عِشَايَ 44 - أَتَّوْرَتْ دَ أَنَّبَاوَايَهْوٜىٰهْ ذَيْ ظُبَ رُوحُنْسَ عَكَنْ ذَاٻَٻّٜىٰنْسَ 1 عَمَّا يَنْذُ سَيْ كَسَوْرَرَ، يَا كَيْ يَعْڧُوبَ بَاوَنَ، يَا كَيْ إِسْرَٰٓءِيلَ، ذُرِيَرْدَ نَذَاٻَا! 2 إِنْجِ يَهْوٜىٰهْ وَنْدَ يَحَلِثّٜىٰكَ، وَنْدَ يَصِڢَّتَاكَ تُنْدَغَ ثِكِنْ ثِكِ، وَنْدَ ذَيْ تَيْمَكٜىٰكَ، «كَدَ كَجِڟُواْرُواْ، يَا كَيْ يَعْڧُوبَ بَاوَنَ، يَا كَيْ يٜىٰشُرُنْ، ذُرِيَرْدَ نَذَاٻَا؞ 3 ذَنْ ظُبَ ضُوَ غَ ڧَسَا مَيْ ڧِشِنْ ضُوَ، إِنْسَا رَاڢُڢُّكَ سُيِ غُدُ عَبُوسَشِّيَرْ ڧَسَا؞ ذَنْ ظُبَ رُوحُنَ عَكَنْ ذُرِيَرْكَ، أَلْبَرْكَتَ كُمَ عَكَنْ یَیَنْكَ؞ 4 ذَاسُ ڟِرُواْ كَمَرْ ثِيَوَ عَبَاكِنْ رَاڢِ، كَمَرْ عِتَتُوَ أَغٜىٰڢٜىٰنْ رَاڢُڢُّكَ نَضُوَ مَيْ غُدُ؞ 5 وَنِ ذَيْثٜىٰ، ‹نِے نَ يَهْوٜىٰهْ نٜىٰ،› وَنِ كُمَ ذَيْ كِرَا كَنْسَ دَ سُونَنْ يَعْڧُوبَ، وَنِ ذَيْ رُبُوتَ أَ حَنُّنْسَ، ‹نَ يَهْوٜىٰهْ›، يَبَا وَكَنْسَ سُونَنْ إِسْرَٰٓءِيلَ؞» بَنْ دَ يَهْوٜىٰهْ بَابُ أَبِنْ دُواْغَضَ 6 إِنْجِ يَهْوٜىٰهْ سَرْكِنْ إِسْرَٰٓءِيلَ، كُمَ مَيْ ڢَنْسَرْ إِسْرَٰٓءِيلَ، يَهْوٜىٰهْ مَيْ ضُنْدُنَا، «نِنٜىٰ نَڢَرْكُواْ نِنٜىٰ كُمَ نَڧَرْشٜىٰ، بَنْدَ نِے، بَابُوَنِ اللَّهْ؞ 7 وَنٜىٰنٜىٰ ذَيْ ڠُودَ كَنْسَ دَنِے؟ سَيْ يَڢِتَ يَڢَطَا، يَسَنَرْدَ مَنُڢَرْسَ، يَبَيَّنَ كُواْمٜىٰ؞ بَرِ يَڢَطِ أَبِنْدَ ذَيْ ڢَرُ نَنْ غَبَ كَمَرْ يَدَّ نَڢَطَا وَمُتَنٜىٰنْ دَا؞ 8 كَدَ كُجِڟُواْرُواْ، يَا مُتَنٜىٰنَ، كَدَ كُڢِرْغِتَ! تُنْدَغَ زَامَانِنْ دَا ثَنْ، بَنْ ڢَطَا نَا يِشٜىٰلَرْ أَبِنْدَ ذَيْ ڢَرُبَ؟ كُونٜىٰ شَيْدُنَ! كُواْ أَݣَويْ وَنِ اللَّهْ بَنْدَ نِے؟ بَابُوَنِ دُوڟٜىٰ، بَابُوَنِنْدَ نَسَنِ؞» 9 دُكْ مَاسُ يِنْ غُمَكَ بَنْظَنٜىٰ، غُمَكَنْسُ دَسُكٜىٰيِنْ ڢَضٍ ثِكِ عَكَنْسُ، بَاسُ دَ أَمْڢَانِ؞ سُو دَسُكٜىٰ بَوْتَرْ غُمَكَ، مَكَڢِ نٜىٰ سُو، جَهِلَيْ كُمَ، ذَاسُشَا كُنْيَا؞ 10 وَنٜىٰنٜىٰ إِنْ بَ وَاوَابَ، دَ ذَيْ صِڢَّتَا وَنِ غُنْكِنْ اللَّهْ، كُواْ يَيِ صِڢَّرْ ظُبِنْ دَ بَذَاتَ تَيْمَكٜىٰشِ كُواْ كَطَنْبَ؟ 