عِشَايَ 40 - أَتَّوْرَتْ دَ أَنَّبَاوَاتَعَظِيَّ غَ جَمَعَرْ يَهْوٜىٰهْ 1 «تَعَظَنْتَرْ دَ جَمَعَتَ، كَتَعَظَنْتَرْ دَسُو!» إِنْجِ اللَّهْ نْكُ؞ 2 يِمَغَنَ مَيْ ݣُونْتَرْدَ ذُوثِيَا غَ عُرُوشَلِيمَ، كَسَنَرْ مَتَ ثٜىٰوَ وَهَلَرْتَ تَڧَارٜىٰ، أَنْغَاڢَرْتَا مَتَ لَيْڢُواْڢِنْتَ؞ تَا سَامِ حُكُنْثِ دَغَ حَنُّنْ يَهْوٜىٰهْ، حُكُنْثِنْدَ يَثَنْثَنْثِ ذُنُبَنْتَ؞ 3 مُرْيَ مَيْ كِرَا تَنَ ثٜىٰوَ «كُشِرْيَ وَ يَهْوٜىٰهْ حَنْيَ أَدَاجِ، كُڠَرَ حَنْيَ أَ هَمَادَ دُواْمِنْ اللَّهْ نْمُ! 4 ذَاعَ ثِثِّكَ كُواْوَنٜىٰ ݣُورِ، ذَاعَ ݣُونْتَرْ دَ كُواْوَنٜىٰ دُوڟٜىٰ دَ كُواْوَنٜىٰ تُدُ، ذَاعَ ڠَرَ حَنْيَرْ غَرْغَدَ تَمِيڧٜىٰ، مُومُّنَنْ وُرَارٜىٰ ذَاسُ ذَمَ سُمُلْ! 5 طَوْكَكَرْ يَهْوٜىٰهْ ذَاتَ بَيَّنَ، دُكَنْ حَلِتُّو مَاسُ رَيْ كُوَ ذَاسُ غَنْتَ؞ يَهْوٜىٰهْ نٜىٰ دَ بَاكِنْسَ يَڢَطِ وَنَّنْ!» 6 مُرْيَ تَايِ كِرَا تَثٜىٰمِنِ، «كَيِ شٜىٰلَ!» سَيْ نَثٜىٰ «شٜىٰلَرْ مٜىٰ ذَنْيِ؟» سَيْ مُرْيَ تَأَمْسَ «كَيِ شٜىٰلَ ثٜىٰوَ دُكَنْ حَلِتَّ مَيْ رَيْ كَمَرْ ثِيَوَ سُكٜىٰ، بَسُڢِ ڢُلَوَرْ دَاجِ ڟَوُانْ رَيْبَ؞ 7 ثِيَوَ تَكَنْ بُوشٜىٰ، ڢُلَوَ سُيَنْڨُونٜىٰ، سَعَدَّ نُمْڢَشِنْ يَهْوٜىٰهْ يَهُورَ عَكَنْسُ؞ لَلَّيْ مُتَنٜىٰ كَمَرْ ثِيَوَ سُكٜىٰ! 8 بَاشَكَّ ثِيَوَ تَكَنْ بُوشٜىٰ، ڢُلَوَ كُمَ سُيَنْڨُونٜىٰ، عَمَّا مَغَنَرْ اللَّهْ نْمُ تأَنَانً حَرْ أَبَدَا!» 9 كَيْ مَيْ كَٰوُاْ لَابَرِ مَيْ دَاطِے غَ سِهِيُواْنَ، سَيْ كَهَوْرَ بَبَّنْ تُدُ مَيْ ڟَيِ، كَتَادَ مُرْيَرْكَ دَ ڧَرْڢِے؞ كَيْ مَيْ كَٰوُاْ لَابَرِ مَيْ دَاطِے غَ عُرُوشَلِيمَ، كَطَغَ مُرْيَرْكَ، كَدَ كَجِڟُواْرُواْ؞ كَسَنَرْوَ غَرُضُوً يَهُودَ ثٜىٰوَ «دُوبَ! غَا اللَّهْ نْكُ!» 