إِبْرَانِيَاوَا 4 - أَتَّوْرَتْ دَ أَنَّبَاوَا

هُوتُ دُواْمِنْ مُتَنٜىٰنْ اللَّهْ

¹ دَيَكٜىٰ أَلْڧَوَرِنْ شِغَ هُوتُنْسَ يأَنَانً حَرْ يَنْذُ، بَرِ مُيِ حَنْكَلِ سُواْسَيْ كَدَ وَنِ دَغَ ثِكِنْكُ يَكَاسَ شِغَ؞

² غَمَا مُنْ رِغَا مُنْ جِ وَعَظِنْ لَابَرِ مَيْ دَاطِے كَمَرْ يَدَّ سُو مَا سُكَجِ؞ عَمَّا سَڧُوانْ لَابَرِ مَيْ دَاطِنَّنْ دَ سُكَجِ بَيْيِ مُسُ وَنِ أَمْڢَانِبَ، دُواْمِنْ بَسُ كَرْٻٜىٰشِ دَ بَنْ‌غَسْكِيَابَ؞

³ عَمَّا مُو دَ مُكَ بَادَ غَسْكِيَ، مُونٜىٰ مَاسُ شِغَ هُوتُنَّنْ؞ مُدِنْ‌غَ تُنَاوَ دَ كَلْمَرْ اللَّهْ نَنْ مَيْ ثٜىٰوَ ‏«‏سَيْنَيِ ڢُشِے نَيِ ضَنْڟُوَا ثٜىٰوَ ‏‹‏بَذَاسُ شِغَ هُوتُنَبَ سَمْ؞›‏ »‏ اللَّهْ يَڢَطِ حَكَ كُواْدَيَكٜىٰ يَارِغَا يَاغَمَ عَيْكِنْسَ تُنْ لُواْكَثِنْدَ يَحَلِثِّ دُونِيَا؞

⁴ غَمَا أَوَنِ وُرِے عَثِكِنْ رُبُوتَثِّيَرْ مَغَنَرْ اللَّهْ أَنْيِ مَغَنَ غَمٜىٰدَ رَانَ تَبَݣَويْ ثٜىٰوَ ‏«‏أَ رَانَ تَبَݣَويْ اللَّهْ يَهُوتَ دَغَ دُكَنْ عَيْكِنْسَ؞»‏

⁵ عَمَّا حَرْ يَنْذُ أَنْسَاكٜىٰيِنْ وَنَّنْ ذَنْثٜىٰ ثٜىٰوَ ‏«‏بَذَاسُ شِغَ هُوتُنَبَ سَمْ؞»‏

⁶ أَ دَا أَنْيِ وَعَظِنْ لَابَرِ مَيْ دَاطِے غَمٜىٰدَ هُوتُنَّنْ، عَمَّا وَطَنْدَ عَكَيِ مُسُ وَعَظِنْ بَسُ شِغَبَ سَبُواْدَ رَشِنْ بِيَيَّ؞ تُواْ، يَنْذُ حَكَ، أَݣَويْ ظَرَڢِ دُوانْ وَطَنْسُ سُشِغَ هُوتُنْ كٜىٰنَنْ؞

⁷ غَاشِ كُوَ اللَّهْ يَسَاكٜىٰ شِرْيَ وَتَرَانَ، وَدَّ يَكِرَا ‏«‏يَوْ»‏؞ يَيِ مَغَنَ غَمٜىٰدَ رَانَرْ نٜىٰ، بَايَنْ شٜىٰكَرُ مَاسُيَوَ تَبَاكِنْ دَاوُدَ، كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا أَدَا، ‏«‏يَوْ عِدَنْ كُنْجِ مُرْيَرْ اللَّهْ، كَدَ كُيِ تَوْرِنْ ذُوثِيَا؞»‏

⁸ دَاعَثٜىٰ يُواْشُوَ يَبَا مُتَنٜىٰنْ اللَّهْ هُوتُنَّنْ دَ اللَّهْ بَيْيِ مَغَنَ دَغَ بَايَ عَكَنْ وَتَرَانَ دَبَمْ بَ؞

