إِبْرَانِيَاوَا 2 - أَتَّوْرَتْ دَ أَنَّبَاوَا

كَسَ كُنّٜىٰ غَ كَلْمَرْ اللَّهْ

¹ سَبُواْدَ حَكَ، يَا كَمَاتَ مُمَيْدَ حَنْكَلِ غَ أَبُبُوَنْ دَ مُكَجِ، دُواْمِنْ كَدَ رَشِنْ لُورَ يَكَيْمُ غَ رَبُوَ دَ حَنْيَ؞

² سَڧُوانْ دَ عَكَ بَامُ تَبَاكِنْ مَلاَىِٕكُ يَاسَامِ تَبَّثِ، كُمَ دُكْ وَنْدَ يَڧِ جِنْسَ، كُواْ يَيِ رَشِنْ بِيَيَّ دَشِ، يَسَامِ حُكُنْثِنْدَ يَكَمَاتَ؞

³ إِنْ حَكَنٜىٰ، تَيَيَا ذَامُ ڟِيرَا عِدَنْ مُنْ ڨَلٜىٰ إِرِنْ وَنَّنْ بَبَّنْ ثٜىٰتُواْ وَنْدَ عُبَنْ‌غِجِ نٜىٰ دَ كَنْسَ يَڢَارَ سَنَرْ دَشِ؟ وَطَنْدَ سُكَجِ كَلْمَرْسَ كُمَ سُنْ تَبَّتَرْ مَنَ ثٜىٰوَ وَنَّنْ غَسْكِيَ نٜىٰ؞

⁴ سَعَنً اللَّهْ يَڧَارَ تَاسَ شَيْدَ عَكَنْ تَاسُ تَوُرِنْ عَلَمُ دَ أَيُّكَنْ بَنْ مَامَاكِ دَ مَنْيَنْ أَبُبُوَ إِرِ إِرِ دَ بَيٜىٰ بَيٜىٰ وَطَنْدَ عَكَ رَرَّبَ تَوُرِنْ رُوحُ مَيْ ڟَرْكِے بِسَغَ نُڢِنْسَ؞

عِيسَىٰ يَا ذَمَ كَمَرْ یَنْعُوَنْسَ

⁵ وَنَّنْ زَامَانِ مَيْ ذُوَا، وَنْدَ مُكٜىٰ مَغَنَ عَكَيْ يَنْذُ، أَيْ، بَا مَلاَىِٕكُ نٜىٰ اللَّهْ يَسَا سُيِ مُلْكِنْسَبَ؞

⁶ أَ مَيْمَكُوانْ حَكَ، وَنِ يَشَيْدَ أَوَنِ وُرِے ثٜىٰوَ ‏«‏يَا اللَّهْ، مٜىٰنٜىٰنٜىٰ مُتُمْ دَ كَدَامُ دَشِ، طَنْ أَدَمْ، حَرْ دَ كَكُلَ دَشِ؟

⁷ كَا سَاشِ أَطَنْ لُواْكَثِ كَطَنْ أَمَڟَيِ ڧَسَا دَ نَمَلاَىِٕكُ، كَا غِرْمَمَشِ دَ طَوْكَكَ دَ دَرَجَ،

⁸ كَسَا كُواْمٜىٰ عَڧَرْڧَشِنْ إِيكُوانْسَ؞»‏ دَ اللَّهْ يَسَا كُواْمٜىٰ عَڧَرْڧَشِنْ إِيكُوانْ مُتُمْ، بَا وَنِ أَبِنْدَ بَيْبَا مُتُمْ إِيكُواْ عَكَيْبَ؞ كُواْدَيَكٜىٰ، يَنْذُ حَكَ، بَا مَا غَنِ يَدَّ مُتُمْ يَكٜىٰيِنْ مُلْكِ عَكَنْ دُكَنْ أَبُبُوَ؞

