عِشَايَ 29 - أَتَّوْرَتْ دَ أَنَّبَاوَاسَڧُوانْ كَيْتُواْ نَبِيُ سَڧُواْ غَمٜىٰدَ عُرُوشَلِيمَ 1 كَيْتُوانْكِ أَرِيٜىٰلْ، أَرِيٜىٰلْ بِرْنِنْ عُرُوشَلِيمَ عِنْدَ دَاوُدَ يَذَوْنَ! بَرِ شٜىٰكَرَا تَبِے شٜىٰكَرَا عَيِتَ بُكُكُوَنْكُ نَسُجَّدَ يَدَّ عَكَ سَابَايِ؞ 2 سَعَنً ذَنْ حُكُنْتَكُ، ذَاعَيِ كُوكَا دَ ثِظُوانْ هَڧُواْرَ؞ غَمَا بِرْنِنْ ذَيْ ذَمَ بَغَدٜىٰ كَمَرْ أَرِيٜىٰلْ، وَتُواْ بَغَدٜىٰنْ دَ وُتَا تَرُڢٜىٰ؞ 3 ذَنْكَيْ وَبِرْنِنْ هَرِ، إِنْكٜىٰوَيٜىٰتَ إِنْيَاڧٜىٰتَ، إِنْتَادَ أَبُبُوَنْ هَوْرَ كَتَنْغَ دُواْمِنْ يَاڧِ؞ 4 عُرُوشَلِيمَ، ذَاعَ ڧَسْڧَنْتَرْ دَكٜىٰ حَرْ ڧَسَا، مُرْيَرْكِ ذَاتَ ذَمَ كَمَرْ تَوَنْدَ أَنْ شَڧٜىٰشِ أَوُيَ، مُرْيَرْكِ ذَاتَ رَسَ ڧَرْڢِے كَمَرْ تَوَنْدَ يَكٜىٰ عَبَاكِنْ مُتُوَ، مُرْيَرْكِ، ذَاعَ جِيتَ كَمَرْ یَرْ مُرْيَ دَغَ ثِكِنْ رَامِنْ مُتُوَ؞ 5 عَمَّا دُكَنْ يَوَنْ أَبُواْكَنْ غَابَنْكِ ذَاسُ ذَمَ كَمَرْ ڧُورَا، ڧُنْغِيَرْ سُواْجُواْجِنْسُ مَرَسَ تَوْسَيِ، ذَاعَ كَوَرْ دَسُو كَمَرْ دُوسَ عَ إِسْكَ؞ بَا ظَتُواْ بَا ڟَمَّنِ، 6 يَهْوٜىٰهْ مَيْ ضُنْدُنَا ذَيْ سَوْكُواْ مُكُ ثِكِنْ ڟَاوَ دَ ضَوَرْ ڧَسَا دَ بَبَّرْ ڧَارَ، دَ غُوغُوَ دَ إِسْكَ مَيْ ڧَرْڢِے، دَ هَرْشٜىٰنْ وُتَا مَيْ ثِنْيٜىٰوَ؞ 7 سَعَنً دُكَنْ يَوَنْ أَلْعُمَّنْ دَسُكٜىٰ يَاڧِ دَ أَرِيٜىٰلْ بَغَدٜىٰنْ اللَّهْ، دُكْ مَاسُ يَاڧِنْتَ، دُكْ مَاسُ رُشٜىٰ كَتَنْغَرْتَ، دَ مَاسُ بَاتَ عَذَابَ، دُكَنْسُ ذَاسُ ٻَثٜىٰ كَمَرْ مَڢَرْكِ، كَمَرْ غَنِنْ رُعُيَ دَدَرٜىٰ؞ 8 دُكَنْ أَلْعُمَّنْ دَ سُكَ تَارُ دُواْمِنْ سُيَاڧِ بَبَّنْ تُدُنْ سِهِيُواْنَ ذَاسُ ذَمَ كَمَرْ يَدَّ مَيْ جِنْ يُنْوَ يَكَنْيِ مَڢَرْكِ يَنَ ثِنْ عَبِنْثِ، عَمَّا دَ يَڢَرْكَ سَيْ يَيِ تَجِنْ يُنْوَ، كُواْ كَمَرْ يَدَّ مَيْ جِنْ ڧِشِنْ ضُوَ يَكَنْيِ مَڢَرْكِ يَنَ شَنْ ضُوَ، عَمَّا دَ يَڢَرْكَ سَيْ يَيِ تَجِنْ ڧِشِنْ ضُوَ، مَڧُواْڠُورُوانْسَ كُمَ يَبُوشٜىٰ؞ ڧِنْ جِنْ شَوَرَا نَ عُرُوشَلِيمَ 9 كُثِيغَبَدَ عَيْكِنْ وَوَنْثِنْكُ! كُدِنْغَ رُڢٜىٰ عِدَنُونْكُ كُذَمَ مَكَڢِ! كُبُغُ بَاتَرٜىٰدَ شَنْ ضُوً إِنَبِبَ! كُيِ تَنْغَطِ، عَمَّا بَ سَبُواْدَ شَنْ غِيَبَ! 10 غَمَا يَهْوٜىٰهْ يَاظُبَ مُكُ رُوحٌ بَرْثِ مَيْ ظُرْڢِ؞ أَنَّبَاوَنْ دَسُكٜىٰ عِدُوانْ جَمَعَ، يَهْوٜىٰهْ يَا رُڢٜىٰ عِدَنُونْسُ، مَاسُ غَنِنْ دَسُكٜىٰ كَوُنَنْ جَمَعَ، يَهْوٜىٰهْ يَا دُهُنْتَ تُنَانِنْسُ؞ 11 كُواْوَنٜىٰ أَنَّبْثِ نَثِكِنْ رُعُيَ، ذَيْ ذَمَ مُكُ كَمَرْ كَلْمُواْمِنْ نَطَطّٜىٰنْ لِتَّڢِنْ دَ عَكَ مَنّٜىٰ دَ هَاتِمِ؞ عِدَنْ أَنْبَا مُتُمِنْدَ يَ عِيَ كَرَاتُ يَكَرَنْتَ ذَيْثٜىٰ «أَيْ، لِتَّڢِنْ أَ رُڢٜىٰ يَكٜىٰ؞» 12 عِدَنْ كُمَ أَنْبَا وَنْدَ بَيْ عِيَكَرَاتُوبَ يَكَرَنْتَ ذَيْثٜىٰ «أَيْ، نِے بَنْ عِيَ كَرَاتُوبَ؞» 13 عُبَنْغِجِ يَثٜىٰ، «مُتَنٜىٰنَّنْ ڢَا، دَ بَاكِ كَوَيْ سُكٜىٰيِ مِنِ سُجَّدَ، دَ مَغَنَ كَوَيْ سُكٜىٰ غِرْمَمَ نِے، عَمَّا ذُوثِيَارْسُ سُنَ نٜىٰسَ دَنِے، سُجَّدَرْسُ بَا وَنِ أَبُ بَنٜىٰ، سَيْ عُمَرْنَيْ نٜىٰ دَسُكَ هَدَّثٜىٰ؞ 14 دُواْمِنْ حَكَ ذَنْ ڢِرْغِتَرْ دَسُو، ذَنْيِ عَيْكِنْ بَنْ مَامَاكِ عَثِكِنْسُ، عِ، أَبُبُوَنْ بَنْ مَامَاكِ عَكَيْ عَكَيْ؞ حِكِمَرْ مَاسُ حِكِمَ ذَاتَ ٻَثٜىٰ، وَيُواْ نَمَاسُ وَيُواْ ذَيْ ذَمَ بَنْظَ؞» سَڧُوانْ كَيْتُواْ نَعُكُ سَا ذُوثِيَا نَنَنْ غَبَ 15 كَيْتُوانْ مَاسُ ڧُواْڧَرِ سُٻُواْيٜىٰ نُڢِنْسُ دَغَ يَهْوٜىٰهْ، سُو دَسُكٜىٰيِنْ أَيُّكَنْسُ ثِكِنْ دُهُ، سُو دَسُكٜىٰثٜىٰوَ «وَ يَغَنْمُ؟ وَ يَسَنْمُ؟» 