عِشَايَ 41 - أَتَّوْرَتْ دَ أَنَّبَاوَا

تَبَّثِنْ إِسْرَٰٓءِيلَ أَ مَڟَيِنْ بَاوَنْ يَهْوٜىٰهْ

¹ يَهْوٜىٰهْ يَثٜىٰ، ‏«‏كُيِ شِضُ كُسَوْرَرَتَ، يَا كُو ڟِبِرَيْ!‏ بَرِ ڧَبِيلُ سُسَابُنْتَ ڧَرْڢِنْسُ، بَرِ سُمَڟُواْ كُسَ سُيِ مَغَنَ، بَرِ مُتَارُ مُذُواْ وُرِنْ يَنْكٜىٰ شَرِيعَ؞

² ‏«‏وَنٜىٰنٜىٰ يَتَادَ مَيْ نَصَرَرْ نَنْ دَغَ غَبَسْ؟ وَنٜىٰنٜىٰ يَكِرَا شِ يَيِ مَسَ حِدِمَ؟ وَنٜىٰنٜىٰ يَبَا شِ نَصَرَا عَكَنْ أَلْعُمَّيْ، يَكُمَ بَاشِ نَصَرَرْ يَاڧِ عَكَنْ سَرَاكُنَ؟ تَكُواْبِنْ مَيْ نَصَرَرْ نَنْ يَسَسَّرٜىٰسُ سُنْ ذَمَ كَمَرْ ڧُورَا!‏ كِبِيُواْيِنْسَ سُنْ وَرْوَاڟَرْ دَسُو كَمَرْ دُوسَ عَ إِسْكَ؞

³ يَنَ بِنْسُ يَنَ كُواْرَ، يَنَ وُثٜىٰوَ لَاڢِيَ، دَ سَوْرِ سُواْسَيْ حَرْ دَݣَرْ ڧَڢَاڢُنْسَ سُكٜىٰ تَٻَ ڧَسَا!‏

⁴ وَنٜىٰنٜىٰ يَسَا وَنَّنْ يَڢَرُ؟ وَنٜىٰنٜىٰ يَكٜىٰبِدَ تَارِيحِنْ یَنْ أَدَمْ، وَنْدَ يَكِرَا كُواْوَثٜىٰ ڟَارَا تُنْدَغَ ڢَرْكُواْ؟ أَيْ، نِے يَهْوٜىٰهْ نٜىٰ نَيِ؞ نِے دَ نَكٜىٰ نَڢَرْكُواْ، ذَنْ كَسَنْثٜىٰ تَرٜىٰدَ ڟَارَا تَڧَرْشٜىٰ؞

⁵ يَنْكُنَنْ بَاكِنْ تٜىٰكُ سُنْ غَنِ سُنْ جِڟُواْرُواْ، ڧَسَاشٜىٰنْ إِيَاكَرْ دُونِيَا سُنْيِ ضَوَرْ جِكِے؞ دُكَنْسُ سُنْ تَتَّارُ سُنْ مَڟُواْ كُسَ؞

⁶ سُكَ ڧَرْڢَڢَ جُونَ، مَڨُوبْتَ دَ یَنْعُوَ سُنَ ثٜىٰ وَجُونَ، ‏‹‏يِ ڧَرْڢِنْ حَلِ!‏›‏

⁷ مَيْ سَسَّڧَ غُمَكَ يَكَنْثٜىٰ وَمَيْ ڧٜىٰرَ ظِينَارِيَ، ‏‹‏أَغَيْشٜىٰكَ!‏›‏ مَيْ ڠَرَ ظِينَارِيَ تَيِ سُمُلْ يَكَنْ ڧَرْڢَڢَ مَيْ هَرْهَطَسُ، يَثٜىٰ، ‏‹‏حَطِنْ يَيِݣَوْ؞›‏ سُكَنْ كَڢَ عَيْكِنْسُ دَ ڧُوسُواْشِ دُواْمِنْ كَدَ يَڢَاطِ؞

⁸ ‏«‏عَمَّا يَا كَيْ إِسْرَٰٓءِيلَ بَاوَنَ، يَا كَيْ يَعْڧُوبَ، ذُرِيَرْدَ نَذَاٻَا، ذُرِيَرْ إِبْرَٰهِيمْ وَنْدَ يَڧَوْنَثٜىٰنِ،

⁹ كَيْ دَ نَكَٰوُاْ دَغَ إِيَاكَرْ دُونِيَا، نَكِرَاكَ دَغَ لُنْ‌غُنْتَ؞ نَثٜىٰمَكَ، ‏‹‏كَيْ بَاوَنَ نٜىٰ وَنْدَ نَذَاٻَا، حَرْ يَنْذُ بَنْڧِيكَبَ؞›‏

