عِشَايَ 21 - أَتَّوْرَتْ دَ أَنَّبَاوَا

حُكُنْثِ عَكَنْ بَابِيلَ

¹ غَا سَڧُواْ غَمٜىٰدَ دَاجِنْ دَيَكٜىٰ عَبَاكِنْ تٜىٰكُ؞ كَمَرْ يَدَّ غُوغُوَ دَغَ نٜىٰغٜىٰبْ عَكُدُ تَكٜىٰ تَاشِ تَنَ هُورَاوَ دَ ڧَرْڢِے، حَكَ مَسِيڢَ ذَاتَ تَاشِ تَهُورَ دَغَ ڧَسَا مَيْ بَنْ ڟُواْرُواْ؞

² أَنْ نُونَ مِنِ رُعُيَ مَيْ تَادَ حَنْكَلِ، عَثِكِنْ رُعُيَرْ نَغَ مَيْ ثِنْ أَمَانَ يَنَ تَثِنْ أَمَانَ، مَيْ هَلَّكَرْوَ كُمَ يَنَ تَهَلَّكَرْوَ؞ يَا كُو سُواْجُواْجِنْ عٜىٰلَمْ، كُهَوْرَ دَ يَاڧِ!‏ يَا كُو سُواْجُواْجِنْ مٜىٰدِيَ، كُكٜىٰوَيٜىٰ بِرْنِنْ!‏ دُكَنْ وَهَلَرْ دَ بَابِيلَ تَحَيْڢَرْ، اللَّهْ ذَيْ جَنْيٜىٰتَ؞

³ رُعُيَرْ تَسَا ثِكِنَ يَنَ ثِيوُاْ، مُوغُنْ ذَاڢِ يَثَڢْكٜىٰنِ سُواْسَيْ، ذَاڢِ كَمَرْ نَمَثٜىٰ مَيْ حَيْڢُوَ؞ أَبِنْدَ نَجِ، يَثِ مِنِ رَيْ، أَبِنْدَ نَغَنِ، يَدَامٜىٰنِ ڨُورَيْ؞

⁴ ذُوثِيَاتَ تَا ضِكِثِے، نَا ڢِرْغِتَ دُواْمِنْ ڟُواْرُواْ؞ دَرٜىٰنْ دَ نَكٜىٰ مَرْمَرِ يَذُواْ، يَذَمَ أَبِنْ ڟُواْرُواْ غَرٜىٰنِ؞

⁵ غَاشِ، سُنْ شِرْيَ تٜىٰبُرِنْ بِكِ، سُنَ شِمْڢِطَا تَبَرْمِ، سُنَثِ، سُنَشَا؞ غَاشِ، أَنْبَادَ عُمَرْنِ، ‏«‏كُتَاشِ ڟَيٜىٰ!‏ يَا كُو شُوغَبَنِّنْ يَاڧِ، كُشَاڢَ وَ غَرْكُوُاْيِنْكُ مَيْ دُواْمِنْ شِرِنْ يَاڧِ!‏»‏

⁶ غَمَا غَ أَبِنْدَ عُبَنْ‌غِجِ يَثٜىٰ مِنِ، ‏«‏كَسَا طَنْ سِنْتِرِ، بَرِ يَدِنْ‌غَ يِنْ شٜىٰلَرْ أَبِنْدَ يَغَنِ؞

⁷ دَ طَنْ سِنْتِرِنْ يَغَ كٜىٰكٜىٰنْ دُواْكِ دَ سُواْجُواْجِ مَاسُ هَوَنْ دُواْكِ، دَ مَاسُ هَوَنْ جَاكُنَ دَ رَاڧُمَ، تُواْ، سَيْ يَكَسَ كُنّٜىٰ سُواْسَيْ، يَسَا عِدُواْ عَكَنْسُ دَݣَوْ؞»‏

⁸ سَيْ طَنْ سِنْتِرِنْ يَيِ كِرَا ثٜىٰوَ ‏«‏يَا عُبَنْ‌غِجِ، إِنَ ڟَيٜىٰ أَطَاكِنْ طَنْ سِنْتِرِ عَكَنْ كَتَنْ‌غَ، إِنَ تَڟَرُواْ دَرٜىٰ دَ رَانَ أَوُرِنْ دَ عَكَسَا نِے؞

