عِشَايَ 34 - أَتَّوْرَتْ دَ أَنَّبَاوَا

حُكُنْثِ عَكَنْ أَلْعُمَّيْ

¹ كُذُواْ كُسَ، كُو أَلْعُمَّيْ دُواْمِنْ كُجِ؞ كُكَسَ كُنّٜىٰ، كُو ڧَبِيلُ!‏ بَرِ ڧَسَا دَ دُكَنْ أَبِنْدَ يَكٜىٰ ثِكِنْتَ سُجِ، بَرِ دُكَنْ دُونِيَا دَ دُكَنْ أَبِنْ دَيَكٜىٰ ڢِتُواْوَ دَغَ ثِكِنْتَ سُكَسَ كُنّٜىٰ!‏

² غَمَا يَهْوٜىٰهْ يَنَ ڢُشِے دَ دُكَنْ أَلْعُمَّيْ، يَنَ ذَاڢِنْ ڢُشِے دَ ضُنْدُنَارْ سُواْجُواْجِنْسُ؞ يَكٜىٰٻٜىٰسُ دُواْمِنْ هَلَّكَرْوَ، يَبَاشٜىٰسُ عَكَكَّشٜىٰ؞

³ ذَاعَيَرْ دَ غَوَوَّكِنْسُ أَ ڢِيلِ، وَرِنْ كُوَ ذَيْ تَاشِ كُواْعِنَ؞ تُدَّيْ ذَاسُ جِڧٜىٰ دَ جِنِنْ وَطَنْدَ عَكَ كَشٜىٰ؞

⁴ رَانَ دَ وَتَ دَ تَوْرَرِنْ سَمَ ذَاسُ نَرْكٜىٰ، سَمَّيْ ذَاسُ نَنَّطٜىٰ كَمَرْ تَبَرْمَ؞ دُكَنْ حَلِتُّنَّنْ ذَاسُ يَنْڨُونٜىٰ، كَمَرْ يَدَّ غَنْيٜىٰ يَكَنْ يَنْڨُونٜىٰ عَ إِتَاثٜىٰنْ إِنَبِے، كَمَرْ يَدَّ یَیَنْ ٻَوْرٜىٰ سُكَنْ بُوشٜىٰ عَ إِتَاثٜىٰ؞

⁵ سَعَدَّ تَكُواْبِنَ يَشَا يَڧُواْشِ أَ سَمَ، ذَيْ سَوْكُواْ عَكَنْ عٜىٰدُوامْ، عَكَنْ مُتَنٜىٰنْدَ نَكٜىٰٻٜىٰ دُواْمِنْ هَلَّكَرْوَ؞

⁶ تَكُواْبِنْ يَهْوٜىٰهْ يَا ڧُواْشِ دَ جِنِ، يَكُمْبُرَ دَ كِڟٜىٰ، دَ جِنِنْ یَنْ تُمَكِ دَ أَوَكِ، دَ كِڟٜىٰنْ ڧُواْدَ نَرَغُنَ؞ غَمَا يَهْوٜىٰهْ ذَيْ كَشٜىٰ مُتَنٜىٰ دَيَوَ أَغَرِنْ بُواظْرَ، ذَيْ يِهَدَايَ دَسُو عَڧَسَرْ عٜىٰدُوامْ؞

⁷ دَتَّاوَنْسُ ذَاسُ ڢَاطِ كَمَرْ بِجِمَنْ دَاجِ، كَمَرْ یَنْ بِجِمَيْ دَ مَنْيَنْ بِجِمَيْ؞ ڧَسَرْسُ ذَاتَ جِڧٜىٰ دَ جِنِ، ڧُورَرْ ڧَسَرْسُ كُمَ تَذَمَ تَاكِ دَ كِڟٜىٰنْسُ؞

⁸ غَمَا أَ رَانَرْ نَنْ يَهْوٜىٰهْ ذَيْ يِ رَامُوَا، أَ شٜىٰكَرَرْ نَنْ ذَيْ دَيْدَيْتَ كُواْمٜىٰ أَمَدَدِنْ سِهِيُواْنَ؞

