عِشَايَ 22 - أَتَّوْرَتْ دَ أَنَّبَاوَاحُكُنْثِ عَكَنْ عُرُوشَلِيمَ 1 غَا سَڧُواْ غَمٜىٰدَ ݣُورِنْ غَنِنْ رُعُيَ؞ مٜىٰيَكٜىٰ ڢَرُوَ؟ دُوانْمٜىٰ دُكَنْكُ كُكَ هَوْ كَنْ رُڢِنْ غِدَاجٜىٰ؟ 2 دُوانْمٜىٰ بِرْنِ غَبَاطَيَ يَثِكَ دَ إِيهُ، دَ سُورُوتُ دَ كُمَ هَيَانِيَرْ تَاڧَمَ؟ مُتَنٜىٰنْكُ دَ سُكَ مُتُ، بَسُ مُتُ تَوُرِنْ تَكُواْبِے كُواْ ثِكِنْ يَاڧِبَ؞ 3 دُكَنْ شُوغَبَنِّنْكُ سُنْ غُدُ، أَنْكَامَسُ، بَاتَرٜىٰدَ سُنْجَا بَكَبَ؞ دُكَنْ مُتَنٜىٰنْكُ دَ عَكَ غَنِ، أَنْكَامَسُ، كُواْدَيَكٜىٰ سُنْ رِغَا سُنْ غُدُ دَنِيسَ؞ 4 سَبُواْدَ حَكَ نَثٜىٰ، «نِے دَيْ عَبَرْنِ إِنْيِ تَكُوكَا نِے كَطَيْ؞ كَدَ وَنِ يَذُواْ يَبَانِ حَڧُرِ؞ عَبَرْنِ كَوَيْ إِنْيِ كُوكَا سَبُواْدَ مُتَنٜىٰنَ، سَبُواْدَ أَنْهَلَّكَ مُتَنٜىٰنْ ذُوثِيَاتَ؞» 5 عِ، رَانَ ثٜىٰ دَ عُبَنْغِجِ يَهْوٜىٰهْ مَيْ ضُنْدُنَا يَكَٰوُاْ، رَانَرْ تَاشِنْ حَنْكَلِ دَ رُوطٜىٰوَ دَ ضِكِثِيوَ أَ ݣُورِنْ غَنِنْ رُعُيَ، رَانَرْ رُشٜىٰ كَتَنْغَرْ بِرْنِنْ عُرُوشَلِيمَ، رَانَرْ كُوكَنْ نٜىٰمَنْ تَيْمَكُواْ دَغَ تُدُنْ سِهِيُواْنَ؞ 6 سُواْجُواْجِنْ عٜىٰلَمْ سُنْ طَوْكِ بَكَ دَ كِبِيَ، تَرٜىٰدَ مَاسُ هَوَنْ كٜىٰكُنَنْ دُواْكِ، سُواْجُواْجِنْ كِرْ كُمَ سُنَ رِڧٜىٰ دَ غَرْكُوُاْيِ؞ 7 كُواْوَنٜىٰ ݣُورِ مَڢِے ݣَوْ يَثِكَ دَ كٜىٰكُنَنْ دُواْكِ، ڧُواْڢُواْڢِنْ بِرْنِنْكُ كُمَ سُنْ رُڢُ دَ مَاسُ هَوَنْ دَوَكِ؞ 8 أَنْ كَوَرْدَ أَبِنْ ڟَرٜىٰ ڧَسَرْ يَهُودَ؞ أَ رَانَرْ نَنْ كُكَ دُواْغَضَ غَ كَايَنْ يَاڧِنْ دَ عَكَيِ أَجِيَرْسُ أَ غِدَنْ كُرْمِ؞ 9 كُكَ لُورَ ثٜىٰوَ أَݣَويْ وُرَارٜىٰنْ دَسُكٜىٰ بُڧَاتَرْ ڠَرَ عَبِرْنِنْ دَاوُدَ؞ سَيْ كُكَ تَتَّارَ ضُوَ عَتَڢْكِ نَغِنْدِنْ تُدُ؞ 10 كُكَ ڧِرْغَ دُكَنْ غِدَاجٜىٰنْ عُرُوشَلِيمَ، كُكَ كُمَ رُشٜىٰ غِدَاجٜىٰ مَرَسَ ݣَوْ دُوانْ كُڠَرَ كَتَنْغَرْ بِرْنِنْ دَ دُوَڟُو؞ 11 كُكَ كُمَ غِنَا تَڢْكِنْ ضُوَ ڟَكَانِنْ بَنْغُواْ بِيُ نَكَتَنْغَرْ بِرْنِنْ، دُواْمِنْ عَتَارَ ضُوَ عَڟُواْهُوانْ تَڢْكِنْ؞ عَمَّا بَكُ ظُبَ عِدُواْ غَ وَنْدَ يَكَڢَبَ، بَكُ كُلَ دَ يَهْوٜىٰهْ وَنْدَ يَشِرْيَشِ تُنْدَابَ؞ 12 أَ رَانَرْ نَنْ عُبَنْغِجِ يَهْوٜىٰهْ مَيْ ضُنْدُنَا يَكِرَاكُ كُيِ كُوكَا دَ مَكُواْكِ، كُ أَسْكٜىٰ كَوُنَنْكُ، كُسَا رِيغُنَنْ نُونَ بَڧِنْ ثِكِ؞ 13 أَ مَيْمَكُوانْ حَكَ، كُكَيِ دَارِيَا كُنَ بِكِ، كُنَ يَنْكَ تُمَكِ دَ شَانُو، كُنَ ثِنْ نَامَ كُنَ شَنْ ضُوً إِنَبِے كُنَ ثٜىٰوَ «بَ سَيْ مُيِ تَثِ دَ شَابَ، تُنْدَ غُواْبٜىٰ ذَامُ مُتُ؟» 14 يَهْوٜىٰهْ مَيْ ضُنْدُنَا يَيِ مَغَنَ عَكُنّٜىٰنَ يَثٜىٰ، «حَڧِيڧَ سَكَمَكُوانْ وَنَّنْ لَيْڢِے ذَيْبِے كَنْكُ حَرْ رَانَرْ مُتُوَرْكُ؞ نِے عُبَنْغِجِ يَهْوٜىٰهْ مَيْ ضُنْدُنَا نَا ڢَطَا؞» حُكُنْثِ عَكَنْ شٜىٰبْنَ 15 عُبَنْغِجِ يَهْوٜىٰهْ مَيْ ضُنْدُنَا يَغَيَ مِنِ إِنْتَڢِے وُرِنْ مَيْ حِدِمَرْ نَنْ شٜىٰبْنَ، شُوغَبَنْ غِدَنْ سَرْكِے، إِنْثٜىٰمَسَ، 16 «كَنَ ڟَمَّنِ كَيْ وَنٜىٰنٜىٰ؟ وَ يَبَاكَ إِظْنِنْ سَسَّڧَ وَكَنْكَ كَبَرِ كَمَرْ نَسَرْكِے؟ وَ يَبَاكَ إِظْنِنْ شِرْيَ وُرِنْ هُوتُنْكَ نَڧَرْشٜىٰ أَجِكِنْ دُوَڟُو؟ 17 كَنَ ڟَمَّنِ كَيْ وَنِ أَبُنٜىٰ، عَمَّا يَهْوٜىٰهْ ذَيْ طَوْكٜىٰكَ يَجٜىٰڢَرْ؞ 18 ذَيْ نَطٜىٰكَ يَجٜىٰڢَرْ دَكَيْ عَثِكِنْ ڧَسَا مَيْ ڢَاطِ؞ عَثَنْ ذَاكَ مُتُ كُسَدَ كٜىٰكُنَنْ دُواْكِنْ دَ كَكٜىٰ تَاڧَمَ دَسُو؞ أَبِنْ كُنْيَا كَكٜىٰ أَغِدَنْ مَيْغِدَنْكَ! 19 يَهْوٜىٰهْ ذَيْثِرٜىٰكَ دَغَ مَڟَيِنْكَ، يَڧَسْڧَنْتَرْ دَكَيْ دَغَ بَبَّرْ كُجٜىٰرَرْكَ!» 20 يَهْوٜىٰهْ يَسَاكٜىٰ ثٜىٰوَ شٜىٰبْنَ، «أَ رَانَرْ نَنْ ذَنْ كِرَا بَاوَنَ عٜىٰلِيَكِمْ طَنْ هِلْكِيَ؞ 21 ذَنْسَا مَسَ رِغَرْ عَيْكِنْكَ تَدَرَجَ، إِنْ طَوْرَ مَسَ أَبِنْ طَمَرَرْكَ؞ ذَنْ كُمَ بَاشِ دُكَنْ إِيكُوانْ دَ كَكٜىٰ دَشِ؞ ذَيْ كُوَ ذَمَ كَمَرْ بَابَ غَ مَذَوْنَنْ عُرُوشَلِيمَ دَ غِدَنْ يَهُودَ؞ 22 ذَنْسَا يَذَمَ سَرْكِے مَيْ ثِكَكّٜىٰنْ إِيكُواْ نَظُرِيَرْ دَاوُدَ؞ مَبُوطِنْ غِدَنْ سَرْكِے ذَيْكَسَنْثٜىٰ أَ حَنُّنْسَ؞ أَبِنْدَ يَبُوطٜىٰ، بَا مَيْ عِيَ رُڢٜىٰوَ، أَبِنْدَ كُمَ يَرُڢٜىٰ بَا مَيْ عِيَ بُوطٜىٰوَ؞ 23 ذَنْ كَڢَشِ كَمَرْ ڧُوسَ أَوُرِے مَيْ ڧَرْڢِے، ذَيْكُوَ ذَمَ تُوشٜىٰنْ غِرْمَ غَ دُكَنْ غِدَنْ كَكَنْسَ؞ 24 «كَمَرْ يَدَّ عَكَنْ رَاتَيَ تُݣُونٜىٰ دَ ݣُونُواْنِ دَ ݣُوڢْ دَ تُلُنَ عَڧُوسَرْ دَ عَكَ كَڢَ عَبَنْغُواْ، حَكَ ذَاعَ رَاتَيَ مَسَ دُكَنْ حَكِّنْ غِدَنْ كَكَنْسَ دَ دُكَنْ ذُرِيَرْسَ؞ 25 أَ رَانَرْ نَنْ، ڧُوسَرْ دَ عَكَ كَڢَ أَوُرِے مَيْ ڧَرْڢِے ذَاتَ كَرْيٜىٰ تَڢَاطِ ڧَسَا؞ دُكَنْ أَبِنْدَ يَكٜىٰ أَ رَاتَيٜىٰ كُوَ ذَيْ هَلَّكَ؞» غَمَا يَهْوٜىٰهْ نٜىٰ يَڢَطَا؞ |
Hausa Common Language Ajami Bible © The Bible Society of Nigeria, 2020
Bible Society of Nigeria