يُوشَعُ 12 - أَتَّوْرَتْ دَ أَنَّبَاوَا

¹ ‏«‏أَبِنْ دَ مُتَنٜىٰنْ إِسْرَٰٓءِيلَ عَ أَرٜىٰوَ سُكٜىٰيِ يَذَمَ بَنْظَ كَمَرْ كِيوُانْ إِسْكَ، سُنَ تَبِنْ إِسْكَرْ غَبَسْ دُكَنْ يِنِ؞ سُنَ تَڧَارَ يِنْ ڧَضْيَا دَ تَاشِنْ حَنْكَلِ، سُنَ طَوْرَ يَرْجٜىٰجٜىٰنِيَ دَ ڧَسَرْ أَسُّرِيَ، سُنَ كُمَ كَيْ مَنْ ظَيْتُنْ أَ مَصَرْ؞»‏

² يَهْوٜىٰهْ يَا كَٰوُاْ ڧَارَ عَكَنْ يَهُودَ أَشِرْيٜىٰ يَكٜىٰ يَحُكُنْتَ إِسْرَٰٓءِيلَ بِسَغَ هَنْيُواْيِنْسُ؞ ڠُورْڠُودُوانْ أَيُّكَنْسُ نٜىٰ ذَاعَ سَاكَ مُسُ؞

³ كَاڢِنْ أَحَيْڢِ كَكَنْسُ يَعْڧُوبَ يَكَامَ تَڢِنْ ڧَڢَرْ طَنْعُوَنْسَ؞ دَ يَيِ غِرْمَ سَيْ يَيِ كُواْكَوَ دَ اللَّهْ؞

⁴ يَعْڧُوبَ يَيِ كُواْكَوَ دَ مَلاَىِٕكَ يَكُوَ يِنَصَرَا؞ يَيِ كُوكَنْ نٜىٰمَنْ أَلْبَرْكَ دَغَ وُرِنْ مَلاَىِٕكَنْ؞ يَهْوٜىٰهْ يَا سَامٜىٰشِ أَ بٜىٰتٜىٰلْ، أَوُرِنْ يَيِ مَغَنَ دَشِ؞

⁵ يَهْوٜىٰهْ اللَّهْ مَيْ ضُنْدُنَا، يَهْوٜىٰهْ نٜىٰ سُونَنْسَ!‏

⁶ دُواْمِنْ حَكَ، سَيْ كُكُواْمَ غَ اللَّهْ نْكُ؞ كُڧَوْنَثٜىٰشِ، كُيِ شَرِيعَرْ غَسْكِيَ، كُكَڢَ سَا ذُوثِيَا غَ اللَّهْ نْكُ كُلُّمْ؞

⁷ إِنْجِ يَهْوٜىٰهْ، ‏«‏یَنْ كَاسُوَ سُنَ أَمْڢَانِ دَ مَعَوْنِنْ ڧَضْيَا، سُنَ كُمَ سُوانْ يِنْ ثُوتَا؞

⁸ مُتَنٜىٰنْ إِسْرَٰٓءِيلَ عَ أَرٜىٰوَ سُنْ ثٜىٰ، ‏‹‏يَنْذُ مُنْيِ أَرْزِڧِ، مُنْ سَامُواْ وَكَنْمُ دُوكِيَ؞ عَثِكِنْ دُكَنْ أَرْزِڧِنْمُ، بَذَاعَ سَامٜىٰمُ دَوَتَ مُغُنْتَارْ دَ ذَاعَ ثٜىٰ مُنْيِ ذُنُوبِبَ؞›‏

⁹ نِے يَهْوٜىٰهْ نِنٜىٰ اللَّهْ نْكُ، تُنْدَغَ ڧَسَرْ مَصَرْ؞ ذَنْ سَاكٜىٰ سَاكُ ذَوْنَ عَثِكِنْ تٜىٰنْتُنَ كَمَرْ يَدَّ كُكَنْيِ أَ لُواْكَثِنْ بِكٍ دَ عَكَ ڟَارَا مُكُ؞

¹⁰ نَيِ مَغَنَ تَبَاكِنْ أَنَّبَاوَا، نِنٜىٰ نَاسَا أَنَ تَغَنِنْ رُعُيُواْيِ، تَوُرِنْ أَنَّبَاوَا كُمَ نَغَرْغَطٜىٰكُ دَ مِصَلَيْ؞

¹¹ دُكْدَهَكَ أَ غِلٜىٰيَدْ أَݣَويْ غُمَكَ، عَمَّا سُجَّدَرْكُ بَنْظَنٜىٰ؞ أَ غِلْغَلْ كُنَ هَدَايَرْ بِجِمَيْ، عَمَّا دُووَڟُنْ بَغَدَنْكُ، ذَاعَ وَرْوَاڟَرْ دَسُو ثِكِنْ ڢِيلَيٜىٰنْ غُواْنَ؞»‏

¹² كَكَنْمُ يَعْڧُوبَ يَغُدُ ذُوَا ڧَسَرْ سُورِيَ، عَثَنْ إِسْرَٰٓءِيلَ يَيِ بَوْتَرْ نٜىٰمَنْ مَاتَرْ عَوْرٜىٰ، دُواْمِنْ يَسَامِ مَتَ، يَيِ كِيوُانْ تُمَكِ؞

¹³ تَهَنُّنْ أَنَّبِے، يَهْوٜىٰهْ يَڢِتَرْدَ إِسْرَٰٓءِيلَاوَا دَغَ مَصَرْ، تَهَنُّنْ أَنَّبِے كُمَ عَكَ كِيَايٜىٰسُ؞

¹⁴ مُتَنٜىٰنْ إِسْرَٰٓءِيلَ سُكَسَا اللَّهْ يَيِ ڢُشِے سُواْسَيْ، عُبَنْ‌غِجِنْسُ ذَيْسَاكَ مُسُ عَكَنْ لَيْڢُواْڢِنْسُ، دَ كُنْيَرْ دَسُكَ جَٰوُاْ مَسَ؞