عِشَايَ 10 - أَتَّوْرَتْ دَ أَنَّبَاوَا1 كَيْتُوانْكُ! كُو مَاسُ كَڢَ دُواْكُواْكِنْ رَشِنْ غَسْكِيَ، كُو دَ كُكٜىٰ رُبُوتَ دُواْكُواْكِنْ دَنِّيَ، 2 دُوانْ كُحَنَ شَرِيعَرْ غَسْكِيَ غَ مَرَرْ ڧَرْڢِے، كُحَنَ وَ مَتَلَوْتَ نَمُتَنٜىٰنَ حَكِّنْسُ، كُڨُوثٜىٰ مَاتَانْدَ مَذَنْسُ سُكَ مُتُ، كُمَيْدَ مَرَايُ أَبِنْ غَنِمَرْكُ؞ 3 تُواْ، مٜىٰ ذَاكُيِ أَ رَانَرْ حُكُنْثِ، رَانَرْ دَ مَسِيڢَ ذَاتَ ذُواْ دَغَ نٜىٰسَ؟ إِنَا نٜىٰ ذَاكُ غُدُ نٜىٰمَنْ تَيْمَكُواْ؟ إِنَا كُمَ ذَاكُ ٻُواْيٜىٰ أَرْزِڧِنْكُ؟ 4 يَيَ ذَاكُ ڟِيرَا دَغَ مَاسُ كَمَكُ؟ يَيَ ذَاكُ كُٻُثٜىٰ دَغَ مَاسُ كَشٜىٰكُ؟ دُكْ دَ وَنَّنْ، ڢُشِنْ يَهْوٜىٰهْ يَڧِ يَݣُونْتَ، حَنُّنْ حُكُنْثِنْسَ يأَنَانً أَ مِيڧٜىٰ! سَرْكِنْ أَسُّرِيَ كَمَرْ كَايَنْ عَيْكِنْ يَهْوٜىٰهْ 5 إِنْجِ يَهْوٜىٰهْ، «كَيْتُوانْ أَسُّرِيَ! عِتَ ثٜىٰ سَنْدَنْ ڢُشِنَ نَحُكُنْثِ، سَنْدَنْ دُوكَ نٜىٰ أَ هَنُّونَ؞ 6 نَا عَيْكٜىٰتَ تَڢَاطَ وَ أَلْعُمَّ مَرَرْ ڟُواْرُوانْ اللَّهْ، نَا عُمَرْثٜىٰتَ تَيِ يَاڧِ دَ مُتَنٜىٰنْ دَ نَكٜىٰ ڢُشِے دَسُو، دُواْمِنْ تَڨُوثٜىٰ كَايَ تَيِسَاتَا، تَتَتَّكٜىٰ مُتَنٜىٰنَ كَمَرْ لَاكَ عَكَنْ تِيتُنَ؞» 7 عَمَّا وَنَّنْ بَ نُڢِنْ سَرْكِنْ أَسُّرِيَ بَ، بَ تُنَانِنْ ذُوثِيَارْسَبَ؞ يَنَ دَ نِيَّرْ هَلَّكَرْوَ، نِيَّرْ كَوَرْدَ أَلْعُمَّيْ دَيَوَ؞ 8 غَمَا يَنَ تَاڧَمَ يَنَ ثٜىٰوَ «أَيْ، كُواْ شُوغَبَنِّنْ سُواْجُواْجِنَ سَرَاكُنَ نٜىٰ! 