عِشَايَ 4 - أَتَّوْرَتْ دَ أَنَّبَاوَا

¹ أَ رَانَرْ نَنْ، مَاتَا بَݣَويْ ذَاسُ كَامَ نَمِجِ طَيَ سُثٜىٰ مَسَ ‏«‏كَيَرْدَ مَنَ عَكِرَامُ دَ سُونَنْكَ، مُو مَاتَنْكَ نٜىٰ كَوَيْ؞ ذَامُ نٜىٰمُواْ وَكَنْمُ عَبِنْثِ دَ رِيغُنَنْ سَاوَا؞ كَيْ دَيْ كَثِرٜىٰ مَنَ كُنْيَا!‏»‏

أَلْڧَوَرِنْ سَابُنْتَا عُرُوشَلِيمَ

² أَ رَانَرْ نَنْ، رٜىٰشٜىٰنَّنْ نَ يَهْوٜىٰهْ ذَيْ كَسَنْثٜىٰ دَ طَوْكَكَ دَ كُمَ ݣَنْ غَنِ؞ أَمْڢَانِنْ غُواْنَ نَڧَسَرْ ذَيْ ذَمَ أَبِنْ تَاڧَمَ دَ أَبِنْ دَرَجَ نَضَغُواْوَرْ مُتَنٜىٰ عَ إِسْرَٰٓءِيلَ؞

³ دُكْ وَنْدَ عَكَ ضَغٜىٰ أَ سِهِيُواْنَ كُمَ وَنْدَ عَكَ كٜىٰٻٜىٰ أَ عُرُوشَلِيمَ، ذَاعَ ثٜىٰ دَشِ مَيْ ڟَرْكِے، وَتُواْ دُكْ وَنْدَ عَكَ رُبُوتَ سُونَنْسَ ذَيْ رَايُ أَ عُرُوشَلِيمَ؞

⁴ وَنَّنْ ذَيْ كَسَنْثٜىٰ بَايَنْدَ يَهْوٜىٰهْ يَوَنْكٜىٰ دُكَنْ ڧَظَنْتَرْ مَاتَانْ سِهِيُواْنَ، يَكُمَ ڟَبْتَثٜىٰ عُرُوشَلِيمَ دَغَ جِنِنْتَ تَوُرِنْ إِسْكَرْ حُكُنْثِ مَيْ ڧُونَ كَمَرْ وُتَا؞

⁵ سَعَنً يَهْوٜىٰهْ ذَيْسَا ڧُنْشِنْ غِرْغِجٜىٰ يَرُڢٜىٰ دُكَنْ بَبَّنْ تُدُنْ سِهِيُواْنَ دَ وُرِنْ تَارُوانْ جَمَعَرْسَ دَ رَانَ؞ دَ دَرٜىٰ كُمَ ذَيْ كَٰوُاْ هَيَاڧِے دَ ڧُنْشِنْ وُتَا مَيْ حَصْكَكَاوَا؞ حَڧِيڧَ، طَوْكَكَرْسَ ذَاتَ رُڢٜىٰ بِرْنِنْ دُكَ كَمَرْ تٜىٰنْتِ؞

⁶ طَوْكَكَرْسَ ذَاتَ ذَمَ تٜىٰنْتِ، تَبَادَ إِنُوَ أَ لُواْكَثِنْ ذَاڢِنْ رَانَ دَ دَرٜىٰ كُمَ ذَاتَ ذَمَ وُرِنْ ٻُيَ دَ كُمَ مَڢَكَا دَغَ ضُوَ مَيْ ڧَنْڧَرَ دَ إِسْكَ مَيْ ڧَرْڢِے؞