⁹ رَاڢُڢُّكَنْ عٜىٰدُوامْ ذَاسُ ذَمَ مَنْ ݣُولْتَ، ڧُورَرْ ڧَسَرْتَ ذَاتَ ذَمَ ڢَرَرْ وُتَا مَيْ وَرِ؞ ڧَسَرْ عٜىٰدُوامْ ذَاتَ ڧُواْنٜىٰ كَمَرْ ثِيَوَ مَيْ ثِنْ وُتَا؞

¹⁰ دَرٜىٰ دَ رَانَ وُتَرْ بَذَاتَ مُتُبَ، هَيَاڧِنْتَ ذَيْ يِتَتَاشِ حَرْ أَبَدَا؞ دَغَ ڟَارَا ذُوَا ڟَارَا ڧَسَرْ ذَاتَ كَسَنْثٜىٰ بَابُ أَمْڢَانِ، حَرْ أَبَدَا بَابُوَنْدَ ذَيْ رَڟَا تَڧَسَرْ؞

¹¹ عُنْ‌غُلُ دَ غَغَّڢَ ذَاسُ مَلَّكِ ڧَسَرْ، مُجِيَ دَ حَنْكَكَ ذَاسُ ذَوْنَ عَثِكِنْتَ؞ يَهْوٜىٰهْ ذَيْسَا ضِكِثِيوَ تَرُڢٜىٰ ڧَسَرْ، ذَيْ مَيْدَ عِتَ مَرَرْ صِڢَّ كَمَرْ يَدَّ تَكٜىٰ كَاڢِنْ حَلِتَّرْ دُونِيَا؞

¹² ذَاعَكِرَتَ ڧَسَرْ مَرَرْ مُلْكِ، شُوغَبَنِّنْتَ كُمَ ذَاسُ ٻَثٜىٰ؞

¹³ ڧَيُواْيِ ذَاسُيِ غِرْمَ ثِكِنْ مَنْيَنْ غِدَاجٜىٰنْ ڧَسَرْ، وُتَا وُتَا ذَاسُ بَظُو ثِكِنْ بِرَنٜىٰنْسُ مَاسُ كَتَنْ‌غَ؞ ڧَسَرْ ذَاتَ ذَمَ غِدَنْ كَرْنُكَنْ دَاجِ، وُرِنْ ذَمَنْ جِمِنُ؞

¹⁴ مُوغَيٜىٰنْ نَمُواْمِنْ دَاجِ دَ كُرَايٜىٰ ذَاسُيِ تَكَيْوَ دَ كَٰوُاْوَ؞ أَلْجَنُ مَاسُ صِڢَّرْ عَكُيَ ذَاسُيِ تَكِرَنْ جُونَ أَوُرِنْ؞ أَوُرِنْ نٜىٰ أَلْجَنُنْ دَرٜىٰ ذَاسُ ݣُونَ، ذَاسُ سَامِ وُرِنْ هُوتُ؞

¹⁵ أَوُرِنْ كُمَ مُجِيَ ذَاتَيِ غِدَا، تَيِ ڨُويْ تَڨَنْڨَاشٜىٰ یَیَنْتَ، تَكُمَ إِنُوَنْتَرْ دَسُو؞ حَكَ مَا عُنْ‌غُلَيٜىٰ ذَاسُ تَارُ أَوُرِنْ، كُواْوَثٜىٰ دَ مِجِنْتَ؞

¹⁶ بِنْثِكَ ثِكِنْ لِتَّڢِنْ يَهْوٜىٰهْ كَكَرَنْتَ، ‏«‏بَابُ طَيَ وَدَّ ذَاتَ ٻَثٜىٰ، بَابُ طَيَ وَدَّ ذَاتَ رَسَ أَبُواْكِنْ ذَمَ؞ غَمَا دَ بَاكِنْسَ يَهْوٜىٰهْ يَبَادَ عُمَرْنِ رُوحُنْسَ نٜىٰ كُمَ يَتَتَّرَاسُ؞

¹⁷ يَهْوٜىٰهْ نٜىٰ يَرَبَ مُسُ رَبُوانْ ڧَسَرْ، دَ حَنُّنْسَ يَ عَوْنَاوَا كُواْوَنّٜىٰنْسُ رَبُوانْسَ؞ ذَاسُ مَلَّكِ ڧَسَرْ حَرْ أَبَدَا، دَغَ ڟَارَا ذُوَا ڟَارَا ذَاسُ ذَوْنَ عَثِكِ؞»‏