10 دُوبَ، غَا عُبَنْغِجِ يَهْوٜىٰهْ يَنَ ذُوَا ثِكِنْ إِيكُواْ، حَنُّنْسَ مَيْ ڧَرْڢِے يَنَ مُلْكِ؞ غَاشِ، لَادَنْسَ يَنَ تَرٜىٰدَشِ، سَكَمَكُوانْسَ يَنَ تَرٜىٰدَشِ؞ 11 يَنَ ثِيَرْدَ تُمَكِنْسَ كَمَرْ يَدَّ مَكِيَايِ يَكٜىٰيِ؞ يَنَ تَارَ یَنْ تُمَكِنْ أَ حَنُّوَنْسَ، يَضُنْغُمٜىٰسُ عَڧِرْجِنْسَ، أَ حَنْكَلِ يَنَ بِيدَ تُمَكِ مَاسُ یَیَ؞ اللَّهْ نَ إِسْرَٰٓءِيلَ يَڢِ غَبَنْ مِصَالِ 12 وَنٜىٰنٜىٰ يَڠُودَ تٜىٰكُ دَ تَڢِنْ حَنُّنْسَ، كُواْ يَ عَوْنَ ڢَاطِنْ سَرَرِنْ سَمَ دَ حَنُّ؟ وَنٜىٰنٜىٰ يَرَرَّبَ تُرْٻَيَرْ دُونِيَا دَ مُودُ، كُواْ يَ عَوْنَ تُدَّيْ دَ مَعَوْنِ، كُواْ مَنْيَنْ تُدَّيْ دَ أَبِنْ ڠُوجِ؟ 13 وَ يَ عَوْنَ رُوحٌ يَهْوٜىٰهْ؟ وَ يَذَمَ مَلَمِنْسَ كُواْ مَيْ بَاشِ شَوَرَا؟ 14 وَنٜىٰنٜىٰ اللَّهْ يَنٜىٰمِ غَانٜىٰوَ دَغَ غَرٜىٰشِ؟ وَنٜىٰنٜىٰ يَكُواْيَ مَسَ يِنْغَسْكِيَ؟ وَنٜىٰنٜىٰ يَكُواْيَ مَسَ سَنِ، يَكُمَ نُونَ مَسَ حَنْيَرْ ڢَهِمْتَ؟ 15 غَاشِ، أَوُرِنْ يَهْوٜىٰهْ، أَلْعُمَّيْ بَكُواْمٜىٰبَنٜىٰ، سُو كَمَرْ طِغُوانْ ضُوَ نٜىٰ أَ ضَنْدَا، كَمَرْ ڧُورَا نٜىٰ عَبِسَ مَعَوْنِ؞ غَاشِ، أَوُرِنْ يَهْوٜىٰهْ ڟِبِرَيْ بَكُواْمٜىٰبَنٜىٰ، سُو كَمَرْ ڧُورَا نٜىٰ؞ 16 دُكَنْ عِتَتُوَنْ سٜىٰدَ نَ لٜىٰبَنُوانْ بَسُ إِسَ أَ هُورَ وُتَرْ هَدَايَ عَبَغَدٜىٰبَ؞ دُكَنْ نَمُواْمِنْ دَاجِ عَكُرْمِنْ لٜىٰبَنُوانْ بَسُ إِسَ هَدَايَرْ ڧُواْنَاوَا غَ اللَّهْ نْمُبَ؞ 17 دُكَنْ أَلْعُمَّيْ بَكُواْمٜىٰبَنٜىٰ أَغَرٜىٰشِ، يَطَوْكٜىٰسُ كَمَرْ أَبِنْ وُاْڢِ؞ 18 دَمٜىٰ ذَاعَ ڠُودَ كَمَنِّنْ اللَّهْ؟ دَمٜىٰ ذَاعَ كَمَنْتَشِ؟ 19 أَيْ، غُنْكِ مُتُمْنٜىٰ يَيِ، مُتُمْ نٜىٰ يَشَاڢَ مَسَ ظِينَارِيَ، مُتُمْ نٜىٰ يَيِ مَسَ ظُبِنْ سَرْڧَرْ أَظُرْڢَا؞ 20 مُتُمْ مَيْ تَلَوْثِ يَكَنْ ذَاٻِ إِتَاثٜىٰنْ دَ بَذَيْ ضُٻَبَ؞ يَكَنْ نٜىٰمِ ڠُونِنْ عَيْكِنْ حَنُّ يَكَڢَ مَسَ غُنْكِنْ دَ بَذَيْ ڢَاطِبَ؞ 21 بَذَاكَ تَٻَ سَنِبَ؟ بَذَاكَ تَٻَجِبَ؟ كُواْ بَعَڢَطَا مَكَ تُنْدَغَ ڢَرْكُواْبَ؟ بَكَ غَانٜىٰ أَصَلِنْ كَڢَ تُوشٜىٰنْ دُونِيَابَ؟ 