يُوشَعُ 4 - أَتَّوْرَتْ دَ أَنَّبَاوَا

اللَّهْ يَڧِرْغَ لَيْڢُواْڢِنْ إِسْرَٰٓءِيلَ

¹ كُجِ مَغَنَرْ يَهْوٜىٰهْ، يَا كُو مُتَنٜىٰنْ إِسْرَٰٓءِيلَ، غَمَا يَهْوٜىٰهْ يَنَدَ ڧَارَ عَكَنْكُ، كُو مَذَوْنَنْ ڧَسَرْ؞ ‏«‏غَمَا بَابُ أَمِنْثِ، بَابُ ڧَوْنَ، بَابُ سَنِنَ عَڧَسَرْ، نِے دَ نَكٜىٰ اللَّهْ نْكُ؞

² أَݣَويْ ضَنْڟُوَارْ ڧَضْيَا دَ كَشٜىٰ كَشٜىٰ، دَ ڧَضْيَا دَ سَاتَادَ ظِنَ دَ يَوَنْ ضِكِثِ، دَ كُمَ ظُبْدَ جِنِ عَكَيْ عَكَيْ؞

³ سَبُواْدَ حَكَ، ڧَسَرْ تَكٜىٰ بُوشٜىٰوَ، كُواْمٜىٰنْ دَيَكٜىٰ ثِكِنْتَ كُمَ يَنَ مُتُوَ؞ دُكَنْ دَبُّواْبِے دَ ڟُنْڟَيٜىٰنْ سَرَرِنْ سَمَ، دَ كِيڢَيٜىٰنْ تٜىٰكُ سُنَ مُتُوَ؞»‏

يَهْوٜىٰهْ يَظَرْغِ ڢِرِسْتُواْثِے

⁴ إِنْجِ يَهْوٜىٰهْ، ‏«‏كَدَ وَنِ يَظَرْغِ وَنِ، كُواْ يَڟَاوَتَا مَسَ، غَمَا دَ ڢِرِسْتُواْثِے نٜىٰ نَكٜىٰ دَ دَامُوَ؞

⁵ دُواْمِنْ حَكَ، كَيْ ڢِرِسْتِ، ذَاكَيِ تُنْتُٻٜىٰ دَ رَانَ، أَنَّبِے مَا ذَيْ يِتُنْتُٻٜىٰ تَرٜىٰدَكَيْ دَ دَرٜىٰ؞ نِے كُوَ ذَنْ هَلَّكَ إِسْرَٰٓءِيلَ مَامَرْكُ؞

⁶ مُتَنٜىٰنَ سُنَ هَلَّكَ سَبُواْدَ رَشِنْ سَنِ؞ تُنْدَيَكٜىٰ كُنْڧِ نٜىٰمَنْ سَنِ، نِے مَا ذَنْڧِيكُ دَغَ ذَمَنْ ڢِرِسْتُواْثِنَ؞ سَبُواْدَ كُنْ مَنْتَادَ كُواْيَرْوَرْ اللَّهْ نْكُ، نِے مَا ذَنْ مَنْتَادَ یَیَنْكُ؞

⁷ غَاشِ، يَايِنْ دَ ڢِرِسْتُواْثِے سُنَ ڧَارَ يَوَ، حَكَمَا ذُنُوبِ يَنَ تَڧَارَ يَوَ؞ ذَنْ كُوَ مَيْدَ دَرَجَرْسُ تَذَمَ كُنْيَا؞

⁸ ڢِرِسْتُواْثِے سُنَ ڧَرْڢَڢَ مُتَنٜىٰ ثِكِنْ ذُنُوبِ دُواْمِنْ سُثِ رِيبَ دَغَ هَدَايَرْ ذُنُبَنْ مُتَنٜىٰنَ؞

⁹ تُواْ، كَمَرْ يَدَّ مُتَنٜىٰ سُكٜىٰ، حَكَمَا ڢِرِسْتُواْثِنْ سُكٜىٰ، ذَنْ حُكُنْتَسُ سَبُواْدَ مُغُنْتَارْسُ، ذَنْ سَاكَ مُسُ دَيْدَيْ أَيُّكَنْسُ؞

¹⁰ ذَاسُثِ، عَمَّا بَذَاسُ ڧُواْشِبَ؞ كُواْ دَمَا سُنْيِ كَارُوَنْثِ نَنٜىٰمَنْ یَیَ، بَذَاسُ سَامِ حَيْڢُوَبَ، غَمَا سُنْڧِے يَهْوٜىٰهْ، سُنْبِے وَطَنْسُ أَلُّواْلِ؞»‏

