عِشَايَ 1 - أَتَّوْرَتْ دَ أَنَّبَاوَا

¹ أَ زَامَانِنْ دَ سَرْكِے عُزِّيَ، يَكٜىٰ مُلْكِ أَ يَهُودَ، أَنَّبِے عِشَايَ طَنْ أَمُواظْ يَڢَطِ مَغَنَرْ دَ يَهْوٜىٰهْ يَغَيَ مَسَ عَثِكِنْ رُعُيَ غَمٜىٰدَ يَهُودَ دَ عُرُوشَلِيمَ؞ يَثِيغَبَ أَ زَامَانِنْ وَطَنَّنْ سَرَاكُنَنْ يَهُودَ، وَتُواْ سَرْكِے يُواْتَمْ دَ سَرْكِے أَهَظْ دَ سَرْكِے هٜىٰزٜىٰكِيَ، كُواْوَنّٜىٰنْسُ يَغَاجِ مُلْكِ دَغَ وَنْدَ يَمُتُ؞

ذُنُوبِنْ يَهُودَ

² كُجِ، يَا كُو سَمَّيْ!‏ كِجِ، يَا كٜىٰ دُونِيَا!‏ غَمَا يَهْوٜىٰهْ يَايِ مَغَنَ يَثٜىٰ، ‏«‏نَيِ رٜىٰنُوانْ یَیَ، عَمَّا سُنْ جُويَا سُنَ غَابَادَنِے؞

³ سَانِيَرْ نُواْمَ تَا سَنْ مَيْ عِتَ، جَاكِ كُمَ يَا سَنْ وُرِنْ دَ مَيْشِ يَكَنْ بَاشِ عَبِنْثِ، عَمَّا إِسْرَٰٓءِيلَ بَاسُدَ سَنِ، مُتَنٜىٰنَ بَاسُدَ غَانٜىٰوَ؞»‏

⁴ أَيَّ!‏ أَلْعُمَّ مَيْ ذُنُوبِ!‏ مُتَنٜىٰ مَاسُثِكٜىٰ دَ لَيْڢُواْڢِ، ڧُنْ‌غِيَرْ مُوغَيٜىٰ، یَیَ مَرَسَ غَسْكِيَ، مَاسُ كَوْثٜىٰوَ دَغَ يَهْوٜىٰهْ، مَاسُ رٜىٰنَ مَيْ ڟَرْكِے نَ إِسْرَٰٓءِيلَ، مَاسُ جُويَا مَسَ بَايَ!‏

⁵ دُوانْمٜىٰ كُكٜىٰ تَجَٰوُاْ وَكَنْكُ حُكُنْثِ؟ ذَاكُ ثِيغَبَدَ تَاوَيٜىٰنْكُ نٜىٰ؟ كَنْكُ يَنَدَ رَوْنِ، ذُوثِيَارْكُ غَبَاطَيَ تَنَ ثِيوُاْ؞

⁶ دَغَ كَنْكُ حَرْ ذُوَا تَڢِنْ ڧَڢَاڢُنْكُ، بَابُ عِنْدَ يَكٜىٰدَ لَاڢِيَ؞ رَوْنُكَ دَ ڧُجٜىٰوَ دَ مَنْيَنْ مِيكِنْكُ، بَعَوَنْكٜىٰسُ أَنْطَوْرَ دَ بَنْدٜىٰجِ بَ، بَعَكُمَ شَاڢَ مَيْ عَكَنْسُبَ؞

⁷ ڧَسَرْكُ تَذَمَ كُڢَيْ، بِرَنٜىٰنْكُ دُكْ سُنْثِ وُتَا؞ غُواْنَكِنْكُ مَا بَاڧِ سُكٜىٰ غِرْبِنْسُ أَعِدَنُونْكُ، سُكَ مَيْدَ ڧَسَا كُڢَيْ، بَاڧِ سُكَ هَلَّكَرْ دَكُواْمٜىٰ؞

⁸ ذُوثِيَاتَ عُرُوشَلِيمَ، أَنْبَرْتَ كَمَرْ طَاكِنْ مَيْغَادِنْ غُواْنَرْ إِنَبِے بَايَنْ غِرْبِے، كَمَرْ غُواْنَرْ دَ عَكَ غِرْبٜىٰ، كَمَرْ بِرْنِنْ دَ عَكَ كٜىٰوَيٜىٰ دَ يَاڧِ؞

⁹ دَبَدُوانْ يَهْوٜىٰهْ مَيْ ضُنْدُنَا يَضَغٜىٰ مَنَ وَطَنْسُ دَ رَيْ بَ، دَ مُو مَا مُنْ ذَمَ كَمَرْ سُواْدُوامْ، دَ مُنْ كَسَنْثٜىٰ كَمَرْ غُواْمُواْرَ؞

