عِشَايَ 32 - أَتَّوْرَتْ دَ أَنَّبَاوَا

مُلْكٍ أَدَلْثِے

¹ دُوبَ، ذَاعَيِ وَنِ سَرْكِے، سَرْكِنْ دَ ذَيْ يِمُلْكِ ثِكِنْ أَدَلْثِے، سَوْرَنْ شُوغَبَنِّ ذَاسُيِ مُلْكِ دَ غَسْكِيَ؞

² كُواْوَنّٜىٰنْسُ ذَيْ ذَمَ كَمَرْ مَڢَكَا دَغَ إِسْكَ، كَمَرْ وُرِنْ ٻُيَ دَغَ ضُوً ڧَنْڧَرَ، كَمَرْ یَنْ رَاڢُڢُّكَ ثِكِنْ دَاجِنْ يَشِ، كُواْ إِنُوَرْ بَبَّنْ دُوڟٜىٰ عَڧَسَا مَيْ ذَاڢِ؞

³ إِدَانُنْ مَاسُ غَنِ بَذَاسُ رُڢُ بَ، كُنُّوَنْ مَاسُ جِ ذَاسُ سَوْرَرَ؞

⁴ ذُوثِيَارْ مَيْيِنْ أَبُ بَرْكَتَيْ ذَاتَ ثِكَ دَ غَانٜىٰوَ دَ كُمَ سَنِ، مَيْ نَوْيِنْ هَرْشٜىٰنْ مَغَنَ ذَيْ عِيَيِنْ مَغَنَ دَلَّ دَلَّ؞

⁵ بَذَاعَ ڧَارَ ثٜىٰ دَ وَاوَا، مُتُمِنْ كِرْكِ بَ، كُواْ عَثٜىٰ دَ مَثُوثِ، مُتُمْ مَيْغِرْمَبَ؞

⁶ غَمَا وَاوَا يَنَ مَغَنَرْ وَوَنْثِ، ذُوثِيَارْسَ تَنَ شِرِنْ مُغُنْتَا، دُواْمِنْ عَيِ رَايُوَرْ رَشِنْ ڟُواْرُوانْ اللَّهْ، دُواْمِنْ عَبَظَ ڧَضْيَا غَمٜىٰدَ يَهْوٜىٰهْ، دُواْمِنْ عَڨَلٜىٰ مَيْ جِنْ يُنْوَ ثِكِنْ يُنْوَرْسَ دُواْمِنْ عَبَرْ مَيْ جِنْ ڧِشِنْ ضُوَ ثِكِنْ ڧِشِنْسَ؞

⁷ مَثُوثِ كُوَ هَنْيُواْيِنْ ثُوتَرْسَ مُوغَيٜىٰ نٜىٰ، يَكَنْ ڧِرْڧِرُواْ مُوغَيٜىٰنْ دَبَرُ دُواْمِنْ يَثُوثِ مَتَلَوْتَ دَ كَلْمُواْمِنْ ڧَضْيَا، كُواْ دَمَا كُوكَنْ مَيْ بُڧَاتَ غَسْكِيَ نٜىٰ؞

⁸ عَمَّا مُتُمِنْ كِرْكِ يَنَ شِرِنْ أَبُبُوَنْ كِرْكِ، تَوُرِنْ أَيُّكَنْ كِرْكِ ذَيْ كَڢُ؞

حُكُنْثِ دَ سَابُنْتَاوَا

⁹ كُو مَاتَا مَاسُ ذَمَنْ جِنْ دَاطِے، كُتَاشِ كُسَوْرَرَتَ، كُو دَ كُكٜىٰيِنْ ذَمَنْكُ أَ سَكٜىٰ، سَيْ كُكَسَ كُنّٜىٰ غَرٜىٰنِ؞

¹⁰ بَايَنْ شٜىٰكَرَا طَيَ، كُو دَ كُكٜىٰيِنْ ذَمَنْكُ أَ سَكٜىٰ، ذَاكُ جِجِّغُ، غَمَا بَابُ یَیَنْ إِنَبِنْدَ ذَاكُ غِرْبَ، بَابُ یَیَنْ عِتَتُوَ أَ لُواْكَثِنْ غِرْبِے؞