⁹ دُوبَ، غَ كٜىٰكُنَنْ دُواْكِ سُنَ ذُوَا بِيُ بِيُ، غَ سُواْجُواْجِ مَاسُ هَوَنْ دُواْكِ سُنَ ذُوَا!‏»‏ سَيْ طَنْ سِنْتِرِنْ يَثِيغَبَدَ ثٜىٰوَ ‏«‏بَابِيلَ تَڢَاطِ، عِ، تَڢَاطِ!‏ دُكَنْ صِڢُّواْڢِنْ أَلُّواْلِنْتَ، أَنْڢَرْڢَشٜىٰسُ غَبَاطَيَ؞»‏

¹⁰ يَا كُو مُتَنٜىٰنَ إِسْرَٰٓءِيلَ، دَ عَكَ بُبُّغَ كَمَرْ أَلْكَمَ أَوُرِنْ بُغُنْ حَڟِ، أَبِنْدَ نَجِ دَغَ وُرِنْ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ شِے نَكٜىٰيِ مُكُ شٜىٰلَ؞

سَڧُواْ غَمٜىٰدَ عٜىٰدُوامْ

¹¹ غَا سَڧُواْ غَمٜىٰدَ دُمَ، وَتُواْ عٜىٰدُوامْ؞ وَنِ يَكِرَنِ دَغَ عٜىٰدُوامْ يَثٜىٰ، ‏«‏كَيْ طَنْ سِنْتِرِ، يَوْشٜىٰ نٜىٰ دَرٜىٰ ذَيْ ڧَارٜىٰ؟ شِنْ يَوْشٜىٰنٜىٰ دَرٜىٰ ذَيْ ڧَارٜىٰ؟»‏

¹² سَيْ طَنْ سِنْتِرِ يَأَمْسَ يَثٜىٰ، ‏«‏سَاڢِيَ تَنَ ذُوَا دَرٜىٰ كُمَ يَنَ بِيٜىٰ؞ عِدَنْ كَنَ سُواْ كَسَاكٜىٰيِنْ تَمْبَيَ، سَيْ كَسَاكٜىٰ دَاوُاْوَ كَيِ تَمْبَيَ؞»‏

سَڧُواْ غَمٜىٰدَ أَرَبِيَ

¹³ غَا سَڧُواْ غَمٜىٰدَ أَرَبِيَ؞ يَا كُو مُتَنٜىٰنْ دٜىٰدَنْ، كُو مَاسُ تَڢِيَ كَاسُوَنْثِ عَكَنْ رَاڧُمَ، أَدَاجِنْ طَنْ إِتَاثٜىٰنْ ڧَيَ أَعَرَبِيَ ذَاكُيِ ذَنْ‌غُواْ؞

¹⁴ يَا كُو مَذَوْنَنْ تٜىٰمَ، كُكَٰوُاْ وَمَيْجِنْ ڧِشِنْ ضُوَ ضُوً شَا، عَبَا مَاسُ غُدُ دَغَ يَاڧِ عَبِنْثِ؞

¹⁵ غَمَا سُنْ غُدُ دَغَ تَكُواْبِے، دَغَ تَكُواْبِنْ دَ عَكَ ذَارٜىٰ، دَغَ بَكَنْ دَ عَكَجَا دُواْمِنْ أَ هَرْبَ، دَغَ وَهَلَرْ يَاڧِ؞

¹⁶ غَا أَبِنْدَ يَهْوٜىٰهْ يَثٜىٰ مِنِ ‏«‏عَثِكِنْ شٜىٰكَرَا غُدَا بِسَغَ لِسَّڢِ نَشٜىٰكَرُ نَمَيْ عَيْكِنْ لٜىٰبُرَ، طَوْكَكَرْ ڧَبِيلَرْ كٜىٰدَرْ ذَاتَ ڧَارٜىٰ؞

¹⁷ ضَغُواْوَرْ مَاسُ عِيَ يَاڧِ دَ بَكَ نَ كٜىٰدَرْ ذَاسُ كَسَنْثٜىٰ كَطَنْ كَوَيْ؞»‏ يَهْوٜىٰهْ اللَّهْ نَ إِسْرَٰٓءِيلَ يَڢَطَا؞