11 حَڧِيڧَ، إِرِنْ مُتُمِنَّنْ دَ مُتَنٜىٰنْسَ ذَاسُشَا كُنْيَا؞ مَاسُ ڧٜىٰرَ غُمَكَ، یَنْ أَدَمْ نٜىٰ كَوَيْ؞ بَرِ دُكَنْسُ سُتَارُ سُڟَيَ أَغَبَنْ كُواْتُ؞ أَيْ، ذَاعَ ڟُواْرَتَرْ دَسُو، ذَاسُ كُوَ شَا كُنْيَا؞ 12 مَڧٜىٰرِ يَكَنْ طَوْكِ ڧَرْڢٜىٰ يَسَاشِ أَوُتَا يَيِ عَيْكِ؞ دَ حَنُّنْسَ مَيْ ڧَرْڢِے يَنَ بُغُنْ ڧَرْڢٜىٰنْ، دَ غُدُمَ يَنَ صِڢَّتَا غُنْكِ؞ يَكَنْجِ يُنْوَ يَرَسَ ڧَرْڢِنْسَ، يَكَنْجِ ڧِشِنْ ضُوَ يَغَجِ؞ 13 كَاڢِنْتَ يَكَنْ عَوْنَ إِتَاثٜىٰ، يَظَانَ صِڢَّ دَ أَبِنْ ذَانِ، سَعَنً يَسَسَّڧَ شِ دَ كَايَنْ عَيْكِنْسَ، يَيِ شِ دَ صِڢَّرْ مُتُمْ ݣَكْݣَاوَا، دُواْمِنْ عَكَڢَ شِ أَوُرِنْ سُجَّدَ؞ 14 يَكَنْ سَارٜىٰ إِتَاثٜىٰنْ سٜىٰدَ، كُواْ يَذَاٻِ إِتَاثٜىٰنْ ڢِرْ كُواْ إِتَاثٜىٰ مَيْ ڧَرْڢِے؞ يَكَنْ بَرْ إِتَاثٜىٰنْ يَيِ غِرْمَ دَ ڧَرْڢِے عَثِكِنْ عِتَتُوَنْ كُرْمِ، كُواْ كُوَ يَشُوكَ إِتَاثٜىٰنْ سٜىٰدَ يَبَرْ ضُوً سَمَ يَسَا إِتَاثٜىٰنْ يَيِ غِرْمَ؞ 15 مُتُمْ يَكَنْيِ أَمْڢَانِ دَ سَاشٜىٰ طَيَ دُواْمِنْ إِتَاثٜىٰنْ وُتَا، دَ وَنِ سَاشٜىٰ يَكَنْ هُورَ وُتَا دُواْمِنْ يَجِ طُمِ، دَ وَنِ سَاشٜىٰ كُمَ يَتُواْيَ غُرَاسَ، دَ وَنِ سَاشٜىٰ كُمَ يَكَنْيِ غُنْكِ يَدِنْغَ يِمَسَ سُجَّدَ؞ 16 دَ وَنِ سَاشٜىٰ كُمَ يَكَنْ هُورَ وُتَا دُواْمِنْ يَغَسَ نَامَ، يَثِ، يَڧُواْشِ؞ يَكَنْجِ طُمِ حَرْ يَثٜىٰ، «كَيْ، طُمِنَّنْ يَنَدَ دَاطِے، وُتَرْ نَنْ تَنَدَ ݣَوْ!» 17 سَوْرَنْ إِتَاثٜىٰنْ يَكَنْ مَيْدَشِ غُنْكِ، يَكَنْ رُسُنَ يَيِ مَسَ سُجَّدَ؞ يَكَنْيِ أَدُّعَ غَرٜىٰشِ يَثٜىٰ، «كَيْنٜىٰ اللَّهْ نَا، سَيْ كَثٜىٰثٜىٰنِ!» 18 إِرِنْ مُتَنٜىٰنَّنْ جَهِلَيْ نٜىٰ، بَسُ كُوَ غَانٜىٰ أَبِنْدَ سُكٜىٰيِبَ؞ عِدَنُونْسُ أَ رُڢٜىٰ سُكٜىٰ، بَاسَ عِيَغَنِ، تُنَانِنْسُ عَكُلّٜىٰ سُكٜىٰ، بَاسَ عِيَ ڢَهِمْتَ؞ 19 مَاسُ ڧٜىٰرَ غُمَكَنَّنْ جَهِلَيْنٜىٰ، بَابُ طَيَنْسُ دَ يَكٜىٰدَ تُنَانِ كُواْ ڢَهِمْتَ يَثٜىٰ، «نَڧُواْنٜىٰ وَنِ سَاشٜىٰ نَ إِتَاثٜىٰنَّنْ؞ نَتُواْيَ غُرَاسَ دَ غَرْوَشِنْسَ، نَكُمَ غَسَ نَامَ نَثِ؞ سَوْرَنْ إِتَاثٜىٰنْ نَسَسَّڧَ غُنْكِ دَشِ؞ غَانِ يَنْذُ إِنَ تَرُسُنَاوَا عَبَنْظَ أَغَبَنْ غُنْغُمٜىٰنْ إِتَاثٜىٰ!» 