يُوشَعُ 3 - أَتَّوْرَتْ دَ أَنَّبَاوَا

إِسْرَٰٓءِيلَ ذَاسُ كُواْمَ غَ اللَّهْ

¹ سَڧُواْ نَبِيُ وَنْدَ يَهْوٜىٰهْ يَعَيْكَ مِنِ شِينٜىٰ ‏«‏كَتَڢِے، كَثِيغَبَدَ نُونَ ڧَوْنَرْكَ غَ مَاتَرْكَ نَنْ وَدَّ تَكٜىٰبِنْ مَظَا تَنَ ظِنَ دَسُو؞ كَڧَوْنَثٜىٰتَ كَمَرْ يَدَّ نِے يَهْوٜىٰهْ نَكٜىٰ ڧَوْنَرْ إِسْرَٰٓءِيلَ، كُواْدَيَكٜىٰ تَجُويَ غَ بِنْ وَطَنْسُ أَلُّواْلِ تَنَ ݣُوطَيِنْ بُوسَسُّنْ یَیَنْ إِنَبِنْدَ عَكَ مِيڧَا وَ غُمَكَ؞»‏

² نَا بِيَ كُطِنْ أَظُرْڢَا غُواْمَشَا بِيَرْ دَ كِلُواْ طَرِے دَ حَمْسِنْ نَهَڟِنْ بَلٜىٰ عَكَنْتَ؞

³ سَيْ نَعُمَرْثٜىٰتَ ‏«‏دُواْلٜىٰنٜىٰ كِذَوْنَ تَرٜىٰدَنِ نَڟَوُانْ ݣُونَكِے؞ بَذَاكِ ڢِتَ كَارُوَنْثِ بَ، كُواْ كُوَ كِݣُونَ دَ وَنِ نَمِجِبَ؞ حَكَ مَا، نِے بَذَنْ ݣُونَ دَكٜىٰبَ؞»‏

⁴ وَنَّنْ يَنُونَ ثٜىٰوَ إِسْرَٰٓءِيلَاوَا ذَاسُ طَوْكِ لُواْكَثِ مَيْ يَوَ بَاسُ دَ سَرْكِے، كُواْ شُوغَبَا، بَابُ كُمَ هَدَايَ، كُواْ دُوڟٜىٰنْ سُجَّدَ، كُواْ أَبِنْ نٜىٰمَنْ سَنِنْ نُڢِنْ اللَّهْ، كُواْ كُوَ صِڢُّواْڢِنْدَ ذَاعَ بَوْتَاوَا!‏

⁵ بَايَنْ حَكَ إِسْرَٰٓءِيلَاوَا ذَاسُ كُواْمَ سُنٜىٰمِ يَهْوٜىٰهْ اللَّهْ نْسُ دَ كُمَ سَرْكِنْسُ دَاوُدَ؞ عَكْوَانَكِے مَاسُ ذُوَا ذَاسُ كُواْمَ دَ ڟُواْرُواْ وُرِنْ يَهْوٜىٰهْ، دُواْمِنْ سُكَرْٻِ أَلْحٜىٰرَنْسَ؞