عِشَايَ 54 - أَتَّوْرَتْ دَ أَنَّبَاوَاسَابُنْتَاوَرْ يَرْجٜىٰجٜىٰنِيَرْ يَهْوٜىٰهْ دَ جَمَعَرْسَ 1 إِنْجِ يَهْوٜىٰهْ، «يِوَاڧَا، يَا كٜىٰ عُرُوشَلِيمَ، كٜىٰ دَ دَا كِكٜىٰ كَمَرْ مَثٜىٰ مَرَرْ حَيْڢُوَ! كِٻَرْكٜىٰ دَ وَاڧَا كِنَ إِيهٌ ڢَضٍ ثِكِ، كٜىٰ دَ بَاكِ تَٻَ نَڧُدَ بَ! غَمَا یَیَنْ مَثٜىٰ مَيْ بَڧِنْ ثِكِنْ رَشِنْ حَيْڢُوَ، ذَاسُيِيَوَ ڢِيٜىٰدَ نَمَاتَرْ عَوْرٜىٰ؞ 2 كِڧَارَ ڢَاطِنْ تٜىٰنْتِنْكِ، كِبُوطٜىٰ لَبُلٜىٰنْ تٜىٰنْتِنْكِ دَ ڢَاطِ، كِبَادَ كَنْكِ طُنْغُمْ؞ كِڧَارَ ڟَوُانْ إِغِيُواْيِنْكِ، كِڧَارَ ڧَرْڢِنْ ڧُوسَرْ كَڢَ تٜىٰنْتِنْكِ؞ 3 غَمَا ذَاكِ يَطُ أَغٜىٰڢٜىٰنْ دَامَ دَ نَهَغُ، ذُرِيَرْكِ ذَاسُ غَاجِ ڧَسَاشٜىٰنْ أَلْعُمَّيْ، ذَاسُثِكَ غَرُضُوً دَ دَا بَا كُواْوَ؞ 4 «كَدَ كِجِڟُواْرُواْ، غَمَا بَذَاكِ كُنْيَاتَبَ، كَدَ كِيِ ڢَرْغَبَ، بَذَاعَ ڧَسْڧَنْتَرْ دَكٜىٰبَ؞ ذَاكِ مَنْتَادَ كُنْيَرْ دَ كِكَ شَا أَ لُواْكَثِنْ دَ عَكَ ڧِيكِ عَڧُرُثِيَرْكِ، ذَاكِ مَنْتَادَ كُنْيَرْ ذَمَنْ كَطَيْثِنْكِ، إِرِنْ نَمَثٜىٰنْ دَ مِجِنْتَ يَمُتُ؞ 5 غَمَا مَحَلِثِّنْكِ شِينٜىٰ مِجِنْكِ، سُونَنْسَ يَهْوٜىٰهْ مَيْ ضُنْدُنَا! مَيْ ڟَرْكِے نَ إِسْرَٰٓءِيلَ شِينٜىٰ مَيْ ڢَنْسَرْكِے، شِينٜىٰ عَكٜىٰ ثٜىٰ دَشِ اللَّهْ نَدُكَنْ دُونِيَا؞ 6 غَمَا يَهْوٜىٰهْ يَاكِرَكِ كِدَاوُاْ كَمَرْ مَثٜىٰنْ دَ دَا أَنْيَاشٜىٰتَ، أَنْبَرْ تَثِكِنْ بَڧِنْ ثِكِ، كَمَرْ مَاتَرْ دَ مِجِنْتَ يَڧِتَ عَڧُرُثِيَرْتَ،» إِنْجِ اللَّهْ نْكِ؞ 7 «أَ طَنْ ڧَرَمِنْ لُواْكَثِ نَيَاشٜىٰكِ، عَمَّا ثِكِنْ تَوْسَيِ مَيْ يَوَ، ذَنْ دَاوُاْ دَكٜىٰ؞ 8 عَثِكِنْ ڟَنَنِنْ ڢُشِے نَطَنْ لُواْكَثِ نَٻُواْيٜىٰ ڢُسْكَتَ دَغَ غَرٜىٰكِ، عَمَّا ثِكِنْ ڧَوْنَ مَرَرْ ثَنْجَاوَا ذَنْ نُونَ مِكِ تَوْسَيِ حَرْ أَبَدَا؞ نِے يَهْوٜىٰهْ مَيْ ڢَنْسَرْكِے نَا ڢَطَا؞ 9 «أَ زَامَانِنْ نُوحُ، نَيِ ضَنْڟُوَا ثٜىٰوَ بَذَاعَ ڧَارَ رُڢٜىٰ دُونِيَا دُكَ دَ ضُوَيٜىٰبَ، بَذَاعَ كُمَ ڧَارَ يِنْ أَمْبَلِيَرْ ضُوَبَ؞ أَغَرٜىٰنِ، وَنَّنْ كَمَرْ زَامَانِنْ ثَنْ نٜىٰ؞ دَ حَكَ، نَيِ ضَنْڟُوَا ثٜىٰوَ بَذَنْ سَاكٜىٰيِنْ ڢُشِے دَكٜىٰبَ، كُواْ إِنْ ڟَاوَتَا مِكِ؞ 10 غَمَا مَنْيَنْ تُدَّيْ ذَاسُ عِيَ ٻَثٜىٰوَ ذَاعَ عِيَ كَوَرْدَ تُدَّيْ، عَمَّا ڧَوْنَتَ مَرَرْ ثَنْجَاوَا بَذَاتَ رَبُ دَكٜىٰبَ، يَرْجٜىٰجٜىٰنِيَتَ تَسَلَمَ مَا بَذَاعَ كَوَرْدَ عِتَبَ، إِنْجِنِ يَهْوٜىٰهْ وَنْدَ يَكٜىٰ نُونَ مِكِ تَوْسَيِ؞» 11 يَهْوٜىٰهْ يَاثٜىٰ، «يَا كٜىٰ عُرُوشَلِيمَ، مَيْ شَنْ وَهَلَ، بِرْنِنْ دَ هَدَرِ دَ غُوغُوَ سُكٜىٰ جُويٜىٰوَ، بِرْنِنْ دَ بَابُ مَيْيِ مَتَ تَعَظِيَّ، بَابُ شَكَّ ذَنْ كَڢَ تُوشٜىٰنْكِ دَ دُوَڟُو، دَ دُوَڟُو مَاسُ دَرَجَ كَمَرْ سَڢَّيَ؞ 12 ذَنْ غِنَا كَتَنْغَرْكِ دَ جَجَّيٜىٰنْ دُوَڟُو مَاسُ دَرَجَ، ڧُواْڢُواْڢِنْكِ كُمَ دَ دُوَڟُو مَاسُ حَصْكٜىٰنْ وُتَا، بَنْغُوانْ غِدَاجٜىٰنْكِ مَا دَ دُوَڟُو مَاسُ ڨَلِّ؞ 13 دُكَنْ یَیَنْكِ كُوَ، نِے يَهْوٜىٰهْ نٜىٰ ذَنْ كُواْيَرْ دَسُو، ذَاسُ كُوَ يَلْوَتَ ثِكِنْ سَلَمَ؞ 14 ثِكِنْ يِنْ أَدَلْثِے دَ غَسْكِيَ ذَاكِ كَڢُ؞ دَنِّيَ ذَاتَ يِنٜىٰسَ دَكٜىٰ، بَذَاكِ جِڟُواْرُوانْ كُواْمٜىٰبَ، بَرَظَنَ ذَاتَ يِنٜىٰسَ دَكٜىٰ؞ 15 بَاشَكَّ عِدَنْ وَنِ يَكَٰوُاْ مِكِ ڢَطَ، بَ دَغَ وُرِينَ بَنٜىٰ؞ دُكْ وَطَنْدَ سُكَ تَارُ دُواْمِنْ سُيَاڧٜىٰكِ، بَذَاسُيِ نَصَرَبَ؞ 16 غَاشِ، نِے نَا حَلِثِّ مَڧٜىٰرِ وَنْدَ يَكَنْ هُورَ وُتَا يَڧٜىٰرَ كَايَنْ يَاڧِ دُواْمِنْ عَيْكِنْسُ؞ نِے كُمَ نَحَلِثِّ سُواْجَ يَيِ أَمْڢَانِ دَ كَايَنْ يَاڧِنْ دُواْمِنْ كَشٜىٰوَ؞ 17 عَمَّا بَابُ كَايَنْ يَاڧِنْ دَ عَكَ ڧٜىٰرَ دُواْمِنْ عَيَاڧٜىٰكِ وَنْدَ ذَيْ يِنَصَرَا، بَابُ ڧَارَرْ دَ عَكَيِ عَكَنْكِ وَدَّ بَذَاكِ عِيَ ثِنْ نَصَرَا عَكَنْتَبَ؞ وَنَّنْ رَبُوانْ غَادُواْ نٜىٰ نَبَيِنَ، ݣَوْتَثٜىٰ تَذَمَنْ مَرَرْ لَيْڢِے دَغَ وُرِينَ؞ نِے يَهْوٜىٰهْ نَا ڢَطَا؞» |
Hausa Common Language Ajami Bible © The Bible Society of Nigeria, 2020
Bible Society of Nigeria