عِشَايَ 14 - أَتَّوْرَتْ دَ أَنَّبَاوَا

ذَاعَ سَابُنْتَا مُلْكٍ يَهُودَ

¹ عَمَّا يَهْوٜىٰهْ ذَيْجِے تَوْسَيِنْ ذُرِيَرْ يَعْڧُوبَ؞ يَهْوٜىٰهْ ذَيْسَاكٜىٰ ذَاٻٜىٰنْ إِسْرَٰٓءِيلَ تَذَمَ جَمَعَرْسَ تَمُسَمَّنْ، ذَيْ كُمَ سَاسُ سُذَوْنَ عَڧَسَرْسُ؞ بَاڧِ ذَاسُ حَطَكَيْ دَسُو، سُمَنّٜىٰوَ غِدَنْ يَعْڧُوبَ؞

² ڧَبِيلُ دَيَوَ ذَاسُ تَيْمَكِ إِسْرَٰٓءِيلَاوَا سُكُواْمَ ڧَسَرْسُ؞ غِدَنْ إِسْرَٰٓءِيلَ ذَاسُسَا ڧَبِيلُنْ سُيِ مُسُ بَوْتَا عَڧَسَرْ يَهْوٜىٰهْ؞ إِسْرَٰٓءِيلَ ذَاتَ مَيْدَ وَطَنْدَ دَا سُكَ مَلَّكٜىٰسُ بَايِ، ذَاسُيِ مُلْكِ عَكَنْ وَطَنْدَ دَا سُكَيِ مُسُ دَنِّيَ؞

ڢَاطُوَرْ سَرْكِنْ بَابِيلَ

³ يَا كُو جَمَعَرْ إِسْرَٰٓءِيلَ، يَهْوٜىٰهْ ذَيْبَاكُ هُوتُ دَغَ عَذَابَرْكُ دَ وَهَلَرْكُ دَغَ كُمَ مُوغُوَرْ حِدِمَرْ دَ عَكَسَاكُ عَثِكِ؞

⁴ أَ لُواْكَثِنْ نٜىٰ ذَاكُيِ وَسَرْكِنْ بَابِيلَ غُواْرِ كُنَ ثٜىٰوَ ‏«‏سَرْكِنْ دَنِّيَ يَڧَارٜىٰ!‏ أَبِنْ تَاڧَمَرْسَ مَا يَٻَثٜىٰ!‏

⁵ غَمَا يَهْوٜىٰهْ يَاكَرْيَ سَنْدَنْ مُوغُ، يَلَلَتَرْدَ سَنْدَنْ مُلْكِنْسَ؞

⁶ عِ، سَنْدَنْدَ يَبُغِ ڧَبِيلُ دَ ڢُشِے، سَنْدَنْ سَرْكِے نَدُوكَ بَابُ هُوتَوَا، سَنْدَنْ دَ يَيِ مُلْكٍ أَلْعُمَّيْ ثِكِنْ ڢُشِے، ثِكِنْ ڟَنَنْتَاوَ بَابُ ڟَيَاوَا، سَنْدَنَّنْ يَهْوٜىٰهْ يَكَرْيَشِ؞

⁷ غَاشِ، دُكَنْ دُونِيَا تَشِغَ هُوتُ دَ سَلَمَ، كُواْعِنَ أَنْٻَرْكٜىٰ دَ وَاڧَرْ مُرْنَ؞

⁸ عِتَتُوَنْ ڢِرْ دَ عِتَتُوَنْ سٜىٰدَ نَ لٜىٰبَنُوانْ سُنَ مُرْنَ دَ ڢَاطُوَرْ سَرْكِنْ، سُنَ ثٜىٰوَ ‏‹‏تُنْدَ أَنْڧَسْڧَنْتَرْ دَكَيْ، يَا سَرْكِے، بَابُوَنْدَ يَكٜىٰ ذُوَا يَيَنْكَمُ!‏›‏

⁹ وُرِنْ ذَمَنْ مَتَتُّو يَتَاشِ ڟَيٜىٰ يَنَ أَشِرْيٜىٰ يَمَرَبْثٜىٰكَ، يَتَادَ رُوحُواْحِنْ مَتَتُّو سُتَرْيٜىٰكَ، رُوحُواْحِنْ دُكَنْ شُوغَبَنِّنْ دُونِيَا، يَتَادَ رُوحُواْحِنْ سَرَاكُنَنْ أَلْعُمَّيْ دَغَ كُجٜىٰرُنْ مُلْكِنْسُ؞

¹⁰ دُكَنْ رُوحُواْحِ ذَاسُ غَيْشٜىٰكَ سُثٜىٰ، ‏‹‏يَوْ كَيْ مَا كَذَمَ مَرَرْ ڧَرْڢِے كَمَرْمُ!‏ كَيْ مَا كَذَمَ كَمَرْ طَيَ دَغَ ثِكِنْمُ!‏

