عِشَايَ 51 - أَتَّوْرَتْ دَ أَنَّبَاوَاكَلْمُواْمِنْ تَعَظِيَّ غَ مُتَنٜىٰنْ يَهْوٜىٰهْ 1 كُجِنِ، كُو دَ كُكٜىٰ سَا كَيْ غَ نٜىٰمَنْ يِنْ أَدَلْثِے، كُو دَ كُكٜىٰ نٜىٰمَنْ تَيْمَكُوانْ يَهْوٜىٰهْ؞ كُيِ تُنَانِ عَكَنْ دُوڟٜىٰ عِنْدَ عَكَ سَسَّڧَكُ، دَ ݣُورِنْ دُووَڟُنْ دَ عَكَ هَڧَكُ؞ 2 كُيِ تُنَانِنْ إِبْرَٰهِيمْ بَابَنْكُ، دَ سَارَةُ وَدَّ تَحَيْڢٜىٰكُ؞ غَمَا لُواْكَثِنْدَ نَكِرَشِ، شِے طَيَ نٜىٰ، عَمَّا نَأَلْبَرْكَثٜىٰشِ نَسَا ذُرِيَرْسَ تَيِيَوَ؞ 3 حَڧِيڧَ يَهْوٜىٰهْ ذَيْ تَعَظَنْتَرْدَ سِهِيُواْنَ؞ دَ عِدُوانْ تَوْسَيِ، ذَيْ دُوبِے وُرَارٜىٰنْتَ دَ سُكَ ذَمَ كُڢَيْ؞ كُواْدَيَكٜىٰ ڧَسَرْتَ كَمَرْ هَمَادَثٜىٰ يَنْذُ، يَهْوٜىٰهْ ذَيْسَا تَذَمَ كَمَرْ غُواْنَرْ عَيْدَنْ، دَاجِنْتَ كُمَ كَمَرْ غُواْنَرْ يَهْوٜىٰهْ؞ ڢَضٍ ثِكِ دَ مُرْنَ ذَاسُ كَسَنْثٜىٰ عَثِكِنْتَ، دَ وَاڧُواْڧِنْ غُواْدِيَ دَ مُرْيُواْيِ مَاسُ دَاطِے؞ 4 كُجِنِ، يَا مُتَنٜىٰنَ، كُسَوْرَرَتَ، يَا أَلْعُمَّتَ؞ غَمَا كُواْيَرْوَا ذَاتَ ڢِتُواْ دَغَ وُرِينَ، دَ سَوْرِ غَسْكِيَتَ ذَاتَ ذَمَ حَصْكٜىٰ غَ ڧَبِيلُ؞ 5 أَدَلْثِنَ يَنَ ذُوَا دَ سَوْرِ، ثٜىٰتُواْنَ يَڢِتَ يَنَ عَكَنْ ذُوَا، دَ إِيكُوانْ هَنُّونَ ذَنْيِ شَرِيعَرْ غَسْكِيَ غَ ڧَبِيلُ؞ يَنْكُنَنْ بَاكِنْ تٜىٰكُ سُنَ جِضَانْ ذُوَانَ، سُنَ سَا ذُوثِيَا غَ عَيْكِنْ دَ هَنُّونَ ذَيْ يِ؞ 6 كُطَغَ عِدَنُونْكُ كُدُوبِے سَمَّيْ، كُكُمَ دُوبِے دُونِيَا عَڧَسَا؞ غَمَا سَمَّيْ ذَاسُ ٻَثٜىٰ كَمَرْ هَيَاڧِے، دُونِيَا كُمَ ذَاتَ ڟُوڢَ كَمَرْ رِغَا، مَاسُ ذَمَ عَثِكِنْتَ مَا ذَاسُ ٻَثٜىٰ حَكَنَنْ؞ عَمَّا ثٜىٰتُواْنَ ذَيْ كَسَنْثٜىٰ حَرْ أَبَدَا، أَدَلْثِنَ كُمَ بَذَاعَ كَوَرْ دَشِيبَ؞ 7 كُجِنِ، كُو دَ كُكٜىٰ سَنِنْ يِنْ أَدَلْثِے، كُو مُتَنٜىٰنْ دَ كُكٜىٰ رِڧٜىٰ دَ كُواْيَرْوَاتَا أَ ذُوثِيَارْكُ! كَدَ كُجِڟُواْرُوانْ شَنْ كُنْيَا دَغَ مُتَنٜىٰ، كَدَ كُيِ ڢَرْغَبَ سَبُواْدَ ذَاغٜىٰ ذَاغٜىٰنْسُ؞ 8 غَمَا ذَاعَ ثِنْيٜىٰسُ كَمَرْ يَدَّ غَضَ سُكٜىٰ ثِنْيٜىٰ رِغَا، ذَاعَ ثِنْيٜىٰسُ كَمَرْ يَدَّ ڟُڟَ تَكٜىٰ ثِنْيٜىٰ أَوْدُغَ؞ عَمَّا أَدَلْثِنَ ذَيْ كَسَنْثٜىٰ حَرْ أَبَدَا، ثٜىٰتُواْنَ كُمَ دَغَ ڟَارَا ذُوَا ڟَارَا؞ 9 كَتَاشِ، كَتَاشِ، كَنُونَ ڧَرْڢِنْكَ! يَا حَنُّ مَيْ إِيكُواْ نَ يَهْوٜىٰهْ، كَتَاشِ كَمَرْ يَدَّ كَيِ عَݣُونَكِنْ دَا، كَمَرْ يَدَّ كَيِ أَ ذَامَانَنْ دَا؞ بَهَنُّنْكَ مَيْ إِيكُواْ نٜىٰ يَكَشٜىٰ دُواْدُوانْ ضُوًنَنْ رَاهَڢْ بَ؟ بَكَيْنٜىٰ كَايِ وَ دُواْدُواْنَّنْ مَيْ صِڢَّرْ مَثِيجِ ثِيوُاْبَ؟ 10 بَكَيْنٜىٰ كَا بُوسَرْ دَ تٜىٰكُبَ؟ بَكَيْنٜىٰ كَا بُوسَرْ دَ ضُوَيٜىٰ مَاسُ ظُرْڢِبَ؟ بَكَيْنٜىٰ كَا مَيْدَ تٜىٰكُ تَذَمَ حَنْيَ دُواْمِنْ وَطَنْدَ كَڢَنْسَ سُڧٜىٰتَرٜىٰبَ؟ 11 عِ، وَطَنْدَ يَهْوٜىٰهْ يَڢَنْسَ ذَاسُ دَاوُاْ، ذَاسُذُواْ عُرُوشَلِيمَ دَ وَاڧُواْڧِ، دَ ڢَضٍ ثِكِ مَرَرْ ڧَارٜىٰوَ؞ ذَاسُ سَامِ ڢَضٍ ثِكِ دَ مُرْنَ، بَڧِنْ ثِكِ دَ نِيشِ ذَاسُ ٻَثٜىٰ؞ 12 إِنْجِ يَهْوٜىٰهْ، «نِے يَهْوٜىٰهْ، نِنٜىٰ مَيْ تَعَظَنْتَرْ دَكَيْ؞ دُوانْمٜىٰ كَكٜىٰ جِنْ ڟُواْرُوانْ طَنْ أَدَمْ مَيْ مُتُوَ، وَنْدَ بَيْڢِے ثِيَوَ ڟَوُانْ رَيْبَ؟ 13 دُوانْمٜىٰ كَكٜىٰ مَنْتَاوَا دَ يَهْوٜىٰهْ مَحَلِثِّنْكَ، وَنْدَ يَشِمْڢِطَا سَمَّيْ، وَنْدَ كُمَ يَكَڢَ تُوشٜىٰنْ دُونِيَا؟ دُوانْمٜىٰ كَكٜىٰ تَجِنْ ڟُواْرُوانْ ڢُشِنْ وَنْدَ يَكٜىٰيِ مَكَ دَنِّيَ، وَنْدَ يَكٜىٰ أَشِرْيٜىٰ يَهَلَكَاكَ؟ عَمَّا ڢُشِنْ مَيْيِ مَكَ دَنِّيَ بَذَيْ يِمَكَ كُواْمٜىٰبَ! 