عِشَايَ 23 - أَتَّوْرَتْ دَ أَنَّبَاوَا

حُكُنْثِ عَكَنْ بِرْنِنْ تَيَ

¹ غَا سَڧُواْ غَمٜىٰدَ تَيَ؞ كُيِ إِيهٌ بَڧِنْ ثِكِ، يَا كُو مَاسُ تُوڧِنْ جِضَاغٜىٰنْ ضُوَ نَ تَيَ!‏ غَمَا أَنْهَلَّكَ تَيَ، أَنْبَرْتَ بَابُ تَشَرْ جِضْغِ كُواْ غِدَا؞ دَ جِضَاغٜىٰنْكُ سُكَ كُواْمُواْ دَغَ سَيِڢُرُسْ، كُنْ جِ لَابَرِنْ؞

² كُيِ شِضُ، كُو مَذَوْنَ عَبَاكِنْ تٜىٰكُ، يَا كُو یَنْ كَاسُوَ نَ سِدُوانْ، كُو دَ كُكَ تُورَ جِضَاغٜىٰ عَكَنْ تٜىٰكُ دُواْمِنْ سُكَٰوُاْ مُكُ أَرْزِڧِ؞

³ عَكَنْ بَبَّرْ تٜىٰكُ رِيبَرْ كَاسُوَ تَذُواْ مِكِ، رِيبَرْ حَڟِنْ شِهُوارْ دَ تَغِرْبِے عَبَاكِنْ نِلُ؞ تَيَ، كٜىٰثٜىٰ ثِبِيَرْ كَاسُوَنْثِ تَ أَلْعُمَّيْ؞

⁴ بِرْنِنْ سِدُوانْ، كِجِ كُنْيَرْ كَنْكِ، كٜىٰ دَ كِكٜىٰ بِرْنِ مَيْ كَتَنْ‌غَ نَبَاكِنْ تٜىٰكُ؞ غَاشِ تٜىٰكُ تَيِ مَغَنَ ثٜىٰوَ ‏«‏نِے بَنْتَٻَجِنْ عَذَابَرْ نَڧُدَبَ، بَلّٜىٰ مَا تَحَيْڢُوَ؞ بَنْ كُمَ تَٻَ رٜىٰنُوانْ یَیَ مَظَبَ، كُواْ إِنْ تَٻَ هُواْرَرْ دَ بُدُرْوَيْ؞»‏

⁵ دَ لَابَرِنْ هَلَّكَرْ تَيَ يَكَيْ مَصَرْ، مَصَرَاوَا ذَاسُيِ بَڧِنْ ثِكِ؞

⁶ كُيِ إِيهٌ بَڧِنْ ثِكِ، يَا كُو مَذَوْنَ عَبَاكِنْ تٜىٰكُ، سَيْ كُغُدُ ذُوَا سِڢٜىٰنْ؞

⁷ كَيْ!‏ بِرْنِنْكُ كٜىٰنَنْ مَيْ تَاڧَمَ؟ بِرْنِنْكُ كٜىٰنَنْ وَنْدَ أَصَلِنْسَ تُنْ زَامَانِنْ دَا نٜىٰ؟ بِرْنِنْ كٜىٰنَنْ وَنْدَ يَعَيْكَ دَ مُتَنٜىٰ سُكَڢَ مُلْكِ عَڧَسَاشٜىٰ مَاسُ نِيسَ؟

⁸ شِنْ، وَ يَعَيْكَ وَ تَيَ وَنَّنْ مَسِيڢَ؟ تَيَ ڢَا بِرْنِ ثٜىٰ مَيْ نَطَ سَرَاكُنَ، وَدَّ یَنْ كَاسُوَرْتَ كَمَرْ سَرَاكُنَ نٜىٰ، وَدَّ مَاسُ سَيَ دَ سَيَرْوَ سُكَيِ سُونَ أَدُكَنْ ڢَاطِنْ دُونِيَا؞

⁹ يَهْوٜىٰهْ مَيْ ضُنْدُنَا نٜىٰ يَشِرْيَ وَنَّنْ، دُواْمِنْ يَكُنْيَتَرْ دَمَاسُ غِرْمَنْ كَيْ، يَكُمَ ڧَسْڧَنْتَرْدَ وَطَنْدَ عَكَ طَوْكَكَ عَدُونِيَا؞

¹⁰ يَا كٜىٰ غَرُضُوً سِڢٜىٰنْ، كُبَظُو عَكُواْعِنَ عَڧَسَرْكُ كَمَرْ يَدَّ ضُوَ يَكَنْ بَظُو عَبَاكِنْ نِلُ؞ أَيْ، أَنْهَلَّكَرْ دَ تَشَرْ جِضَاغٜىٰنْكُ!‏