22 أَيْ، اللَّهْ نٜىٰ يَنَ مُلْكِ دَغَ وُرِنْ ذَمَنْسَ عَبِسَ دُكَنْ دُونِيَا دَ سَرَرِنْ سَمَ، مَذَوْنَنْتَ كُوَ كَمَرْ یَنْ ڧأَنَانً كِيَشِ؞ شِينٜىٰ يَشِمْڢِطَا سَرَرِنْ سَمَ كَمَرْ لَبُلٜىٰ، يَڠَرَشِ كَمَرْ تٜىٰنْتِ نَذَمَ؞ 23 شِينٜىٰ يَڧَسْڧَنْتَرْ دَ سَرَاكُنَ، يَمَيْدَ مَاسُ مُلْكٍ دُونِيَا بَكُواْمٜىٰبَ؞ 24 سُو كَمَرْ ڢُلَوَرْ دَاجِنٜىٰ؞ دَظَرَرْ عَكَ شُوكَسُ، دَظَرَرْ سُكَ تُواْهُ، كَاڢِنْ سُيِ ڧَرْڢِے، دَ اللَّهْ يَهُورَ إِسْكَ عَكَنْسُ سَيْ سُكَ بُوشٜىٰ؞ عِ، غُوغُوَ تَكَنْ ݣُوشٜىٰسُ كَمَرْ دُوسَ؞ 25 إِنْجِ اللَّهْ مَيْ ڟَرْكِے، «غَ وَ ذَاكُ ݣُوتَنْتَانِ؟ وَ كُنْ غَا نَيِ دَيْدَيْ دَشِ؟ 26 كُتَادَ عِدَنُونْكُ سَمَ كُدُوبَ! وَنٜىٰنٜىٰ يَحَلِثِّ وَطَنَّنْ أَبُبُوَ؟ شِ وَنْدَ يَكٜىٰ ڢِتَرْدَ تَوْرَرِنْ سَمَ طَيَ طَيَ، يَنَ كِرَا كُواْوَنّٜىٰنْسُ دَ سُونَنْسَ؞ سَبُواْدَ يَوَنْ ڧَرْڢِنْسَ دَ غِرْمَنْ إِيكُوانْسَ، بَابُ طَيَنْسُ وَنْدَ يَٻَثٜىٰ؞ 27 يَا إِسْرَٰٓءِيلَ، دُوانْمٜىٰ كُكٜىٰ غُنَغُنِ؟ يَا ذُرِيَرْ يَعْڧُوبَ، دُوانْمٜىٰ كُكٜىٰثٜىٰوَ ‹حَنْيَتَ عَٻُواْيٜىٰ تَكٜىٰ دَغَ ڢُسْكَرْ يَهْوٜىٰهْ، رَشِنْ غَسْكِيَرْ دَ نَكٜىٰ ڢَامَ دَ عِتَ، بَيْ سَامِ حَنْكَلِنْ اللَّهْ نَا بَ؟ 28 بَكَ سَنِبَ؟ بَكَكُمَ جِبَ؟ يَهْوٜىٰهْ شِينٜىٰ اللَّهْ مَدَوَّمِ، شِينٜىٰ يَحَلِثِّ دُكَنْ دُونِيَا؞ بَايَ غَاجِيَ كُواْ ڧَرْڢِے يَكَاسَ مَسَ، كُمَ بَعَ عِيَ ڢَهِمْتَرْ ظُرْڢِنْ تُنَانِنْسَ؞ 29 غَ مَيْ غَاجِيَ، يَنَ ڧَرْڢَڢَشِ، غَ وَنْدَ ڧَرْڢِے يَكَاسَ مَسَ، يَنَ ڧَارَ مَسَ ڧَرْڢِے؞ 30 حَرْ مَا سَمَارِ سُكَنْ غَجِ، ڧَرْڢِے كُمَ يَكَاسَ مُسُ، مَتَسَ كُمَ سُكَنْيِ تُنْتُٻٜىٰ سُڢَاطِ، 31 عَمَّا مَاسُ سَا ذُوثِيَا غَ يَهْوٜىٰهْ، ذَاعَ سَابُنْتَا ڧَرْڢِنْسُ، ذَاسُ تَاشِ سَمَ كَمَرْ دَ ڢِكَڢِكَنْ غَغَّڢَ، ذَاسُ غُدُ، عَمَّا بَذَاسُ غَجِبَ، ذَاسُيِ تَڢِيَ، عَمَّا ڧَرْڢِے بَذَيْ كَاسَ مُسُبَ؞› » |
Hausa Common Language Ajami Bible © The Bible Society of Nigeria, 2020
Bible Society of Nigeria