¹⁰ ‏«‏كُجِ مَغَنَرْ يَهْوٜىٰهْ، كُو دَ كُكٜىٰ كَمَرْ مُتَنٜىٰنْ سُواْدُوامْ، كُكَسَ كُنّٜىٰ غَ دُواْكُواْكِنْ اللَّهْ، كُو دَ كُكٜىٰ كَمَرْ غُواْمُواْرَ!‏

¹¹ إِنْجِنِ يَهْوٜىٰهْ، يَوَنْ هَدَايُنْكُ يَ إِشٜىٰنِ، بَانَ سُوانْ هَدَايُنْكُ نَڧُواْنَاوَا، كُواْ نَضَغُواْ، كُواْ كِڟٜىٰنْ دَبُّواْبِنْكُ؞ بَانَ شَعَوَرْ جِنِنْ بِجِمَنْكُ دَ نَتُمَكِنْكُ دَ أَوَكِنْكُ؞

¹² دَ كُكَ ذُواْ كُيِ مِنِ سُجَّدَ، وَيَثٜىٰ كُكَٰوُاْ مِنِ هَدَايُنْكُ؟ كُدَيْنَ كَيْ دَ كَٰوُاْوَ أَ هَيْكَلِنَ!‏

¹³ عَبَنْظَنٜىٰ كُكَ كَٰوُاْ هَدَايُنْكُ!‏ هَدَايَرْ تُرَارٜىٰ، أَبِنْ ڨَمَ نٜىٰ أَغَرٜىٰنِ؞ بُكُكُوَنْكُ نَسَابُوانْ وَتَ، دَ نَرَانَرْ هُوتُ تَمَكُواْ، دَ نَكِرَنْ تَارُواْ مَيْ ڟَرْكِے، دَ مُهِمَّنْ رَانَكُنْكُ، بَانَ سُوانْسُ غَمَا ثِكِنْ لَيْڢِے كُكٜىٰيِنْسُ دُكَ!‏

¹⁴ رَيْنَ يَڧِ بُكُكُوَنْكُ نَسَابُوانْ وَتَ دَ دُكَنْ بُكُكُوَنْكُ دَ عَكَ ڟَارَا؞ سُنْ ذَمَ مِنِ كَايَ، نَغَاجِ دَسُو؞

¹⁵ عِدَنْ كُكَ مِيڧَ حَنُّوَنْكُ سَمَ، ذَنْ ٻُواْيٜىٰ ڢُسْكَتَ دَغَ غَرٜىٰكُ؞ كُواْ دَمَا كُنْيِ تَ أَدُّعُواْعِ، بَذَنْجِبَ، غَمَا حَنُّوَنْكُ ثِكٜىٰ سُكٜىٰ دَ جِنِ؞

¹⁶ كُوَنْكٜىٰ كَنْكُ!‏ كُڟَبْتَثٜىٰ كَنْكُ سَرَيْ!‏ كُكَوَرْدَ مُوغَيٜىٰنْ أَيُّكَنْكُ دَغَ غَبَنَ؞ كُدَيْنَ عَيْكَتَ مُغُنْتَا؞

¹⁷ كُكُواْيِ يِنْ أَبِنْدَ يَكٜىٰ دَيْدَيْ؞ سَيْكُأَيْكَتَ غَسْكِيَ، كُتَيْمَكِ وَطَنْدَ عَكَ دَنّٜىٰ؞ كُڟَرٜىٰ مُتُنْثِنْ مَرَايُ، كُكُمَ كَارٜىٰ مَاتَانْدَ مَذَنْسُ سُكَ مُتُ؞»‏

¹⁸ إِنْجِ يَهْوٜىٰهْ، ‏«‏كُذُواْ مُشِرْيَ ڟَكَانِنْمُ؞ كُواْ دَ كُنْيِ جَاوُرْ دَ ذُنُوبِ، ذَاكُيِ ڢَرِ ڢَتْ كَمَرْ أَوْدُغَ؞ كُواْ دَ لَيْڢُواْڢِنْكُ سُنْسَا كُنْيِ جَا كَمَرْ جِنِ، ذَاكُ كُواْمَ ڢَرِ كَمَرْ ڢَضٍ عُلُ؞

¹⁹ عِدَنْ ذَاكُ يَرْدَ أَ رَنْكُ كُكَسَنْثٜىٰ مَاسُ يِمِنِ بِيَيَّ، تُواْ، ذَاكُثِ أَلْبَرْكَرْ ڧَسَرْ؞

²⁰ عَمَّا عِدَنْ كُنْڧِ، كُكَيِ مِنِ تَاوَيٜىٰ، تَكُواْبِنْ يَاڧِ ذَيْثِنْيٜىٰكُ؞ غَمَا دَ بَاكِنَ، نِے يَهْوٜىٰهْ نَا ڢَطَا؞»‏