¹¹ يَهْوٜىٰهْ يَا مِيڧَ حَنُّنْسَ عَكَنْ تٜىٰكُ يَغِرْغِظَ مُلْكُواْكِنْ ڧَسَاشٜىٰنْ ڧٜىٰتَرٜىٰنْ تٜىٰكُ؞ يَبَادَ عُمَرْنِ غَمٜىٰدَ كَنْعَنَ، عُمَرْنِنْ هَلَّكَرْ دَ بِرَنٜىٰنْتَ مَاسُ كَتَنْ‌غَ؞

¹² يَثٜىٰ ‏«‏يَا كٜىٰ بُدُرْوَ، ذُوثِيَاتَ سِدُوانْ، أَيَّ، ڢَضٍ ثِكِنْكِ يَڧَارٜىٰ، مُتَنٜىٰنْكِ سُنَ ثِكِنْ دَنِّيَ؞ كِتَاشِ كِڧٜىٰتَرٜىٰ ذُوَا سَيِڢُرُسْ، عَمَّا كُواْ عَثَنْ مَا بَذَاكِ هُوتَبَ؞»‏

¹³ دُوبِے مُتَنٜىٰنْ ڧَسَرْ بَابِيلَ، دَا أَنْسَنْ دَسُو عَمَّا يَنْذُ بَاسَ نَنْ؞ أَسُّرِيَاوَا سُكَ مَيْدَ عِتَ وُرِنْ ذَمَنْ نَمُواْمِنْ دَاجِ؞ سُكَ غِنَا أَبِنْ هَوَنْ كَتَنْ‌غَ دُوانْ يَاڧِ، سُكَ رُرُّشٜىٰ غِدَاجٜىٰنْ سَرَاكُنَنْتَ، سُكَ مَيْدَ بِرْنِنْ كُڢَيْ؞

¹⁴ كُيِ إِيهٌ بَڧِنْ ثِكِ، كُو مَاسُ تُوڧِنْ جِضَاغٜىٰنْ ضُوَ نَبِرْنِنْ تَرْشِشْ!‏ غَمَا أَنْهَلَّكَ بِرَنٜىٰنْكِ مَاسُ كَتَنْ‌غَ؞

¹⁵ أَ لُواْكَثِنَّنْ، ذَاعَ مَنْتَادَ بِرْنِنْ تَيَ نَڟَوُانْ شٜىٰكَرُ سَبَعِنْ، وَتُواْ يَوَنْ شٜىٰكَرُنْ سَرْكِے؞ بَايَنْدَ شٜىٰكَرُ سَبَعِنَّنْ سُكَ ثِكَ، تَيَ ذَاتَ كَسَنْثٜىٰ كَمَرْ كَارُوَ عَثِكِنْ وَاڧَا مَيْ ثٜىٰوَ

¹⁶ ‏«‏طَوْكِ غَرَايَرْكِ، كِبِے تَثِكِنْ غَرِ، يَا كٜىٰ كَارُوَرْ دَ عَكَ مَنْتَادَكٜىٰ!‏ يِكِطَ مَيْ دَاطِنْجِ، رٜىٰرَ وَاڧُواْڧِ دَيَوَ دُوانْ أَ سَاكٜىٰ تُنَاوَا دَكٜىٰ؞»‏

¹⁷ عَڧَرْشٜىٰنْ شٜىٰكَرُ سَبَعِنَّنْ، يَهْوٜىٰهْ ذَيْسَاكٜىٰ لُورَ دَ تَيَ يَمَيَرْ مَتَ دَ كَاسُوَنْثِنْتَ؞ ذَاتَ كُواْمَ غَ ڟُواْهُوَرْ رَايُوَرْتَ تَكَارُوَنْثِ دَ دُكَنْ ڧَسَاشٜىٰنْ دُونِيَا؞

¹⁸ رِبَرْ ثِنِكِنْتَ دَ كُطِنْ دَ تَسَامُ ذَاعَ كٜىٰٻٜىٰ وَ يَهْوٜىٰهْ؞ بَذَاعَيِ أَجِيَرْسُ بَ، عَمَّا ذَاعَيِ أَمْڢَانِ دَسُو دُواْمِنْ عَتَنَدَ عَبِنْثِ عَيَلْوَثٜىٰ دَ رِيغُنَ مَاسُ ݣَوْ غَ وَطَنْدَ سُكٜىٰ حِدِمَ أَغَبَنْ يَهْوٜىٰهْ؞