عِشَايَ 20 - أَتَّوْرَتْ دَ أَنَّبَاوَا

أَنَّبْثِنْ أَنَّبِے مَيْ تَڢِيَ ڟِرَرَ

¹ أَنَانً سَيْ سَرْكِے سَرْغُوانْ نَ أَسُّرِيَ يَعَيْكِ شُوغَبَنْ سُواْجُواْجِنْسَ يَتَڢِے يَيِ يَاڧِ دَ بِرْنِنْ أَشْدُوادْ نَڧَسَرْ ڢِلِسْتِيَ يَڨُوثٜىٰتَ؞

² أَ شٜىٰكَرَرْ نَنْ يَهْوٜىٰهْ يَايِ مَغَنَ دَ عِشَايَ طَنْ أَمُواظْ ثٜىٰوَ ‏«‏تَڢِے كَتُوٻٜىٰ رِيغُنَنْكَ نَنُونَ بَڧِنْ ثِكِ دَغَ جِكِنْكَ، كَكُمَ ثِرٜىٰ تَاكَلْمَنْكَ دَغَ ڧَڢَاڢُنْكَ؞»‏ عِشَايَ يَكُوَ يِهَكَ، يَيِ تَتَڢِيَ ڟِرَرَ بَابُ تَاكَلْمَ عَڧَڢَاڢُنْسَ؞

³ بَايَنْ شٜىٰكَرَا عُكُ سَيْ يَهْوٜىٰهْ يَيِ مَغَنَ تَبَاكِنْ عِشَايَ ثٜىٰوَ ‏«‏بَاوَنَ عِشَايَ يَيِ شٜىٰكَرَا عُكُ يَنَ تَڢِيَ ڟِرَرَ بَابُ تَاكَلْمَ عَڧَڢَاڢُنْسَ؞ وَنَّنْ عَلَمَ ثٜىٰ دَ ݣُوتَنْثِنْ غَرْغَطِنْ دَ ذَنْ كَٰوُاْ عَكَنْ مَصَرْ دَ إِتِيُواْڢِيَ؞

⁴ سَرْكِنْ أَسُّرِيَ ذَيْ ݣُوشِ مُتَنٜىٰنْ مَصَرْ ذُوَا بَوْتَا، سَعَنً يَݣُوشِ مُتَنٜىٰنْ إِتِيُواْڢِيَ سُذَمَ بَايِ، دُكَنْسُ، يَارَا دَ ڟُواْڢَڢِّ؞ ذَاسُيِ تَڢِيَ ڟِرَرَ بَابُ تَاكَلْمَ عَڧَڢَاڢُنْسُ دَ طُوَوُنْسُ أَوَجٜىٰ، أَبِنْ كُنْيَا غَ ڧَسَرْ مَصَرْ؞

⁵ إِسْرَٰٓءِيلَاوَا كُوَ ذَاسُجِڟُواْرُواْ سُكُمَجِ كُنْيَا سَبُواْدَ سُنْسَا رَيْ نَنٜىٰمَنْ تَيْمَكُواْ دَغَ إِتِيُواْڢِيَ، سُكَ كُمَيِ تَاڧَمَ دَ مَصَرْ؞

⁶ أَ رَانَرْ نَنْ مَذَوْنَنْ وَنَّنْ يَنْكِنْ بَاكِنْ تٜىٰكُ ذَاسُثٜىٰ، ‏‹‏تُواْ، غَ أَبِنْدَ يَڢَرُ دَ وَطَنْدَ مُكٜىٰسَا رَيْ نَنٜىٰمَنْ تَيْمَكُواْ، وَطَنْدَ مُكَ تَڢِے وُرِنْسُ نٜىٰمَنْ تَيْمَكُواْ دُواْمِنْ مُكُٻُتَ دَغَ حَنُّنْ سَرْكِنْ أَسُّرِيَ!‏ يَنْذُ يَيَ ذَامُ كُٻُتَ؟›‏ »‏