عِشَايَ 31 - أَتَّوْرَتْ دَ أَنَّبَاوَا

سَڧُوانْ كَيْتُواْ نَبِيَرْ وَوَنْثِنْ رَشِنْ دُواْغَضَ عَكَنْ يَهْوٜىٰهْ

¹ كَيْتُواْ!‏ كُنَ غَنْ‌غَرَوَ ذُوَا مَصَرْ دُواْمِنْ نٜىٰمَنْ تَيْمَكُواْ، كُنَ دُواْغَضَ غَ دَوَكِ، كُنَ دُواْغَضَ غَ يَوَنْ كٜىٰكُنَنْ دُواْكِنْ يَاڧِ، كُنَ دُواْغَضَ غَ ڧَرْڢِنْ مَاسُ هَوَنْ دُواْكِ، عَمَّا بَكُ دُواْغَضَ غَ مَيْ ڟَرْكِے نَ إِسْرَٰٓءِيلَ، كُواْ كُنٜىٰمِ شَوَرَا دَغَ وُرِنْ يَهْوٜىٰهْ بَ!‏

² عَمَّا يَهْوٜىٰهْ مَيْ حِكِمَ نٜىٰ، يَعَيْكَ دَ مَسِيڢَ؞ بَايَ ثَنْجَ مَغَنَرْ بَاكِنْسَ، عَمَّا ذَيْ يِغَابَادَ مَاسُ عَيْكَتَ مُغُنْتَا، ذَيْ كُمَيِ غَابَادَ مَاسُ تَيْمَكُوانْسُ؞

³ أَيْ، مَصَرَاوَا مُتَنٜىٰنٜىٰ، بَ اللَّهْ بَ؞ دَوَكِنْسُ نَامَ دَ جِنِ نٜىٰ، بَ رُوحُواْحِبَ؞ سَعَدَّ يَهْوٜىٰهْ يَمِيڧَ حَنُّنْسَ، مَيْ بَادَ تَيْمَكُواْ ذَيْ يِتُنْتُٻٜىٰ، مَيْ نٜىٰمَنْ تَيْمَكُواْ ذَيْ ڢَاطِ، تَرٜىٰ ذَاسُ هَلَّكَ؞

⁴ غَا أَبِنْدَ يَهْوٜىٰهْ يَثٜىٰ مِنِ، ‏«‏ذَنْ ذُواْ كَمَرْ ذَاكِنْ دَ بَايَ ڟُواْرُواْ، كَمَرْ ذَاكِ مَيْ رُورِ وَنْدَ يَكَشٜىٰ تُنْكِيَ؞ كُواْ تَيَيَا ڧُنْ‌غِيَرْ مَكِيَايَ سُكَ تَارُ سُنَيِنْ إِيهُ، بَذَيْ ڢِرْغِتَ كُواْ يَدَامُبَ؞ تُواْ، حَكَنَنْ نِے يَهْوٜىٰهْ مَيْ ضُنْدُنَا ذَنْ سَوْكَ إِنْيِ يَاڧِ عَكَنْ تُدُنْ سِهِيُواْنَ إِنْ ڟَرٜىٰ تُدُنْ بِرْنِنْ؞

⁵ نِے يَهْوٜىٰهْ مَيْ ضُنْدُنَا ذَنْ ڟَرٜىٰ عُرُوشَلِيمَ كَمَرْ يَدَّ ڟُنْڟَيٜىٰ سُكٜىٰ ڟَرٜىٰ یَیَنْسُ؞ نِے يَهْوٜىٰهْ ذَنْ ڟَرٜىٰ عُرُوشَلِيمَ إِنْثٜىٰثٜىٰتَ، ذَنْ كَارٜىٰتَ إِنْكُٻُتَرْ دَ عِتَ؞»‏

⁶ يَا یَیَنْ إِسْرَٰٓءِيلَ!‏ كُكُواْمَ غَ يَهْوٜىٰهْ، غَ وَنْدَ كُكَيِ مَسَ تَاوَيٜىٰ ڨُورَيْ؞

⁷ غَمَا أَ رَانَرْ نَنْ، كُواْوَ ذَيْجٜىٰڢَرْ دَ غُنْكِنْ أَظُرْڢَا دَ نَظِنَرِيَ، وَطَنْدَ حَنُّوَنْسَ نَذُنُوبِ سُكَيِ مَسَ؞

⁸ ‏«‏أَسُّرِيَ ذَاتَ ڢَاطِ تَتَكُواْبِنْ يَاڧِ، عَمَّا بَ نَمُتُمْبَ؞ تَكُواْبِنْ دَ بَنَمُتُمْبَ شِے ذَيْ هَلَّكَ أَسُّرِيَاوَا؞ أَسُّرِيَ ذَاتَ غُدُ دَغَ تَكُواْبِنْ، سَمَارِنْتَ كُمَ ذَاعَ تِلَسْتَسُ سُيِ عَيْكِنْ دُواْلٜىٰ؞

⁹ سَرْكِنْتَ، وَنْدَ يَذَمَ وُرِنْ ٻُيَنْتَ، ذَيْ غُدُ سَبُواْدَ يَوَنْ ڟُواْرُواْ؞ مَنْيَنْ سُواْجُواْجِنْتَ كُمَ ذَاسُ ڟُواْرَتَ، ذَاسُ غُدُ سَعَدَّ عَكَ طَغَ تُوتَرْ يَاڧِ؞ نِے يَهْوٜىٰهْ نَا ڢَطَا، وَنْدَ وُتَاتَ تَنَ أَ سِهِيُواْنَ، وُتَاتَ مَيْثِ أَ عُرُوشَلِيمَ؞»‏