عِشَايَ 46 - أَتَّوْرَتْ دَ أَنَّبَاوَا

¹ غُنْكِنَّنْ بٜىٰلْ يَدُرْڧُسَ، غُنْكِنَّنْ نٜىٰبُواْ، شِے مَا يَسُنْكُيَ؞ غَاشِ، أَنَ طَوْكَرْسُ عَكَنْ جَاكُنَ، أَنَ لُواْدِنْسُ عَكَنْ دَبُّواْبِے؞ سُنْ ذَمَ كَايَ مَيْ نَوْيِ عَكَنْ دَبُّواْبِنْ دَ سُكَ غَجِ!‏

² غُمَكَنَّنْ دَ مَاسُ طَوْكَرْسُ دُكْ، سُنْ سُنْكُيَ سُنْ دُرْڧُسَ تَرٜىٰ سَبُواْدَ غَاجِيَ؞ بَسُ عِيَ طَوْكَرْ كَايَنَّنْ مَيْ نَوْيِبَ، دُكَنْسُ ذَاسُ تَڢِے بَوْتَا أَوَتَ ڧَسَا؞

³ إِنْجِ يَهْوٜىٰهْ، ‏«‏كُجِنِ، يَا كُو ذُرِيَرْ يَعْڧُوبَ، دُكَنْ ضَغُواْوَرْ جَمَعَرْ غِدَنْ إِسْرَٰٓءِيلَ؞ كُجِنِ، نِے دَ نَكٜىٰ تَطَوْكَرْكُ تُنْدَغَ حَيْڢُوَرْكُ، تُنْ كُنَ ثِكِنْ ثِكِ؞

⁴ حَرْ ذُوَا ڟُوڢَرْكُ، نِنٜىٰ مَيْ لُورَ دَكُو، حَرْ ذُوَا لُواْكَثِنْ ڢُرْڢُرَرْكُ، نِنٜىٰ ذَنْ طَوْكِ نَوْيِنْكُ؞ نِنٜىٰ نَايِكُ، نِنٜىٰ ذَنْ رِڧٜىٰكُ، نِنٜىٰ ذَنْ طَوْكِ نَوْيِنْكُ، نِنٜىٰ نَا ثٜىٰثٜىٰكُ؞

⁵ ‏«‏دَ وَذَاكُ ݣُوتَنْتَانِ وَيْ نَيِ دَيْدَيْ دَشِ؟ دَ وَ ذَاكُ ڠُودَانِ؟ أَݣَويْ وَنِ مَيْ كَمَ دَنِے؟

⁶ وَطَنْدَ سُكَنْ بُوطٜىٰ جَكَنْسُ سُنَ وَسَنْ ظِينَارِيَ، سُكَنْ عَوْنَ أَظُرْڢَا عَكَنْ مَعَوْنِ، سُونٜىٰ سُكَنْبِيَ مَڧٜىٰرِنْ ظِينَارِيَ يَڧٜىٰرَ مُسُ غُنْكِنْ ظِينَارِيَ؞ سَعَنً سُكَنْيِ سُجَّدَ سُرُسُنَ دَ ڢُسْكَرْسُ حَرْ ڧَسَا أَغَبَنْ غُنْكِ!‏

⁷ سُكَنْ طَغَ غُنْكِنْ عَكَڢَطَرْسُ سُطَوْكِ نَوْيِنْسَ، سُكَنْ سَامِ وُرِے سُسَاشِ، يَڟَيَ، دَغَ وُرِنْ دَ عَكَسَا شِ، بَايَ عِيَ مُواْڟِ؞ كُواْ دَ وَنِ يَيِ مَسَ كُوكَنْ نٜىٰمَنْ تَيْمَكُواْ، بَايَ عِيَ أَمْسَاوَا، بَايَ عِيَ ثٜىٰتُوانْ مُتُمْ دَغَ وَهَلَرْسَ؞

⁸ ‏«‏تُنَ دَ وَنَّنْ، كُيِ تُنَانِ عَكَيْ، كُتُنَ دَشِ، يَا كُو مَاسُ ذُنُوبِنْ غَنْ‌غَنْثِ؞

⁹ تُنَ دَ أَبُبُوَنْ دَ سُكَ وُثٜىٰ، غَمَا نِنٜىٰ اللَّهْ، بَنْدَنِ، بَابُوَنِ؞ نِنٜىٰ اللَّهْ، بَابُوَنِ مَيْ كَمَ دَنِے؞

¹⁰ إِنَ بَيَّنَ ڧَرْشٜىٰنْ أَبُ تُنْدَغَ ڢَرْكُوانْسَ، تُنْدَغَ ݣُونَكِنْ دَا، أَبِنْدَ بَيْ ڢَرُبَ، إِنَ ثٜىٰوَ ‏‹‏نُڢِينَ ذَيْثِكَ، ذَنْ عَيْكَتَ دُكْ أَبِنْدَ نَيِ نِيَّرْ يِ؞›‏

¹¹ إِنَ كِرَا وَنِ مُتُمْ دَغَ غَبَسْ، مُتُمِنْ دَغَ ڧَسَا مَيْ نِيسَ، ذَيْثِكَ نُڢِينَ؞ ذَيْ سَوْكُواْ كَمَرْ ڟُنْڟُ مَيْ ݣُوطَيِنْ نَامَ، عِ، نِے نَا ڢَطَا، ذَنْ كُوَ ثِكَ، نِے نَا شِرْيَ، ذَنْ كُوَ عَيْكَتَاشِ؞

¹² ‏«‏كُجِنِ، كُو مَاسُ تَوْرِنْ ذُوثِيَا، كُو دَ كُكٜىٰ نٜىٰسَ دَ أَدَلْثِے؞

¹³ إِنَ أَشِرْيٜىٰ إِنْ كَٰوُاْ أَدَلْثِنَ، بَادَ جِمَاوَابَ، ثٜىٰتُواْنَ ذَيْذُواْ؞ ذَنْ كَڢَ ثٜىٰتُواْنَ أَ سِهِيُواْنَ، دَرَجَتَ كُمَ عَ إِسْرَٰٓءِيلَ؞»‏