عِشَايَ 13 - أَتَّوْرَتْ دَ أَنَّبَاوَا

حُكُنْثِ عَكَنْ بَابِيلَ

¹ غَا سَڧُوانْ اللَّهْ غَمٜىٰدَ بَابِيلَ وَنْدَ عِشَايَ طَنْ أَمُواظْ يَكَرْٻَ؞

² عَكَنْ تُدُ مَرَرْ كُواْمٜىٰ عَتَادَ تُوتَرْ يَاڧِ!‏ عَتَادَ مُرْيَ غَ مَاسُ يَاڧِ، أَطَغَ حَنُّ عَبَاسُ عَلَمَ سُشِغَ يَاڧِ عَڧُواْڢُواْڢِنْ بِرْنِنْ مَنْيَنْ مُتَنٜىٰ؞

³ نِے يَهْوٜىٰهْ نَعُمَرْثِ وَطَنْدَ نَكٜىٰٻٜىٰ، سُو دَسُكٜىٰ مَاسُ يِمِنِ يَاڧِ، سُو دَسُكٜىٰ تَاڧَمَ عَكَنْ سُنْ عِيَ يَاڧِ، عِ، نَا عُمَرْثٜىٰسُ سُحُكُنْتَ وَطَنْدَ نَيِ ڢُشِے دَسُو؞

⁴ جِ هَيَانِيَرْ دَ عَكٜىٰيِ عَتُدَّيْ كَمَرْ تَبَبَّنْ تَارُواْ؞ جِ إِيهُ نَتَارُوانْ مَاسُ مُلْكِ، إِيهٌ تَارُوَرْ أَلْعُمَّيْ؞ يَهْوٜىٰهْ مَيْ ضُنْدُنَا نٜىٰ يَكٜىٰ تَتَّارَ ضُنْدُنَارْ سُواْجُواْجِنْ يَاڧِ؞

⁵ سُنْ ڢِتُواْ دَغَ ڧَسَاشٜىٰ مَاسُ نِيسَ، دَغَ إِيَاكَرْ بَنْ‌غُوانْ دُونِيَا؞ ثِكِنْ ڢُشِنْسَ يَهْوٜىٰهْ يَنَ ذُوَا دَ كَايَنْ يَاڧِ دُواْمِنْ يَهَلَّكَ دُكَنْ ڧَسَا؞

⁶ يِ إِيهُ!‏ غَمَا رَانَرْ يَهْوٜىٰهْ تَيِ كُسَ، رَانَرْ دَ مَيْ إِيكُواْ دُكَ ذَيْ يِ هَلَّكَ؞

⁷ سَبُواْدَ حَكَ حَنُّوَنْ كُواْوَ ذَاسُ مُتُ، ذُوثِيَارْ كُواْوَ ذَاتَ يِ سَنْيِ؞

⁸ ڟُواْرُواْ ذَيْ كَامَسُ، ذَاڢِ دَ بَڧِنْ ثِكِ ذَاسُ ثَڢْكٜىٰسُ؞ ذَاسُيِ تَثِظُوانْ بَاكِ كَمَرْ مَثٜىٰنْ دَتَكٜىٰ ثِكِنْ حَيْڢُوَ؞ ذَاسُ دُوبِے جُونَ ثِكِنْ ڟُواْرُواْ، ڢُسْكُواْكِنْسُ ذَاسُثِكَ دَ كُنْيَا؞

⁹ غَاشِ، رَانَرْ يَهْوٜىٰهْ تَنَ ذُوَا، مُوغُوَرْ رَانَثٜىٰ تَذَاڢِنْ ڢُشِنْ يَهْوٜىٰهْ؞ رَانَرْ دَ ذَاعَ مَيْدَ دُونِيَا كُڢَيْ، أَ هَلَّكَ كُواْوَنٜىٰ مَيْ ذُنُوبِ عَثِكِنْتَ؞

¹⁰ تَوْرَرِنْ سَمَ دَ ڧُنْ‌غِيُواْيِنْ تَوْرَرِ بَذَاسُ بَادَ حَصْكٜىٰنْسُبَ؞ ڢِتُواْوَرْ رَانَ ذَاتَيِ دُهُ وَتَ كُمَ بَذَيْبَادَ حَصْكٜىٰبَ؞

¹¹ إِنْجِ يَهْوٜىٰهْ، ‏«‏ذَنْ حُكُنْتَ دُونِيَا سَبُواْدَ مُغُنْتَارْتَ، مَاسُ مُغُنْتَا سَبُواْدَ ذُنُبَنْسُ؞ ذَنْ كَوَرْدَ غِرْمَنْ كَنْ مَاسُ طَغَ كَيْ، إِنْ ڧَسْڧَنْتَرْدَ مَرَسَ تَوْسَيِ؞

