عِشَايَ 27 - أَتَّوْرَتْ دَ أَنَّبَاوَا

أَلْڧَوَرِنْ ثٜىٰتُواْ

¹ أَ رَانَرْ نَنْ، يَهْوٜىٰهْ ذَيْ طَوْكِ تَكُواْبِنْسَ، تَكُواْبِے مَيْ ڧَرْڢِے، مَيْغِرْمَ، مَيْ ٻَرْنَ، يَحُكُنْتَ لٜىٰبِيَتَنْ مَثِيجِنَّنْ مَيْ غُدُ، لٜىٰبِيَتَنْ مَثِيجِنَّنْ مَيْ مُرْطٜىٰوَ، يَهْوٜىٰهْ ذَيْ كَشٜىٰ دُواْدُواْنَّنْ مَيْ صِڢَّرْ مَثِيجِ وَنْدَ يَكٜىٰ ثِكِنْ تٜىٰكُ؞

² أَ رَانَرْ نَنْ، ذَاعَيِ وَاڧَا غَمٜىٰدَ ݣَكْݣَوَرْ غُواْنَرْ إِنَبِے، عَثٜىٰ،

³ ‏«‏نِے يَهْوٜىٰهْ نِنٜىٰ مَيْ لُورَ دَ غُواْنَرْ، كُواْ يَوْشٜىٰ إِنَ يِمَتَ بَنْ ضُوَ؞ إِنَ كُمَ غَادِنْتَ دَرٜىٰ دَ رَانَ، دُواْمِنْ كَدَ وَنِ يَيِ مَتَ ٻَرْنَ؞

⁴ ڢُشِے عَكَنْتَ كَمْ، بَ نِے دَشِ؞ دَمَا عَثٜىٰ ڧَيُواْيِ دَ وُتَا وُتَا نٜىٰ سُڢِتُواْ عَثِكِنْتَ سُيِ غَابَادَنِے، دَ ذَنْ ڢَاطَ مُسُ إِنْڧُواْنٜىٰسُ دُكَ ڧُرْمُسْ؞

⁵ عِدَنْ كُمَ مَاسُ غَابَادَنِے سُنْ مَنّٜىٰ مِنِ دُواْمِنْ إِنْ ڟَرٜىٰسُ، سَيْ سُنٜىٰمِ ذَمَنْ سَلَمَ دَنِے؞ عِ، بَرِ سُنٜىٰمِ ذَمَنْ سَلَمَ دَنِے؞»‏

⁶ عَكْوَانَكِے مَاسُ ذُوَا، يَعْڧُوبَ ذَيْسَامِ تُوشٜىٰ، جَمَعَرْ إِسْرَٰٓءِيلَ ذَاسُ تُواْهُ سُيِ ڢُلَوَ، یَیَنْ دَ سُكَيِ ذَاسُثِكَ دُونِيَا دُكَ؞

⁷ أَيْ، يَهْوٜىٰهْ بَيْ بُغِ جَمَعَرْسَ كَمَرْ يَدَّ يَبُغِ أَبُواْكَنْ غَابَنْسُبَ؞ بَيْ كُمَ كَشٜىٰسُ كَمَرْ يَدَّ يَكَشٜىٰ أَبُواْكَنْ غَابَنْسُبَ؞

⁸ تَوُرِنْ كُواْرَرْسُ، يَهْوٜىٰهْ يَا حُكُنْتَسُ، يَتُورَسُ ڧَسَرْ بَوْتَا، دَ إِسْكَرْ غَبَسْ مَيْ ڧَرْڢِے يَكَوَرْ دَسُو؞

⁹ تَهَكَ ذَاعَ طَوْكِ لَيْڢِنْ ذُرِيَرْ يَعْڧُوبَ؞ غَا يَدَّ ذَاعَ نُونَ أَمْڢَانِنْ كَوَرْدَ ذُنُبَنْسُ؞ ذَاسُنِڧَ دُووَڟُنْ بَغَدَيْ سُذَمَ ڧُورَا، سُكَوَرْدَ غُمَكَنَّنْ أَشٜىٰرَ، سُكُمَ ڢَرْڢَسَ بَغَدَنْ ڧُواْنَ تُرَارٜىٰ؞

¹⁰ غَمَا بِرْنِ مَيْ كَتَنْ‌غَ يَكُواْمَ كُڢَيْ؞ وُرِنْ دَ دَا عَكٜىٰ ذَمَ، أَنْبَرِ أَنْڨَلٜىٰ يَذَمَ دَاجِ نَكِيوُاْ عِنْدَ یَیَنْ شَانُو ذَاسُ هُوتَ، عِنْدَ ذَاسُثِنْيٜىٰ غَنْيٜىٰنْ رَسَّنْ عِتَتُوَ؞

¹¹ دَ رَسَّنْ عِتَتُوَ سُكَ بُوشٜىٰ، سُنْ كَرْيٜىٰ، مَاتَا سُكَ ݣُوشٜىٰ دُواْمِنْ سُهُورَ وُتَادَسُو؞ سَبُواْدَ سُو مُتَنٜىٰنٜىٰ دَ بَاسُ دَ غَانٜىٰوَ، شِے وَنْدَ يَيِسُ بَذَيْجِ تَوْسَيِنْسُبَ، شِے وَنْدَ يَحَلِثّٜىٰسُ بَذَيْ نُونَ مُسُ جِنْڧَيْبَ؞

¹² أَ رَانَرْ نَنْ، يَهْوٜىٰهْ ذَيْ تَتَّرَاسُ كَمَرْ حَڟِ تُنْدَغَ ݣُورِنْ كُواْغِنْ يُڢِرٜىٰتِسْ حَرْ ذُوَا ݣُورِنْ إِيَاكَرْ مَصَرْ؞ ذَاعَ تَتَّرَاكُ طَيَ طَيَ، يَا كُو یَیَنْ إِسْرَٰٓءِيلَ؞

¹³ أَ رَانَرْ نَنْ، ذَاعَ بُوسَ ڧَهُواْ دُواْمِنْ عَكِرَوُاْ إِسْرَٰٓءِيلَاوَنْ دَ سُكَ ٻَثٜىٰ ثِكِنْ ڧَسَرْ أَسُّرِيَ دَ وَطَنْدَ عَكَ كُواْرَ ذُوَا ڧَسَرْ مَصَرْ، سُذُواْ سُيِ سُجَّدَ غَ يَهْوٜىٰهْ عَتُدُنْسَ مَيْ ڟَرْكِے أَ عُرُوشَلِيمَ؞