عِشَايَ 2 - أَتَّوْرَتْ دَ أَنَّبَاوَا

سَلَمَرْ دَ ذَاتَ كَسَنْثٜىٰ حَرْ أَبَدَا

¹ غَا أَبِنْدَ عِشَايَ طَنْ أَمُواظْ يَغَنِ غَمٜىٰدَ يَهُودَ دَ عُرُوشَلِيمَ؞

² عَكْوَانَكِے مَاسُ ذُوَا، تُدُ عِنْدَ غِدَنْ يَهْوٜىٰهْ يَكٜىٰ ذَيْ ذَمَ تُدُ مَڢِے مُهِمَّنْثِ، ذَاعَ تَادَ شِ ڢِيٜىٰدَ كُواْوَنٜىٰ تُدُ؞ دُكَنْ أَلْعُمَّنْ دُونِيَا كُوَ ذَاسُيِ تَغُدُ ذُوَا ثِكِنْسَ؞

³ ڧَبِيلُ دَيَوَ ذَاسُذُواْ سُثٜىٰ، ‏«‏كُذُواْ مُهَوْرَ تُدُنْ يَهْوٜىٰهْ، ذُوَا غِدَنْ اللَّهْ نَ يَعْڧُوبَ، يَكُواْيَ مَنَ هَنْيُواْيِنْسَ، مُكُمَيِ تَڢِيَ أَ حَنْيَرْسَ؞»‏ غَمَا دَغَ سِهِيُواْنَ كُواْيَرْوَا ذَاتَ ڢِتَ، دَغَ عُرُوشَلِيمَ مَغَنَرْ يَهْوٜىٰهْ ذَاتَ بَظُو؞

⁴ يَهْوٜىٰهْ ذَيْ شَرْعَنْتَ ڟَكَانِنْ أَلْعُمَّيْ، ذَيْ شِرْيَ ڟَكَانِنْ ڧَبِيلُ دَيَوَ؞ ذَاسُ مَيْدَ تَكُبَنْسُ غَرْمَرْ نُواْمَ، مَاسُنْسُ كُمَ وُڧَڧٜىٰنْ ڠَرَ عِتَتُوَ؞ أَلْعُمَّ بَذَاتَ ڧَارَ طَغَ تَكُواْبِنْ يَاڧِ غَ وَتَ أَلْعُمَّ بَ، بَذَاسُ ڧَارَ كُواْيُوانْ دَبَرَرْ يَاڧِبَ كُمَ؞

⁵ يَا غِدَنْ يَعْڧُوبَ، كُذُواْ مُيِ تَڢِيَ ثِكِنْ حَصْكٜىٰنْ يَهْوٜىٰهْ؞

رَانَرْ يَهْوٜىٰهْ

⁶ يَا يَهْوٜىٰهْ، كَا ڧِ مُتَنٜىٰنْكَ، كَا ڧِ غِدَنْ يَعْڧُوبَ، دُوانْ سُنَ تَڢِيَ ثِكِنْ حَصْكٜىٰنْ بُواْكَيٜىٰنْ غَبَسْ، سُنَ سَا عِدُواْ غَ مَاسُ دُوبَا نَ ڢِلِسْتِيَاوَا، سُنَ بِنْ مُوغَيٜىٰنْ أَلْعَادُنْ أَرْنَ؞

⁷ ڧَسَرْسُ ثِكٜىٰ تَكٜىٰدَ أَظُرْڢَا دَ ظِينَارِيَ، أَرْزِڧِنْسُ كُمَ بَا إِيَاكَ؞ ڧَسَرْسُ ثِكٜىٰ تَكٜىٰدَ دَوَكِ كُواْعِنَ، دَوَكِنْ يَاڧِنْسُ كُمَ بَا إِيَاكَ؞

⁸ ڧَسَرْسُ ثِكٜىٰ تَكٜىٰدَ غُمَكَ؞ سُنَ سُجَّدَ غَ عَيْكِنْ حَنُّوَنْسُ، غَ أَبِنْدَ يَڟُنْسُ سُكَيِ؞

⁹ تَهَكَ عَكَ ڧَسْڧَنْتَرْدَ یَنْ أَدَمْ، عَكَ كُمَ كُنْيَتَرْدَ كُواْوَنٜىٰ مُتُمْ؞ كَدَ كَغَاڢَرْتَا مُسُ، يَا يَهْوٜىٰهْ!‏

