عِشَايَ 61 - أَتَّوْرَتْ دَ أَنَّبَاوَا

لَابَرِ مَيْ دَاطِے نَثٜىٰتُواْ

¹ رُوحٌ عُبَنْ‌غِجِ يَهْوٜىٰهْ يَنَ عَكَيْنَ، دُواْمِنْ يَهْوٜىٰهْ يَا كٜىٰٻٜىٰنِ إِنْيِ شٜىٰلَرْ لَابَرِ مَيْ دَاطِے غَ تَلَكَاوَا، إِنْ وَرْكَرْدَ وَطَنْدَ سُكَ ڢِدَّ ذُوثِيَا، إِنْيِ شٜىٰلَرْ یَنْثِ غَ وَطَنْدَ سُكٜىٰ أَطَوْرٜىٰ، دَ شٜىٰلَرْ سَكٜىٰوَ غَ یَنْ كُرْكُكُ؞

² يَعَيْكٜىٰنِ إِنْيِ شٜىٰلَ ثٜىٰوَ لُواْكَثِنْ سَامُنْ ڢَضٍ جِنِ أَوُرِنْ يَهْوٜىٰهْ يَا يِ، رَانَرْ دَ اللَّهْ نْمُ ذَيْ يِ رَامُوَا تَ إِسُواْ؞ يَعَيْكٜىٰنِ إِنْ تَعَظَنْتَرْدَ دُكَنْ مَاسُ بَڧِنْ ثِكِ،

³ إِنْ تَعَظَنْتَرْدَ مَاسُ بَڧِنْ ثِكِ أَ سِهِيُواْنَ، إِنْبَاسُ هُولَرْ ڢَضٍ ثِكِ مَيْ أَدُواْ مَيْمَكُوانْ ظُبَ تُواْكَ عَكَيْ، مَنْ نُونَ مُرْنَ مَيْمَكُوانْ بَڧِنْ ثِكِ، رِغَرْ وَاڧَرْ يَبُواْ مَيْمَكُوانْ ڢِدَّ ذُوثِيَا؞ ذَاسُ كَڢُ ثِكِنْ أَدَلْثِے كَمَرْ إِتَاثٜىٰ مَيْ ڧَرْڢِے، شُوكَرْ دَ يَهْوٜىٰهْ يَيِ دُواْمِنْ عَبَيَّنَ دَرَجَرْسَ؞

⁴ ذَاسُ سَاكٜىٰ غِنَا وُرَارٜىٰنْ دَ عَكَ رُرُّشٜىٰ، عَتَادَ وُرَارٜىٰنْدَ دَا سُنْ ذَمَ كُڢَيْ؞ ذَاسُ ڠَغْڠَرَ بِرَنٜىٰنْدَ دَا عَكَ هَلَّكَرْ، وُرَارٜىٰنْ دَ سُكَ دَطٜىٰ سُنْ ذَمَ كُڢَيْ؞

⁵ يَا جَمَعَتَ، بَاڧِ ذَاسُ بَوْتَا مُكُ، ذَاسُ لُورَ دَ غَرْكُنَنْكُ، ذَاسُ نُواْمَ مُكُ غُواْنَكِنْكُ، سُڠَرَ إِتَاثٜىٰنْكُ نَ إِنَبِے؞

⁶ ذَاعَ ثٜىٰ دَكُو ڢِرِسْتُواْثِے نَ يَهْوٜىٰهْ، دَ مَاسُ حِدِمَرْ اللَّهْ نْمُ؞ ذَاكُ شَنْيٜىٰ أَرْزِڧِنْ أَلْعُمَّيْ، كَايَنْ طَوْكَكَرْسُ ذَيْ ڢَرَنْتَ مُكُ رَيْ؞

⁷ مَيْمَكُوانْ كُنْيَا، ذَاكُ سَامِ دَرَجَ؞ مَيْمَكُوانْ رٜىٰنِ، ذَاكُيِ ڢَضٍ ثِكِنْ غَادُوانْكُ؞ مَلَّكَرْكُ ذَيْ يَلْوَتَ، ڢَضٍ ثِكِنْكُ كُمَ حَرْ أَبَدَا؞

⁸ ‏«‏غَمَا نِے يَهْوٜىٰهْ إِنَ ڧَوْنَرْ يِنْ غَسْكِيَ، بَانَ سُوانْ سَاتَادَ رَشِنْ غَسْكِيَ؞ عَثِكِنْ أَمِنْثِنَ، ذَنْبَا جَمَعَتَ لَادَ، ذَنْيِ يَرْجٜىٰجٜىٰنِيَ تَهَرْ أَبَدَا دَسُو؞

⁹ ذَاعَ سَنْ دَ ذُرِيَرْسُ ثِكِنْ أَلْعُمَّيْ، ذَاعَ كُمَ سَنْ دَ یَیَنْسُ ثِكِنْ ڧَبِيلُ؞ دُكْ وَطَنْدَ سُكَ غَنْسُ ذَاسُ سَنِ ثٜىٰوَ سُونٜىٰ مُتَنٜىٰنْ دَ يَهْوٜىٰهْ يَ أَلْبَرْكَثٜىٰسُ؞»‏

¹⁰ إِنَ يِنْ ڢَضٍ ثِكِ مَيْ يَوَ سَبُواْدَ أَبِنْدَ يَهْوٜىٰهْ يَيِ، ذُوثِيَاتَ تَنَدَ ڢَضٍ ثِكِ سَبُواْدَ اللَّهْ نَا؞ غَمَا يَسَا مِنِ رِغَرْ ثٜىٰتُواْ، يَرُڢٜىٰنِ دَ رِيغُنَنْ أَدَلْثِے، كَمَرْ يَدَّ أَنْ‌غُواْ يَكَنْيِ أَدُواْ دَ هُولَرْ ڢِرِسْتِ، كَمَرْ يَدَّ أَمَرْيَ تَكَنْيِ أَدُواْ دَ كَايَ مَاسُ وَلْڧِيَ؞

¹¹ غَمَا كَمَرْ يَدَّ ڧَسَا تَكَنْسَا إِرِ يَڟِيرَا غُواْنَ كُمَ تَسَا أَبِنْدَ عَكَ شُوكَ يَتُواْهُ، حَكَمَا عُبَنْ‌غِجِ يَهْوٜىٰهْ ذَيْسَا أَدَلْثِے دَ يَبُواْ سُٻُلُّواْ كُواْعِنَ ثِكِنْ أَلْعُمَّيْ؞