14 وَطَنْدَ سُكٜىٰ أَطَوْرٜىٰ، ذَاعَ سَكٜىٰسُ بَدَ دَطٜىٰوَبَ، بَذَاسُ مُتُبَ، بَ كُوَ ذَاسُ شِغَ رَامِنْ مُتُوَبَ، بَذَاسُ رَسَ عَبِنْثِنْ دَسُكٜىٰ بُڧَاتَبَ؞ 15 غَمَا نِنٜىٰ يَهْوٜىٰهْ اللَّهْ نْكَ، وَنْدَ يَتَادَ تٜىٰكُ حَرْ رَاڧُمَنْ ضُوَ سُكَيِ رُورِ؞ سُونَنَ نٜىٰ يَهْوٜىٰهْ مَيْ ضُنْدُنَا؞ 16 نَسَا مَغَنَاتَ عَثِكِنْ بَاكِنْكَ، نَٻُواْيٜىٰكَ عَڧَرْڧَشِنْ إِنُوَرْ هَنُّونَ؞ نِے وَنْدَ نَشِمْڢِطَا سَرَرِنْ سَمَّيْ نَكُمَ كَڢَ تُوشٜىٰنْ دُونِيَا، نِے نَا ثٜىٰ وَ سِهِيُواْنَ، ‹كٜىٰ جَمَعَتَثٜىٰ؞› » ڢُشِنْ اللَّهْ عَكَنْ عُرُوشَلِيمَ يَهُوثٜىٰ 17 يَا عُرُوشَلِيمَ، كِتَاشِ، كِتَاشِ! كِمِيڧٜىٰ ڟَيٜىٰ! كٜىٰ دَكِكَ شَا ݣُوڢْ نَڢُشِنْ يَهْوٜىٰهْ، كٜىٰ دَكِكَشَا ݣُوڢْ نَحُكُنْثِ دَغَ حَنُّنْسَ، كِنْ شَنْيٜىٰشِ دُكَ، يَكُوَ سَا كِيِ تَنْغَطِ؞ 18 ثِكِنْ دُكَنْ یَیَنْ دَ كِكَ حَيْڢَ، بَابُوَنْدَ ذَيْ نُونَ مِكِ حَنْيَ؞ ثِكِنْ دُكَنْ یَیَنْ دَ كِكَيِ رٜىٰنُوانْسُ، بَابُوَنْدَ ذَيْ كَامَ حَنُّنْكِ؞ 19 أَبُبُوَ بِيُنَّنْ سُنْ ڢَاطُواْ مِكِ، وَ ذَيْجِے تَوْسَيِنْكِ؟ مَسِيڢَ دَ هَلَّكَرْوَ، يُنْوَ دَ يَاڧِ، وَ ذَيْ تَعَظَنْتَرْ دَكٜىٰ؟ 20 یَیَنْكِ سُنَ سُومَ، سُنَ ݣُونْثِيَ عَكُواْوَثٜىٰ ݣُونَ تَتِيتِ؞ سُنْ ذَمَ كَمَرْ بَرٜىٰوَ عَثِكِنْ تَرْكُواْ، وَدَّ بَاتَدَ ڧَرْڢِنْ يِنْ وَنِ أَبُ؞ سُنْ ڧُواْشِ دَ ڢُشِنْ يَهْوٜىٰهْ، دَ ڟَاوَتَرْوَرْ اللَّهْ نْكِ؞ 21 سَبُواْدَ حَكَ كُجِ وَنَّنْ، كُو مَاسُ شَنْ وَهَلَ، كُو دَ كُكَ بُغُ، عَمَّا بَاتَرٜىٰدَ شَنْ ضُوً إِنَبِبَ؞ 22 إِنْجِ عُبَنْغِجِنْكِ يَهْوٜىٰهْ، اللَّهْ نْكِ وَنْدَ يَكٜىٰ كَارٜىٰ جَمَعَرْسَ، «غَاشِ، نَطَوْكَ دَغَ حَنُّنْكِ ݣُوڢْ نَتَنْغَطِ، بَذَاكِ سَاكٜىٰ شَنْ ضُوً ݣُوڢْ نَڢُشِنَبَ؞ 23 ذَنْسَا ݣُوڢْ أَ حَنُّنْ مَاسُبَاكِ وَهَلَ، وَطَنْدَ سُكَثٜىٰ مِكِ، ‹كِݣُونْتَ مُيِ تَڢِيَ عَكَنْكِ؞› تَهَكَ كِكَ مَيْدَ بَايَنْكِ كَمَرْ تِيتِ، سُكَ تَتَّاكٜىٰكِ، سَيْكَثٜىٰ كٜىٰ ڧُورَرْ ڧَسَاثٜىٰ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria