يُوشَعُ 2 - أَتَّوْرَتْ دَ أَنَّبَاوَا

¹ ‏«‏سَيْ كَكِرَا یَنْعُوَنْكَ نَ إِسْرَٰٓءِيلَ، ‏‹‏مُتَنٜىٰنَ›‏، یَنْعُوَنْكَ مَتَ كُمَ، ‏‹‏مَاسُ جِنْڧَيْ؞›‏ »‏

رَشِنْ أَمِنْثِنْ غُواْمٜىٰرْ، رَشِنْ أَمِنْثِنْ إِسْرَٰٓءِيلَ

² ‏«‏كُڟَاوَتَا وَ إِسْرَٰٓءِيلَ مَامَرْكُ، كُڟَاوَتَا مَتَ، غَمَا عِتَ بَمَاتَتَ بَثٜىٰ، نِے كُمَ بَمِجِنْتَبَ؞ كُضُواْڧٜىٰتَ تَدَيْنَ كَلُّواْ إِرِنَّكَارُوَيْ، تَرَبُ دَ مَاسُ ضُنْ‌غُمَرْ نُواْنُوانْتَ؞

³ إِنْ بَهَكَبَ، ذَنْ بُوطٜىٰتَ أَ ڢِيلِ إِنْبَرْتَ ڟِرَرَ كَمَرْ رَانَرْ دَ عَكَ حَيْڢٜىٰتَ، إِنْبَرْتَ كَمَرْ دَاجِ، كَمَرْ بُوسَشِّيَرْ ڧَسَا، إِنْكَشٜىٰتَ دَ ڧِشِنْ ضُوَ؞

⁴ بَذَنْ نُونَاوَ یَیَنْتَ جِنْڧَيْ بَ، غَمَا سُو بَنَوَ بَنٜىٰ، سُو حَيْڢُوَرْ كَارُوَنْثِ نٜىٰ؞

⁵ مَامَرْسُ لَلَتَثِّيَرْ كَارُوَثٜىٰ، تَا كُوَ حَيْڢٜىٰسُ ثِكِنْ رَشِنْ كُنْيَا؞ غَمَا تَاثٜىٰ، ‏‹‏ذَنْبِے مَسُواْيَنَ، غَمَا سُنْبَانِ دُكَنْ كُواْمٜىٰ، عَبِنْثِنَ دَ ضُوَنَ، دَ عُلُونَ دَ نَلِيلِنَ، دَ مَنْ ظَيْتُنَ دَ ضُوً إِنَبِنَ؞›‏

⁶ سَبُواْدَ حَكَ، ذَنْكٜىٰوَيٜىٰ إِسْرَٰٓءِيلَ دَ كَتَنْ‌غَرْ ڧَيُواْيِ؞ نِے ذَنْتَرٜىٰ حَنْيَرْتَ، دُواْمِنْ تَٻَثٜىٰ تَرَسَ عِنْدَ ذَاتَبِے؞

⁷ أَغُجٜىٰ ذَاتَبِے مَسُواْيَنْتَ، عَمَّا بَذَاتَ كَامَسُبَ؞ ذَاتَ نٜىٰمٜىٰسُ، عَمَّا بَذَاتَ سَامٜىٰسُبَ؞ سَعَنً ذَاتَثٜىٰ، ‏‹‏نِے ذَنْكُواْمَ وُرِنْ مِجِنَ نَڢَرْكُواْ، غَمَا ذَمَنَ نَدَا يَڢِ مِنِ نَيَنْظُ!‏›‏

⁸ بَتَسَنِبَ ثٜىٰوَ نِنٜىٰ نَابَاتَ حَڟِنْ، دَ ضُوً إِنَبِنْ دَامَنْ ظَيْتُنْ، عَيَلْوَثٜىٰ نَبَاتَ ظِينَارِيَ دَ أَظُرْڢَرْدَ تَكٜىٰ أَمْڢَانِ دَسُو أَغِدَنْ بَعَلْ؞

⁹ سَبُواْدَ حَكَ، ذَنْ كَرْٻِ حَڟِنَ لُواْكَثِنْدَ يَ إِسَ غِرْبِے، دَ ضُوً إِنَبِنَ دَيْدَيْ لُواْكَثِنْسَ؞ عِ، ذَنْݣُوشِ عُلُونَ دَ لِيلِنَ دَ نَبَاتَ دُواْمِنْ تَطِنْكَ رِغَرْ رُڢٜىٰ ڟِرَيْثِنْتَ؞

¹⁰ تُواْ، يَنْذُ ذَنْتُوٻٜىٰتَ أَ ڢِيلِ، أَعِدُوانْ مَسُواْيَنْتَ؞ بَابُوَنْدَ ذَيْ عِيَ كُٻُتَرْدَ عِتَ دَغَ هَنُّونَ؞

¹¹ ذَنْكَٰوُاْ ڧَرْشٜىٰنْ ڢَضٍ ثِكِنْتَ، دَ بُكُكُوَنْتَ نَشٜىٰكَرَا شٜىٰكَرَا، دَ نَسَابُوانْ وَتَ دَ نَهُتُ تَمَكُواْ، دَ دُكْ دَيْ بُكُكُوَنْتَ نَمُسَمَّنْ؞

