عِشَايَ 7 - أَتَّوْرَتْ دَ أَنَّبَاوَا

سَڧُوانْ سَا ذُوثِيَا غَ سَرْكِے أَهَظْ

¹ أَنَانً أَ زَامَانِنْ مُلْكٍ أَهَظْ طَنْ يُواْتَمْ، وَتُواْ جِيكَنْ سَرْكِے عُزِّيَ نَ يَهُودَ، سَيْ يَاڧِ يَٻَرْكٜىٰ؞ سَرْكِے رٜىٰظِنْ نَ سُورِيَ دَ سَرْكِے ڢٜىٰكَ طَنْ رٜىٰمَلِيَ نَ إِسْرَٰٓءِيلَ سُكَذُواْ سُڢَاطَوَ عُرُوشَلِيمَ دَ يَاڧِ، عَمَّا بَسُ عِيَ ثِنْتَ دَ يَاڧِبَ؞

² سَعَدَّ لَابَرِ يَكَيْ غِدَنْ سَرْكِے أَهَظْ نَمُلْكٍ يَهُودَ ثٜىٰوَ مُلْكٍ سُورِيَ سُنْ حَطَ بَاكِ دَ مُلْكٍ إِسْرَٰٓءِيلَ، سَيْ أَهَظْ دَ مُتَنٜىٰنْسَ سُكَ ڢِرْغِتَ أَ ذُوثِيَارْسُ، حَرْ سُنَ ضَوَرْ جِكِے كَمَرْ عِتَتُوَنْ دَ إِسْكَ تَكٜىٰ هُورَاوَ؞

³ سَيْ يَهْوٜىٰهْ يَثٜىٰ وَ عِشَايَ ‏«‏كَطَوْكِ طَنْكَ شٜىٰيَرْ يَشُبْ؞ كُتَڢِے كُسَدُ دَ أَهَظْ عَڧَرْشٜىٰنْ لَمْبَتُنْ دَيَكٜىٰ كَٰوُاْ ضُوَ دَغَ تَڢْكِ نَتُدُ، كُسَدَ حَنْيَرْ ڢِيلِنْ مَاسُ وَنْكِ؞

⁴ كَثٜىٰمَسَ، ‏‹‏كَنَڟُ، كَݣُونْتَرْدَ حَنْكَلِنْكَ، كَدَ كَجِڟُواْرُواْ؞ كَدَ كَڢِدَّ ذُوثِيَا سَبُواْدَ ڢُشِنْ سَرْكِے رٜىٰظِنْ دَ سُورِيَاوَنْسَ دَ نَسَرْكِے ڢٜىٰكَ طَنْ رٜىٰمَلِيَ، غَمَا ذَاڢِنْ ڢُشِنْسُ بَيْڢِے هَيَاڧِنْ سَنْدَنْ دَ عَكَثِرٜىٰ دَغَ وُتَابَ؞

⁵ مُلْكٍ سُورِيَ دَ مُلْكٍ إِسْرَٰٓءِيلَ دَ ڢٜىٰكَ طَنْ رٜىٰمَلِيَ سُنْ حَطَكَيْ دُواْمِنْ سُيِ مُكُ مُغُنْتَا؞

⁶ سُنْ شِرْيَ سُهَوْرَ ڧَسَرْ يَهُودَ دُواْمِنْ سُكَوَرْدَ عِتَ؞ سُنْ كُمَ شِرْيَ سُڨُوثٜىٰتَ، سَعَنً سُمَيْدَ طَنْ تَبٜىٰيٜىٰلْ سَرْكِنْتَ؞

⁷ سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ، ‏«‏ ‏‹‏وَنَّنْ بَذَيْ يِوُبَ، بَذَيْ مَا ڢَرُبَ؞

⁸ غَمَا ڧَرْڢِنْ سُورِيَ بَيْڢِے نَ دِمَشْڧُ بَ، ڧَرْڢِنْ دِمَشْڧُ كُمَ بَيْڢِے نَ رٜىٰظِنْ بَ؞ عَثِكِنْ شٜىٰكَرَا سِتِّنْ دَ بِيَرْ، ذَاعَ هَلَّكَرْ دَ مُلْكٍ إِسْرَٰٓءِيلَ، يَدَّ بَذَاسُ عِيَ كَسَنْثٜىٰ أَلْعُمَّبَ؞