20 يِنْ حَكَ دَيْدَيْنٜىٰ دَ مُتُمْ يَثِ تُواْكَ؞ مَنُڢَرْسَ تَوَاوَنْثِ تَا ٻَاتَرْ دَشِ؞ بَايَ عِيَ كُٻُتَرْ دَكَنْسَ، كُواْ كُوَ يَتَمْبَيِ كَنْسَ يَثٜىٰ، «وَنَّنْ أَبِنْدَ نَكٜىٰ رِڧٜىٰ دَشِ أَ حَنُّنْ دَامَنَ، بَڧَضْيَا بَنٜىٰ كُوَ؟» 21 يَهْوٜىٰهْ يَثٜىٰ، «يَا كَيْ ذُرِيَرْ يَعْڧُوبَ، تُنَ دَ وَطَنَّنْ، غَمَا كَيْ بَاوَنَنٜىٰ، يَا كَيْ إِسْرَٰٓءِيلَ؞ نَا صِڢَّتَاكَ، كَيْ بَاوَنَنٜىٰ، يَا إِسْرَٰٓءِيلَ، بَذَنْ تَٻَ مَنْتَاوَا دَكَيْبَ؞ 22 نَا شَارٜىٰ ذُنُبَنْ غَنْغَنْثِنْكَ كَمَرْ يَدَّ نَكَوَرْدَ غِرْغِجٜىٰ؞ نَا كَوَرْدَ ذُنُبَنْكَ كَمَرْ يَدَّ نَسَا رَٻَ تَٻَثٜىٰ؞ سَيْ كَدَاوُاْ وُرِينَ غَمَا نَارِغَا نَاڢَنْشٜىٰكَ؞» 23 كُرٜىٰرَ وَاڧَرْ ڢَضٍ ثِكِ، يَا كُو سَمَّيْ، غَمَا يَهْوٜىٰهْ نٜىٰ يَيِ وَنَّنْ دُكَ؞ كُيِ إِيهُ نَمُرْنَ، يَا كُو ظُرْڢَڢَّنْ وُرَارٜىٰ نَدُونِيَا! كُٻَرْكٜىٰ دَوَاڧَا، يَا كُو مَنْيَنْ تُدَّيْ، يَا كُو عِتَتُوَنْ كُرْمِ! غَمَا يَهْوٜىٰهْ يَاڢَنْشِ ذُرِيَرْ يَعْڧُوبَ، ذَيْسَامِ طَوْكَكَ عَ إِسْرَٰٓءِيلَ؞ 24 إِنْجِ يَهْوٜىٰهْ، مَيْ ڢَنْسَرْكَ، وَنْدَ يَصِڢَّتَاكَ تُنْدَغَ ثِكِنْ ثِكِ، «نِنٜىٰ يَهْوٜىٰهْ، مَحَلِثِّنْ دُكَنْ كُواْمٜىٰ، نِے كَطَيْ نٜىٰ نَشِمْڢِطَا سَمَّيْ، نِے كَطَيْ نٜىٰ نَيِ دُونِيَا؞ 25 نِنٜىٰ نَامَيْدَ عَلَمُنْ أَنَّبَاوَنْ ڧَضْيَا بَنْظَ، نَاسَا مَاسُ دُوبَا سُذَمَ وَوَيٜىٰ، نَانُونَ ثٜىٰوَ وَيُوانْ مَاسُ حِكِمَ تَدُونِيَرْ نَنْ وَوَنْثِنٜىٰ، نَامَيْدَ سَنِنْسُ بَنْظَ؞ 26 نِنٜىٰ نَاثِكَ مَغَنَرْ بَاوَنَ، نَكُمَ ثِكَ أَبِنْدَ یَنْ عَيْكَنَ سُكَ ڢَطَا؞ نَثٜىٰ وَ عُرُوشَلِيمَ، ‹ذَاعَيِذَمَ عَثِكِنْكِ،› نَثٜىٰ وَغَرُضُوً يَهُودَ، ‹ذَاعَسَاكٜىٰ غِنَكُ،› ذَنْ كُمَ تَادَ غِنٜىٰ غِنٜىٰ أَوُرَارٜىٰنْسُ وَطَنْدَ سُكٜىٰ كُڢَيْ؞ 27 نِنٜىٰ نَاثٜىٰ وَظُرْڢِنْ تٜىٰكُ، ‹كَبُوشٜىٰ، ذَنْكُمَ بُوسَرْ دَ رَاڢُڢُّكَنْكَ؞› 28 نِنٜىٰ نَاثٜىٰ وَ سَرْكِے سَيِرُسْ، ‹غَاشِ، نَامَيْدَكَيْ مَكِيَايِ، كَيْنٜىٰ ذَاكَ ثِكَ دُكَنْ مَنُڢَاتَ؞› نِنٜىٰ نَابَادَ عُمَرْنِ ثٜىٰوَ ‹أَ سَاكٜىٰغِنَ عُرُوشَلِيمَ، عَكُمَ كَڢَ تُوشٜىٰنْ غِنِنْ هَيْكَلِنْ؞› » |
Hausa Common Language Ajami Bible © The Bible Society of Nigeria, 2020
Bible Society of Nigeria