عِشَايَ 11 - أَتَّوْرَتْ دَ أَنَّبَاوَا

رٜىٰشٜىٰ دَغَ ذُرِيَرْ دَاوُدَ

¹ كَمَرْ رٜىٰشٜىٰنْدَ يَڟِيرَا دَغَ تُوشٜىٰنْ إِتَاثٜىٰنْ دَ عَكَ سَارٜىٰ، حَكَ رٜىٰشٜىٰ ذَيْ ڟِيرَا دَغَ ذُرِيَرْ دَاوُدَ، عِ، سَابُوانْ رٜىٰشٜىٰ ذَيْ تُواْهُواْ دَغَ غِدَنْ يٜىٰسّٜىٰ يَبَادَ یَیَ؞

² رُوحٌ يَهْوٜىٰهْ ذَيْ كَسَنْثٜىٰ تَرٜىٰ دَشِ، رُوحٌ حِكِمَ دَ نَغَانٜىٰوَ، رُوحٌ بَادَ شَوَرَا دَ نَ إِيكُواْ، رُوحٌ سَنِ دَ نَڟُواْرُوانْ يَهْوٜىٰهْ؞

³ جِنْ دَاطِنْسَ ذَيْ كَسَنْثٜىٰ ثِكِنْ يِنْ ڟُواْرُوانْ يَهْوٜىٰهْ؞ بَذَيْ يِشَرِيعَ بِسَغَ غَنِنْ عِدُواْ بَ، بَذَيْ يَنْكٜىٰ شَوَرَا بِسَغَ أَبِنْدَ كُنّٜىٰنْسَ يَجِبَ؞

⁴ عَمَّا دَ أَدَلْثِے ذَيْ يِوَتَلَكَاوَا شَرِيعَ، يَكُمَ ڟَرٜىٰ حَكِّنْ مَرَسَ ڧَرْڢِے؞ دَ مَغَنَرْ بَاكِنْسَ ذَيْ حُكُنْتَ ڧَسَا، دَ نُمْڢَشِنْ بَاكِنْسَ ذَيْ بُغِ مُوغَيٜىٰ؞

⁵ دَ أَدَلْثِے دَ أَمِنْثِ ذَيْ رِڧٜىٰ مُلْكِنْسَ كَمَرْ يَدَّ طَمَرَ تَكَنْ رِڧٜىٰ مَيْ طَوْرٜىٰ دَ عِتَ؞

⁶ ݣَرْكٜىٰثِ ذَيْ ذَوْنَ دَ طَنْ ضَغُواْ، دَامِسَ كُمَ ذَيْ ݣُونْتَ دَ طَنْ عَكُيَ، طَنْ سَانِيَ كُمَ ذَيْ يِكِيوُاْ تَرٜىٰدَ ذَاكِ، طَنْ يَرُواْ نٜىٰ ذَيْبِيدَسُو؞

⁷ سَانِيَ دَ بٜىٰيَرْ ذَاسُيِ كِيوُاْ تَرٜىٰ، یَیَنْسُ ذَاسُ ݣُونْتَ تَرٜىٰ، ذَاكِ كُمَ ذَيْثِ ثِيَوَ كَمَرْ سَانِيَ؞

⁸ جَرِرِ ذَيْ يِوَسَ عَبَاكِنْ رَامِنْ مَثِيجِ، طَنْ يَرُوانْ ذَيْسَا حَنُّنْسَ أَغِدَنْ مَثِيجِ مَيْ مُوغُنْ دَڢِ؞

⁹ بَابُ أَبِنْدَ ذَيْ ثُوتَرْ كُواْ يَهَلَّكَ وَنِ، عَكَنْ دُكَنْ سِهِيُواْنَ تُدُنَ مَيْ ڟَرْكِے؞ غَمَا ڧَسَرْ ذَاتَ ثِكَ دَ سَنِنْ يَهْوٜىٰهْ كَمَرْ يَدَّ ضُوَيٜىٰ سُنْثِكَ تٜىٰكُ؞