⁹ ڧَرْڢِنْ مُلْكٍ إِسْرَٰٓءِيلَ بَيْڢِے نَ سَمَرِيَ بَ، ڧَرْڢِنْ سَمَرِيَ كُمَ بَيْڢِے نَ ڢٜىٰكَ طَنْ رٜىٰمَلِيَ بَ؞ عِدَنْ بَكُ ڟَيَ ثِكِنْ يَهْوٜىٰهْ بَ، تُواْ، كُواْ كَطَنْ بَذَاكُ تَٻَ ڟَيَاوَبَ؞›‏ »‏

أَنْبَا أَهَظْ عَلَمَ تَ إِمَّنُوٜىٰلْ

¹⁰ سَيْ يَهْوٜىٰهْ يَسَاكٜىٰيِنْ مَغَنَ دَ أَهَظْ يَثٜىٰ،

¹¹ ‏«‏كَضُواْڧٜىٰنِ يَهْوٜىٰهْ اللَّهْ نْكَ إِنْبَاكَ عَلَمَ؞ سَيْ كَضُواْڧِ عَلَمَ، كُواْ دَ مَيْ وُيَرْ سَامُوَ نٜىٰ، كُواْ دَغَ ثَنْ ظُرْڢِنْ وُرِنْ ذَمَنْ مَتَتُّو نٜىٰ، كُواْ كُوَ دَغَ ثَنْ بِسَ ثِكِنْ سَمَّيْ؞»‏

¹² عَمَّا أَهَظْ يَأَمْسَ يَثٜىٰ ‏«‏بَذَنْ نٜىٰمِ عَلَمَ بَ، دُواْمِنْ كَدَ يَذَمَ إِنَ ڠُودَ يَهْوٜىٰهْ؞»‏

¹³ سَيْ عِشَايَ يَثٜىٰ ‏«‏تُواْ، يَا غِدَنْ دَاوُدَ، كُجِ!‏ ڠُوجِنْ حَڧُرِنْ مُتَنٜىٰنْ دَ كُكٜىٰيِ، بَيْ إِشٜىٰكُبَ؟ كُنَ كُمَ سُواْ كُڠُودَ حَڧُرِنْ اللَّهْ نَا نٜىٰ؟

¹⁴ سَبُواْدَ حَكَ، عُبَنْ‌غِجِ دَ كَنْسَ ذَيْبَاكُ وَتَ عَلَمَ؞ كُغَنِ!‏ يَارِنْيَ تَنَدَ ثِكِ، ذَاتَ كُمَ حَيْڢِ طَا، ذَاتَسَا مَسَ سُونَ إِمَّنُوٜىٰلْ؞

¹⁵ يَرُوانْ ذَيْشَا مَدَرَ دَ ضُوً ظُمَ، حَرْ لُواْكَثِنْ دَ ذَيْ إِسَ سَنِنْ ڧِنْ مُغُنْتَادَ ذَاٻٜىٰنْ يِنْ نَغَرْتَا؞

¹⁶ غَمَا كَاڢِنْ يَ إِسَ سَنِنْ ڧِنْ مُغُنْتَادَ ذَاٻٜىٰنْ يِنْ نَغَرْتَا، ڧَسَاشٜىٰنْ سَرَاكُنَنَّنْ بِيُنْ دَ كَكٜىٰ ڟُواْرُواْ، ذَاسُذَمَ كُڢَيْ؞

