عِشَايَ 53 - أَتَّوْرَتْ دَ أَنَّبَاوَا

¹ وَ ذَيْ غَسْكَتَ أَبِنْدَ مُكَجِ؟ غَ وَ عَكَ بَيَّنَ مَسَ أَبِنْدَ حَنُّنْ يَهْوٜىٰهْ يَعَيْكَتَ؟

² بَاوَنْ يَيِ غِرْمَ أَغَبَنْ يَهْوٜىٰهْ كَمَرْ طَنْ ڟِرُواْ، كَمَرْ تُوشٜىٰنْدَ يَڟِيرَا عَبُوسَشِّيَرْ ڧَسَا؞ بَ شِ دَ صِڢَّ مَيْݣَوْ كُواْ دَرَجَرْ دَ ذَاتَ جَا حَنْكَلِنْمُ وُرِنْسَ، بَ شِ دَ كَمَنِّ مَيْ شَعَوَرْ غَنِنْ دَ ذَيْسَا مُسُواْ شِ؞

³ عَكَ رٜىٰنَ شِ عَكَ كُمَ ڧِيشِ، مُتُمْ مَيْ ثِكٜىٰ دَ بَڧِنْ ثِكِ، وَنْدَ يَسَابَادَ شَنْ وَهَلَ؞ دَ غَنِنْسَ، مُتَنٜىٰ سُكَ كَوَرْدَ ڢُسْكَرْسُ، عَكَ رٜىٰنَ شِ، عَكَ طَوْكٜىٰشِ كَمَرْ شِ بَ كُواْمٜىٰبَ؞

⁴ عَمَّا دُكْدَهَكَ يَطَوْكِ ثِيوُانْمُ، يَكُمَ طَوْكِ ثُوتُتُّكَنْمُ؞ عَمَّا عَتُنَانِنْمُ، عَذَابَرْسَ حُكُنْثِ نٜىٰ، وَهَلَ ثٜىٰ دَغَ وُرِنْ اللَّهْ؞

⁵ عَمَّا أَنْسُواْكٜىٰشِ سَبُواْدَ ذُنُبَنْمُ، عَكَيِ مَسَ رَوْنِ سَبُواْدَ لَيْڢُواْڢِنْمُ؞ حُكُنْثِنْدَ يَشَا نٜىٰ، يَكَٰوُاْ سَلَمَرْمُ، دُوكَنْ دَ عَكَيِ مَسَ نٜىٰ، يَكَٰوُاْ مَنَ وَرْكٜىٰوَ؞

⁶ دُكَنْمُ كَمَ دَ تُمَكِنْ دَ سُكَ ٻَتَ، كُواْوَنّٜىٰنْمُ يَجُويَ يَنَ بِنْ حَنْيَرْسَ؞ سَيْ يَهْوٜىٰهْ يَسَا عَكَنْسَ لَيْڢِنْدَ يَكَمَاتَ يَذَوْنَ عَكَنْمُ دُكَ؞

⁷ عَكَيِ مَسَ دَنِّيَ، عَكَ بَاشِ وَهَلَ، بَيْ كُواْ بُوطٜىٰ بَاكِنْسَ يَثٜىٰ كُواْمٜىٰبَ؞ كَمَرْ طَنْ ضَغُوانْ دَ عَكٜىٰ كَيْوَ وُرِنْ يَنْكَ، كَمَرْ تُنْكِيَ أَغَبَنْ مَاسُ أَسْكٜىٰ غَاشِنْتَ، بَيْ كُواْ بُوطٜىٰ بَاكِنْسَ يَثٜىٰ كُواْمٜىٰبَ؞

⁸ تَوُرِنْ رَشِنْ غَسْكِيَرْ شَرِيعَ، عَكَ تَڢِے دَشِ دُواْمِنْ عَكَشٜىٰ؞ أَ زَامَانِنْسَ وَ يَدَامُ دَشِ؟ غَمَا عَكَ كَوَرْ دَشِ دَغَ دُونِيَرْ مَاسُ رَيْ، عَكَ كَشٜىٰشِ سَبُواْدَ ذُنُبَنْ مُتَنٜىٰنَ؞

⁹ عَكَيِ كَبَرِنْسَ تَرٜىٰدَ نَمُوغَيٜىٰ، عَكَ بِنّٜىٰشِ أَوُرِنْ مَيْ أَرْزِڧِ، كُواْدَيَكٜىٰ بَيْتَٻَيِنْ رَشِنْ غَسْكِيَ، كُواْ يَيِ ڧَضْيَابَ؞

¹⁰ عَمَّا نُڢِنْ يَهْوٜىٰهْ نٜىٰ عَيِمَسَ رَوْنِ، نُڢِنْسَ نٜىٰ عَيِ مَسَ ثِيوُاْ؞ سَعَدَّ يَبَادَ رَنْسَ هَدَايَ تَكَوَرْدَ لَيْڢِے، ذَيْ غَ ذُرِيَرْسَ يَيِ ڟَوُانْ رَيْ؞ تَوُرِنْسَ كُوَ نُڢِنْ يَهْوٜىٰهْ ذَيْثِكَ؞

¹¹ بَايَنْ شَنْ وَهَلَرْسَ، ذَيْسَاكٜىٰ غَنِنْ حَصْكٜىٰ، ذَيْغَانٜىٰ ثٜىٰوَ وَهَلَرْدَ يَشَا بَتَبَنْظَ بَثٜىٰ؞ بَاوَنَ مَيْ أَدَلْثِے يَمَيْدَ مُتَنٜىٰ دَيَوَ مَاسُ أَدَلْثِے، يَطَوْكِ لَيْڢُواْڢِنْسُ؞

¹² سَبُواْدَ حَكَ ذَنْبَاشِ رَبُواْ مَيْ يَوَ، ذَيْسَامِ جَمَعَ مَاسُيَوَ رَبُوانْسَ نَيَاڧِ؞ غَمَا دَ يَرْدَرْسَ يَبَادَ رَنْسَ يَمُتُ، أَنْلِسَّڢْتَ شِ عَثِكِنْ مَاسُ ذُنُوبِ، عَمَّا يَطَوْكِ لَيْڢُواْڢِنْ مُتَنٜىٰ دَيَوَ، يَكُمَيِ ضُواْڧُواْ دُواْمِنْ مَاسُ ذُنُوبِ؞