¹⁰ كُتَڢِے ثِكِنْ دُوَڟُو، كُٻُيَ عَڧُورَرْ ڧَسَا، كُٻُواْيٜىٰ كَنْكُ دَغَ ڢُشِنْ يَهْوٜىٰهْ، دَ كُمَ طَوْكَكَرْ دَرَجَرْسَ؞

¹¹ ذَاعَڧَسْڧَنْتَرْ دَمَيْ عِدُوانْ رٜىٰنِ، غِرْمَنْ كَنْ یَنْ أَدَمْ، ذَاعَ ڧَسْڧَنْتَرْ دَشِ؞ أَ رَانَرْ نَنْ، يَهْوٜىٰهْ نٜىٰ كَطَيْ ذَاعَ طَوْكَكَ؞

¹² عِ، يَهْوٜىٰهْ مَيْ ضُنْدُنَا يَسَا رَانَ، رَانَرْ دَ دُكْ مَيْ غِرْمَنْ كَيْ، دَ مَيْ طَغَ كَنْسَ سَمَ، دَ دُكْ مَيْ طَوْكَكَ كَنْسَ، ذَاعَ ڧَسْڧَنْتَرْ دَسُو دُكَ؞

¹³ ذَاعَڧَسْڧَنْتَرْ دَ عِتَتُوَنْ سٜىٰدَ نَ لٜىٰبَنُوانْ، دَ غِرْمَنْ عِتَتُوَنْ بَشَنْ مَاسُ ڧَرْڢِے؞

¹⁴ ذَاعَڧَسْڧَنْتَرْ دَ دُكَنْ مَنْيَنْ تُدَّيْ دَ دُكَنْ دُوَڟُو مَاسُ غِرْمَ؞

¹⁵ ذَاعَڧَسْڧَنْتَرْ دَ دُكَنْ غِنٜىٰ غِنٜىٰ مَاسُ ڟَيِ، دَ دُكَنْ كَتَنْ‌غَ مَاسُ ڧَرْڢِے؞

¹⁶ ذَاعَڧَسْڧَنْتَرْ دَ دُكَنْ جِضَاغٜىٰنْ ضُوَ نَ تَرْشِشْ، دَ دُكَنْ جِضَاغٜىٰنْ ضُوَ مَاسُ ݣَوْ؞

¹⁷ ذَاعَڧَسْڧَنْتَرْ دَ غِرْمَنْ كَيْ نَیَنْ أَدَمْ، دَ دُكْ مَيْ طَغَ كَيْ؞ أَ رَانَرْ نَنْ يَهْوٜىٰهْ نٜىٰ كَطَيْ ذَاعَ طَوْكَكَ؞

¹⁸ غُمَكَ كُوَ ذَاعَ كَوَرْ كَكَڢْ!‏

¹⁹ مُتَنٜىٰ ذَاسُ شِغَ كُواْڠُونِّنْ دُوَڟُو سُشِغَ رَامُكَنْ ڧَسَا، سُغُدُ دَغَ ڢُشِنْ يَهْوٜىٰهْ، دَغَ كُمَ طَوْكَكَرْ دَرَجَرْسَ، سَعَدَّ يَتَاشِ يَڟُواْرَتَرْ دَ دُونِيَا؞

²⁰ أَ رَانَرْ نَنْ مُتَنٜىٰ ذَاسُ جٜىٰڢَرْ دَ غُمَكَنْسُ نَأَظُرْڢَا دَ نَظِنَرِيَ؞ ذَاسُ بَرْ وَٻٜىٰرَايٜىٰ دَ جٜىٰمَغُ غُمَكَنْ دَ سُكَيِ وَكَنْسُ دُواْمِنْ سُجَّدَ؞

²¹ ذَاسُ شِغَ كُواْڠُونِّنْ دُوَڟُو دَ مَڢَكَا أَدُوڟٜىٰ، دُواْمِنْ سُغُدُ دَغَ ڢُشِنْ يَهْوٜىٰهْ دَغَ طَوْكَكَرْ دَرَجَرْسَ سَعَدَّ يَتَاشِ يَڟُواْرَتَرْ دَ دُونِيَا؞

²² كُدَيْنَ دُواْغَضَ غَ یَنْ أَدَمْ، وَنْدَ ݣُونَكِنْسُ كَطَنْ نٜىٰ كَوَيْ؞ إِنَا أَمْڢَانِنْ دُواْغَضَ غَرٜىٰسُ؟