عِشَايَ 65 - أَتَّوْرَتْ دَ أَنَّبَاوَاحُكُنْثِنْ اللَّهْ دَيْدَيْنٜىٰ 1 يَهْوٜىٰهْ يَثٜىٰ، «غَ وَطَنْدَ بَسُ تَمْبَيٜىٰنِبَ، نَبَيَّنَ كَيْنَ؞ وَطَنْدَ بَسُ نٜىٰمٜىٰنِبَ، نَسَاسُ سُكَ سَامٜىٰنِ؞ غَ أَلْعُمَّرْ دَ بَتَكِرَا غَ سُونَنَبَ، سَيْ نَثٜىٰ، ‹غَا نِے نَنْ، غَا نِے نَنْ!› 2 دُكَنْ يِنِ نَمِيڧَ حَنُّوَنْ ثٜىٰتُواْنَ غَ مُتَنٜىٰ مَاسُ تَاوَيٜىٰ، غَ مُتَنٜىٰنْ دَسُكٜىٰ تَڢِيَ عَكَنْ حَنْيَرْ دَ بَاتَ دَݣَوْ، سُنَ تَڢِيَ أَ حَنْيَرْ رَعَيِنْ كَنْسُ؞ 3 نَمِيڧَ حَنُّوَنْ ثٜىٰتُواْنَ غَ مُتَنٜىٰنْ دَ سُكَ ڟُواْكَنٜىٰنِ كُلُّمْ، سُنَيِنْ هَدَايَ إِرِ تَأَرْنَ أَغُواْنَكِنٜىٰ، سُنَ ڧُواْنَ تُرَارٜىٰ عَكَنْ بَغَدٜىٰنْ أَرْنَ، 4 غَ مُتَنٜىٰنْ دَ سُكَ شِغَ كُواْغُواْ دَ كَبَرِ دُواْمِنْ يِنْ مَغَنَ دَ رُوحُواْحِنْ مَتَتُّو، غَ مُتَنٜىٰنْ دَسُكٜىٰ ثِنْ نَامَنْ أَلَدٜىٰ، مَاسُ دَڢَ ڧَظَامَنْ نَامَ عَتُݣُونٜىٰنْسُ، 5 غَ مُتَنٜىٰنْ دَسُكٜىٰثٜىٰوَ ‹كَدَ كَذُواْ كُسَ، كَيِ نٜىٰسَ دَنِے غَمَا أَنْكٜىٰٻٜىٰنِ دَ ڟَرْكِے؞› إِرِنْ مُتَنٜىٰنَّنْ كَمَرْ هَيَاڧِے مَيْ وَرِ نٜىٰ أَهَنْثِنَ، سُنْسَا ڢُشِنَ يَيِتَثِ كَمَرْ وُتَا دُكَنْ يِنِ؞ 6 غَاشِ، أَرُبُوثٜىٰ يَكٜىٰ أَغَبَنَ، بَذَنْيِ شِضُ بَ، عَمَّا ذَنْ سَاكَ مُسُ؞ ذَنْ كُوَ سَاكَ مُسُ سُواْسَيْ 7 سَبُواْدَ لَيْڢُواْڢِنْسُ دَ لَيْڢُواْڢِنْ كَاكَنِّنْسُ؞ نِے يَهْوٜىٰهْ نَا ڢَطَا؞ سُكَ ڧُواْنَ تُرَارٜىٰ عَكَنْ مَنْيَنْ تُدَّيْ، سُكَيِ أَيُّكَنْ كُنْيَا عَكَنْ تُدَّيْ؞ سَبُواْدَ حَكَ ذَنْ سَاكَ مُسُ سُواْسَيْ سَبُواْدَ أَبُبُوَنْ دَ سُكَيِ مِنِ؞ 8 نِے يَهْوٜىٰهْ نَا ڢَطَا؞ تُنْدَيَكٜىٰ عَثِكِنْ ڧُنْشِنْ یَیَنْ إِنَبِے أَݣَويْ یَیَ مَاسُ ݣَوْ، بَذَاعَ ظُبَرْدَ ڧُنْشِنْ طُنْغُمْبَ، غَمَا أَݣَويْ أَلْبَرْكَ عَثِكِ؞ حَكَكُمَ تُنْدَيَكٜىٰ عَثِكِنْ جَمَعَتَ أَݣَويْ بَايِ مَاسُ أَمِنْثِ، بَذَنْ هَلَّكَ جَمَعَ دُكَبَ؞ 9 دَغَ ثِكِنْ يَعْڧُوبَ، ذَنْتَادَ ذُرِيَ، دَغَ يَهُودَ كُمَ وَطَنْدَ ذَاسُ غَاجِ ڧَسَرْ تُدَّيْنَ؞ مُتَنٜىٰنْدَ نَذَاٻَا ذَاسُ غَاجِ وُرِنْ، بَايِنَ كُمَ ذَاسُ كَسَنْثٜىٰ عَڧَسَرْ؞ 10 ڢِيلِنْ شَرُوانْ ذَيْ ذَمَ وُرِنْ كِيوُانْ تُمَكِ، ݣُورِنْ عَكُوارْ ذَيْ ذَمَ وُرِنْ هُوتَوَارْ غَرْكٜىٰ، دُواْمِنْ مُتَنٜىٰنَ وَطَنْدَ سُكٜىٰيِ مِنِ سُجَّدَ؞ 11 «عَمَّا كُو دَ كُكَڧِ يَهْوٜىٰهْ، كُكَ مَنْتَادَ بَبَّنْ تُدُنَ مَيْ ڟَرْكِے، كُكَ شِرْيَ تٜىٰبُرْ دُواْمِنْ غُنْكِنَّنْ وَدَتَ، كُكَيِ هَدَايَ تَشَا غَ غُنْكِنَّنْ ڧَدَّرَ، غَ أَبِنْدَ ذَنْيِ مُكُ؞ 12 ڧَدَّرَرْدَ نَيِ مُكُ عِتَثٜىٰ مُتُوَ تَتَكُواْبِے، دُكَنْكُ ذَاكُ مِيڧَ وُيَ غَ تَكُواْبِے، غَمَا سَعَدَّ نَيِ كِرَا، بَكُ أَمْسَبَ، دَ نَيِ مَغَنَ، بَكُجِبَ؞ عَمَّا كُكَ عَيْكَتَ مُغُنْتَا أَعِدُواْنَ، كُكَ ذَاٻَا كُيِ أَبِنْدَ بَنْجِ دَاطِنْسَبَ؞» 13 «سَبُواْدَ حَكَ،» إِنْجِ عُبَنْغِجِ يَهْوٜىٰهْ، «بَايِنَ ذَاسُثِ، عَمَّا كُو ذَاكُ ذَوْنَ دَ يُنْوَ؞ بَايِنَ ذَاسُ شَا، عَمَّا كُو ذَاكُ ذَوْنَ دَ ڧِشِ؞ بَايِنَ ذَاسُيِ ڢَضٍ ثِكِ، عَمَّا كُو ذَاكُشَا كُنْيَا؞ 14 بَايِنَ ذَاسُ رٜىٰرَ وَاڧَا دُواْمِنْ ڢَضٍ ثِكِ أَ ذُوثِيَارْسُ، عَمَّا كُو ذَاكُيِ كُوكَا دُواْمِنْ بَڧِنْ ثِكِنْ ذُوثِيَارْكُ دَ كُمَ ٻَثِنْ رَنْكُ؞ 15 عِ، نِے عُبَنْغِجِ يَهْوٜىٰهْ ذَنْ كَشٜىٰكُ، مُتَنٜىٰنْدَ نَذَاٻَا ذَاسُ مُواْضِ سُونَيٜىٰنْكُ وَجٜىٰنْ لَعَنْتَرْوَ، عَمَّا غَ بَايِنَ ذَاعَ بَاسُ سَابُوانْ سُونَ؞ 16 دُكْ وَنْدَ يَضُواْڧِ أَلْبَرْكَ عَڧَسَرْ ذَيْسَا أَلْبَرْكَ دَ سُونَنْ اللَّهْ مَيْ أَمِنْثِ؞ وَنْدَ كُمَ يَيِ ضَنْڟُوَا عَڧَسَرْ، ذَيْ يِ ضَنْڟُوَا دَ سُونَنْ اللَّهْ مَيْ أَمِنْثِ؞ غَمَا أَنْمَنْتَادَ دَامُوُاْيِ نَدَا، سُنَ عَٻُواْيٜىٰ دَغَ عِدَنُونَ؞» سَابُوَرْ سَمَ دَ سَابُوَرْ ڧَسَرْ 17 إِنْجِ يَهْوٜىٰهْ، «غَاشِ، إِنَ حَلِتَّرْ سَابُوَرْ سَمَ دَ سَابُوَرْ ڧَسَا! بَذَاعَ سَاكٜىٰ تُنَاوَا دَ أَبُبُوَنْ دَابَ، تُنَانِنْسُ مَا بَذَيْذُواْ وَمُتَنٜىٰبَ؞ 18 عَمَّا كُيِ مُرْنَ دَ ڢَضٍ ثِكِ حَرْ أَبَدَا عَكَنْ أَبِنْدَ نَكٜىٰ حَلِتَّرْسَ، غَمَا ذَنْ حَلِثِّ عُرُوشَلِيمَ تَذَمَ أَبِنْ ڢَضٍ ثِكِ، جَمَعَتَ كُمَ سُذَمَ أَبِنْ ڢَرَنْتَ مِنِ رَيْ؞ 19 ذَنْيِ ڢَضٍ ثِكِ عَكَنْ عُرُوشَلِيمَ، إِنْجِ دَاطِے عَكَنْ مُتَنٜىٰنَ؞ بَذَاعَ سَاكٜىٰ جِنْ مُرْيَرْ كُوكَا أَوُرِنْبَ، كُواْ ڧَارَرْ كُوكَنْ عَذَابَ عَثِكِ؞ 20 عَݣُونَكِنْنَنْ، بَذَاعَ سَاكٜىٰ سَامُنْ جَرِرِ وَنْدَ ذَيْ رَايُ نَیَنْ ݣُونَكِے كَوَيْبَ، كُواْ أَ سَامِ ڟُواْهُوانْ دَ بَيْ ثِكَ شٜىٰكَرُنْسَبَ؞ غَمَا وَنْدَ يَمُتُ يَنَدَ شٜىٰكَرَا طَرِے، ذَاعَ ثٜىٰ دَشِ مَتَاشِينٜىٰ، وَنْدَ كُمَ يَمُتُ بَيْ كَيْ شٜىٰكَرَا طَرِے بَ، ذَاعَ ثٜىٰ دَشِ لَعَنَنّٜىٰ نٜىٰ؞ 21 عَݣُونَكِنْنَنْ، مُتَنٜىٰ ذَاسُ غِنَا غِدَاجٜىٰ، سُذَوْنَ عَثِكِنْسُ، ذَاسُ شُوكَ غُواْنَكِنْ إِنَبِے، سُثِ أَمْڢَانِنْسُ؞ 22 بَذَاسُيِ غِنِ، وَنِ يَذَوْنَ عَثِكِ بَ، بَذَاسُ شُوكَ غُواْنَكِ، وَنِ يَثِ أَمْڢَانِنْ بَ؞ غَمَا كَمَرْ يَدَّ يَوَنْ شٜىٰكَرُنْ إِتَاثٜىٰ سُكٜىٰ، حَكَ يَوَنْ شٜىٰكَرُنْ مُتَنٜىٰنَ ذَاسُ كَسَنْثٜىٰ؞ مُتَنٜىٰنَ دَ نَذَاٻَا ذَاسُ دَطٜىٰ سُنَ جِنْ دَاطِنْ عَيْكِنْ حَنُّوَنْسُ؞ 23 بَذَاسُيِ عَيْكِ عَبَنْظَ بَ، كُواْ سُحَيْڢِ یَیَ دُواْمِنْ سُشَا عَذَابَبَ؞ غَمَا ذَاسُ ذَمَ ذُرِيَرْ دَ نِے يَهْوٜىٰهْ نَسَا مُسُ أَلْبَرْكَ، سُو دَ جِيكُواْكِنْسُ كُمَ؞ 24 كَاڢِنْ سُيِ كِرَا، ذَنْ أَمْسَ مُسُ، تُنْ سُنَ ثِكِنْ مَغَنَ، ذَنْجِيسُ؞ 25 ݣَرْكٜىٰثِ دَ طَنْ ضَغُواْ ذَاسُثِ عَبِنْثِ تَرٜىٰ، ذَاكِ ذَيْثِ ثِيَوَ كَمَرْ سَانِيَ، عَمَّا مَثِيجِ، عَبِنْثِنْسَ ڧُورَرْ ڧَسَا نٜىٰ كَوَيْ؞ بَابُ أَبِنْدَ ذَيْ ثُوتَرْ كُواْ يَهَلَّكَ وَنِ، عَكَنْ دُكَنْ سِهِيُواْنَ تُدُنَ مَيْ ڟَرْكِے؞ نِے يَهْوٜىٰهْ نَا ڢَطَا؞» |
Hausa Common Language Ajami Bible © The Bible Society of Nigeria, 2020
Bible Society of Nigeria