عِشَايَ 5 - أَتَّوْرَتْ دَ أَنَّبَاوَا

وَاڧَرْ غُواْنَرْ إِنَبِے

¹ نِے ذَنْ رٜىٰرَ وَاڧَا دُواْمِنْ وَنْدَ نَكٜىٰ ڧَوْنَ غَمٜىٰدَ ڧَوْنَرْسَ غَ غُواْنَرْ إِنَبِنْسَ؞ وَنْدَ نَكٜىٰ ڧَوْنَ يَنَدَ غُواْنَرْ إِنَبِے عَڧَسَا مَيْ بَادَ أَمْڢَانِ أَغٜىٰڢٜىٰنْ تُدُ؞

² يَيِ كَڢْتُنْ ڧَسَرْ، يَثِثِّرٜىٰ دُووَڟُنْ، يَدَدَّسَ عِتَتُوَنْ إِنَبِے مَڢِے ݣَوْ؞ يَغِنَ طَاكِنْ مَيْغَادِ، يَحَڧَ وُرِنْ مَڟٜىٰوَرْ یَیَنْ إِنَبِے عَثِكِ؞ يَسَ ذُوثِيَا ذَاتَ بَادَ یَیَنْ إِنَبِے مَاسُ ذَاڧِ، عَمَّا سَيْ تَبَا یَیَنْ إِنَبِے مَاسُ طَاثِ؞

³ سَيْ وَنْدَ نَكٜىٰ ڧَوْنَ يَثٜىٰ، ‏«‏كُو مَذَوْنَنْ عُرُوشَلِيمَ دَ نَ يَهُودَ، كُشَرْعَنْتَ ڟَكَانِينَ دَ غُواْنَرْ إِنَبِنَ؞

⁴ أَغَنِنْكُ، أَݣَويْ أَبِنْدَ بَنْ يِمَتَبَ؟ نَسَا ذُوثِيَا ذَاتَ بَادَ یَیَنْ إِنَبِے مَاسُ ذَاڧِ، سَيْ تَبَادَ مَاسُ طَاثِ؞

⁵ ‏«‏تُواْ يَنْذُ، ذَنْ ڢَطَا مُكُ أَبِنْدَ ذَنْيِ دَ غُواْنَرْ إِنَبِنَ؞ ذَنْ ثِرٜىٰ كَتَنْ‌غَرْتَ، ذَاعَ رُشٜىٰتَ؞ ذَنْ رُشٜىٰ بَنْ‌غُوانْتَ، ذَاعَ كُوَ تَتَّاكٜىٰتَ؞

⁶ ذَنْ مَيْدَ عِتَ وُرِنْ بَنْظَ، بَذَاعَ ڠَرَ كُواْ نُواْمٜىٰتَبَ، ڧَيُواْيِ دَ وُتَا وُتَا ذَاسُ رُڢٜىٰتَ؞ ذَنْ عُمَرْثِ غِرْغِجٜىٰ كَدَ سُظُبَ ضُوً سَمَ أَوُرِنْ؞»‏

⁷ غَا مَعَنَرْ؞ غُواْنَرْ إِنَبِنْ يَهْوٜىٰهْ مَيْ ضُنْدُنَا عِتَثٜىٰ غِدَنْ إِسْرَٰٓءِيلَ، جَمَعَرْ يَهُودَ كُمَ سُونٜىٰ عِتَتُوَنْ إِنَبِنْدَ عَكَ دَدَّسَ، عِتَتُوَنْ دَيَكٜىٰ جِنْ دَاطِنْ لُورَ دَسُو؞ يَهْوٜىٰهْ يَا سَا ذُوثِيَا ذَاعَ حَيْڢِ یَیَنْ غَسْكِيَ، أَمَيْمَكُوانْ حَكَ، يَغَ ظُبْدَ جِنِ؞ يَسَ ذُوثِيَا ذَاعَ حَيْڢِ یَیَنْ أَدَلْثِے، أَمَيْمَكُوانْ حَكَ، يَجِ كُوكَنْ وَهَلَ!‏

حُكُنْثِ عَكَنْ جَمَعَرْ يَهُودَ

⁸ كَيْتُوانْكُ!‏ كُنَ ڧَارَ وَكَنْكُ غِدَاجٜىٰ عَكَنْ غِدَاجٜىٰ، دَ ڢِيلَيٜىٰ عَكَنْ ڢِيلَيٜىٰ، حَرْ سَيْ يَكَيْ بَابُ سَوْرَنْ ڢِيلِ غَ كُواْوَ، سَيْ كُو كَطَيْ عَڧَسَرْ!‏

⁹ يَهْوٜىٰهْ مَيْ ضُنْدُنَا يَرَنْڟٜىٰ عَكُنّٜىٰنَ ثٜىٰوَ ‏«‏حَڧِيڧَ ذَاعَ بَرْ غِدَاجٜىٰ دَيَوَ كُڢَيْ، ݣَوَوَنْ مَنْيَنْ غِدَاجٜىٰ مَا بَا كُواْوَ!‏