¹⁷ يَهْوٜىٰهْ ذَيْ كَٰوُاْ مَكَ ݣُونَكِنْ وَهَلَ دَكَيْ دَ مُتَنٜىٰنْكَ دَ ذُرِيَرْ كَاكَنِّنْكَ؞ إِرِنْ ݣُونَكِنْ وَهَلَرْ نَنْ، بَعَتَٻَ غَنِنْسُبَ، تُنْدَغَ ݣُونَكِنْ دَ عَكَ رَبَ مُلْكٍ سُلَيْمَٰنُ يَذَمَ مُلْكٍ إِسْرَٰٓءِيلَ عَ أَرٜىٰوَ دَ مُلْكٍ يَهُودَ عَكُدُ؞ عِ، يَهْوٜىٰهْ ذَيْ كَٰوُاْ سَرْكِنْ أَسُّرِيَ يَبَاكَ وَهَلَ؞

¹⁸ ‏«‏أَ رَانَرْ نَنْ، يَهْوٜىٰهْ ذَيْ هُورَ ڧَهُواْ؞ دَغَ إِيَاكَرْ رَاڢُڢُّكَنْ مَصَرْ ڧُدَجٜىٰنَّنْ سُواْجُواْجِنْ مَصَرْ ذَاسُ ڢِتُواْ، ڧُدَجٜىٰنْ ظُمَنَّنْ سُواْجُواْجِنْ أَسُّرِيَ كُمَ ذَاسُ ڢِتُواْ؞

¹⁹ ذَاسُ كُوَذُواْ دُكَنْسُ سُثِثِّكَ كُواْوَنٜىٰ ݣُورِ دَ مَڢَكَا أَدُوَڟُو دَ دَاجِنْ ڧَيُواْيِ دَ دُكَنْ ڢِيلَيٜىٰ نَكِيوُاْ؞

²⁰ ‏«‏أَ رَانَرْ نَنْ عُبَنْ‌غِجِ ذَيْ يِ هَيَرْ سَرْكِنْ أَسُّرِيَ دَغَ ڧٜىٰتَرٜىٰنْ كُواْغِنْ يُڢِرٜىٰتِسْ، ذَيْ يِ أَمْڢَانِ دَشِ كَمَرْ رٜىٰظَ، يَيِ مُكُ أَسْكِ دَغَ كَيْ دَ غٜىٰمُ دَ دُكَنْ غَاشِنْ جِكِے؞

²¹ ‏«‏أَ رَانَرْ نَنْ، مُتُمْ ذَيْ يِكِيوُانْ یَرْ سَانِيَ طَيَ تَكْ دَ تُمَكِ بِيُ،

²² عَمَّا ذَاسُ بَادَ مَدَرَ عَيَلْوَثٜىٰ ڢِيٜىٰدَ يَدَّ عَكٜىٰسُواْ؞ غَمَا دُكَنْ وَطَنْدَ سُكَ رَغُ عَڧَسَرْ ذَاسُدِنْ‌غَ شَنْ مَدَرَ دَ ضُوً ظُمَ؞

²³ ‏«‏أَ رَانَرْ نَنْ كُواْوَثٜىٰ غُواْنَ عِنْدَ دَا أَݣَويْ عِتَتُوَنْ إِنَبِے غُدَا دُبُو، وَدَّ كُطِنْتَ أَظُرْڢَا دُبُو نٜىٰ، ذَاتَ ذَمَ وُرِنْ ڧَيُواْيِ دَ وُتَا وُتَا كَوَيْ؞

²⁴ ذَاعَجٜىٰ ڢَرَوْتَ أَوُرِنْ تَرٜىٰدَ بَكَ دَ كِبِيُواْيِ، غَمَا دُكَنْ ڧَسَرْ ذَاتَ ذَمَ ڧَيُواْيِ دَ وُتَا وُتَا؞

²⁵ تُدَّيْ عِنْدَ دَا عَكٜىٰ نُواْمَ عَكَنْسُ دَ غَرْمَ كُوَ بَذَاكُ تَڢِے وُرِنْبَ، سَبُواْدَ جِنْ ڟُواْرُوانْ ڧَيُواْيِ دَ وُتَا وُتَا؞ ذَاسُ ذَمَ وُرَارٜىٰنْ دَ عَكَ سَكِ شَانُو سُنَ كِيوُاْ، تُمَكِ كُمَ سُنَ يَٰوُاْ؞»‏