إِبْرَانِيَاوَا 6 - أَتَّوْرَتْ دَ أَنَّبَاوَا

¹ سَبُواْدَ حَكَ، بَرِ مُثِيغَبَ عَكَنْ كُواْيَرْوَرْ نَنْ تَڢَرْكُواْ وَدَّ مُكَ كَرْٻَ غَمٜىٰدَ أَلْمَسِيحُ، دُواْمِنْ مُذَمَ مَاسُثِكَكّٜىٰنْ غَانٜىٰوَ؞ كَدَ يَذَمَ ثٜىٰوَ حَرْ يَنْذُ مُنَ كَڢَ تُوشٜىٰنْ كُواْيَرْوَا عَكَنْ بَادَ غَسْكِيَ غَ اللَّهْ دَ تَتُوبَ دَغَ أَيُّكَنْ دَ ذَاسُكَيْ غَ مُتُوَ،

² دَ كُواْيَرْوَا عَكَنْ بَڢْتِسْمَ، دَ تَسَا حَنُّنْ أَلْبَرْكَ دَ تَتَاشِنْ مَتَتُّو دَ تَشَرِيعَرْ رَانَرْ ڧَرْشٜىٰ؞

³ ثِيغَبَ كَمْ ذَامُيِ، عِدَنْ اللَّهْ يَيَرْدَ؞

⁴ غَمَا وَطَنْدَ سُكَ جُويَا بَايَ دَغَ بَنْ‌غَسْكِيَرْسُ، بَذَيْ يِوُ أَسَاكٜىٰ جَٰوُاْسُ غَ تُوبَبَ؞ وَطَنْدَ دَيْ أَنْتَٻَ كَٰوُاْسُ ثِكِنْ حَصْكٜىٰنْ اللَّهْ، سُنْ طَنْطَنَ بَيٜىٰ بَيٜىٰ إِرِنْ نَسَمَ، سُنْ سَامِ رَبُوانْسُ ثِكِنْ رُوحُ مَيْ ڟَرْكِے،

⁵ سُنْ كُمَ طَنْطَنَ دَاطِنْ مَغَنَرْ اللَّهْ دَ كُمَ إِيكُوانْ زَامَانِ مَيْ ذُوَا؞

⁶ دُكْدَهَكَ، سُنْ جُويَا بَايَ دَغَ بَنْ‌غَسْكِيَرْسُ!‏ بَذَيْ يِوُ أَسَاكٜىٰ جَٰوُاْسُ غَ تُوبَبَ، تُنْدَيَكٜىٰ سُنَ سَاكٜىٰ غِثِّيٜىٰ طَنْ اللَّهْ نٜىٰ، سُنَ كُوَ بَاشِ كُنْيَا أَڢِيلِ؞

⁷ ڧَسَرْ دَتَكٜىٰ شَنْ ضُوً سَمَ دَ يَكَنْ ڢَاطِ عَكَنْتَ كُلُّمْ، تَنَ كُمَ بَادَ ڟِرٜىٰ ڟِرٜىٰ مَاسُ أَمْڢَانِ غَ وَطَنْدَ سُكٜىٰ نُواْمَنْتَ، وَنَّنْ ڧَسَاثٜىٰ مَيْ كَرْٻَرْ أَلْبَرْكَرْ اللَّهْ؞

⁸ عَمَّا عِدَنْ ڧَسَا تَنَ ڢِتَرْدَ ڧَيَ دَ مُوغُوَرْ ثِيَوَ، بَاتَدَ أَمْڢَانِ كٜىٰنَنْ؞ وَنَّنْ ڧَسَا كُوَ اللَّهْ يَكُسَ يَلَعَنْتَتَ؞ عَڧَرْشٜىٰ كُمَ ڧُواْنٜىٰتَ ذَاعَيِ؞

⁹ یَنْعُوَنْمُ ڧَوْنَتَتُّ، كُواْدَيَكٜىٰ مُنَ يِنْ إِرِنْ وَنَّنْ مَغَنَ، بَامُ دَ شَكَّ عَكَنْ ثٜىٰوَ كُو كَمْ كُنَ عَكَنْ حَنْيَ مَڢِے ݣَوْ وَدَّ ذَاتَ كَيْكُ غَ ثٜىٰتُواْ؞

¹⁰ اللَّهْ بَا مَرَرْ أَدَلْثِے بَنٜىٰ؞ بَذَيْ ڨَلٜىٰ أَيُّكَنْكُ دَ كُكَيِبَ دَ ڧَوْنَرْ دَ كُكَ نُونَ مَسَ سَعَدَّ كُكٜىٰ تَيْمَكُوانْ ڟَرْكَكَا بَ، كَمَرْ يَدَّ كُكٜىٰيِ حَرْ يَنْذُ؞

