يُوشَعُ 13 - أَتَّوْرَتْ دَ أَنَّبَاوَا

ڢُشِنْ اللَّهْ عَكَنْ إِسْرَٰٓءِيلَ

¹ أَ دَا، سَعَدَّ ذُرِيَرْ إِڢْرَيِمْ تَيِ مَغَنَ، سَوْرَنْ ظُرِيُواْيِ سُكَنْيِ ضَوَرْ جِكِے، غَمَا أَنْطَوْكَكَتَ عَ إِسْرَٰٓءِيلَ؞ عَمَّا تَايِ ذُنُوبِ تَوُرِنْ سُجَّدَ غَ بَعَلْ، دُواْلٜىٰ كُوَ تَمُتُ؞

² هَرْوَيَوْ تَنَ تَڧَارَ يِنْ ذُنُوبِ؞ تَايِ وَكَنْتَ غُمَكَ نَظُبِے، دَ غُمَكَ نَأَظُرْڢَا، بِسَغَ عِيَوَرْتَ؞ دُكَنْ غُمَكَنْتَ عَيْكِنْ حَنُّ نٜىٰ؞ تَكَنْثٜىٰ وَمُتَنٜىٰ سُمِيڧَ مُسُ هَدَايَ، سُيِ وَصِڢَّرْ بِجِمِ سُمْبَ!‏

³ سَبُواْدَ حَكَ، ذَاسُ ذَمَ كَمَرْ حَزُواْ نَسَاڢِيَ، كَمَرْ رَٻَ مَيْ وُثٜىٰوَ دَ سَوْرِ، كَمَرْ دُوسَرْ دَ إِسْكَ تَهُورَ أَوُرِنْ بُغُنْ حَڟِ، كَمَرْ هَيَاڧِے دَغَ مُضْهُ؞

⁴ إِنْجِ يَهْوٜىٰهْ، ‏«‏نِے يَهْوٜىٰهْ نِنٜىٰ اللَّهْ نْكُ تُنْدَغَ ڧَسَرْ مَصَرْ؞ بَكُسَنْ وَنِ اللَّهْ بَ سَيْ نِے، بَنْدَ نِے، بَابُ مَيْ ثٜىٰتُواْ؞

⁵ نِنٜىٰ نَا لُورَ دَكُو أَدَاجِ، عَڧَسَا مَرَرْ ضُوَ؞

⁶ عَمَّا دَ كُكَيِ أَرْزِڧِنْ دَبُّواْبِے، كُكَثِ كُكَ ڧُواْشِ، رَنْكُ يَجِ دَاطِے، سَيْ كُكَيِ غِرْمَنْ كَيْ، كُكَ مَنْتَادَنِے؞

⁷ تُواْ، ذَنْ كَٰوُاْ مُكُ هَرِ كَمَرْ ذَاكِ، إِنْيِ مُكُ ݣُونْتُوانْ ٻَوْنَ كَمَرْ دَامِسَ؞

⁸ ذَنْ ڢَاطَ مُكُ كَمَرْ بٜىٰيَرْ وَدَّ عَكَ ڨُوثٜىٰ مَتَ یَیَ؞ ذَنْ يَاغٜىٰ ڧِرْجِنْكُ إِنْ ثِنْيٜىٰكُ كَمَرْ ذَاكِ؞ عِ، كَمَرْ نَامَنْ دَاجِ ذَنْ يَيَّاغٜىٰكُ؞

⁹ يَا كُو مُتَنٜىٰنْ إِسْرَٰٓءِيلَ، ذَنْ هَلَكَاكُ!‏ وَ ذَيْ عِيَ تَيْمَكُوانْكُ؟

¹⁰ إِنَا نٜىٰ نَاكُ سَرْكِنْ؟ كُكِرَا أَغَرٜىٰشِ دُواْمِنْ يَتَيْمَكٜىٰكُ!‏ إِنَا نٜىٰ شُوغَبَنِّنْ دُكَنْ بِرَنٜىٰنْكُ؟ كُكَ دَامٜىٰنِ إِنْبَاكُسُ، بَرِ سُو سُتَيْمَكٜىٰكُ!‏

¹¹ نَبَاكُ سَرْكِے ثِكِنْ ڢُشِے، نَكُمَ كَوَرْ دَشِ ثِكِنْ ٻَثِنْ رَيْ؞

¹² ‏«‏أَنْ تَتَّارَ لَيْڢُواْڢِنْ مُتَنٜىٰنْ إِسْرَٰٓءِيلَ، أَنْ أَجِيٜىٰ ذُنُبَنْسُ أَ ضُمْبُ؞

¹³ عَذَابَرْ حَيْڢُوَرْسَ تَذُواْ عَمَّا شِ كَمَرْ طَا مَرَرْ حِكِمَ نٜىٰ، وَنْدَ يَڧِ أَحَيْڢٜىٰشِ أَدَيْدَيْ لُواْكَثِنْسَ؞

¹⁴ تُواْ، إِنْڢَنْشٜىٰسُ دَغَ إِيكُوانْ وُرِنْ ذَمَنْ مَتَتُّو نٜىٰ؟ إِنْثٜىٰثٜىٰسُ دَغَ بَاكِنْ مُتُوَ نٜىٰ؟ كٜىٰ مُتُوَ، إِنَا نٜىٰ بَلَعِنْكِ؟ كَيْ كَبَرِ، إِنَا هَلَّكَرْكَ تَكٜىٰ؟ نِے بَذَنْجِ تَوْسَيِنْسُبَ كُمَ!‏

¹⁵ كُواْدَيَكٜىٰ سُنَ يَطُوَ كَمَرْ ثِيَوَ، إِسْكَرْ غَبَسْ ذَاتَ بُوسَرْ دَسُو؞ إِسْكَرْ يَهْوٜىٰهْ ثٜىٰ ذَاتَ هُورُواْ دَغَ دَاجِ؞ مَٻُٻُّغَرْسُ ذَاسُ بُوشٜىٰ، رَاڢُڢُّكَنْسُ ذَاسُ شَنْيٜىٰ؞ إِسْكَرْ ذَاتَ ݣُوشِ دُكَنْ أَجِيَرْ كَايَنْسُ مَاسُ دَرَجَ، تَلَلَتَرْدَ كُواْوَنٜىٰ أَبُ مَيْ أَمْڢَانِ؞

¹⁶ سَمَرِيَ ذَاسُ طَوْكِ أَلْحَكِنْ لَيْڢِنْسُ، غَمَا سُنْيِ وَ اللَّهْ نْسُ تَاوَيٜىٰ؞ عِ، ذَاسُمُتُ تَوُرِنْ تَكُواْبِنْ يَاڧِ، ذَاعَ ڢَرْڢَشٜىٰ كَوُنَنْ جَرِرَنْسُ عَڧَسَا، عَكُمَ ڟَٰغٜىٰ مَاتَنْسُ مَاسُثِكِ؞»‏