¹⁰ كَدَ ڢَا كَجِڟُواْرُواْ، غَمَا إِنَ تَرٜىٰدَكَيْ، كَدَ كَدَامُ، غَمَا نِنٜىٰ اللَّهْ نْكَ؞ ذَنْسَا كَيِ ڧَرْڢِے، إِنْكُمَ تَيْمَكٜىٰكَ، ذَنْ رِڧٜىٰكَ دَ حَنُّنْ دَامَنَ مَيْ نَصَرَا؞

¹¹ عِ، دُكْ مَاسُ ڢُشِے دَكَيْ، ذَاسُشَا كُنْيَا، عَكُمَ ڧَسْڧَنْتَرْ دَسُو؞ دُكْ مَاسُ غَابَادَكَيْ ذَاسُ مُتُ سُٻَثٜىٰ؞

¹² مَاسُ غَابَادَكَيْ، ذَاكَ نٜىٰمٜىٰسُ عَمَّا بَذَاكَ سَامٜىٰسُبَ، مَاسُ يَاڧِ دَكَيْ، ذَاسُ ٻَثٜىٰ دَغَ ڢُسْكَرْ دُونِيَا؞

¹³ غَمَا نِے يَهْوٜىٰهْ اللَّهْ نْكَ نٜىٰ، إِنَ رِڧٜىٰ دَ حَنُّنْ دَامَنْكَ؞ نِنٜىٰ كُمَ نَكٜىٰثٜىٰمَكَ، ‏‹‏كَدَ كَجِڟُواْرُواْ، نِنٜىٰ مَيْ تَيْمَكُوانْكَ؞›‏

¹⁴ يَا كُو ذُرِيَرْ يَعْڧُوبَ، كُواْدَيَكٜىٰ كُو مَرَسَ ڧَرْڢِے نٜىٰ كَمَرْ ڟُڟَ، كَدَ كُجِڟُواْرُواْ، يَا كُو مُتَنٜىٰنْ إِسْرَٰٓءِيلَ، نِنٜىٰ مَيْ تَيْمَكُوانْكُ، نِے مَيْ ڟَرْكِے نَ إِسْرَٰٓءِيلَ، نِنٜىٰ مَيْ ڢَنْسَرْكُ؞

¹⁵ غَاشِ، ذَنْسَا كُذَمَ كَمَرْ سَنْدَنْ بُغُنْ حَڟِ، وَنْدَ يَكٜىٰ سَابُواْ، مَيْ كَيْڢِ، مَيْ هَڧُواْرَ؞ ذَاكُ بُغِ مَنْيَنْ تُدَّيْ كُلَلَتَرْ دَسُو، ذَاكُ مَيْدَ تُدَّيْ كَمَرْ دُوسَ؞

¹⁶ ذَاكُ طَغَسُ سَمَ ثِكِنْ إِسْكَ، إِسْكَرْ كُوَ تَهُورَسُ، غُوغُوَ كُمَ ذَاتَ وَرْوَاڟَرْ دَسُو؞ عَمَّا كُو ذَاكُيِ ڢَضٍ ثِكِ سَبُواْدَ نِے يَهْوٜىٰهْ، ذَاكُيِ تَاڧَمَ سَبُواْدَ نِے مَيْ ڟَرْكِے نَ إِسْرَٰٓءِيلَ؞

¹⁷ سَعَدَّ مَتَلَوْتَ دَ مَاسُ بُڧَاتَ سُكَ نٜىٰمِ ضُوَ سُرَسَ، مَڧُواْڠُورُوانْسُ يَبُوشٜىٰ سَبُواْدَ ڧِشِنْ ضُوَ، نِے يَهْوٜىٰهْ ذَنْ أَمْسَ ضُواْڧُوانْسُ، نِے اللَّهْ نَ إِسْرَٰٓءِيلَ بَذَنْ يَاشٜىٰسُبَ؞

¹⁸ ذَنْ بُوطٜىٰ رَاڢُڢُّكَ عَكَنْ تُدَّيْ، دَ مَٻُٻُّغَ عَثِكِنْ ݣُورِ؞ ذَنْ مَيْدَ هَمَادَ تَڢْكِنْ ضُوَ، بُوسَشِّيَرْ ڧَسَا كُمَ مَٻُٻُّغَرْ ضُوَ؞

¹⁹ ذَنْسَا عِتَتُوَنْ سٜىٰدَ دَ نَأَكَشِيَ، دَ نَمُرْتِلْ دَ نَظَيْتُنْ، سُيِ غِرْمَ أَدَاجِ مَرَرْ كُواْمٜىٰ؞ ذَنْ كُمَسَا إِتَاثٜىٰنْ سَيِڢِرِسْ دَ نَڢِرْ، دَ نَدَبِينُواْ سُذَمَ كُرْمِ أَ هَمَادَ؞

