يُوشَعُ 5 - أَتَّوْرَتْ دَ أَنَّبَاوَا

حُكُنْثِ مَيْ ذُوَا عَكَنْ إِسْرَٰٓءِيلَ دَ يَهُودَ

¹ إِنْجِ يَهْوٜىٰهْ، ‏«‏كُكَسَ كُنّٜىٰ، يَا كُو ڢِرِسْتُواْثِے!‏ كُسَوْرَرَ، يَا غِدَنْ إِسْرَٰٓءِيلَ!‏ كُلُورَ، يَا غِدَنْ سَرْكِے!‏ غَمَا كَلْمُواْمِنْ حُكُنْثِ عَكَنْكُنٜىٰ؞ يَنْذُ تَاكُتَاڧَارٜىٰ!‏ كُنْ سَا مُتَنٜىٰ عَتَرْكُواْ تَوُرِنْ سُجَّدَ أَ مِظْڢَ، كُنْ كَامَسُ دَ رَاغَ عَبَبَّنْ تُدُنْ تَبُوارْ؞

² كُنْ حَڧَ مُسُ رَامِ مَيْ ظُرْڢِ أَ شِتِّمْ، بَاشَكَّ، ذَنْ حُكُنْتَكُ دُكَ؞

³ نِے نَسَنْ ذُرِيَرْ إِڢْرَيِمْ، إِسْرَٰٓءِيلَ كُمَ بَعَٻُواْيٜىٰ سُكٜىٰ غَرٜىٰنِبَ؞ يَا كُو ذُرِيَرْ إِڢْرَيِمْ، كُنْيِ كَارُوَنْثِ، إِسْرَٰٓءِيلَ كُمَ كُنْ ڧَظَنْتُ؞

⁴ ‏«‏أَيُّكَنْسُ بَسُ بَرْسُ سُكُواْمَ غَرٜىٰنِ اللَّهْ نْسُبَ؞ غَمَا حَلِنْ كَارُوَنْثِ يَنَ ثِكِنْسُ؞ دُواْمِنْ حَكَ بَسُ سَنْ يَهْوٜىٰهْ بَ كُمَ؞

⁵ غِرْمَنْ كَيْ نَجَمَعَرْ إِسْرَٰٓءِيلَ يَنَ بَادَ شَيْدَ عَكَنْسُ؞ ذُرِيَرْ إِڢْرَيِمْ سُنَ تُنْتُٻٜىٰ سَبُواْدَ ذُنُبَنْسُ، يَهُودَ مَا سُنَ تُنْتُٻٜىٰ سُنَ بِنْسُ؞

⁶ دَ غَرْكُنَنْسُ نَتُمَكِ دَ نَشَانُو ذَاسُ تَڢِے نٜىٰمَنْ يَهْوٜىٰهْ؞ عَمَّا بَذَاسُ سَامٜىٰنِبَ، غَمَا ذَنْ جَنْيٜىٰ كَيْنَ دَغَ غَرٜىٰسُ؞

⁷ نِے يَهْوٜىٰهْ، سُنْيِ مِنِ رَشِنْ أَمِنْثِ، سُنْ حَيْڢِ یَیَنْ دَ بَنَوَبَ؞ عَبِكٍ سَابُوانْ وَتَا كُوَ ذَاعَ هَلَكَاسُ تَرٜىٰدَ أَمْڢَانِنْ غُواْنَكِنْسُ؞

⁸ كُبُوسَ ڧَهُوانْ يَاڧِ أَ غِبٜىٰيَ!‏ كُبُوسَ كَكَكِ أَ رَمَ!‏ كُيِ كِرَنْ يَاڧِ أَ بٜىٰتَوٜىٰنْ، يَا كُو سُواْجُواْجِنْ ذُرِيَرْ بِلِيَامِنُ!‏

⁹ يَنْكِنْ ذُرِيَرْ إِڢْرَيِمْ ذَيْ ذَمَ كُڢَيْ أَ رَانَرْ حُكُنْثِ؞ عَثِكِنْ ظُرِيُواْيِنْ إِسْرَٰٓءِيلَ، نَسَنَرْدَ أَبِنْدَ ذَيْ ڢَرُ بَاشَكَّ؞

¹⁰ شُوغَبَنِّنْ يَهُودَ سُنْ ذَمَ كَمَرْ مَاسُثِرٜىٰ عَلَمَرْ شَيْدَرْ إِيَاكَرْ غُواْنَ، ذَنْ ظُبُواْ مُسُ ڢُشِنَ كَمَرْ ضُوَ؞

¹¹ إِسْرَٰٓءِيلَ عَ أَرٜىٰوَ، أَنْدَنّٜىٰسُ، شَرِيعَ تَنِڧَسُ، غَمَا سُنْسَا كَيْ غَ بِنْ غُمَكَ؞

¹² دُواْمِنْ حَكَ نَذَمَ كَمَرْ غَضَ غَ مُلْكٍ إِسْرَٰٓءِيلَ، كَمَرْ أَبِنْدَ يَكَٰوُاْ رُٻٜىٰوَ غَ مُلْكٍ يَهُودَ؞

¹³ سَعَدَّ مُلْكٍ إِسْرَٰٓءِيلَ سُكَغَ ثِيوُانْسُ، مُلْكٍ يَهُودَ كُمَ سُكَغَ رَوْنِنْسُ، سَيْ إِسْرَٰٓءِيلَ سُنْ عَيْكَ نٜىٰمَنْ تَيْمَكُواْ أَعَسُّرِيَ وُرِنْ بَبَّنْ سَرْكِے؞ عَمَّا بَبَّنْ سَرْكِنْ بَيْ عِيَ تَيْمَكُواْ كُواْ وَرْكَرْدَ ثِيوُانْسُبَ؞

¹⁴ كَمَرْ ذَاكِ ذَنْ ڢَاطَ وَمُلْكٍ إِسْرَٰٓءِيلَ، كَمَرْ ذَاكِ مَيْ ڧَرْڢِے عَكَنْ مُلْكٍ يَهُودَ؞ ذَنْ يَيَّاغٜىٰسُ إِنْتَڢِے، بَابُ كُمَ وَنْدَ يَ إِسَ يَكُٻُتَرْ دَسُو دَغَ هَنُّونَ؞

¹⁵ ذَنْ جَنْيٜىٰ كَيْنَ، حَرْ سَيْ سُنْ أَمِنْثٜىٰ دَ لَيْڢِنْسُ، سُنْ نٜىٰمِ تَيْمَكُواْ دَغَ غَرٜىٰنِ؞ عَثِكِنْ ڟَنَنِنْ وَهَلَرْسُ نٜىٰ ذَاسُ نٜىٰمٜىٰنِ دَ دُكَنْ رَنْسُ؞»‏