عِشَايَ 52 - أَتَّوْرَتْ دَ أَنَّبَاوَا

شٜىٰلَرْ سَلَمَ غَ عُرُوشَلِيمَ

¹ كِتَاشِ، كِتَاشِ!‏ يَا سِهِيُواْنَ، كِڧَرْڢَڢَ كَنْكِ!‏ كِسَنْيَ رِيغُنَنْكِ مَاسُ ݣَوْ، يَا عُرُوشَلِيمَ بِرْنِ مَيْ ڟَرْكِے؞ غَمَا أَرْنَ مَرَسَ كَاثِيَ دَ مَاسُ ڧَظَنْتَا بَذَاسُ سَاكٜىٰ شِغَ تَڧُواْڢُواْڢِنْكِبَ؞

² يَا كٜىٰ عُرُوشَلِيمَ، كِتَاشِ، كِكَكَّٻٜىٰ ڧُورَرْ دَتَكٜىٰ عَكَنْكِ، كِهَوْ كَنْ كُجٜىٰرَرْ مُلْكِ كِذَوْنَ؞ يَا كٜىٰ ذُوثِيَاتَ سِهِيُواْنَ، وَدَّ عَكَ كَامَ، كِكُنْثٜىٰ سَرْڧُواْڧِنْ دَ سُكَ طَوْرٜىٰ وُيَنْكِ!‏

³ غَمَا إِنْجِ يَهْوٜىٰهْ، ‏«‏بَعَسَيَرْ دَكٜىٰ عَكَنْ وَنِ كُطِ بَ، حَكَ كُوَ ذَاعَ ڢَنْشٜىٰكِ بَ دَ كُطِبَ؞»‏

⁴ غَمَا إِنْجِ عُبَنْ‌غِجِ يَهْوٜىٰهْ، ‏«‏أَ دَا جَمَعَتَ سُنْ غَنْ‌غَرَ ذُوَا مَصَرْ، سُكَيِ ذَمَنْ بَڧُنْثِ عَثَنْ؞ دَغَ بَايَ أَسُّرِيَاوَا كُمَ سُكَيِ مُسُ دَنِّيَ بَابُ دَلِيلِ؞

⁵ عَمَّا عَثِكِنْ دُكَنْ وَطَنَّنْ أَبُبُوَ، مٜىٰنٜىٰنٜىٰ أَمْڢَانِ؟ غَاشِ، أَنْݣُوشِ مُتَنٜىٰنَ بَابُ دَلِيلِ، مَاسُ مُلْكِ عَكَنْسُ سُنَيِ مُسُ غُواْرِ، دُكَنْ يِنِ كُمَ أَنَ تَرٜىٰنَ سُونَنَ؞

⁶ حَڧِيڧَ، مُتَنٜىٰنَ ذَاسُ سَنْ دَرَجَرْ سُونَنَ، أَ رَانَرْ نَنْ ذَاسُ سَنِ نِنٜىٰ إِنَ تَثٜىٰوَ ‏‹‏غَا نِے نَنْ؞›‏ »‏

⁷ إِنَا مِصَالِنْ بَنْ شَعَوَرْ وَنَّنْ؟ مَيْ كَٰوُاْ لَابَرِ مَيْ دَاطِے دَغَ كَنْ تُدَّيْ، مَيْ شٜىٰلَرْ سَلَمَ، مَيْ كَٰوُاْ لَابَرِ مَيْ دَاطِے، مَيْ شٜىٰلَرْ ثٜىٰتُواْ، مَيْڢَطَا وَ سِهِيُواْنَ ‏«‏اللَّهْ نْكِ يَنَ مُلْكِ!‏»‏

⁸ سَوْرَرَ!‏ یَنْ سِنْتِرِنْكُ سُنَ تَادَ مُرْيُواْيِنْسُ، سُنَ رٜىٰرَ وَاڧُواْڧِنْ ڢَضٍ ثِكِ تَرٜىٰ، غَمَا دَ عِدَنُونْسُ سُنَ غَنِنْ كُواْمُواْوَرْ يَهْوٜىٰهْ ذُوَا سِهِيُواْنَ!‏

⁹ كُٻَرْكٜىٰ دَ مُرْيُواْيِنْ مُرْنَ، كُو وُرَارٜىٰنْ عُرُوشَلِيمَ دَ عَكَ هَلَّكَ!‏ غَمَا يَهْوٜىٰهْ يَاتَعَظَنْتَرْ دَ جَمَعَرْسَ، يَڢَنْشِ عُرُوشَلِيمَ؞

¹⁰ يَهْوٜىٰهْ يَا مِيڧَ حَنُّنْسَ مَيْ ڟَرْكِے دُواْمِنْ يَنُونَ إِيكُوانْسَ أَعِدَانُنْ دُكَنْ أَلْعُمَّيْ؞ دُكَنْ إِيَاكَرْ دُونِيَا كُوَ ذَاسُ غَا ثٜىٰتُوانْ دَ اللَّهْ نْمُ يَعَيْكَتَ؞

¹¹ يَا جَمَعَتَ، كُڢِتَ، كُڢِتَ، كُبَرْ بَابِيلَ!‏ كَدَ كُتَٻَ وَنِ أَبِنْ ڨَمَ!‏ كُڢِتَ دَغَ بِرْنِنْ، كُڟَبْتَثٜىٰ كَنْكُ، كُو دَ كُكٜىٰ طَوْكَرْ كَايَنْ حِدِمَرْ سُجَّدَ دَ عَكَ كٜىٰٻٜىٰ غَ يَهْوٜىٰهْ؞

¹² أَوَنَّنْ لُواْكَثِ، بَذَاكُ ڢِتَ دَ غُدُبَ، كُواْ كُيِ ڧُواْڧَرِنْ ڟٜىٰرٜىٰوَبَ، غَمَا يَهْوٜىٰهْ نٜىٰ ذَيْ جَغُواْرَنْثٜىٰكُ، اللَّهْ نَ إِسْرَٰٓءِيلَ ذَيْ كِيَايٜىٰكُ تَكُواْوَنٜىٰ غٜىٰڢٜىٰ؞

وَاڧَ تَهُطُ تَذَاٻَٻّٜىٰنْ بَاوَنْ يَهْوٜىٰهْ

¹³ يَهْوٜىٰهْ يَاثٜىٰ، ‏«‏غَاشِ، بَاوَنَ ذَيْ يِنَصَرَا ثِكِنْ عَيْكِنْسَ، ذَاعَ طَوْكَكَ شِ، عَبَاشِ دَرَجَ، ذَاعَ كُمَ غِرْمَمَشِ ڨُورَيْ؞

¹⁴ مُتَنٜىٰ دَيَوَ سُكَ رَسَ أَبِنْ ڢَطَا سَعَدَّ سُكَ غَنْ شِ، يَدَّ عَكَ ٻَاتَ مَسَ كَمَنِّ حَرْ صِڢَّرْسَ تَذَمَ بَكَمَرْ تَمُتُمْبَ؞

¹⁵ حَكَ نَنْ ذَيْسَا أَلْعُمَّيْ دَيَوَ سُرِڧٜىٰ بَاكِ دُوانْ مَامَاكِ، سَرَاكُنَ كُوَ ذَاسُ رَسَ أَبِنْ ڢَطَا سَبُواْدَ مَامَاكِ عَكَنْسَ؞ غَمَا أَبِنْدَ بَعَتَٻَ ڢَطَا مُسُبَ، ذَاسُ غَنِ، أَبِنْدَ كُمَ بَسُ تَٻَ جِنْ لَابَرِنْسَبَ، ذَاسُ غَانٜىٰ؞»‏