16 سُنَ تَكِڢٜىٰ كُواْمٜىٰ! وَنٜىٰنٜىٰ يَڢِ مُهِمَّنْثِ، مَيْ غِنِنْ تُݣُونٜىٰ كُواْ كُوَ لَاكَ؟ أَبِنْ دَ مُتُمْ يَيِ دَ حَنُّنْسَ، بَذَيْ عِيَ جُويَا يَثٜىٰ وَمُتُمِنْ، «بَكَيْنٜىٰ كَيِ نِبَ!» بَذَيْ كُمَثٜىٰ مَسَ، «أَيْ، بَكَ سَنْ أَبِنْدَ كَكٜىٰيِبَ!» 17 بَ دَجِمَوَ بَ كُرْمِنْ لٜىٰبَنُوانْ ذَيْ جُويَا يَذَمَ ڢِيلِنْ نُواْمَ، ڢِيلِنْ نُواْمَ كُمَ ذَيْ ذَمَ كُرْمِ؞ 18 أَ رَانَرْ نَنْ، كُرَمٜىٰ ذَاسُجِ كَرَاتُنْ كَلْمُواْمِنْ لِتَّڢِنْ، إِدَانُنْ مَكَڢِ مَاسُ ذَمَ أَدُهُ، ذَاسُ عِيَ غَنِ؞ 19 مَاسُ سَوْڧِنْ كَيْ ذَاسُ سَامِ ڢَضٍ ثِكِ دَغَ يَهْوٜىٰهْ، مَرَسَ ڧَرْڢِے ذَاسُيِ مُرْنَ سَبُواْدَ أَبِنْدَ اللَّهْ مَيْ ڟَرْكِے نَ إِسْرَٰٓءِيلَ يَيِ؞ 20 غَمَا مَرَسَ تَوْسَيِ ذَاسُ ٻَثٜىٰ، مَاسُ بَعَكُمَ ذَاسُ ڧَارٜىٰ، حَكَمَا مَاسُ ڨُوذُواْ ثِكِنْ يِنْ مُغُنْتَا، ذَاعَ كَوَرْدَسُو؞ 21 مَاسُ شَيْدَرْ ڧَضْيَا عَكَنْ مَرَسَ لَيْڢِے، مَاسُ حَنَ شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ، مَاسُ حَنَ وَ مَيْ غَسْكِيَ حَكِّنْسَ، دُكْ ذَاعَ كَوَرْدَسُو؞ 22 يَنْذُ ڢَا، يَهْوٜىٰهْ يَا ثٜىٰ وَظُرِيَرْ يَعْڧُوبَ، يَهْوٜىٰهْ وَنْدَ يَڢَنْشِ إِبْرَٰهِيمْ يَثٜىٰ، «ذُرِيَرْ يَعْڧُوبَ بَذَاتَ سَاكٜىٰ جِنْ كُنْيَابَ؞ ڢُسْكَرْتَ بَذَاتَ سَاكٜىٰ يَنْڨُونٜىٰوَبَ؞ 23 غَمَا أَ سَعَدَّ سُكَغَ یَیَنْسُ، عَيْكِنْ حَنُّوَنَ عَثِكِنْسُ، ذَاسُ كِيَايٜىٰ سُونَنَ دَ ڟَرْكِے؞ ذَاسُ شَيْدَ ڟَرْكِنْ مَيْ ڟَرْكِے نَ إِسْرَٰٓءِيلَ، سُغِرْمَمَ اللَّهْ نْسُ نَ إِسْرَٰٓءِيلَ؞ 24 وَطَنْدَ رُوحُنْسُ سُكٜىٰ كَوْثٜىٰوَ دَغَ حَنْيَ، ذَاسُ سَامِ غَانٜىٰوَ، وَطَنْدَ سُكٜىٰيِنْ غُنَغُنِ كُمَ ذَاسُ كَرْٻِ كُواْيَرْوَا؞» |
Hausa Common Language Ajami Bible © The Bible Society of Nigeria, 2020
Bible Society of Nigeria