¹² ضَغُواْوَرْ مُتَنٜىٰ، ذَنْسَا سُيِ وُيَرْ غَنِ كَمَرْ ظِينَارِيَ ظَلَّ، یَنْ أَدَمْ كُمَ سُيِ وُيَرْ سَامُوَ كَمَرْ ظِينَارِيَ مَڢِے ݣَوْ؞

¹³ ذَنْسَا سَمَّيْ سُغِرْغِظَ، دُونِيَا كُمَ تَيِ ڟَلّٜىٰ دَغَ عِنْدَ تَكٜىٰ، أَ رَانَرْ دَ نِے يَهْوٜىٰهْ مَيْ ضُنْدُنَا، نَنُونَ ڢُشِنَ مَيْ ذَاڢِ؞

¹⁴ كَمَرْ بَرٜىٰوَرْ دَ عَكٜىٰ كُواْرَ أَ ڢَرَوْتَ، كُواْ تُمَكِنْ دَ بَاسُدَ مَيْ كِيوُاْ، حَكَ كُواْوَنٜىٰ مُتُمْ ذَيْ كُواْمَ وُرِنْ جَمَعَرْسُ، كُواْوَنّٜىٰنْسُ يَغُدُ ذُوَا ڧَسَرْسَ؞

¹⁵ دُكْ وَنْدَ عَكَ سَامُ ثِكِنْ غُدُ، ذَاعَ سُواْكٜىٰشِ يَمُتُ؞ دُكْ وَنْدَ عَكَ كَامَ، ذَاعَ كَشٜىٰشِ دَ تَكُواْبِے؞

¹⁶ ذَاعَ ڢَرْڢَسَ كَوُنَنْ جَرِرَنْسُ أَعِدُوانْسُ، ذَاعَ ݣُوشِ كَايَنْ غِدَاجٜىٰنْسُ، ذَاعَ تِلَسْتَ مَاتَنْسُ عَكْوَانَ دَسُو؞

¹⁷ غَاشِ، إِنَ ذُغَ مٜىٰدِيَاوَا سُڢَاطُواْ مُسُ، مُتَنٜىٰنْ دَ بَسُ دَامُ دَ أَظُرْڢَابَ، بَكُوَ ذَاعَ جَرَّبْثٜىٰسُ دَ ظِينَارِيَبَ؞

¹⁸ كِبِيُواْيِنْسُ ذَاسُ هَرْبِے سَمَارِ، بَذَاسُ نُونَاوَ جَرِرَيْ جِنْڧَيْبَ، كُواْ كُوَ سُتَوْسَيَ وَیَنْ يَارَا؞

¹⁹ بَابِيلَ، أَبِنْ طَوْكَكَ ثِكِنْ مُلْكُواْكِ، أَبِنْ دَرَجَ دَ أَبِنْ تَاڧَمَ نَ كَلْدِيَاوَا، ذَاتَ ذَمَ كَمَرْ سُواْدُوامْ دَ غُواْمُواْرَ، لُواْكَثِنْ دَ اللَّهْ يَهَلَّكَرْ دَسُو؞

²⁰ بَذَاعَ سَاكٜىٰ ذَمَ عَثِكِنْتَبَ، كُواْ أَ ذَوْنَ عَثِكِيبَ دَغَ ڟَارَا ذُوَا ڟَارَا؞ بَابُ مُتُمِنْ أَرَبِيَ وَنْدَ ذَيْ كَڢَ تٜىٰنْتِنْسَ أَوُرِنْ، بَابُ مَيْ كِيوُاْ وَنْدَ ذَيْ ݣُونْتَرْدَ غَرْكٜىٰنْسَ عَثَنْ؞

²¹ عَمَّا نَمُواْمِنْ دَاجِ ذَاسُ ݣُونْتَ أَوُرِنْ، كَرْنُكَنْ دَاجِ مَاسُ كُوكَا ذَاسُثِكَ غِدَاجٜىٰنْتَ، یَیَنْ جِمِنُ ذَاسُيِ ذَمَ أَوُرِنْ، أَوَكِ ذَاسُيِ ڟَلّٜىٰ عَثَنْ؞

²² كُرَايٜىٰ ذَاسُيِ تَكُوكَا أَوُرَارٜىٰنْتَ مَاسُ كَتَنْ‌غَ، كَرْنُكَنْ دَاجِ مَا ذَاسُيِ يَٰوُاْ عَثِكِنْ كُڢَيْ نَغِدَجٜىٰنْ سَرَاكُنَنْتَ؞ ڧَرْشٜىٰنْ ݣُونَكِنْ بَابِيلَ يَيِ كُسَ، بَذَاعَ ڧَارَ ڟَوُانْ لُواْكَثِنْتَبَ!‏»‏