بِرْنِ مَرَرْ أَمِنْثِ

²¹ أَيَّ!‏ يَيَ بِرْنِ مَيْ أَمِنْثِ أَدَا يَذَمَ كَمَرْ مَثٜىٰ مَيْ ثِنْ أَمَانَ؟ أَ دَا ثَنْ يَنَ ثِكٜىٰ دَ غَسْكِيَ، دَا مَا ثِكٜىٰ دَ أَدَلْثِے يَكٜىٰ، عَمَّا يَنْذُ ثِكٜىٰ يَكٜىٰدَ مَاسُ كِسَنْ كَيْ!‏

²² يَا كٜىٰ عُرُوشَلِيمَ دَا كِنَ كَمَرْ ظَلَّرْ أَظُرْڢَا، يَوْ كِنْ ذَمَ دَتِّنْ دَ عَكَنْ تَاثٜىٰ دَغَ أَظُرْڢَا؞ دَا كَمَرْ ضُوً إِنَبِے مَيْݣَوْ كِكٜىٰ، يَنْذُ كِنْ ذَمَ بَڧِنْ ضُوَ كَوَيْ؞

²³ شُوغَبَنِّنْكِ سُنْ ذَمَ یَنْ تَاوَيٜىٰ، سُنْ ذَمَ أَبُواْكَنْ ٻَرَيِ؞ كُواْوَنّٜىٰنْسُ يَنَ سُوانْ ثِنْ حَنْثِ، سُنَ كَرْٻَرْ ݣَوْتَيْ نَثُوتَا؞ بَاسَ ڟَرٜىٰ مُتُنْثِنْ مَرَايُ عَكُواْتُ، بَاسَجِنْ ڧَارَرْ مَاتَانْدَ مَذَنْسُ سُكَ مُتُ؞

²⁴ إِنْجِ عُبَنْ‌غِجِ يَهْوٜىٰهْ مَيْ ضُنْدُنَا، مَيْ إِيكُواْ نَ إِسْرَٰٓءِيلَ، ‏«‏حَڧِيڧَ، ذَنْ ظُبَ ڢُشِنَ عَكَنْ مَاسُ ڧِينَ، إِنْيِ رَامُوَا عَكَنْ مَاسُ غَابَادَنِے؞

²⁵ هَنُّونَ ذَيْ يِغَابَادَكُو، ذَنْ تَاثٜىٰكُ إِنْڢِتَرْدَ دَتِّنْكُ، إِنْكُمَ ثِرٜىٰ ڧَظَنْتَرْكُ؞

²⁶ ذَنْبَاكُ أَلْڧَلَيْ مَاسُ غَسْكِيَ كَمَرْ دَا، دَ مَشَوَرْتَ نَكِرْكِ كَمَرْ نَڢَرْكُواْ؞ بَايَنْ حَكَ ذَاعَ ثٜىٰ دَكٜىٰ بِرْنِ مَيْ أَدَلْثِے، بِرْنِ مَيْ أَمِنْثِ كُمَ؞»‏

²⁷ تَوُرِنْ يِنْ غَسْكِيَ أَ سِهِيُواْنَ، ذَاعَ ڢَنْشٜىٰتَ، تَوُرِنْ يِنْ أَدَلْثِنٜىٰ، ذَيْثٜىٰثِ وَطَنْدَ سُكَ تُوبَ أَ عُرُوشَلِيمَ؞

²⁸ عَمَّا ڢَا یَنْ تَاوَيٜىٰ دَ مَاسُ ذُنُوبِ، ذَاعَ هَلَكَاسُ، وَطَنْدَ سُكَڧِ يَهْوٜىٰهْ كُمَ، ذَاعَ كَوَرْدَسُو؞

²⁹ ذَاكُجِ كُنْيَرْ عِتَتُوَ مَرَسَ بُوشٜىٰوَ عِنْدَ كُكٜىٰ جِنْ دَاطِنْ سُجَّدَ غَ أَلُّواْلِ؞ عِ، كُنْيَا ذَاتَرُڢٜىٰكُ، إِنْ كُنْ تُنَ دَ كٜىٰٻَٻُّنْ غُواْنَكِنْكُ؞

³⁰ ذَاكُذَمَ كَمَرْ إِتَاثٜىٰ مَرَرْ بُوشٜىٰوَ وَنْدَ غَنْيٜىٰنْسَ يَبُوشٜىٰ، كَمَرْ غُواْنَ مَرَرْ ضُوَ؞

³¹ مُتَنٜىٰ مَڢِے ڧَرْڢِے كَمَرْ بُوسَشِّيَرْ ثِيَوَ سُكٜىٰ، غُمَكَنْسُ دَ غُواْنَكِنْسُ كُمَ كَمَرْ أَبِنْ كُنَّ وُتَانٜىٰ، سُو دَ عَيْكِنْسُ ذَاسُڧُواْنٜىٰ تَرٜىٰ، بَابُ كُوَ وَنْدَ ذَيْ عِيَ كَشٜىٰ وُتَرْ؞