¹¹ طَوْكَكَرْكَ أَنْسَوْكَرْ دَ عِتَ أَوُرِنْ ذَمَنْ مَتَتُّو، تَرٜىٰدَ كَطٜىٰ كَطٜىٰنْ غَرَايُنْكَ؞ ڟُڟُواْڟِ سُنْ ذَمَ غَدُوانْ ݣُونْثِيَرْكَ، ڟُڟُواْڟِ كُمَ بَرْغُوانْ رُڢُوَرْكَ؞›‏

¹² ‏«‏كَيْ!‏ يَيَ عَكَيِ كَڢَاطِ دَغَ سَمَ، كَيْ دَكَكٜىٰ تَوْرَرُواْ مَيْ وَلْڧِيَ، طَنْ سَاڢِيَ؟ يَيَ عَكَ يَنْكَاكَ حَرْ ڧَسَا حَكَ، كَيْ دَ كَݣُونْتَرْدَ أَلْعُمَّيْ ڧَسَا؟

¹³ كَيْ كَثٜىٰ أَ ذُوثِيَارْكَ، ‏‹‏ذَنْ هَوْرَ ذُوَا سَمَ، سَمَ دَ تَوْرَرِنْ اللَّهْ؞ ذَنْ كَڢَ كُجٜىٰرَرْ مُلْكِنَ ثَنْ عَبِسَ، إِنْ ذَوْنَ ثَنْ ثِكِنْ تَارُوانْ أَلُّواْلِ عَكَنْ بَبَّنْ تُدُ عَ أَرٜىٰوَ؞

¹⁴ ذَنْ هَوْ ثَنْ بِسَنْ غِرْغِجٜىٰ، إِنْ مَيْدَ كَيْنَ كَمَرْ اللَّهْ مَڢِے طَوْكَكَ؞›‏

¹⁵ عَمَّا غَاشِ، عَكَ سَوْكَرْ دَكَيْ ذُوَا وُرِنْ ذَمَنْ مَتَتُّو ثَنْ ثِكِنْ رَامِ مَيْ ظُرْڢِ؞

¹⁶ دَ رُوحُواْحِنْ مَتَتُّو سُكَ غَنْكَ، ذَاسُ ظُبَ عِدُواْ سُنَ مَامَاكِ، ذَاسُيِ تُنَانِ ثٜىٰوَ ‏‹‏كُواْ شِينٜىٰ مُتُمِنْدَ يَجِجِّغَ دُونِيَا، يَكُمَ تُمْٻُكٜىٰ مُلْكُواْكِ؟

¹⁷ كُواْ شِينٜىٰ يَمَيْدَ دُونِيَا كُڢَيْ؟ كُواْ شِينٜىٰ يَرُرُّشٜىٰ بِرَنٜىٰنْتَ، بَيْ بَرْ وَطَنْدَ يَكَامَ سُكُواْمَ غِدَا بَ؟›‏

¹⁸ دُكَنْ سَرَاكُنَنْ أَلْعُمَّيْ، أَيْ، كُواْوَنّٜىٰنْسُ يَنَ ݣُونْثٜىٰ ثِكِنْ طَوْكَكَرْسَ، كُواْوَ ثِكِنْ كَبَرِنْسَ؞

¹⁹ عَمَّا كَيْ، أَنْبَرْ غَاوَرْكَ أَوَجٜىٰ، كَمَرْ رٜىٰشٜىٰ مَيْ ڨَمَ وَنْدَ عَكَ جٜىٰڢَرْ؞ غَاشِ، غَوَوَّكِنْ سُواْجُواْجِ سُنْ رُڢٜىٰ غَاوَرْكَ، سُواْجُواْجِنْ دَ عَكَ كَشٜىٰ ثِكِنْ يَاڧِنْكَ؞ تَرٜىٰدَسُو عَكَ جٜىٰڢَرْ دَكَيْ أَ رَامِنْ دُوَڟُو، عَكَ تَتَّاكَ؞

²⁰ بَذَاعَ بِنّٜىٰكَ كَمَرْ سَوْرَنْ سَرَاكُنَبَ، غَمَا كَا هَلَّكَ ڧَسَرْكَ، كَا كَكَّشٜىٰ مُتَنٜىٰنْكَ؞ بَذَاعَ ڧَارَ تُنَ دَ یَیَنْكَبَ؞ بَذَاعَ عَمْبَثِ سُونَنْكَبَ، سُونَنْ وَنَّنْ مُوغُنْ عِيَلِ؞

²¹ ذَاعَكَكَّشٜىٰ یَیَنْكَ، سَبُواْدَ ذُنُبَنْ بَابَنْسُ!‏ كَدَ عَبَرْسُ سُتَاشِ سُمَلَّكِ ڧَسَرْ، كُواْ سُثِكَ دُونِيَا دَ بِرَنٜىٰ؞»‏

²² إِنْجِ يَهْوٜىٰهْ مَيْ ضُنْدُنَا، ‏«‏ذَنْ ڢَاطَوَ بَابِيلَ دَ يَاڧِ، إِنْ كَوَرْدَ سُونَنْتَ دَ ضَغُواْوَرْتَ، یَیَنْتَ دَ جِيكُواْكِنْتَ؞ نِے يَهْوٜىٰهْ نَا ڢَطَا؞

