عِشَايَ 17 - أَتَّوْرَتْ دَ أَنَّبَاوَا

حُكُنْثِ عَكَنْ دِمَشْڧُ

¹ غَا سَڧُواْ غَمٜىٰدَ دِمَشْڧُ؞ ‏«‏غَاشِ، دِمَشْڧُ ذَاتَ ثَنْجَ دَغَ ذَمَنْ بِرْنِ ذُوَا كُڢَيْ؞

² غَرُضُوً سُورِيَ ذَاسُ ذَمَ كُڢَيْ، سُذَمَ وُرَارٜىٰنْ دَ تُمَكِ ذَاسُ ݣُونْتَ بَاتَرٜىٰدَ وَنِ يَدَامٜىٰسُبَ؞

³ وُرَرٜىٰنْ كَتَنْ‌غَ نَ إِسْرَٰٓءِيلَ ذَاسُ ٻَثٜىٰ، مُلْكٍ دِمَشْڧُ كُمَ ذَيْ ڧَارٜىٰ؞ ذَاعَڧَسْڧَنْتَرْ دَ ضَغُواْوَرْ سُورِيَ، كَمَرْ يَدَّ ذَاعَ ڧَسْڧَنْتَرْ دَ طَوْكَكَرْ إِسْرَٰٓءِيلَ؞ نِے يَهْوٜىٰهْ مَيْ ضُنْدُنَا نَا ڢَطَا؞

⁴ ‏«‏أَ رَانَرْ نَنْ طَوْكَكَرْ إِسْرَٰٓءِيلَ ذَاتَ ڧَارٜىٰ، تَلَوْثِ ذَيْ تُمْٻُكٜىٰ أَرْزِڧِنْتَ؞

⁵ إِسْرَٰٓءِيلَ ذَاتَ ذَمَ كَمَرْ غُواْنَرْ حَڟِنْ دَ عَكَ غِرْبٜىٰ، كَمَرْ غُواْنَرْ دَ عَكَيِ كَالَنْتَ حَرْ سَيْ دَ بَابُ كُواْمٜىٰ عَثِكِنْتَ، كَمَرْ أَ ݣُورِنْ رٜىٰڢَيَاوَا؞

⁶ كَطَنْ نٜىٰ نَ إِسْرَٰٓءِيلَاوَا ذَاعَ بَرِ كَمَرْ ضَغُواْوَرْ یَیَ بِيُ كُواْ عُكُ نَیَیَنْ إِتَاثٜىٰنْ ظَيْتُنْ دَ عَكَ كَكَّٻٜىٰ، كَمَرْ ضَغُواْوَرْ حُطُ كُواْ بِيَرْ أَ رَسَّ مَڢِے نٜىٰسَ نَ إِتَاثٜىٰ مَيْ بَادَ یَیَ؞ نِے يَهْوٜىٰهْ اللَّهْ نَ إِسْرَٰٓءِيلَ نَا ڢَطَا؞»‏

⁷ أَ رَانَرْ نَنْ یَنْ أَدَمْ ذَاسُ جُويُواْ غَ مَحَلِثِّنْسُ، عِدَنُونْسُ سُنَ عَكَنْ مَيْ ڟَرْكِنَّنْ نَ إِسْرَٰٓءِيلَ؞

⁸ بَذَاسُ سَاكٜىٰ سَا عِدُواْ غَ بَغَدَنْسُ، عَيْكِنْ حَنُّوَنْسُبَ؞ بَذَاسُ سَاكٜىٰ ظُبَ عِدُواْ غَ عَيْكِنْ حَنُّوَنْسُ، غُنْكِنَّنْ أَشٜىٰرَ كُواْ بَغَدَنْ ڧُواْنَ تُرَارٜىٰبَ؞

⁹ أَ رَانَرْ نَنْ، مَنْيَنْ بِرَنٜىٰنْسُ مَاسُ كَتَنْ‌غَ ذَاسُ ذَمَ كُڢَيْ كَمَرْ يَدَّ بِرَنٜىٰنْ هِوِيَاوَا دَ أَمُواْرِيَاوَا سُكَ ذَمَ كُڢَيْ، سَعَدَّ مُتَنٜىٰنْ سُكَ غُدُ أَ لُواْكَثِنْ دَ إِسْرَٰٓءِيلَاوَا سُكٜىٰ شِغُواْوَ يَنْكِنْسُ؞

¹⁰ غَمَا يَا إِسْرَٰٓءِيلَ، كِنْ مَنْتَادَ اللَّهْ، اللَّهْ مَيْ ثٜىٰتُوانْكِ، بَاكِ تُنَ دَ دُوڟٜىٰ، دُوڟٜىٰنْ ٻُيَنْكِبَ؞ شِيَسَا كُواْ كِنْ دَسَ عِتَتُوَ مَڢِے ݣَوْ دُوانْ سُجَّدَ غَ وَنِ اللَّهْ،

¹¹ كُواْ دَ سُنْيِ غِرْمَ أَ سَاڢِيَرْ دَ عَكَ دَسَ، وَشٜىٰغَرِ كُمَ سُكَ ڢِتَرْدَ ڢُلَوَ، عَمَّا دُكْدَهَكَ بَذَاكِ غِرْبٜىٰ كُواْمٜىٰبَ؞ غِرْبِنْكِ شِينٜىٰ بَڧِنْ ثِكِ دَ ذَاڢِنْ ثِيوُاْ مَرَرْ وَرْكٜىٰوَ؞

أَنْيِ نَصَرَا عَكَنْ أَلْعُمَّيْ

¹² جِ هَيَانِيَرْ ڧَبِيلُ مَاسُيَوَ، سُنَ هَيَانِيَرْ كَمَرْ نَرَاڧُمَنْ ضُوَ!‏ جِ رُورِنْ أَلْعُمَّيْ، سُنَ رُورِ كَمَرْ رُورِنْ رَاڧُمَنْ ضُوَيٜىٰ!‏

¹³ كُواْدَيَكٜىٰ أَلْعُمَّيْ سُنَ رُورِ سُنَ رُورِ كَمَرْ رُورِنْ ضُوَيٜىٰ مَاسُيَوَ، عَمَّا اللَّهْ ذَيْ ڟَاوَتَا مُسُ سُٻَثٜىٰ؞ كَمَرْ دُوسَرْ دَ إِسْكَ تَكٜىٰ هُورَاوَ عَكَنْ تُدَّيْ كُواْ ڧُورَرْ غُوغُوَ عَ إِسْكَ مَيْ ڧَرْڢِے، حَكَ ذَاسُ ٻَثٜىٰ؞

¹⁴ دَ يَمَّ سَيْغَا بَرَظَنَ، عَمَّا كَاڢِنْ سَاڢِيَ تَيِ، سَيْ سُٻَثٜىٰ؞ حَكَنٜىٰ ڧَرْشٜىٰنْ مَاسُ ڨُوثٜىٰ كَايَنْمُ، رَبُوانْ مَاسُ ݣُوشٜىٰ أَرْزِڧِنْ ڧَسَرْمُ؞