9 ذَنْثِ بِرْنِنْ كَلْنُواْ كَمَرْ نَ كَرْكٜىٰمِشْ، بِرْنِنْ هَمَتْ ذَيْ ڢَاطِ كَمَرْ نَ أَرْڢَدْ؞ ذَنْ كُمَ رُشٜىٰ سَمَرِيَ كَمَرْ دِمَشْڧُ؞ 10 دَ إِيكُوانْ هَنُّونَ نَرُشٜىٰ ڧَسَاشٜىٰ مَاسُ بَوْتَاوَ غُمَكَ، وَطَنْدَ صِڢُّواْڢِنْسُ سُكَڢِے نَ عُرُوشَلِيمَ دَ نَ سَمَرِيَ؞ 11 مٜىٰ ذَيْ هَنَنِ إِنْ رُشٜىٰ عُرُوشَلِيمَ دَ غُمَكَنْتَ، كَمَرْ يَدَّ نَرُشٜىٰ سَمَرِيَ دَ صِڢُّواْڢِنْتَ؟» 12 عَمَّا يَهْوٜىٰهْ يَثٜىٰ «بَايَنْدَ نَكَمَّلَ أَيُّكَنَ عَبَبَّنْ تُدُنْ سِهِيُواْنَ دَ عُرُوشَلِيمَ، ذَنْ حُكُنْتَ سَرْكِنْ أَسُّرِيَ سَبُواْدَ غِرْمَنْ كَنْسَ دَ تَاڧَمَرْسَ دَ كَلُّوانْ رٜىٰنِنْ دَ يَكٜىٰيِ؞ 13 غَمَا سَرْكِنْ أَسُّرِيَ يَنَ تُنَانِ ثٜىٰوَ « ‹دَ إِيكُوانْ هَنُّونَ نَيِ وَنَّنْ نَصَرَا، دَ حِكِمَتَ كُمَ، غَمَا إِنَدَ غَانٜىٰوَ سُواْسَيْ؞ دَكَيْنَ نَكَوَرْدَ إِيَاكَرْ ڧَسَاشٜىٰ، نَڨُوثٜىٰ دُوكِيَرْ أَلْعُمَّيْ، دَ ڧَرْڢِينَ نَتُمْٻُكٜىٰ سَرَاكُنَنْ ڧَبِيلُ؞ 14 كَمَرْ يَدَّ مُتُمْ يَسَا حَنُّ دُواْمِنْ يَݣُوشٜىٰ ڨُويْ دَغَ غِدَنْ ڟُنْڟُنْدَ بَعَڟَرٜىٰبَ، حَكَ نَسَا هَنُّونَ عَثِكِنْ ڧَسَاشٜىٰ نَݣُوشٜىٰ دُوكِيَرْسُ، حَكَ نَتَتَّارَ دُكَنْ ڧَسَاشٜىٰنْ دُونِيَا؞ بَابُ مَيْ كَطَ ڢِكَڢِكَيْ، كُواْ مَيْ بُوطٜىٰ بَاكِ دُواْمِنْ كُوكَنْ ڟَرٜىٰ؞› » 15 عَمَّا يَهْوٜىٰهْ يَثٜىٰ، «غَاتَرِ يَا تَٻَ ڢِنْ وَنْدَ يَكٜىٰ أَمْڢَانِ دَشِ إِيكُواْ نٜىٰ؟ كُواْ زَرْتُواْ يَا تَٻَ ڢِنْ وَنْدَ يَكٜىٰ أَمْڢَانِ دَشِ مُهِمَّنْثِ نٜىٰ؟ سَنْدَنْ دُوكَ بَ شِے يَكٜىٰ رِڧٜىٰ دَ مُتُمْبَ، عَمَّا مُتُمْ يَكٜىٰ رِڧٜىٰ دَ سَنْدَنْ دُوكَ؞» 16 حَڧِيڧَ، عُبَنْغِجِ يَهْوٜىٰهْ مَيْ ضُنْدُنَا ذَيْ عَيْكَ دَ ثُوتَرْ رَمٜىٰوَ غَ سُواْجُواْجِنْسَ نَ أَسُّرِيَ مَاسُ ڧِبَ؞ عَثِكِنْ جِكِنْسُ ذَاسُجِ ذَاڢِ، ظَظْذَاٻِنْ جِكِے مَيْ ڧُونَ كَمَرْ وُتَا؞ 17 اللَّهْ حَصْكٜىٰنْ إِسْرَٰٓءِيلَ ذَيْ ذَمَ وُتَا، مَيْ ڟَرْكِے نَ إِسْرَٰٓءِيلَ هَرْشٜىٰنْ وُتَا، أَ رَانَ طَيَ، ذَيْ ڧُواْنٜىٰ كُواْوَنٜىٰ أَبُ حَرْ دَ ڧَيُواْيِ دَ وُتَا وُتَا؞ 18 طَوْكَكَرْ كُرْمِ نَسَرْكِنْ أَسُّرِيَ دَ ڢِيلَيٜىٰنْ نُواْمَنْسَ مَاسُ بَادَ أَمْڢَانِ، دُكَنْسُ ذَاعَ هَلَكَاسُ كَكَڢْ، يَدَّ مُوغُوَرْ ثُوتَا تَكٜىٰ هَلَّكَ مُتُمْ؞ 19 ضَغُواْوَرْ عِتَتُوَنْ كُرْمِنْسَ ذَاسُ ذَمَ كَطَنْ، حَرْ ڧَرَمِنْ يَرُواْ مَا ذَيْ عِيَ ڧِرْغَسُ؞ ضَغُواْوَرْ إِسْرَٰٓءِيلَ كَطَنْ ذَاسُ كُواْمُواْ 20 أَ رَانَرْ نَنْ ضَغُواْوَرْ مُتَنٜىٰنْ إِسْرَٰٓءِيلَ، مَاسُ ڟِيرَا نَغِدَنْ يَعْڧُوبَ، بَذَاسُ ڧَارَ دُواْغَضَ غَ مَاسُ هَلَّكَسُبَ، ذَاسُ دُواْغَضَ طُنْغُمْ غَ يَهْوٜىٰهْ مَيْ ڟَرْكِے نَ إِسْرَٰٓءِيلَ؞ 21 ضَغُواْوَرْ مُتَنٜىٰ ذَاسُ كُواْمُواْ، ضَغُواْوَرْ یَنْ يَعْڧُوبَ ذَاسُ كُواْمُواْ وُرِنْ اللَّهْ مَيْ إِيكُواْ؞ 22 كُواْدَيَكٜىٰ مُتَنٜىٰنْ إِسْرَٰٓءِيلَ سُنْيِيَوَ، يَوَنْسُ كَمَرْ يَشِ عَبَاكِنْ تٜىٰكُ، عَمَّا ضَغُواْوَ كَطَنْ نٜىٰ دَغَ ثِكِنْسُ كَوَيْ ذَاسُ كُواْمُواْ؞ أَنْ رِغَا أَنْشِرْيَ مُسُ هَلَّكَ، هَلَّكَرْ تَدَاثٜىٰ دَسُو بِسَغَ أَدَلْثِنْ اللَّهْ؞ 23 غَمَا عُبَنْغِجِ يَهْوٜىٰهْ مَيْ ضُنْدُنَا ذَيْ كَٰوُاْ ثِكَكّٜىٰنْ ڧَرْشٜىٰ غَ دُكَنْ ڧَسَا، كَمَرْ يَدَّ يَثٜىٰ ذَيْ يِ؞ حُكُنْثِ عَكَنْ أَسُّرِيَ 24 سَبُواْدَ حَكَ إِنْجِ عُبَنْغِجِ يَهْوٜىٰهْ مَيْ ضُنْدُنَا، «يَا كُو مُتَنٜىٰنَ مَاسُ ذَمَ أَ سِهِيُواْنَ، كَدَ كُجِڟُواْرُوانْ أَسُّرِيَاوَا، مَاسُ دُوكَنْكُ دَ سَنْدُنَنْ دُوكَ، مَاسُ بَاكُ وَهَلَ كَمَرْ يَدَّ مَصَرَاوَا سُكَيِ مُكُ أَ لُواْكَثِنْ دَ كُكَيِ ذَمَنْ بَوْتَا أَ مَصَرْ؞ 25 بَ دَ جِمَاوَابَ ڢُشِنَ عَكَنْكُ ذَيْ ڧَارٜىٰ، سَعَنً ڢُشِنَ ذَيْ كُواْمَ عَكَنْسُ دُواْمِنْ أَ هَلَكَاسُ؞ 26 نِے يَهْوٜىٰهْ مَيْ ضُنْدُنَا ذَنْ بُلَلٜىٰسُ دَ بُلَلَ، كَمَرْ يَدَّ نَبُغِ مُتَنٜىٰ أَ هُواْرٜىٰبْ عَيَنْكِنْ مَدْيَنَ؞ ذَنْ تَادَ سَنْدَنَ عَكَنْسُ كَمَرْ يَدَّ نَيِ عَكَنْ مَصَرَاوَا عَتٜىٰكُ؞ 27 أَ رَانَرْ نَنْ ذَنْ طَوْكٜىٰ مُكُ نَوْيِنْ دَنِّيَرْ أَسُّرِيَاوَا؞ ذَنْ كُوَ كَوَرْدَ غُنْغُمٜىٰنْ نُواْمَ دَغَ وُيَنْكُ، بَذَاسُيِ مُلْكِ عَكَنْكُبَ؞» 28 غَاشِ! أَسُّرِيَاوَا سُنْ كَيْ غَرِنْ أَيِيَتْ، سُنْ وُثٜىٰ ذُوَا غَرِنْ مِكْرُوانْ، سُنْ أَجِيٜىٰ كَايَنْسُ عَڧَوْيٜىٰنْ مِكْمَشْ؞ 29 غَاشِ! سُنْ ڧٜىٰتَرٜىٰ مَشِغِنْ تُدَّيْ سُنْ ݣُونَ أَ غٜىٰبَ؞ مُتَنٜىٰنْ رَمَ سُكَ ڢِرْغِتَ، مُتَنٜىٰنْ غِبٜىٰيَ غَرِنْ طَالُوتَ سُنْ غُدُ؞ 30 كُيِ إِيهُ، يَا كُو مُتَنٜىٰنْ غَلِّمْ! كُكَسَ كُنّٜىٰ، يَا كُو مُتَنٜىٰنْ لَيِشْ! كُ أَمْسَ، يَا كُو مُتَنٜىٰنْ أَنَتُواتْ! 31 جَمَعَرْ مَدْمٜىٰنَ سُنَ غُدُنْ ڟِيرَا، مَذَوْنَنْ غٜىٰبِمْ سُنَ غُدُ سُكُٻُتَ؞ 32 يَوْ أَسُّرِيَاوَا سُنْ طَنْ دَكَتَ أَ نُوابْ، سُنَ مِيڧٜىٰ يَڟَرْ بَرَظَنَ غَ ذُوثِيَاتَ سِهِيُواْنَ، وَتُواْ تُدُنْ عُرُوشَلِيمَ؞ 33 غَاشِ! عُبَنْغِجِ يَهْوٜىٰهْ مَيْ ضُنْدُنَا، ذَيْ سَسَّارٜىٰ مَنْيَنْ عِتَتُوَ، دَ إِيكُواْ مَيْ بَرَظَنَ؞ عِتَتُوَ مَڢِے ڟَيِ ذَاعَ سَوْكَرْ دَسُو ڧَسَا، مَڢِے غِرْمَ كُمَ، ذَاعَ ڧَسْڧَنْتَرْ دَسُو؞ 34 يَهْوٜىٰهْ ذَيْ سَسَّارٜىٰ كُرْمِنَّنْ دَ غَاتَرِ، عِتَتُوَنْ لٜىٰبَنُوانْ مَڢِے ݣَوْ ذَاسُ ڢَاطِ ڧَسَا! |
Hausa Common Language Ajami Bible © The Bible Society of Nigeria, 2020
Bible Society of Nigeria