¹⁰ غُواْنَرْ إِنَبِے مَيْ ڢَاطِنْ عٜىٰكَ غُواْمَ، ذَاتَ بَادَ لِتَ تَݣُوسْ كَثَلْ نَضُوً إِنَبِے؞ مُودُ غُواْمَ نَ إِرِ دُواْمِنْ شُوكَ، ذَيْبَادَ مُودُ طَيَ كَثَلْ نَهَڟِ؞»‏

¹¹ كَيْتُوانْكُ!‏ كُكَنْ تَاشِ دَ سَسَّڢٜىٰ، أَغُجٜىٰ كُنَ نٜىٰمَنْ أَبِنْ سَا بُغُوَ، حَرْ ڟَكَرْ دَرٜىٰ كُنَ بُغُوَ دَ ضُوً إِنَبِے؞

¹² كُنَ بِكِ كُنَ كَطَ غَرَايَ دَ مُواْلُواْ دَ كَثَوْ كَثَوْ، كُنَ بُوسَ سَرٜىٰوَ، كُنَ تَشَنْ ضُوً إِنَبِے؞ عَمَّا بَكُ غَانٜىٰ أَبِنْدَ يَهْوٜىٰهْ يَكٜىٰيِبَ، بَكُ مَا غَنِ ثٜىٰوَ دُكَنْ وَنَّنْ عَيْكِنْ حَنُّوَنْسَ نٜىٰ بَ!‏

¹³ سَبُواْدَ وَنَّنْ رَشِنْ سَنِ مُتَنٜىٰنَ ذَاسُ تَڢِے بَوْتَا، مَنْيَنْ مُتَنٜىٰنْسُ ذَاسُ مُتُ دَ يُنْوَ، تَلَكَاوَنْسُ كُمَ ذَاسُ بُوشٜىٰ دَ ڧِشِنْ ضُوَ؞

¹⁴ دُواْمِنْ حَكَ وُرِنْ ذَمَنْ مَتَتُّو يَڧَارَ مَرْمَرِنْ ثِ، يَبُوطٜىٰ بَاكِنْسَ يَكَرْٻٜىٰسُ؞ مَنْيَنْ مُتَنٜىٰنْ عُرُوشَلِيمَ دَ تَلَكَاوَنْتَ سُنَ غَنْ‌غَرُواْوَ ثِكِ تَرٜىٰدَ دُكَنْ جَمَعَرْتَ دَ مَاسُ ڢَضٍ ثِكِنْتَ؞

¹⁵ تَهَكَ، حَلِنْ یَنْ أَدَمْ يَنَ ثِكِنْ ڧَسْڧَنْثِ، كُواْوَنٜىٰ مَيْ غِرْمَنْ كَيْ يَنَ ثِكِنْ كُنْيَا؞

¹⁶ عَمَّا يَهْوٜىٰهْ مَيْ ضُنْدُنَا، يَنَ نُونَ طَوْكَكَرْسَ تَوُرِنْ غَسْكِيَرْسَ؞ اللَّهْ مَيْ ڟَرْكِے يَنَ نُونَ كَنْسَ مَيْ ڟَرْكِے نٜىٰ تَوُرِنْ عَيْكَتَ أَدَلْثِے؞

¹⁷ بِرْنِنْ ذَيْ ذَمَ ڢِيلِ عِنْدَ یَیَنْ تُمَكِ ذَاسُثِ ثِيَوَ، بَاڧِ ذَاسُ نٜىٰمِ عَبِنْثِ عَكُڢَيْ عِنْدَ دَا مَنْيَنْ مُتَنٜىٰ سُكٜىٰ دَ ذَمَ؞

¹⁸ كَيْتُوانْكُ!‏ كُنَ طَوْرٜىٰ دَ ذُنُوبِ، طَوْرٜىٰ دَ إِغِيُواْيِنْ ڧَضْيَا، كُنَ جَنْ نَوْيِنْ ذُنُوبِنْكُ كَمَرْ يَدَّ عَكَنْ جَا كٜىٰكٜىٰنْ شَانُو؞

¹⁹ كُنَ ثٜىٰوَ ‏«‏بَرِ اللَّهْ يَيِ سَوْرِ، بَرِ يَيِ عَيْكِنْسَ دَ وُرِے دُواْمِنْ مُغَنِ؞ بَرِ مُغَ سَوْرِنْ ثِكَاوَرْ نُڢِنْسَ، شِ مَيْ ڟَرْكِنَّنْ نَ إِسْرَٰٓءِيلَ، دُواْمِنْ مُو مَا مُسَنِ!‏»‏

²⁰ كَيْتُوانْكُ!‏ كُنَ كِرَنْ مُغُنْتَا كِرْكِ، كِرْكِ كُمَ مُغُنْتَا؞ كُنَ مَيْدَ دُهُ حَصْكٜىٰ، حَصْكٜىٰ كُمَ دُهُ؞ كُنَ مَيْدَ طَاثِ ذَاڧِ، ذَاڧِ كُمَ طَاثِ!‏

²¹ كَيْتُوانْكُ!‏ كُنَ غَنِ كُو مَاسُ وَيُواْ نٜىٰ، كُنَ غَنِنْ كَنْكُ یَنْ دَبَرَ نٜىٰ!‏

²² كَيْتُوانْكُ!‏ كُو ڠُونَيٜىٰنْ شَنْ ضُوً إِنَبِے نٜىٰ، كُنَ تَاڧَمَ كُنْ عِيَ هَرْهَطَ ضُوً بُغُوَ،

²³ كُنَ سَكِنْ مَيْ لَيْڢِے تَوُرِنْ ثِنْ حَنْثِ، كُنَ حَنَ وَ مَرَرْ لَيْڢِے حَكِّنْسَ!‏

²⁴ دُواْمِنْ حَكَ كَمَرْ يَدَّ هَرْشٜىٰنْ وُتَا يَكَنْ ثِنْيٜىٰ بُوسَشِّيَرْ ثِيَوَ، كَمَرْ يَدَّ بُوسَشِّيَرْ ثِيَوَرْ دَبُّواْبِے تَكٜىٰ ٻَثٜىٰوَ أَوُتَا، حَكَنٜىٰ سَيْوُاْيِنْكُ ذَاسُ ضُٻَ، ڢُلَوَرْكُ ذَاتَ ٻَثٜىٰ كَمَرْ ڧُورَا؞ غَمَا كُنْڧِ كُواْيَرْوَرْ يَهْوٜىٰهْ مَيْ ضُنْدُنَا، كُكَ رٜىٰنَ مَغَنَرْ مَيْ ڟَرْكِنَّنْ نَ إِسْرَٰٓءِيلَ؞

²⁵ شِيَسَا ڢُشِنْ يَهْوٜىٰهْ يَيِ ڧُونَ عَكَنْ مُتَنٜىٰنْسَ؞ يَكُمَ مِيڧَ حَنُّنْسَ يَبُغٜىٰسُ؞ مَنْيَنْ تُدَّيْ سُنْ غِرْغِظَ، غَوَوَّكِنْ مُتَنٜىٰنْ سُنْثِكَ تِيتُنَ كَمَرْ دَتِّنْ بُواْلَ؞ دُكْ دَ وَنَّنْ، ڢُشِنْ يَهْوٜىٰهْ يَڧِ يَݣُونْتَ، حَنُّنْ حُكُنْثِنْسَ يأَنَانً أَ مِيڧٜىٰ!‏

²⁶ يَهْوٜىٰهْ يَا تَادَ تُوتَ عَكِرَوُاْ أَلْعُمَّيْ دَغَ نٜىٰسَ، يَهُورَ ڧَهُواْ عَكَٰوُاْ مُتَنٜىٰ دَغَ إِيَاكَرْ دُونِيَا؞ غَاشِ، سُنَ ذُوَا دَ سَوْرِ دَ ذَاڢِنْ غُدُ!‏

²⁷ بَابُ مَيْ غَاجِيَ عَثِكِنْسُ، بَابُ مَيْ تُنْتُٻٜىٰ، بَابُ مَيْ ڠَنْ‌ڠَطِ كُواْ بَرْثِ، بَابُ أَبِنْ طَمَرَرْ دَ يَكُنْثٜىٰ، بَابُ إِغِيَرْ تَاكَلْمِنْ دَ تَڟِنْكٜىٰ؞

²⁸ كِبِيُواْيِنْسُ سُنَدَ ڟِنِ، بَكَنْسُ دُكَ أَشِرْيٜىٰ سُكٜىٰ دُوانْ هَرْبِے، تَڢِنْ ڧَڢَاڢُنْ دَوَكِنْسُ كَمَرْ ڧَرْڢٜىٰ سُكٜىٰ، ڧَڢَاڢُنْ كٜىٰكُنَنْ دُواْكِنْسُ سُنَ سَوْرِنْ جُويَاوَا كَمَرْ غُوغُوَ؞

²⁹ رُورِنْ سُواْجُواْجِنْسُ كَمَرْ نَذَاكِ نٜىٰ، كَمَرْ ذَاكُواْكِ مَاسُ ڧَرْڢِے سُكٜىٰ رُورِ؞ سُنَ ثَڢْكٜىٰ مُتَنٜىٰ كَمَرْ نَامَنْ دَاجِ، سُطَوْكَ يَدَّ بَا مَيْ كُٻُتَرْ دَسُو؞

³⁰ أَ رَانَرْ نَنْ دَ سُكَ ڢَارَ يَاڧِ، ذَاسُيِ رُورِ عَكَنْ عُرُوشَلِيمَ، كَمَرْ ڧَرْڢِنْ رُورِنْ ضُوً تٜىٰكُ؞ أَ ڢُسْكَرْ ڧَسَرْ كُوَ، بَا أَبِنْدَ ذَاعَ غَنِ سَيْدَيْ دُهُ دَ وَهَلَ، دَ غِرْغِجٜىٰ مَيْ كَوْرِ مَيْ دُهُنْتَرْ دَ حَصْكٜىٰنْ؞