يَهْوٜىٰهْ يَنَ ڨَمَرْ بَوْتَرْ غُمَكَ

¹¹ إِنْجِ يَهْوٜىٰهْ، ‏«‏جِنْ دَاطِے دَ ضُوً إِنَبِے دَ وَنْدَ بَايَ كَٰوُاْ بُغُوَبَ سُكَنْ كَوَرْدَ حَنْكَلِنْ مُتَنٜىٰنَ؞

¹² مُتَنٜىٰنَ سُنَ نٜىٰمَنْ سَنِ دَغَ وُرِنْ غُنْكِنْ كَتَكُواْ يَڢَطَا مُسُ أَبِنْدَ ذَاسُيِ!‏ سُنَ ڟَمَّنِ غُنْكِنْ سَنْدَا ذَيْ ڢَطَا مُسُ أَبُبُوَ مَاسُ ذُوَا!‏ حَلِنْ كَارُوَنْثِ يَرُوطٜىٰسُ، سُنْ بَرْ اللَّهْ نْسُ سُكَ مِيڧَ كَنْسُ غَ بِنْ أَلُّواْلِ كَمَرْ مَثٜىٰنْ دَتَبَرْ مِجِنْتَ تَذَمَ كَارُوَ؞

¹³ سُنَ مِيڧَ هَدَايُ غَ غُمَكَ عَكَنْ مَنْيَنْ تُدَّيْ؞ سُنَ هَوَنْ تُدَّيْ سُڧُواْنَ تُرَارٜىٰ عَڧَرْڧَشِنْ إِنُوَ مَيْݣَوْ تَ إِتَاثٜىٰنْ ڟَاڢِ دَ تَدَرْغَظَ، دَ تَ إِتَاثٜىٰ مَرَرْ بُوشٜىٰوَ؞ ‏«‏دُواْمِنْ حَكَ یَیَنْكُ مَتَ سُنْ شِغَ كَارُوَنْثِ، مَتَنْ یَیَنْكُ كُمَ سُنْ شِغَ ظِنَ؞

¹⁴ بَذَنْ حُكُنْتَ یَیَنْكُ مَتَ دُواْمِنْ سُنَ كَارُوَنْثِبَ، كُواْ كُوَ مَتَنْ یَیَنْكُ دُواْمِنْ سُنَ ظِنَبَ، غَمَا كُو مَظَا مَا كُنَ يِنْ حَكَ؞ كُنَ ݣُونَ دَ كَارُوَيْ أَطَكُنَنْ غُمَكَ، كُنَ كُمَ بِنْ وَطَنْسُ كَارُوَيْ أَوَجٜىٰ؞ أَيْ، دُكْ وَنْدَ يَڧِجِ، بَذَيْڧِ غَنِبَ؞

¹⁵ ‏«‏يَا كُو مُتَنٜىٰنْ إِسْرَٰٓءِيلَ، كُواْدَيَكٜىٰ كُنَ كَارُوَنْثِ، كَدَ ڢَا يَهُودَ تَشِغَ وَنَّنْ لَيْڢِے؞ كَدَ كُيِ سُجَّدَ أَ غِلْغَلْ، كُواْ كُهَوْرَ ذُوَا بٜىٰتَوٜىٰنْ، كُواْ كُيِ ضَنْڟُوَا دَ سُونَنَ أَوُرِنْ، دَ سُونَنْ يَهْوٜىٰهْ مَيْ رَيْ؞

¹⁶ غَاشِ، إِسْرَٰٓءِيلَاوَا سُنَدَ تَوْرِنْ كَيْ كَمَرْ جَاكِنْ دُواْكِ؞ تَيَيَا يَهْوٜىٰهْ ذَيْ يِكِيوُانْسُ أَ حَنْكَلِ كَمَرْ یَرْ تُنْكِيَرْ دَ عَكٜىٰ كِيوُانْتَ أَ ڢِيلِ مَيْ ڢَاطِ؟

¹⁷ عَڨَلٜىٰ مُتَنٜىٰنْ إِسْرَٰٓءِيلَ عَ أَرٜىٰوَ سُو كَطَيْ، دَ يَكٜىٰبِنْ غُمَكَ يَشَا كَنْسُ؞

¹⁸ بَايَنْدَ سُنْ ڧَارٜىٰ شَيٜىٰ شَيٜىٰنْسُ، سَيْ سُشِغَ كَارُوَنْثِنْسُ بَا ڟَيَاوَا؞ سُنْڢِے سُوانْ أَبُبُوَنْ بَنْ كُنْيَا مَيْمَكُوانْ سَامُنْ غِرْمَمَاوَا؞

¹⁹ غُوغُوَرْ إِسْكَ ذَاتَ كَوَرْ دَسُو هَدَايُنْسُ غَ غُمَكَ بَذَاسُ كَٰوُاْ مُسُ كُواْمٜىٰبَ سَيْ كُنْيَا؞»‏