²⁰ ذَنْيِ حَكَ دُواْمِنْ مُتَنٜىٰ سُغَنِ سُسَنِ، دُوانْ دُكَنْسُ سُيِ تُنَانِ سُڢَهِمْتَ ثٜىٰوَ دَ هَنُّونَ نِے يَهْوٜىٰهْ نَيِ وَنَّنْ، نِے مَيْ ڟَرْكِے نَ إِسْرَٰٓءِيلَ نَيِ وَنَّنْ دُكَ؞»‏

اللَّهْ يَكُنْيَتَرْ دَ أَلُّواْلِنْ ڧَضْيَا

²¹ ‏«‏كُكَٰوُاْ ڧَارَرْكُ، يَا كُو أَلُّواْلِ،»‏ إِنْجِ يَهْوٜىٰهْ، ‏«‏كُغَبَتَرْ دَ غَرْدَمَرْكُ،»‏ إِنْجِ سَرْكِنْ ذُرِيَرْ يَعْڧُوبَ؞

²² ‏«‏كُذُواْ كُڢَطَا مَنَ أَبِنْدَ ذَيْ ڢَرُ نَنْ غَبَ؞ كُكُمَ بَيَّنَ مَنَ أَبُبُوَنْ دَ سُكَ وُثٜىٰ، دُواْمِنْ مُسَا تُنَانِ عَكَنْسُ؞ كُڢَطَا مَنَ أَبِنْدَ ذَيْ ڢَرُ نَنْ غَبَ دُواْمِنْ مُسَنْ مَعَنَرْسُ؞

²³ عِ، كُڢَطَا مَنَ أَبِنْدَ ذَيْ ڢَرُ نَنْ غَبَ، دُواْمِنْ مُسَنِ ثٜىٰوَ كُو أَلُّواْلِنٜىٰ!‏ كُعَيْكَتَ وَنِ أَبُ مَيْݣَوْ كُواْ مُوغُ، دُواْمِنْ مُيِ مَامَاكِ كُواْ مُڟُواْرَتَ!‏

²⁴ حَڧِيڧَ، كُو بَكُواْمٜىٰبَنٜىٰ، عَيْكِنْكُ مَا بَنْظَنٜىٰ؞ دُكْ مَيْبِنْكُ مَا أَبِنْ ڨَمَ نٜىٰ؞

²⁵ ‏«‏نَذَاٻِ وَنِ مَيْ ذَمَ أَغَبَسْ، يَنَ كُوَ ذُوَا، نَتَادَ وَنِ مَيْ كِرَا غَ سُونَنَ، يَنَ كَٰوُاْ يَاڧِ دَغَ أَرٜىٰوَ؞ يَنَ تَتَّاكٜىٰ سَرَاكُنَ كَمَرْ لَاكَ، كَمَرْ يَدَّ مَيْ غِنِنْ تُݣُونٜىٰ يَكٜىٰ تَتَّاكٜىٰ لَكَرْ غِنِ؞

²⁶ وَنٜىٰنٜىٰ عَثِكِنْكُ تُنْدَغَ ڢَرْكُواْ يَسَنَرْدَ وَنَّنْ دُواْمِنْ مُسَنِ؟ وَيَيِ أَنَّبْثِ ثٜىٰوَ حَكَ ذَيْ ڢَرُ، دُواْمِنْ مُإِيَ ثٜىٰوَ أَبِنْدَ يَڢَطَا دَيْدَيْنٜىٰ؟ أَيْ، بَابُوَنِنْكُ دَ يَسَنَرْدَ وَنَّنْ، بَابُوَنْدَ يَجِ كُواْمٜىٰ دَغَ بَاكِنْكُ!‏

²⁷ أَبِنْدَ نَسَنَرْوَ سِهِيُواْنَ دَ ڢَرْكُواْ، دُوبَ، غَاسُنَنْ ذُوَا!‏ نَكُمَ عَيْكَ وَ عُرُوشَلِيمَ دَ طَنْ عَيْكَ مَيْ كَٰوُاْ لَابَرِ مَيْ دَاطِے؞

²⁸ عَمَّا سَعَدَّ نَدُوبَ عَثِكِنْ أَلُّواْلِ، بَنْ‌غَا وَنْدَ يَ عِيَ بَادَ شَوَرَابَ، بَابُ كُواْ طَيَنْسُ وَنْدَ يَ عِيَ بَادَ أَمْسَ سَعَدَّ نَيِ مُسُ تَمْبَيَ؞

²⁹ غَاشِ، دُكَنْ أَلُّواْلِنَّنْ بَ كُواْمٜىٰبَنٜىٰ، أَيُّكَنَّنْ إِسْكَنٜىٰ كَوَيْ، صِڢُّواْڢِنَّنْ أَبِنْ وُاْڢِنٜىٰ؞»‏