عِشَايَ 45 - أَتَّوْرَتْ دَ أَنَّبَاوَا

يَهْوٜىٰهْ يَذَاٻِ سَيِرُسْ دُواْمِنْ عَيْكِنْسَ

¹ غَا أَبِنْدَ يَهْوٜىٰهْ يَثٜىٰ وَ سَرْكِے سَيِرُسْ، وَنْدَ يَذَاٻَا يَكُمَ نَطَ؞ ‏«‏نَكَامَ حَنُّنْكَ نَدَمَ نَبَاكَ ڧَرْڢِنْ دَ ذَاكَ تَتَّاكٜىٰ أَلْعُمَّيْ، كَتُمْٻُكٜىٰ سَرَاكُنَ دَغَ مُلْكِنْسُ؞ ذَنْ كُمَ بُوطٜىٰ ڧُواْڢُواْڢِنْ بِرَنٜىٰ دُواْمِنْكَ؞

² ذَنْ وُثٜىٰ غَبَنْكَ إِنْ ݣُونْتَرْدَ تُدَّيْ، ذَنْ كَرْيَ ڧُواْڢُواْڢِنْ ڧَرْڢٜىٰنْ تَغُلَّ نَبِرَنٜىٰ، إِنْ يَنْكَ ڧَرَڢُنَنْ بَڧِنْ ڧَرْڢٜىٰ نَتَرٜىٰ ڧُواْڢَ؞

³ ذَنْ بَاكَ أَرْزِڧِنْ دَ عَكَ ٻُواْيٜىٰ ثِكِنْ دُهُ، دُوكِيَ كُمَ وَدَّ عَكَ أَجِيٜىٰ عَٻُواْيٜىٰ، دُواْمِنْ كَسَنِ ثٜىٰوَ نِے يَهْوٜىٰهْ نٜىٰ، اللَّهْ نَ إِسْرَٰٓءِيلَ، نِے نَا كِرَاكَ دَ سُونَنْكَ؞

⁴ سَبُواْدَ ذُرِيَرْ بَاوَنَ يَعْڧُوبَ، دَ إِسْرَٰٓءِيلَ وَنْدَ نَذَاٻَا، نَا كِرَاكَ دَ سُونَنْكَ، نَا بَاكَ سُنَ مَيْغِرْمَ، كُواْدَيَكٜىٰ بَكَ سَنِّبَ؞

⁵ نِے كَطَيْ نٜىٰ يَهْوٜىٰهْ، بَابُوَنِ سَيْنِے، بَنْدَ نِے، بَابُوَنِ اللَّهْ؞ نَابَاكَ ڧَرْڢِے، كُواْدَيَكٜىٰ بَكَ سَنِّبَ؞

⁶ نَيِ حَكَ دُواْمِنْ مُتَنٜىٰ دَغَ غَبَسْ ذُوَا يَمَّ، سُسَنِ بَابُوَنِ اللَّهْ سَيْنِے؞ نِنٜىٰ يَهْوٜىٰهْ، بَنْدَ نِے، بَابُوَنِ؞

⁷ نِنٜىٰ نَا حَلِثِّ حَصْكٜىٰ، نَيِ دُهُ، نَكَٰوُاْ يَلْوَتَ، نَكَٰوُاْ مَسِيڢَ، نِنٜىٰ يَهْوٜىٰهْ، نَيِ دُكَنْ وَطَنَّنْ أَبُبُوَ؞

⁸ ‏«‏يَا كُو سَمَّيْ، كُسَوْكُواْ دَ أَدَلْثِے دَغَ بِسَ؞ يَا كَيْ سَرَرِنْ سَمَ، كَسَوْكَرْ دَ أَدَلْثِے كَمَرْ ضُوَ؞ بَرِ ڧَسَا تَبُوطٜىٰ دَݣَوْ، تَحَيْڢِ ثٜىٰتُواْ، تَسَا أَدَلْثِے يَڟِيرَا؞ نِے يَهْوٜىٰهْ نَايِ وَنَّنْ؞

⁹ ‏«‏كَيْتُوانْ وَنْدَ يَكٜىٰ مُسُو دَ مَيْ صِڢَّتَا شِ!‏ كَيْتُوانْ تُكُنْيَرْ دَتَكٜىٰ غَرْدَمَ دَ مَيْ غِنِنْتَ!‏ كُواْ لَاكَ ذَاتَيِ غَرْدَمَ دَ مَيْ غِنَا تُكُنْيَ ثٜىٰوَ ‏‹‏مٜىٰ كَكٜىٰيِ؟›‏ كُواْ تَثٜىٰ، ‏‹‏حَنُّنْكَ بَسُ سَنْ عَيْكِنْسُبَ؟›‏

