عِشَايَ 58 - أَتَّوْرَتْ دَ أَنَّبَاوَا

سُجَّدَرْدَ تَدَاثٜىٰ

¹ إِنْجِ يَهْوٜىٰهْ، ‏«‏طَغَ مُرْيَ دَ ڧَرْڢِے كَيِ إِيهُ!‏ طَغَ مُرْيَ كَمَرْ ڧَارَرْ بُوسَرْ ڧَهُواْ!‏ يِوَمُتَنٜىٰنَ شٜىٰلَرْ ذُنُبَنْسُ نَغَنْ‌غَنْثِ، ڢَطَا وَظُرِيَرْ يَعْڧُوبَ ذُنُبَنْسُ؞

² كُواْوَثٜىٰ رَانَ سُنَ تَنٜىٰمَنَ، سُنَيِنْ كَمَرْ سُنَ مَرْمَرِنْ سَنِنْ حَنْيَتَ، سُنَيِنْ كَمَرْ سُو جَمَعَثٜىٰ مَيْ عَيْكَتَ أَدَلْثِے، كَمَرْ سُو جَمَعَثٜىٰ وَدَّ تَكٜىٰبِنْ عُمَرْنَنْ اللَّهْ نْسُ؞ سُنَ ضُواْڧُواْ إِنْيِ مُسُ شَرِيعَرْ غَسْكِيَ، كَمَرْ سُنَ مَرْمَرِنْ اللَّهْ يَذُواْ كُسَدَسُو؞»‏

³ مُتَنٜىٰ سُكَنْثٜىٰ، ‏«‏مُكَيِ أَظُمِ، مٜىٰيَسَا يَهْوٜىٰهْ بَيْ غَنِبَ؟ مُكَ بَ وَ جِكِنْمُ عَذَابَ، مٜىٰيَسَا بَيْ كُلَبَ؟»‏ يَهْوٜىٰهْ يَأَمْسَ مُسُ يَثٜىٰ، ‏«‏غَاشِ، أَ رَانَرْ أَظُمِنْكُ كُكَنْيِ تَبِنْ جِنْ دَاطِنْكُنٜىٰ، كُنَ تَثُوتَرْ مَاسُ يِمُكُ عَيْكِ؞

⁴ غَاشِ، أَظُمِنْكُ يَكَنْ حَيْڢَرْ دَ غَرْدَمَ دَ ڢَطَ دَ دَمْبٜىٰ؞ إِرِنْ أَظُمِنْ دَ كُكٜىٰيِ عَيَوْ، بَذَيْسَا أَجِ مُرْيَرْكُ أَ سَمَبَ؞

⁵ أَغَنِنْكُ، إِرِنْ وَنَّنْ أَظُمِ نٜىٰ نَكٜىٰسُواْ؟ وَتُواْ، رَانَ طَيَ مُتُمْ يَبَا وَ جِكِنْسَ عَذَابَ، كُواْ يَسُنْكُيَرْدَ كَنْسَ كَمَرْ غَنْيٜىٰنْ ثِيَوَ، كُواْ يَشَشَاڢَ وَكَنْسَ تُواْكَ؟ ذَاعَ ثٜىٰ دَ وَنَّنْ أَظُمِ نٜىٰ؟ كُواْ رَانَ ثٜىٰ وَدَّ يَهْوٜىٰهْ ذَيْ كَرْٻَ؟

⁶ ‏«‏أَعَ؞ غَا إِرِنْ أَظُمِنْ دَ نَكٜىٰسُواْ كُيِ، كُسَكِ وَطَنْدَ عَكَ طَوْرٜىٰ ثِكِنْ رَشِنْ غَسْكِيَ، كُكُنْثٜىٰ إِغِيُواْيِنْ غُنْ‌غُمٜىٰنْ دَنِّيَ، كُیَنْتَرْدَ وَطَنْدَ عَكَيِ مُسُ دَنِّيَ، كُطَوْكٜىٰ غُنْ‌غُمٜىٰنْ دَنِّيَ دَغَ كَنْ مُتَنٜىٰ؞

⁷ أَظُمِنْ دَ نَكٜىٰسُواْ كُيِ شِينٜىٰ، كُرَبَ عَبِنْثِنْكُ دَ مَيْ يُنْوَ، كُشِغُواْ دَ مَتَلَوْثِ مَرَرْ غِدَا عَثِكِنْ غِدَاجٜىٰنْكُ؞ عِدَنْ كُنْ غَ وَنْدَ يَكٜىٰ ڟِرَرَ، كُسَا مَسَ رِغَا، كَدَ كُمَ كُغُجٜىٰ وَیَنْعُوَنْكُ؞

⁸ تَيِنْ حَكَ حَصْكٜىٰنْكُ ذَيْ ٻُلُّواْ كَمَرْ ٻُلُّواْوَرْ حَصْكٜىٰنْ رَانَ دَ سَڢٜىٰ، وَرْكٜىٰوَرْكُ ذَاتَذُواْ مُكُ دَ سَوْرِ؞ مَيْ أَدَلْثِنْكُ ذَيْ وُثٜىٰ غَبَنْكُ، طَوْكَكَرْ يَهْوٜىٰهْ ذَاتَ كِيَايٜىٰكُ تَكُواْوَنٜىٰ غٜىٰڢٜىٰ؞

⁹ ذَاكُيِ كِرَا، نِے يَهْوٜىٰهْ ذَنْ أَمْسَ، ذَاكُيِ كُوكَنْ نٜىٰمَنْ تَيْمَكُواْ، ذَنْ كُوَثٜىٰ، ‏‹‏غَا نِنَنْ؞›‏ عِدَنْ كُكَ دَيْنَ يِنْ دَنِّيَ، كُكَ بَرْ زَرْغِنْ جُونَ دَ يِنْ بَڧَرْ مَغَنَ،

¹⁰ عِدَنْ كُكَ رَبَ عَبِنْثِنْكُ دَ مَاسُ جِنْ يُنْوَ، كُكَبِيَ بُڧَاتَرْ مَاسُ شَنْ وُيَ، تُواْ، حَصْكٜىٰنْكُ ذَيْ حَصْكَكَ ثِكِنْ دُهُ، دَرٜىٰنْكُ ذَيْ كُواْمَ كَمَرْ ڟَكَرْ رَانَ؞

¹¹ نِے يَهْوٜىٰهْ ذَنْ جَغُواْرَنْثٜىٰكُ كُلُّمْ، إِنْبِيَ مُكُ بُڧَاتَ كُواْ أَ عِنْدَ بَابُ كُواْمٜىٰ، إِنْسَا ڧَسُسُوَنْكُ سُيِڧَرْڢِے؞ ذَاكُ ذَمَ كَمَرْ غُواْنَرْ دَ عَكٜىٰيِ مَتَ بَنْ ضُوَ كُلُّمْ، كَمَرْ مَٻُٻُّغَرْ ضُوً دَ بَاتَ بُوشٜىٰوَ؞

¹² غِنٜىٰ غِنٜىٰنْكُ دَ سُكَ ذَمَ كُڢَيْ تُنْدَا، ذَاعَ سَاكٜىٰ غِنَسُ، ذَاعَ سَاكٜىٰيِنْ غِنِ عَكَنْ ڟُواْڢَڢِّنْ تُوشٜىٰنْ غِنٜىٰ غِنٜىٰنْ دَا؞ ذَاعَثٜىٰ دَكُو مَاسُ ڠَرَنْ غِدَاجٜىٰ، دَ مَاسُ سَابُنْتَا تِتُنَ؞

¹³ ‏«‏سَيْ كُدَيْنَ ڧَظَنْتَرْدَ رَانَرْ هُوتُ تَمَكُواْ، كُدَيْنَبِنْ جِنْ دَاطِنْكُ أَوَنَّنْ رَانَ مَيْ ڟَرْكِے؞ كُمَيْدَ رَانَرْ هُوتُنَ أَبِنْ ڢَضٍ ثِكِ، كُغِرْمَمَ رَانَرْ أَمَڟَيِنْ مَيْ ڟَرْكِے؞ كُدَرَجَنْتَرْ دَ عِتَ، كُنَ دَيْنَبِنْ هَنْيُواْيِنْ نُڢِنْ كَنْكُ، كُنَ دَيْنَبِنْ جِنْ دَاطِنْكُ، كُنَ يِنْ مَغَنْ‌غَنُنْ بَنْظَ؞

¹⁴ عِدَنْ كُنْيِ حَكَ، تُواْ، ذَاكُجِ دَاطِنَ نِے يَهْوٜىٰهْ؞ نِے ذَنْسَاكُ أَ مَطَوْكَكَنْ وُرَارٜىٰ عَدُونِيَا؞ ذَاكُجِ دَاطِنْ غَادُوانْكُ، غَادُواْ دَغَ حَنُّنْ كَكَنْكُ يَعْڧُوبَ؞ نِے يَهْوٜىٰهْ نَا ڢَطَا؞»‏