¹¹ مُنَ سُواْ كُواْوَنّٜىٰنْكُ يَثِيغَبَدَ يِنْ ڨُوذُواْ حَكَ حَرْ ذُوَا ڧَرْشٜىٰ، دُواْمِنْ كُسَامِ ثِكَاوَرْ أَبُبُوَنَّنْ دَ كُكَ سَا ذُوثِيَا عَكَنْسُ؞

¹² كَدَ كُذَمَ مَاسُ ڧِوِيَ، عَمَّا كُبِے مِصَالِنْ وَطَنْدَ سُكَ بَادَ غَسْكِيَ، سُكَيِ حَڧُرِ حَرْ سُكَ كَرْٻِ أَبِنْدَ اللَّهْ يَيِ أَلْڧَوَرِ ذَيْبَاسُ؞

تَبَّثِنْ أَلْڧَوَرِنْ اللَّهْ

¹³ سَعَدَّ اللَّهْ يَيِ وَ إِبْرَٰهِيمْ أَلْڧَوَرِ، يَيِ أَلْڧَوَرِنْسَ تَرٜىٰدَ ضَنْڟُوَا؞ يَيِ ضَنْڟُوَارْ دَ سُونَنْسَ تُنْدَيَكٜىٰ بَا وَنِنْدَ يَڢِ اللَّهْ غِرْمَ دَ اللَّهْ ذَيْ ضَنْڟٜىٰ دَشِ؞

¹⁴ اللَّهْ يَثٜىٰ ‏«‏حَڧِيڧَ، ذَنْسَا مَكَ أَلْبَرْكَ، ذَنْ كُمَسَا ذُرِيَرْكَ تَذَمَ مَيْ يَوَ سُواْسَيْ؞»‏

¹⁵ بَايَنْدَ إِبْرَٰهِيمْ يَجِمْرٜىٰ دَ حَڧُرِ سُواْسَيْ، سَيْ يَكَرْٻِ أَبِنْدَ عَكَيِ مَسَ أَلْڧَوَرِ؞

¹⁶ مُتَنٜىٰ سُكَنْيِ ضَنْڟُوَا نٜىٰ بِسَغَ وَنْدَ يَڢِسُ غِرْمَ؞ ضَنْڟُوَارْ كُوَ تَكَنْ تَبَّتَرْ دَ أَلْڧَوَرِنْ تَوُرِنْ حَنَ يِنْ مُسُو؞

¹⁷ حَكَكُمَ دَ اللَّهْ يَسُواْ يَنُونَاوَ وَطَنْدَ ذَاسُ غَاجِ أَلْڧَوَرِنْسَ ثٜىٰوَ بَاشَكَّ، نُڢِنْسَ مَرَرْ ثَنْجَاوَا نٜىٰ، سَيْ يَتَبَّتَرْ دَ أَلْڧَوَرِنْسَ تَوُرِنْ ضَنْڟُوَا؞

¹⁸ تُواْ، أَݣَويْ أَبُبُوَنَّنْ غُدَا بِيُ وَطَنْدَ سُكٜىٰ مَرَرْ ثَنْجَاوَا، وَطَنْدَ بَذَيْ يِوُ اللَّهْ يَيِ رَشِنْ أَمِنْثِ غَمٜىٰدَسُوبَ؞ دَيَكٜىٰ وَنَّنْ أَبِنْ ڧَرْڢَڢَ ذُوثِيَا سُواْسَيْ نٜىٰ غَرٜىٰمُ، مُو دَ مُكَ غُدُ ذُوَا مَڢَكَا، يَا كَمَاتَ مُرِڧٜىٰ أَبِنَّنْ دَ مُكَسَا ذُوثِيَا عَكَيْ دَ ڧَرْڢِے سُواْسَيْ؞

¹⁹ وَنَّنْ سَا ذُوثِيَارْ نَنْ تَامُ تَبَّتَاثِّيَ ثٜىٰ مَيْ ڟَيَرْ دَ حَنْكَلِنْمُ، بَاتَرٜىٰدَ جِنْ ڟُواْرُواْ كُواْ يِنْ شَكَّبَ؞ عِتَ ثٜىٰ تَكٜىٰ شِغَ ثِكِ ثِكِ، حَرْ بَايَنْ بَبَّنْ لَبُلٜىٰنَّنْ نَهَيْكَلِنْ سَمَ؞

²⁰ عِيسَىٰ كُوَ وَنْدَ شِينٜىٰ نَڢَرْكُوانْدَ يَشِغَ وَنَّنْ وُرِے، يَشِغَ أَمَدَدِنْمُ دَيَكٜىٰ يَذَمَ بَبَّنْ ڢِرِسْتِ نَهَرْ أَبَدَا بِسَغَ ڟَارِنْ مَلْكِصَدِڧْ؞