²³ ذَنْ مَيْدَ عِتَ ڢَدَمَ دَ وُرِنْ ذَمَنْ بُشِيَ، ذَنْ شَارٜىٰتَ كَمَرْ دَ ڟِنْڟِيَرْ هَلَّكَ؞ نِے يَهْوٜىٰهْ مَيْ ضُنْدُنَا نَا ڢَطَا؞»‏

حُكُنْثِ عَكَنْ أَسُّرِيَ

²⁴ يَهْوٜىٰهْ مَيْ ضُنْدُنَا يَرَنْڟٜىٰ يَثٜىٰ، ‏«‏يَدَّ نَارِغَا نَا شِرْيَ، حَكَ كُوَ ذَيْ ڢَرُ، أَبِنْدَ نَيِ نِيَّرْ يِ، ذَاعَيِ؞

²⁵ ذَنْ هَلَّكَ أَسُّرِيَاوَا عَڧَسَاتَ تَ إِسْرَٰٓءِيلَ، إِنْ تَتَّاكٜىٰسُ عَتُدَّيْنَ؞ دَ كَيْنَ ذَنْ یَنْتَرْدَ مُتَنٜىٰنَ دَغَ غُنْ‌غُمٜىٰنْ دَنِّيَ تَ أَسُّرِيَ، دَغَ نَوْيِنْ وَهَلَ عَكَڢَطَرْ جَمَعَتَ؞

²⁶ وَنَّنْ شِينٜىٰ نُڢِنْ دَ عَكَ شِرْيَ وَدُكَنْ دُونِيَا، شِينٜىٰ كُمَ إِيكُوانْ حَنُّنْدَ نَمِيڧَ عَكَنْ دُكَنْ أَلْعُمَّنْ دُونِيَا؞»‏

²⁷ غَمَا يَهْوٜىٰهْ مَيْ ضُنْدُنَا يَشِرْيَ، وَيَ إِسَ يَثَنْجَ شِرِنْسَ؟ يَمِيڧَ حَنُّنْسَ دُواْمِنْ حُكُنْثِ، وَيَ إِسَ يَهَنَشِ؟

حُكُنْثِ عَكَنْ ڢِلِسْتِيَ

²⁸ أَ شٜىٰكَرَرْ دَ سَرْكِے أَهَظْ يَمُتُ، وَنَّنْ سَڧُواْ يَذُواْ مِنِ؞

²⁹ يَا كُو مُتَنٜىٰنْ ڢِلِسْتِيَ، كَدَ كُيِ ڢَضٍ ثِكِ سَبُواْدَ أَنْكَرْيٜىٰ سَنْدَنْ دَ عَكٜىٰ دُوكَنْكُ، غَمَا إِرِنْ طَنْ دَ سَرْكِنْ ذَيْ حَيْڢَ، مَثِيجِ نٜىٰ وَنْدَ يَڢِيشِ دَڢِ؞ أَبِنْدَ يَڢِتَ دَغَ ڨُويْ نَمَثِيجِنْ ذَيْ ذَمَ دُواْدُواْ مَيْ صِڢَّرْ مَثِيجِ مَيْ تَاشِ سَمَ؞

³⁰ یَیَنْ ڢَارِ نَتَلَكَوَ ذَاسُ سَامِ وُرِنْ كِيوُاْ، مَاسُ بُڧَاتَ كُوَ ذَاسُ هُوتَ لَاڢِيَ؞ عَمَّا غَكُو ڢِلِسْتِيَاوَا، يَهْوٜىٰهْ ذَيْسَا تُوشٜىٰنْ ذُرِيَرْكُ يَمُتُ دَ يُنْوَ، ضَغُواْوَرْ جَمَعَرْكُ كُمَ سُهَلَّكَ؞

³¹ كُيِ إِيهُ، كُيِ كُوكَا!‏ يَا كُو بِرَنٜىٰنْ ڢِلِسْتِيَ غَمَا تَاكُتَاڧَارٜىٰ!‏ كُنَرْكٜىٰ ثِكِنْ ڟُواْرُواْ دُكَنْكُ!‏ غَا ڧُورَرْ ڧَڢَاڢُنْ سُواْجُواْجِ دَغَ أَرٜىٰوَ، بَابُ مَيْ ڟُواْرُواْ عَثِكِنْسُ؞

³² تُواْ، يَيَ ذَامُ أَمْسَ وَیَنْ عَيْكَ دَغَ ڢِلِسْتِيَ؟ ذَامُثٜىٰ مُسُ، ‏«‏يَهْوٜىٰهْ نٜىٰ يَكَڢَ تُوشٜىٰنْ سِهِيُواْنَ، كُمَ عَثِكِنْتَ نٜىٰ مَاسُ بُڧَاتَ نَمُتَنٜىٰنْسَ ذَاسُ سَامِ وُرِنْ ٻُيَ؞»‏