⁹ وَنَّنْ يَنُونَ ثٜىٰوَ حَرْ يَنْذُ أَݣَويْ هُوتُ إِرِنْ تَرَانَرْ هُوتُ تَمَكُواْ دُواْمِنْ مُتَنٜىٰنْ اللَّهْ؞

¹⁰ غَمَا دُكْ وَطَنْدَ سُكَ شِغَ هُوتُنْ اللَّهْ سُكَنْ هُوتَ دَغَ أَيُّكَنْسُ كَمَرْ يَدَّ اللَّهْ يَهُوتَ دَغَ نَاسَ؞

¹¹ دُواْمِنْ حَكَ بَرِ مُيِ إِيَاكَثِنْ ڧُواْڧَرِنْمُ مُشِغَ هُوتُنَّنْ؞ كَدَ كُواْوَ يَكَاسَ شِغَ سَبُواْدَ بِنْ مِصَالِنْ وَطَنْدَ سُكَيِ رَشِنْ بِيَيَّ؞

إِيكُوانْ كَلْمَرْ اللَّهْ

¹² حَڧِيڧَ، كَلْمَرْ اللَّهْ تَنَدَ رَيْ، تَنَدَ ڧَرْڢِنْ عَيْكِ كُمَ؞ كَيْڢِنْتَ يَڢِ نَكُواْوَنٜىٰ تَكُواْبِے مَيْ بَاكِ بِيُ؞ تَنَ سَارَ حَرْ ثِكِ ثِكِنْ مُتُمْ، تَرَبَ رُوحُ دَ رَيْ دَ كُمَ غَٻُواْٻِ دَ جِجِيُواْيِ؞ حَرْ مَا تَنَ غَانٜىٰ دُكْ تُنَانِ دَ نُڢِنْ دَسُكٜىٰ ثِكِنْ ذُوثِيَا؞

¹³ بَا وَنِ أَبُ أَدُكَنْ حَلِتَّ وَنْدَ يَكٜىٰ عَٻُواْيٜىٰ غَ اللَّهْ؞ كُواْمٜىٰ دَكُواْمٜىٰ يأَنَانً عَبُوطٜىٰ، أَڢِيلِ كُمَ، أَغَبَنْ عِدُوانْسَ؞ شِينٜىٰ كُمَ وَنْدَ ذَامُ بَاشِ لِسَّڢِ غَمٜىٰدَ رَايُوَرْمُ؞

عِيسَىٰ شِينٜىٰ بَبَّنْ ڢِرِسْتِ مَيْغِرْمَ

¹⁴ تُواْ، تُنْدَيَكٜىٰ مُنَدَ بَبَّنْ ڢِرِسْتِ مَيْغِرْمَ، وَتُواْ عِيسَىٰ طَنْ اللَّهْ وَنْدَ يَرَڟَا سَمَّيْ حَرْ غَبَنْ اللَّهْ، بَرِ مُڟَيَ عَكَنْ أَمِنْثٜىٰوَرْمُ وَدَّ مُكَ شَيْدَ؞

¹⁵ غَمَا بَبَّنْ ڢِرِسْتِ نَنْ نَامُ بَا وَنِنٜىٰ وَنْدَ بَيْدَامُ دَ كَاسَوَرْمُبَ؞ أَعَ، شِينٜىٰ وَنْدَ عَكَ ڠُودَاشِ تَكُواْوَثٜىٰ حَنْيَرْ دَ عَكَنْ ڠُودَمُ، عَمَّا ڢَا بَيْيِ وَنِ ذُنُوبِبَ؞

¹⁶ سَبُواْدَ حَكَ، بَرِ مُيِ ڧَرْڢِنْ ذُوثِيَا، مُذُواْ كُسَدَ كُجٜىٰرَرْ مُلْكٍ اللَّهْ، وَتُواْ وُرِنْ أَلْحٜىٰرِ، دُواْمِنْ مُكَرْٻِ جِنْڧَيْ، مُكُمَ سَامِ أَلْحٜىٰرِ وَنْدَ ذَيْ تَيْمَكٜىٰمُ أَ لُواْكَثِنْ بُڧَاتَ؞