إِبْرَانِيَاوَا 8 - أَتَّوْرَتْ دَ أَنَّبَاوَا

عِيسَىٰ ڢِرِسْتِنٜىٰ نَيَرْجٜىٰجٜىٰنِيَ مَڢِے ݣَوْ

¹ مَنُڢَرْ مَغَنَرْمُ دُكَ عِتَثٜىٰ مُنَدَ بَبَّنْ ڢِرِسْتِ وَنْدَ يَكٜىٰ ظَوْنٜىٰ أَ حَنُّنْ دَامَنْ كُجٜىٰرَرْ مُلْكٍ مَطَوْكَكِ عَثَنْ سَمَ؞

² وَنَّنْ بَبَّنْ ڢِرِسْتِ كُوَ يَنَ حِدِمَرْسَ أَ وُرِے مَيْ ڟَرْكِے، أَ عَيْنِحِنْ تٜىٰنْتِنْ كَسَنْثٜىٰوَرْ اللَّهْ وَنْدَ عُبَنْ‌غِجِ دَ كَنْسَ نٜىٰ يَكَڢَ، بَا مُتُمْبَ؞

³ عَكَنْ نَطَ كُواْوَنٜىٰ بَبَّنْ ڢِرِسْتِنٜىٰ دُواْمِنْ يَمِيڧَ بَيٜىٰ بَيٜىٰ دَ هَدَايُ؞ حَكَكُمَ يَذَمَ دُواْلٜىٰنٜىٰ بَبَّنْ ڢِرِسْتِ نَنْ نَامُ يَكَسَنْثٜىٰ دَ أَبِنْدَ ذَيْ مِيڧَ؞

⁴ دَا عَثٜىٰ يأَنَانً عَدُونِيَا نٜىٰ دَا بَيْ ذَمَ ڢِرِسْتِبَ كُواْ كَطَنْ، دُواْمِنْ دَا مَا أَݣَويْ ڢِرِسْتُواْثِے وَطَنْدَ سُكَنْ مِيڧَ بَيٜىٰ بَيٜىٰ بِسَغَ كُواْيَرْوَرْ مُوسَٰى؞

⁵ ڢِرِسْتُواْثِنَّنْ كُوَ سُكَنْيِ حِدِمَرْسُ عَثِكِنْ وُرِے مَيْ ڟَرْكِے وَنْدَ يَكٜىٰ كَمَنِّ دَ ݣُوتَنْثِ نَعَبُبُوَنْ دَسُكٜىٰ أَ سَمَ؞ غَمَا أَ لُواْكَثِنْ دَ مُوسَٰى ذَيْ كَڢَ تٜىٰنْتِنْ كَسَنْثٜىٰوَرْ اللَّهْ، أَنْيِ مَسَ غَرْغَطِے ثٜىٰوَ ‏«‏كَتَبَّتَا كَشِرْيَ كُواْمٜىٰ دَكُواْمٜىٰ بِسَغَ ݣُوتَنْثِنْ دَ عَكَ نُونَ مَكَ عَكَنْ بَبَّنْ تُدُنْ؞»‏

⁶ عَمَّا يَنْذُ أَنْبَا عِيسَىٰ عَيْكِنْ ڢِرِسْتِ وَنْدَ يَكٜىٰ مَڢِے ݣَوْ، كَمَرْ يَدَّ يَرْجٜىٰجٜىٰنِيَرْ نَنْ تَكٜىٰ مَڢِے ݣَوْ، وَدَّ عِيسَىٰ شِينٜىٰ مَيْ ڟَيَاوَا ڟَكَانِنْ اللَّهْ دَ مُتَنٜىٰ؞ يَرْجٜىٰجٜىٰنِيَرْ نَنْ كُوَ مَڢِے ݣَوْ ثٜىٰ غَمَا أَنْكَڢَتَ عَكَنْ أَلْكَوَرَنْ دَ سُنْڢِے ݣَوْ؞

⁷ دَا عَثٜىٰ يَرْجٜىٰجٜىٰنِيَ تَڢَرْكُواْ بَاتَدَ كَاسَوَ، أَيْ دَا بَادَلِيلِ أَ نٜىٰمِ وَتَ مَيْبِيٜىٰ دَ عِتَ؞

⁸ عَمَّا اللَّهْ يَغَ لَيْڢِنْ مُتَنٜىٰنْسَ سَعَدَّ يَثٜىٰ، ‏«‏لُواْكَثِ يَنَ ذُوَا، إِنْجِ عُبَنْ‌غِجِ، دَ ذَنْ شِرْيَ سَابُوَرْ يَرْجٜىٰجٜىٰنِيَ دَ جَمَعَرْ إِسْرَٰٓءِيلَ تَرٜىٰدَ جَمَعَرْ يَهُودَ؞

⁹ وَنَّنْ بَذَاتَ ذَمَ كَمَرْ يَرْجٜىٰجٜىٰنِيَ وَدَّ نَيِ دَ كَاكَنِّنْسُبَ، أَ رَانَرْدَ نَكَامَسُ أَ حَنُّ نَبِيدَسُو دَغَ ڧَسَرْ مَصَرْ، غَمَا بَسُيِ أَمِنْثِ دَ يَرْجٜىٰجٜىٰنِيَتَابَ، سَيْ نَڨَلٜىٰسُ، إِنْجِ عُبَنْ‌غِجِ؞

¹⁰ غَا يَرْجٜىٰجٜىٰنِيَرْ دَ ذَنْيِ دَ جَمَعَرْ إِسْرَٰٓءِيلَ بَايَنْ لُواْكَثِنَّنْ، إِنْجِ عُبَنْ‌غِجِ؞ ذَنْسَا كُواْيَرْوَاتَا عَثِكِنْ حَنْكَلِنْسُ، ذَنْ كُمَ رُبُوتَسُ عَ أَلُّوانْ ذُوثِيَارْسُ؞ ذَنْذَمَ اللَّهْ نْسُ، سُو كُوَ سُذَمَ جَمَعَتَ؞

¹¹ بَذَاسُ بُڧَاثِ سُكُواْيَ وَجُونَ، كُواْ كُوَ وَنِ يَثٜىٰ وَطَنْعُوَنْسَبَ ثٜىٰوَ ‏‹‏كَسَنْ عُبَنْ‌غِجِ،›‏ غَمَا دُكَنْسُ ذَاسُ سَنِ، دَغَ مَڢِے ڧَنْڧَنْتَنْسُ ذُوَا مَڢِے غِرْمَ؞

¹² غَمَا ذَنْيَاڢٜىٰ لَيْڢُواْڢِنْسُ، بَذَنْ كُوَ ڧَارَ تُنَ دَ ذُنُبَنْسُبَ؞»‏

¹³ دَا اللَّهْ يَيِ مَغَنَ حَكَ غَمٜىٰدَ سَابُوَرْ يَرْجٜىٰجٜىٰنِيَ، يَا مَيْدَ تَڢَرْكُوانْ ڟُواْهُواْ كٜىٰنَنْ؞ كُمَ كُواْوَنٜىٰ أَبِنْدَ يَكٜىٰ إِرِنَّدَا دَيَكٜىٰ ڟُوڢَ كُمَ، ذَيْ شُوطٜىٰ بَادَدَطٜىٰوَبَ؞