يُوشَعُ 10 - أَتَّوْرَتْ دَ أَنَّبَاوَا

¹ إِسْرَٰٓءِيلَ كَمَرْ إِتَاثٜىٰنْ إِنَبِے نٜىٰ مَيْ بَادَ یَیَ مَاسُيَوَ؞ يَايِنْ دَ یَیَنْسُ سُنَ ڧَارُوَ، حَكَمَا بَغَدَنْ غُمَكَنْسُ سُنَ ڧَارُوَ؞ يَايِنْ دَ أَرْزِڧِنْ ڧَسَرْسَ يَنَ ڧَارُوَ، حَكَمَا أَدُوانْ دُووَڟُنْ سُجَّدَ سُنَ ڧَارُوَ؞

² ذُوثِيَارْسُ تَا رَبُ بِيُ؞ يَنْذُ تِلَسْ سُكَرْٻِ أَلْحَكِنْ لَيْڢِنْسُ؞ يَهْوٜىٰهْ ذَيْ ڢَرْڢَسَ بَغَدَنْسُ، يَكُمَ رُرُّشٜىٰ دُووَڟُنْ سُجَّدَرْسُ؞

³ يَنْذُ مُتَنٜىٰنْ إِسْرَٰٓءِيلَ ذَاسُثٜىٰ، ‏«‏بَامُ دَ سَرْكِے، غَمَا بَمُجِڟُواْرُوانْ يَهْوٜىٰهْ بَ؞ عَمَّا كُواْ دَمَا مُنَدَ سَرْكِے، إِنَا بَمْبَنْثِ؟ مٜىٰ سَرْكِے ذَيْ يِمَنَ؟»‏

⁴ سُنَ ڢَطِنْ مَغَنْ‌غَنُنْ بَنْظَ، سُنَيِنْ أَلْكَوَرَنْ دَ بَذَاسُ كِيَايٜىٰبَ؞ دُواْمِنْ حَكَ شَرِيعَرْ ڧَضْيَا تَنَ تَاسُواْوَ كَمَرْ تَاسُواْوَرْ مُوغُوَرْ ثِيَوَ أَ ڢِيلِنْ نُواْمَ؞

⁵ مَذَوْنَنْ سَمَرِيَ سُنَ ثِكٜىٰ دَ ڟُواْرُواْ دُواْمِنْ غُنْكِنْ صِڢَّرْ طَنْ بِجِمِ نَ بٜىٰتَوٜىٰنْ؞ عِ، مُتَنٜىٰنْ وُرِنْ ذَاسُيِ كُوكَا دُوانْ غُنْكِنْ؞ ڢِرِسْتُواْثِنْ غُنْكِنْ مَا ذَاسُيِ بَڧِنْ ثِكِنْسَ، غَمَا دَرَجَرْ غُنْكِنْ تَرَبُ دَشِ؞

⁶ ذَاعَكَيْ غُنْكِنْ طَنْ بِجِمِنْ أَعَسُّرِيَ، دَشِ ذَاعَ بِيَ هَرَاجِ غَ بَبَّنْ سَرْكِنْسُ؞ ذُرِيَرْ إِڢْرَيِمْ ذَاسُ شَا كُنْيَا، إِسْرَٰٓءِيلَ عَ أَرٜىٰوَ كُمَ ذَاسُجِ كُنْيَا سَبُواْدَ إِرِنْ شَوَرَرْ دَسُكَبِے؞

⁷ ذَاعَكَوَرْدَ سَرْكِنْ سَمَرِيَ، ذَاعَ طَوْكٜىٰشِ كَمَرْ يَدَّ ضُوَ يَنَ طَوْكَرْ سَنْدَنْ إِتَاثٜىٰ؞

⁸ وُرَرٜىٰنْ سُجَّدَ عَكَنْ تُدَّيْ نَ أَوٜىٰنْ، عِنْدَ إِسْرَٰٓءِيلَ سُكٜىٰ ذُنُوبِ، دُكْ ذَاعَ رُرُّشٜىٰسُ؞ ڧَيُواْيِ ذَاسُيِ غِرْمَ عَكَنْ بَغَدَنْسُ؞ مُتَنٜىٰ ذَاسُثٜىٰ وَمَنْيَنْ تُدَّيْ، ‏«‏كُرُڢٜىٰمُ!‏»‏ غَ ڧأَنَانً تُدَّيْ كُمَ، ‏«‏كُڢَاطُواْ عَكَنْمُ!‏»‏

