يُوشَعُ 6 - أَتَّوْرَتْ دَ أَنَّبَاوَا

مُتَنٜىٰنْ سُنْيِ تُوبَرْ ڧَضْيَا

¹ مُتَنٜىٰ سُكَثٜىٰ، ‏«‏كُذُواْ مُكُواْمَ وُرِنْ يَهْوٜىٰهْ!‏ يَيَيَّاغٜىٰمُ، عَمَّا يَنْذُ ذَيْ وَرْكَرْ دَمُو؞ يَيِ مَنَ رَوْنِ، عَمَّا ذَيْ طَوْرَ مَنَ مِيكِنْمُ؞

² بَايَنْ ݣُونَ بِيُ ذَيْسَابُنْتَمُ؞ أَ رَانَ تَ عُكُ كُوَ ذَيْ تَاشٜىٰمُ، مُيِ ذَمَنْمُ أَغَبَنْسَ؞

³ مُنَاثٜىٰ، مُدَاغٜىٰ مُسَنْ يَهْوٜىٰهْ؞ ذُوَانْسَ تَبَّتَاثّٜىٰ نٜىٰ كَمَرْ وَايٜىٰوَرْ غَرِ؞ ذَيْ كُوَذُواْ مَنَ كَمَرْ ضُوً سَمَ، إِرِنْ ڢَرْكُوانْ ضُوً سَمَ دَيَكٜىٰ جِڧٜىٰ ڧَسَا؞»‏

⁴ إِنْجِ يَهْوٜىٰهْ، ‏«‏مٜىٰ ذَنْيِ دَكُو، يَا كُو إِسْرَٰٓءِيلَاوَا؟ مٜىٰ ذَنْيِ دَكُو، يَا كُو يَهُودَاوَا؟ غَاشِ ڧَوْنَرْكُ كَمَرْ حَزُواْ مَيْ سَوْرِنْ ٻَثٜىٰوَ نٜىٰ، كَمَرْ رَٻَرْ دَتَكٜىٰ وَڟٜىٰوَ دَ سَڢٜىٰ؞

⁵ نَعَيْكَ أَنَّبَاوَنَ سُكَ سَسَّارٜىٰكُ تَوُرِنْ مَغَنَرْ بَاكِنْسُ؞ نَكُمَ كَكَّشٜىٰكُ دَ مَغَنَرْ بَاكِنَ؞ لَلَّيْ حُكُنْثِنَ ذَيْ بُغٜىٰكُ كَمَرْ يَدَّ دُواْلٜىٰ رَانَ تَبِے دَرٜىٰ؞

⁶ بَانَسُوانْ هَدَايُنْكُ، إِنَ سُوانْ أَمِنْثِ ثِكِنْ ڧَوْنَ دَغَ غَرٜىٰكُ؞ أَيْ، سَنِنْ اللَّهْ يَڢِ هَدَايُنْ ڧُواْنَاوَا؞

⁷ ‏«‏عَمَّا كَمَرْ ءَادَمُ، سُو مَا سُنْ كَرْيَ يَرْجٜىٰجٜىٰنِيَتَ، سُنْثِ أَمَانَتَ؞

⁸ غِلٜىٰيَدْ بِرْنِ نٜىٰ نَمَاسُ عَيْكَتَ مُغُنْتَا، تَنَ كُمَ يَٰوُاْ دَ تَبُوانْ جِنِ؞

⁹ كَمَرْ یَنْ ڢَشِ سُكَنْيِ وَمُتَنٜىٰ ݣُونْتُوانْ ٻَوْنَ، حَكَ ڢِرِسْتُواْثِنْسُ مَا سُنَ حَطَكَيْ سُڟَيَ أَ حَنْيَرْ شٜىٰكٜىٰمْ سُيِ كِسَا، سُنَ عَيْكَتَ مُغُنْتَا إِرِ إِرِ؞

¹⁰ عِ، نَا غَ وَنِ أَبِنْ بَنْ ڨَمَ أَ غِدَنْ إِسْرَٰٓءِيلَ، ذُرِيَرْ إِڢْرَيِمْ سُنَ كَارُوَنْثِ تَوُرِنْ سُجَّدَ غَ أَلُّواْلِ، لَلَّيْ إِسْرَٰٓءِيلَ سُنْ ڧَظَنْتَرْدَ كَنْسُ؞

¹¹ ‏«‏يَا كُو مُتَنٜىٰنْ يَهُودَ، أَنْشِرْيَ مُكُ رَانَرْ دَ ذَاكُ غِرْبٜىٰ حُكُنْثِنْكُ، أَ سَعَدَّ ذَنْ دَاوُاْ دَ مُتَنٜىٰنَ دَ عَكَ ݣُوشٜىٰ ذُوَا بَوْتَا، إِنْكُمَ مَيَرْ مُسُ دَ أَلْبَرْكُنْسُ؞»‏