¹⁰ أَ رَانَرْ نَنْ تُوشٜىٰنْ يٜىٰسّٜىٰ دَيَكٜىٰ أَڟَيٜىٰ ذَيْ ذَمَ تُوتَ تَتَتَّارَ ڧَبِيلُ؞ أَلْعُمَّيْ ذَاسُذُواْ وُرِنْسَ نٜىٰمَنْ شَوَرَا، وُرِنْ هُوتُنْسَ ذَيْثِكَ دَ طَوْكَكَ؞

وَطَنْدَ عَكَ ݣُوشٜىٰ ذُوَا بَوْتَا ذَاسُ دَاوُاْ

¹¹ أَ رَانَرْ نَنْ عُبَنْ‌غِجِ ذَيْ مِيڧَ حَنُّنْسَ سَوْ نَبِيُ دُواْمِنْ يَدَاوُاْ دَ ضَغُواْوَرْ مُتَنٜىٰنْسَ ذُوَا ڧَسَرْ إِسْرَٰٓءِيلَ؞ ذَيْ كَٰوُاْسُ دَغَ ڧَسَرْ أَسُّرِيَ دَ مَصَرْ دَ ڢَتْرُواسْ دَ إِتِيُواْڢِيَ، دَ عٜىٰلَمْ دَ بَابِيلَ دَ هَمَتْ دَ يَنْكُنَنْ بَاكِنْ تٜىٰكُ؞

¹² يَهْوٜىٰهْ ذَيْ تَادَ تُوتَ عَلَمَثٜىٰ تَتَتَّارَ أَلْعُمَّيْ، ذَيْ تَارَ مُتَنٜىٰنْ إِسْرَٰٓءِيلَ وَطَنْدَ عَكَ كُواْرَ، مُتَنٜىٰنْ يَهُودَ وَطَنْدَ عَكَ وَاڟَرْ كُمَ يَتَتَّارَ دَغَ دُكَنْ ݣُونَ حُطُ نَدُونِيَا؞

¹³ كِيشِنْ مُلْكٍ إِسْرَٰٓءِيلَ عَ أَرٜىٰوَ ذَيْ ڧَارٜىٰ، ڧِيَيَّرْ مُلْكٍ يَهُودَ كُمَ ذَاتَ ٻَثٜىٰ، إِسْرَٰٓءِيلَ عَ أَرٜىٰوَ بَذَاتَيِ كِيشِنْ يَهُودَ بَ يَهُودَ كُمَ بَذَاتَيِ غَابَادَ إِسْرَٰٓءِيلَ بَ؞

¹⁴ تَرٜىٰ ذَاسُ ڢَاطُواْوَ ڢِلِسْتِيَاوَا عَيَمَّ، تَرٜىٰ ذَاسُ ڨُوثٜىٰ كَايَنْ مُتَنٜىٰنْ غَبَسْ، عِ، ذَاسُ مِيڧَ حَنُّوَنْسُ سُثِ نَصَرَا عَكَنْ عٜىٰدُوامْ دَ مُواْوَبْ، مُتَنٜىٰنْ أَمُّوانْ كُمَ ذَاسُ بَوْتَا مُسُ؞

¹⁵ يَهْوٜىٰهْ ذَيْسَا تٜىٰكُنْ ثِيَوَرْ إِوَ نَ مَصَرْ يَبُوشٜىٰ، يَمِيڧَ حَنُّنْسَ يَسَا إِسْكَ مَيْ ذَاڢِ تَهُورَ عَكَنْ كُواْغِنْ يُڢِرٜىٰتِسْ؞ ذَيْسَا كُواْغِنْ يَرَبُ حَرْ كَشِ بَݣَويْ يَدَّ مُتَنٜىٰ ذَاسُ عِيَ ڧٜىٰتَرٜىٰوَ دَ ڧَڢَا؞

¹⁶ تَهَكَ ذَاعَيِ حَنْيَ مَيْݣَوْ دَغَ ڧَسَرْ أَسُّرِيَ دُواْمِنْ ضَغُواْوَرْ مُتَنٜىٰنْسَ، كَمَرْ يَدَّ عَكَيِ دُواْمِنْ كَاكَنِّنْ إِسْرَٰٓءِيلَ لُواْكَثِنْ دَ سُكَ هَوْرَ دَغَ ڧَسَرْ مَصَرْ؞