يَهْوٜىٰهْ يَيَنْكٜىٰ حُكُنْثِ عَكَنْ إِسْرَٰٓءِيلَ

⁹ إِنْجِ يَهْوٜىٰهْ، ‏«‏يَا إِسْرَٰٓءِيلَ، تُنْ ڢَارَوَرْ ذُنُوبِنْكِ أَ غِبٜىٰيَ، بَاكِ دَيْنَبَ؞ تُواْ، أَ غِبٜىٰيَ نٜىٰ يَاڧِ ذَيْثِ مَاسُ ذُنُبَنْكِ؞

¹⁰ بِسَغَ غَنِنْ دَامَتَ، ذَنْ حُكُنْتَكُ؞ مُتَنٜىٰ ذَاسُ تَارُ عَكَنْكُ أَ لُواْكَثِنْدَ نَطَوْرٜىٰكُ سَبُواْدَ يَوَنْ ذُنُبَنْكُ؞

¹¹ ‏«‏ذُرِيَرْ إِڢْرَيِمْ هُواْرَرِّيَرْ سَانِيَرْ نُواْمَثٜىٰ، وَدَّ تَكٜىٰجِنْ دَاطِنْ يِنْ سُسُّكَ؞ يَنْذُ كَمْ نَسَا وَݣَكْݣَوَنْ وُيَنْ إِسْرَٰٓءِيلَ غُنْ‌غُمٜىٰنْ نُواْمَ مَيْ نَوْيِ؞ نَسَا ذُرِيَرْ يَهُودَ تَجَا كٜىٰكٜىٰنْ نُواْمَ، ذُرِيَرْ يَعْڧُوبَ كُمَ ذَاتَ نُواْمَ دَ كَنْتَ؞

¹² كُنُواْمٜىٰ ڢِيلِنْ نُواْمَنْكُ دَ بَعَنُواْمٜىٰبَ؞ كُشُوكَ وَكَنْكُ أَدَلْثِے، كُغِرْبٜىٰ أَلْبَرْكُنْ ڧَوْنَ؞ غَمَا لُواْكَثِنْ نٜىٰمَنْ يَهْوٜىٰهْ يَايِ، دُواْمِنْ يَذُواْ يَظُبَ مُكُ أَدَلْثِے كَمَرْ ضُوَ؞

¹³ أَ مَيْمَكُوانْ حَكَ كُنْ شُوكَ مُغُنْتَا كُنْ غِرْبٜىٰ رَشِنْ أَدَلْثِے، كُنْثِ سَكَمَكُوانْ ڧَضْيَا، غَمَا كُنْ دُواْغَضَ غَ ڧَرْڢِنْكُ دَ كَنْ دُبُنْ دُبَّنْ سُواْجُواْجِنْكُ؞

¹⁴ سَبُواْدَ حَكَ إِيهُ نَيَاڧِ ذَيْ تَاشِ غَابَادَ مُتَنٜىٰنْكُ؞ دُكَنْ بِرَنٜىٰنْ كَتَنْ‌غَرْكُ، ذَاعَ هَلَكَاسُ، كَمَرْ يَدَّ شَلْمَنٜىٰظٜىٰرْ يَهَلَّكَ بٜىٰتَرْبٜىٰلْ أَ رَانَرْ يَاڧِ، يَكُمَ ڢَرْڢَشٜىٰ كَوُنَنْ مَتَ دَ نَڧأَنَانً جَرِرَيْ عَڧَسَا؞

¹⁵ حَكَ ذَاعَيِ مُكُ، يَا مُتَنٜىٰنْ بٜىٰتٜىٰلْ، دُواْمِنْ يَوَنْ مُغُنْتَارْكُ؞ دَ سَسَّڢٜىٰ ذَاعَ هَلَّكَ سَرْكِنْ إِسْرَٰٓءِيلَ غَبَاطَيَ!‏»‏