¹² ذَنْٻَاتَ عِتَتُوَنْ إِنَبِنْتَ، دَ عِتَتُوَنْ ٻَوْرٜىٰنْتَ وَطَنْدَ تَكٜىٰثٜىٰوَ ‏‹‏وَطَنَّنْ سُونٜىٰ لَادَنَ وَنْدَ مَسُواْيَنَ سُكَبَانِ؞›‏ ذَنْسَا سُذَمَ كُرْمِ، نَمُواْمِنْ دَاجِ سُثِنْيٜىٰسُ؞

¹³ ذَنْحُكُنْتَتَ دُواْمِنْ لُواْكَتَنْ دَ تَمَنْتَادَنِے تَڧُواْنَ تُرَارٜىٰنْ هَدَايُ غَ بَعَلْ، تَسَنْيَ كَايَنْ أَدُوانْتَ دَ ذُواْبَّنْ ظِينَارِيَ، تَبِے مَسُواْيَنْتَ؞ نِے يَهْوٜىٰهْ نَا ڢَطَا؞»‏

يَهْوٜىٰهْ يَنَ سُوانْ إِسْرَٰٓءِيلَ

¹⁴ ‏«‏دُواْمِنْ حَكَ، غَاشِ، ذَنْ لَلَّشٜىٰتَ إِنْكَيْ تَثِكِنْ دَاجِ، إِنْيِ مَتَ مَغَنَ تَݣُونْتَرْدَ رَيْ؞

¹⁵ بَايَنْ حَكَ ذَنْمَيَرْ مَتَ غُواْنَرْ إِنَبِنْتَ، وُرِنْ وَهَلَرْ نَنْ ݣُورِنْ عَكُوارْ كُمَ، إِنْمَيْدَشِ ڧُواْڢَرْ بٜىٰغٜىٰ؞ عَثَنْ ذَاتَ أَمْسَ مِنِ كَمَرْ عَݣُونَكِنْ ڧُرُثِيَرْتَ، كَمَرْ لُواْكَثِنْ دَ تَڢِتُواْ دَغَ ڧَسَرْ مَصَرْ؞

¹⁶ نِے يَهْوٜىٰهْ نَاثٜىٰ، أَ رَانَرْ نَنْ ذَاتَثٜىٰ دَنِے، ‏‹‏مِجِنَ،›‏ بَذَاتَ ڧَارَثٜىٰ دَنِے ‏‹‏بَعَلْ نَوَ›‏ بَ؞

¹⁷ غَمَا ذَنْكَوَرْدَ سُونَيٜىٰنْ بَعَلْ دَغَ بَاكِنْتَ؞ بَذَاعَ كُوَ ڧَارَ كِرَنْسُ دَ سُونَيٜىٰنْسُبَ؞

¹⁸ أَ رَانَرْ نَنْ ذَنْيِ أَلْڧَوَرِ دَ نَمُواْمِنْ دَاجِ دَ ڟُنْڟَيٜىٰ، دَ حَلِتُّو مَاسُ رَرَّڢٜىٰ دُواْمِنْ مُتَنٜىٰنَ سُيِ ذَمَنْسُ لَاڢِيَ؞ ذَنْ كُمَ كَكَّرْيَ بَكَ دَ تَكُواْبِے، إِنْكُمَسَا يَاڧِ يَڧَارٜىٰ عَڧَسَرْ، سَعَنً ذَاسُيِ ذَمَنْسُ لَاڢِيَ لَوْ؞

¹⁹ ‏«‏ذَنْ طَوْكٜىٰكِ كِذَمَ مَاتَتَ تَهَرْ أَبَدَا، ذَنْ عَوْرٜىٰكِ ثِكِنْ أَدَلْثِے دَ غَسْكِيَ، إِنْ نُونَمِكِ ڧَوْنَ مَرَرْ ثَنْجَاوَا، إِنْكُمَ نُونَ مِكِ جِنْڧَيْ؞

²⁰ ذَنْ طَوْرَ عَوْرٜىٰ دَكٜىٰ ثِكِنْ أَمِنْثِ، ذَاكِ كُوَ سَنِ نِنٜىٰ يَهْوٜىٰهْ؞»‏

²¹ إِنْجِ يَهْوٜىٰهْ، ‏«‏أَ رَانَرْ نَنْ ڢَا ذَنَمْسَ، ذَنَمْسَا وَسَمَّيْ، سُو كُمَ ذَاسُ أَمْسَ وَڧَسَا؞

²² ڧَسَا كُمَ ذَاتَ أَمْسَ دَ أَمْڢَانِنْ حَڟِ، دَ ضُوً إِنَبِے دَ مَنْ ظَيْتُنْ، ذَاسُ أَمْسَ دَ مُرْيَ طَيَ سُثٜىٰ، ‏‹‏يٜىٰظِرٜىٰيٜىٰلْ، شُوكَرْ اللَّهْ!‏›‏

²³ ذَنْشُوكَ مُتَنٜىٰنَ عَڧَسَرْ دُواْمِنْ كَيْنَ؞ ذَنْ كُمَيِ وَ ‏‹‏لُواْ رُهَمَ،›‏ جِنْڧَيْ، إِنْكُمَ ثٜىٰ وَ ‏‹‏لُواْ أَمِّ›‏، ‏‹‏مُتَنٜىٰنَ!‏›‏ سُو مَا ذَاسُثٜىٰ مِنِ، ‏‹‏كَيْ نٜىٰ اللَّهْ نَا!‏›‏ »‏