¹¹ كُيِ ضَوَرْ جِكِے دُواْمِنْ ڟُواْرُواْ، كُو مَاتَا مَاسُ ذَمَنْ جِنْ دَاطِے، كُجِجِّغُ، كُو دَ كُكٜىٰيِنْ ذَمَنْكُ أَ سَكٜىٰ!‏ كُتُوٻٜىٰ كَايَنْكُ، كُطَوْرَ رِيغُنَنْ نُونَ بَڧِ ثِكِ عَݣُونْݣُوسُواْ؞

¹² كُبُغِ ڧِرْجِنْكُ دُواْمِنْ بَڧِنْ ثِكِ، سَبُواْدَ أَنْلَلَتَرْدَ ڢِيلَيٜىٰنْ نُواْمَنْكُ دَ غُواْنَكِنْ إِنَبِنْكُ؞

¹³ غَمَا ڧَيُواْيِ دَ وُتَا وُتَا سُنَ غِرْمَ عَثِكِنْ ڧَسَرْ مُتَنٜىٰنَ؞ كُيِ بَڧِنْ ثِكِ سَبُواْدَ أَنْرُشٜىٰ غِدَاجٜىٰنْ جِنْ دَاطِے نَبِرْنِ مَيْ مُرْنَ؞

¹⁴ غَمَا ذَاعَ ڨَلٜىٰ غِدَنْ سَرْكِے، بِرْنِ مَيْ يَوَنْ مُتَنٜىٰ كُمَ ذَاعَ بَرْ شِ بَا كُواْوَ؞ تُدُ دَ طَاكِنْ طَنْ سِنْتِرِ ذَاسُ ذَمَ كُواْغُوانْ كَرٜىٰنْ دَاجِ؞ ذَاسُ ذَمَ وُرِنْ وَسَ دُواْمِنْ جَاكِنْ دَاجِ، دَ وُرِنْ كِيوُاْ دُواْمِنْ تُمَكِ،

¹⁵ حَرْ سَيْ لُواْكَثِنْ دَ يَهْوٜىٰهْ يَظُبُواْ مَنَ دَ رُوحُنْسَ دَغَ سَمَ، دَاجِ كُمَ ذَيْ ذَمَ ڢِيلِ مَيْ أَمْڢَانِ، ڢِيلَيٜىٰنْ نُواْمَ ذَاسُ بَادَ أَمْڢَانِ عَيَلْوَثٜىٰ؞

¹⁶ أَ لُواْكَثِنْ نٜىٰ ذَاعَيِ غَسْكِيَ كُواْعِنَ أَدَاجِ، أَدَلْثِے كُمَ ذَيْ يَلْوَتَ كَمَرْ غُواْنَ مَيْ بَادَ أَمْڢَانِ؞

¹⁷ أَمْڢَانِنْ يِنْ أَبِنْدَ يَكٜىٰ دَيْدَيْ، شِينٜىٰ سَلَمَ؞ أَبِنْ دَ يِنْ أَدَلْثِے ذَيْ حَيْڢَرْ، شِينٜىٰ نَڟُوَ دَ هُوتَوَا حَرْ أَبَدَا؞

¹⁸ عِ، مُتَنٜىٰنَ ذَاسُ ذَوْنَ دَ سَلَمَ أَغِدَاجٜىٰنْسُ، أَوُرَارٜىٰنْ ذَمَنْ جِنْ دَاطِے بَابُ دَامُوَ،

¹⁹ كُواْدَيَكٜىٰ ضُوً سَمَ مَيْ ڧَنْڧَرَ يَلَلَتَرْ دَ عِتَتُوَنْ كُرْمِ غَبَاطَيَ، كُواْ دَاعَثٜىٰ أَنْرُرُّشٜىٰ بِرْنِنْ كَكَڢْ؞

²⁰ دُكْدَهَكَ، مَاسُ أَلْبَرْكَ نٜىٰ كُو، ذَاكُ شُوكَ غُواْنَكِنْكُ عَبَاكِنْ رَاڢُڢُّكَ، جَاكُنَنْكُ دَ بِجِمَنْكُ كُمَ ذَاسُيِ كِيوُاْ أَ سَكٜىٰ؞