكِنْ يُنْوَرْسُ ذَاسُيِ ڢُشِے سُواْسَيْ حَرْ سُلَعَنْثِ سَرْكِنْسُ دَ أَلُّواْلِنْسُ؞ ذَاسُ كُوَ جُويَرْدَ ڢُسْكُواْكِنْسُ سُدُوبِے سَمَ،

²² كُواْ كُوَ سُدُوبِے ڧَسَا، عَمَّا ذَاسُغَ ظَلَّرْ وَهَلَ دَ دُهُ دَ ڟَنَنِنْ ٻَثِنْ رَيْ كَطَيْ؞ عَڧَرْشٜىٰ ذَاعَ تُورَسُ ثِكِنْ بَڧِنْ دُهُ؞»‏