عِشَايَ 38 - أَتَّوْرَتْ دَ أَنَّبَاوَا

رَشِنْ لَاڢِيَرْ هٜىٰزٜىٰكِيَ دَ وَرْكٜىٰوَرْسَ

¹ عَݣُونَكِنْنَنْ هٜىٰزٜىٰكِيَ يَكَمُ دَ رَشِنْ لَاڢِيَ حَرْ يَكُسَ مُتُوَ؞ سَيْ أَنَّبِے عِشَايَ طَنْ أَمُواظْ يَذُواْ وُرِنْسَ يَثٜىٰ مَسَ ‏«‏إِنْجِ يَهْوٜىٰهْ، ‏‹‏كَشِرْيَ غِدَنْكَ، غَمَا بَذَاكَيِ رَيْبَ، ذَاكَ مُتُ؞›‏ »‏

² سَيْ هٜىٰزٜىٰكِيَ يَجُويَ ڢُسْكَرْسَ تَبَنْ‌غُواْ يَيِ أَدُّعَ غَ يَهْوٜىٰهْ يَنَ ثٜىٰوَ

³ ‏«‏يَا يَهْوٜىٰهْ، إِنَ ضُواْڧُوانْكَ، كَتُنَ يَدَّ نَيِ تَڢِيَ أَغَبَنْكَ ثِكِنْ أَمِنْثِ دَ دُكَنْ ذُوثِيَاتَ، نَكُمَ عَيْكَتَ أَبِنْدَ يَكٜىٰ دَيْدَيْ أَعِدُوانْكَ؞»‏ سَيْ هٜىٰزٜىٰكِيَ يَيِ كُوكَا مَيْ ذَاڢِ سُواْسَيْ؞

⁴ سَيْ يَهْوٜىٰهْ يَيِ مَغَنَ دَ عِشَايَ ثٜىٰوَ

⁵ يَتَڢِے وُرِنْ هٜىٰزٜىٰكِيَ يَثٜىٰ، ‏«‏إِنْجِ يَهْوٜىٰهْ، اللَّهْ نَكَكَنْكَ دَاوُدَ، نَجِ أَدُّعَرْكَ، نَكُمَ غَ هَوَيٜىٰنْكَ؞ تُواْ، ذَنْ ڧَارَ وَرَايُوَرْكَ شٜىٰكَرَا غُواْمَشَا بِيَرْ؞

⁶ ذَنْ كُٻُتَرْ دَكَيْ دَ بِرْنِنَّنْ دَغَ حَنُّنْ سَرْكِنْ أَسُّرِيَ، إِنْكُمَ ڟَرٜىٰ بِرْنِنْ؞

⁷ ‏«‏غَا أَبِنْدَ ذَيْ ذَمَ مَكَ عَلَمَ دَغَ وُرِنْ يَهْوٜىٰهْ، وَنْدَ كُمَ شَيْدَثٜىٰ ثٜىٰوَ ذَيْ عَيْكَتَ أَبِنْدَ يَڢَطَا؞

⁸ ‏‹‏غَاشِ، نِے يَهْوٜىٰهْ ذَنْ كُواْمَرْدَ إِنُوَ بَايَ دَ ڧَڢَا غُواْمَ، بِسَغَ أَبِنْ ڠُودَ تَڢِيَرْ رَانَ نَ سَرْكِے أَهَظْ؞›‏ »‏ إِنُوَ كُوَ تَكُواْمَ دَ بَايَ بِسَغَ أَبِنْ ڠُودَ تَڢِيَرْ رَانَ حَرْ ڧَڢَا غُواْمَ؞

وَاڧَرْ يَبُواْ نَ هٜىٰزٜىٰكِيَ

⁹ بَايَنْدَ هٜىٰزٜىٰكِيَ يَوَرْكٜىٰ دَغَ رَشِنْ لَاڢِيَرْسَ، سَيْ يَرُبُوتَ وَنَّنْ وَاڧَرْ يَبُواْ؞

¹⁰ لَلَّيْنٜىٰ إِنْ مُتُ عَݣُونَكِنْ ڧَرْڢِينَ؟ يَا كَمَاتَ إِنْشِغَ وُرِنْ ذَمَنْ مَتَتُّونٜىٰ؟ شِنْ، ذَنْ رَسَ سَوْرَنْ شٜىٰكَرُنْ رَايُوَتَا؟

¹¹ نَثٜىٰ أَ رَيْنَ بَذَنْ سَاكٜىٰ غَنِنْ يَهْوٜىٰهْ أَوَنَّنْ دُونِيَرْ مَاسُ رَيْبَ؞ بَذَنْ ڧَارَ غَنِنْ یَنْ أَدَمْ عَثِكِنْ مَذَوْنَنْ دُونِيَرْ نَنْبَ؞

¹² دَا كَمَرْ أَنْكَوَرْ دَنِے دَغَ وُرِنْ ذَمَنَ، كَمَرْ يَدَّ عَكَنْ كُنْثٜىٰ تٜىٰنْتِنْ مَكِيَايَ؞ كَمَرْ يَدَّ مَيْ سَاڧَ يَيَنْكٜىٰ ظَرٜىٰ يَنَطَ سَاڧَ، حَكَ يَهْوٜىٰهْ يَيَنْكَ رَيْنَ، كَاڢِنْ رَانَ تَڢَاطِ دَرٜىٰ يَذُواْ؞

¹³ نَيِ كُوكَنْ نٜىٰمَنْ تَيْمَكُواْ حَرْ وَايٜىٰوَرْ غَرِ، كَمَرْ يَدَّ ذَاكِ يَكَنْ كَكَّرْيٜىٰ ڧَسُسُوَ، حَكَ يَهْوٜىٰهْ يَيِ دَنِے؞ كَاڢِنْ رَانَ تَڢَاطِ دَرٜىٰ يَذُواْ؞

¹⁴ مُرْيَتَ تَيِ ڧَرَمَ كَمَرْ تَیَرْ ڟُنْڟُ، نَيِ مَكُواْكِ كَمَرْ كُرْثِيَ؞ عِدَنُونَ سُنْ غَجِ سَبُواْدَ دُوبَنْ سَمَ؞ يَا عُبَنْ‌غِجِ، إِنَ ثِكِنْ وَهَلَ، كَتَيْمَكٜىٰنِ!‏

¹⁵ تُواْ، مٜىٰ ذَنْثٜىٰ؟ شِ يَيِ مَغَنَ، يَكُمَ عَيْكَتَ؞ بَنْ عِيَيِنْ بَرْثِبَ، سَبُواْدَ وَنَّنْ ٻَثِنْ ذُوثِيَاتَ؞

¹⁶ يَا عُبَنْ‌غِجِ، دُكْ دَ وَطَنَّنْ أَبُبُوَ، كَوَرْكَرْ دَنِے، رُوحُنَ يَسَامِ وَرْكٜىٰوَ، كَمَيَرْ مِنِ دَ لَاڢِيَتَ؞

¹⁷ حَڧِيڧَ، دُواْمِنْ أَمْڢَانِنْ رَايُوَتَا نَشَا ٻَثِنْ ذُوثِيَارْ نَنْ؞ ثِكِنْ ڧَوْنَرْكَ كَكِيَايٜىٰنِ دَغَ رَامِنْ هَلَّكَ؞ غَمَا كَا كَوَرْدَ دُكَنْ ذُنُبَيْنَ دَغَ غَبَنْكَ؞

¹⁸ غَمَا وَنْدَ يَكٜىٰ أَوُرِنْ ذَمَنْ مَتَتُّو بَايَ عِيَ يَبُوانْكَ، وَنْدَ يَغَنْ‌غَرَ ذُوَا رَامِنْ مَتَتُّو، بَايَ عِيَسَا رَيْ عَكَنْ أَمِنْثِنْكَ؞

¹⁹ مَيْ رَيْ نٜىٰ كَطَيْ يَ عِيَ يَبُوانْكَ، كَمَرْ يَدَّ نَكٜىٰيِ يَوْ؞ إِيَايٜىٰ ذَاسُ سَنَرْوَ یَیَنْسُ أَيُّكَنْكَ نَأَمِنْثِ؞

²⁰ يَا يَهْوٜىٰهْ، يَغَمْشٜىٰكَ كَثٜىٰثٜىٰنِ؞ شِيَسَا ذَامُ كَطَ غَرَايُ مُرٜىٰرَ وَاڧَرْ يَبُواْ، ذَامُ رٜىٰرَ يَبُواْ ثِكِنْ غِدَنْ يَهْوٜىٰهْ دُكَنْ ݣُونَكِنْ رَنْمُ؞

²¹ دُكَنْ وَنَّنْ يَڢَرُ نٜىٰ لُواْكَثِنْ دَ عِشَايَ يَثٜىٰ ‏«‏بَرِ أَطَوْكِ دُنْڧُلٜىٰنْ دَ عَكَيِ دَ یَیَنْ ٻَوْرٜىٰ، أَ مَنّٜىٰ عَكَنْ مَرُورُنْ دُواْمِنْ هٜىٰزٜىٰكِيَ يَوَرْكٜىٰ؞»‏

²² أَ لُواْكَثِنَّنْ دَ عِشَايَ يَڢَطِ حَكَ، سَيْ سَرْكِے هٜىٰزٜىٰكِيَ يَيِ تَمْبَيَرْ نَنْ يَثٜىٰ ‏«‏مٜىٰنٜىٰنٜىٰ عَلَمَرْ دَ ذَاتَ نُونَ مِنِ ثٜىٰوَ ذَنْ هَوْرَ ذُوَا غِدَنْ يَهْوٜىٰهْ؟»‏