¹⁰ كَيْتُوانْ وَنْدَ يَثٜىٰ وَمَحَيْڢِنْسَ، ‏‹‏دُوانْمٜىٰ كَحَيْڢٜىٰنِ حَكَ؟›‏ كُواْ يَثٜىٰ وَمَحَيْڢِيَرْسَ، ‏‹‏مٜىٰنٜىٰنٜىٰ كِكَ حَيْڢَ؟›‏ »‏

¹¹ إِنْجِ يَهْوٜىٰهْ، مَيْ ڟَرْكِے نَ إِسْرَٰٓءِيلَ، كُمَ مَيْ صِڢَّتَا شِ، ‏«‏حَرْ ذَاكُ عِيَيِمِنِ تَمْبَيَ غَمٜىٰدَ أَبُبُوَ مَاسُ ذُوَا؟ كُواْ كُنَدَ إِيكُواْ كُيِ مِنِ تَمْبَيَ غَمٜىٰدَ یَیَنَ كُواْ عَيْكِنْ حَنُّوَنَ؟

¹² نِنٜىٰ نَا يِدُونِيَا، نَكُمَ حَلِثِّ یَنْ أَدَمْ عَثِكِنْتَ؞ دَ إِيكُوانْ هَنُّونَ نَا شِمْڢِطَا سَمَّيْ، إِنَ كُوَ يِنْ مُلْكِ عَكَنْ رَانَ دَ وَتَ دَ تَوْرَرِ دُكَ؞

¹³ نِے كَيْنَ نَا تَادَ سَرْكِے سَيِرُسْ دُواْمِنْ يَثِكَ مَنُڢَاتَ مَيْ أَدَلْثِے، ذَنْ مِيڧٜىٰ دُكَنْ هَنْيُواْيِنْسَ؞ ذَيْسَاكٜىٰ غِنَا بِرْنِنَ عُرُوشَلِيمَ، يَیَنْتَرْدَ مُتَنٜىٰنَ دَسُكٜىٰ ثِكِنْ بَوْتَا، بَدُواْمِنْ عَبَاشِ لَادَ كُواْ كُطِبَ؞ نِے يَهْوٜىٰهْ مَيْ ضُنْدُنَا نَا ڢَطَا؞»‏

تُوبَرْ أَلْعُمَّيْ نَنْ غَبَ

¹⁴ إِنْجِ يَهْوٜىٰهْ، ‏«‏أَرْزِڧِنْ مَصَرْ دَ نَ إِتِيُواْڢِيَ ذَيْ ذَمَ نَاكُ، دُواْغَيٜىٰنْ مُتَنٜىٰنْ سٜىٰبَ ذَاسُ ذَمَ بَايِنْكُ، ذَاسُبِكُ طَوْرٜىٰ دَ سَرْڧُواْڧِ؞ ذَاسُ رُسُنَ أَغَبَنْكُ سُثٜىٰ، ‏‹‏حَڧِيڧَ، اللَّهْ يَنَ تَرٜىٰدَكُو، بَنْدَشِ، بَابُوَنِ اللَّهْ؞›‏ »‏

¹⁵ بَاشَكَّ، كَيْ اللَّهْ نٜىٰ وَنْدَ نُڢِنْسَ أَ عَسِرْثٜىٰ يَكٜىٰ، يَا اللَّهْ نَ إِسْرَٰٓءِيلَ، كَيْنٜىٰ مَيْ ثٜىٰتُواْ؞

¹⁶ دُكَنْ مَاسُ يِنْ غُمَكَ، أَنْكُنْيَتَرْ دَسُو، دُكَنْسُ سُنْ ضِكِثِے، أَ رُوطٜىٰ سُكٜىٰ؞

¹⁷ عَمَّا إِسْرَٰٓءِيلَ، ثٜىٰتُوانْسَ دَغَ يَهْوٜىٰهْ نٜىٰ، ثٜىٰتُوانْسَ كُوَ نَهَرْ أَبَدَانٜىٰ؞ مُتَنٜىٰنْسَ بَذَاسُ تَٻَ شَنْ كُنْيَابَ كُواْ سُضِكِثِے؞

¹⁸ إِنْجِ يَهْوٜىٰهْ، مَحَلِثِّنْ سَمَّيْ، اللَّهْ كَطَيْ، مَيْ صِڢَّتَا دُونِيَا، مَيْ يِنْتَ، مَيْ كَڢَتَ!‏ بَيْ حَلِثِّ دُونِيَا تَذَمَ وُاْڢِ بَ، يَيِتَ دُواْمِنْ أَ ذَوْنَ عَثِكِنْتَ؞ شِينٜىٰ يَثٜىٰ، ‏«‏نِنٜىٰ يَهْوٜىٰهْ، بَنْدَ نِے، بَابُوَنِ؞

¹⁹ بَانَ مَغَنَ عَٻُواْيٜىٰ، أَوَنِ لُنْ‌غُ عَڧَسَا مَيْ دُهُ؞ بَنْثٜىٰ وَظُرِيَرْ يَعْڧُوبَ سُنٜىٰمٜىٰنِ أَوُاْڢِبَ؞ نِے يَهْوٜىٰهْ إِنَ مَغَنَرْ غَسْكِيَ، إِنَ ڢَطِنْ أَبِنْدَ يَكٜىٰ دَيْدَيْ؞»‏

اللَّهْ مَيْ رَيْ دَ أَلُّواْلِ مَرَسَ رَيْ

²⁰ يَهْوٜىٰهْ يَثٜىٰ، ‏«‏كُتَتَّارُ وُرِے طَيَ دُواْمِنْ شَرِيعَ، كُتَارُ، كُو ضَغُواْوَرْ أَلْعُمَّنْ دَ كُكَ ڟِيرَا!‏ مَرَسَ سَنِ نٜىٰ وَطَنْدَ سُكٜىٰطَوْكٜىٰ دَ غُمَكَنْسُ نَ إِتَاثٜىٰ، وَطَنْدَ سُكٜىٰ أَدُّعَ غَ أَلُّواْلِنْ دَ بَذَاسُ عِيَ ثٜىٰتُوانْسُبَ؞

²¹ كُذُواْ غَبَنْ كُواْتُ كُڢَطِ ذَنْثٜىٰنْكُ، كُشِرْيَ أَمْسَرْكُ تَرٜىٰ؞ وَنٜىٰنٜىٰ أَدَا يَڢَطِ أَبِنْدَ ذَيْڢَرُ؟ وَنٜىٰنٜىٰ يَسَنَرْ دَشِ تُنْ تُنِ؟ بَ نِے يَهْوٜىٰهْ بَنٜىٰ؟ عِ، بَنْدَ نِے، بَابُوَنِ اللَّهْ، نِے دَ نَكٜىٰ اللَّهْ مَيْ أَدَلْثِے، اللَّهْ مَيْ ثٜىٰتُواْ؞ بَنْدَ نِے، بَابُوَنِ؞

²² كُجُويُواْ وُرِينَ دُواْمِنْ كُسَامِ ثٜىٰتُواْ، يَا كُو دُونِيَا دُكَ!‏ غَمَا نِے اللَّهْ نٜىٰ، بَنْدَ نِے، بَابُوَنِ؞

²³ نَا ضَنْڟٜىٰ دَ سُونَنَ، دَغَ بَاكِنَ نَيِ مَغَنَرْ غَسْكِيَ، بَ كُوَ ذَنْ ثَنْجَ بَاكِبَ؞ ‏‹‏كُواْوَثٜىٰ ڠُوِوَ ذَاتَ دُرْڧُسَ أَغَبَنَ، كُواْوَنٜىٰ هَرْشٜىٰ ذَيْ شَيْدَ ثٜىٰوَ نِنٜىٰ اللَّهْ؞›‏

²⁴ ذَاسُثٜىٰ، ‏‹‏تَ يَهْوٜىٰهْ كَطَيْ ذَاعَ عِيَ سَامُنْ أَدَلْثِے دَ ڧَرْڢِے؞›‏ »‏ عَمَّا دُكْ وَطَنْدَ سُكَ رٜىٰنَ يَهْوٜىٰهْ، ذَاسُذُواْ وُرِنْسَ سُشَا كُنْيَا؞

²⁵ تَوُرِنْ يَهْوٜىٰهْ دُكَنْ ذُرِيَرْ إِسْرَٰٓءِيلَ ذَاتَ سَامِ شَرِيعَرْ غَسْكِيَ دَ طَوْكَكَ؞