⁹ عَمَّا أَبِنْدَ مُكٜىٰ غَنِ دَيْ شِينٜىٰ عِيسَىٰ وَنْدَ أَطَنْ لُواْكَثِ كَطَنْ أَنْسَاشِ أَمَڟَيِنْ دَيَكٜىٰ ڧَسَا دَنَمَلاَىِٕكُ؞ يَنْذُ كَمْ، أَنَّطَشِ دَ طَوْكَكَ دَ غِرْمَ سَبُواْدَ يَشَا وَهَلَرْ مُتُوَ؞ يَيِ وَنَّنْ دُواْمِنْ بِسَغَ أَلْحٜىٰرِنْ اللَّهْ يَمُتُ سَبُواْدَ كُواْوَ؞

¹⁰ اللَّهْ نٜىٰ يَحَلِثِّ دُكَنْ كُواْمٜىٰ، دُواْمِنْسَ كُمَ دُكَنْ أَبُبُوَ سُكَنْ كَسَنْثٜىٰ؞ اللَّهْ يَاكُمَ ذَاٻَا يَكَٰوُاْ یَیَ مَاسُيَوَ غَ سَامُنْ طَوْكَكَ؞ سَبُواْدَ حَكَ، يَا دَاثٜىٰ يَسَا مَيْ بُوطٜىٰ حَنْيَرْ ثٜىٰتُوانْسُ يَذَمَ ثِكَكّٜىٰ تَوُرِنْ شَنْ وَهَلَ؞

¹¹ غَمَا دَشِ مَيْ ڟَرْكَكٜىٰ مُتَنٜىٰ دَ كُمَ سُو وَطَنْدَ عَكَ ڟَرْكَكٜىٰسُ، دُكْ سُنَادَ عُبَا طَيَ؞ شِيَسَا عِيسَىٰ بَايَجِنْ كُنْيَا يَثٜىٰدَسُو یَنْعُوَنْسَ؞

¹² يَثٜىٰ وَ اللَّهْ، ‏«‏ذَنْيِ شٜىٰلَرْ سُونَنْكَ غَ یَنْعُوَنَ، ذَنْيَبٜىٰكَ عَثِكِنْ تَارُوانْ جَمَعَ؞»‏

¹³ يَكُمَثٜىٰ، ‏«‏نِے مَا ذَنْ دُواْغَضَ غَ اللَّهْ؞»‏ يَكُمَ سَاكٜىٰ ثٜىٰوَ ‏«‏غَا نِے نَنْ تَرٜىٰدَ یَیَنْ دَ اللَّهْ يَبَانِ؞»‏

¹⁴ تُنْدَيَكٜىٰ یَیَنَّنْ مُتَنٜىٰنٜىٰ مَاسُ نَامَ دَ جِنِ، سَيْ يَذَمَ طَيَ دَسُو ثِكِنْ جِكِے؞ يَيِ حَكَ دُواْمِنْ تَوُرِنْ مُتُوَرْسَ، يَهَلَّكَرْ دَ وَنْدَ يَكٜىٰ رِڧٜىٰ دَ إِيكُوانْ مُتُوَ، وَتُواْ شَيْطَنْ؞

¹⁵ سَعَنً كُمَ يَكُنْثٜىٰ دُكْ وَطَنْدَ ڟُواْرُوانْ مُتُوَ يَطَوْرٜىٰسُ، كُمَ حَرْ ڟُواْرُوانْ يَمَيْدَسُو بَايِ دُكَنْ رَايُوَرْسُ؞

¹⁶ لَلَّيْ بَمَلاَىِٕكُ نٜىٰ عِيسَىٰ يَكٜىٰيِ مُسُ تَيْمَكُواْ بَ، عَمَّا ذُرِيَرْ إِبْرَٰهِيمْ نٜىٰ يَكٜىٰيِ مُسُ تَيْمَكُواْ؞

¹⁷ سَبُواْدَ حَكَ يَا كَمَاتَ أَ مَيْدَشِ كَمَرْ یَنْعُوَنْسَ تَكُواْوَثٜىٰ حَنْيَ، دُواْمِنْ يَذَمَ بَبَّنْ ڢِرِسْتِ مَيْ أَمِنْثِ، مَيْ جِنْڧَيْ كُمَ عَثِكِنْ حِدِمَرْسَ غَ اللَّهْ، دُواْمِنْ يَذَمَ هَدَايَ تَطَوْكَرْ أَلْحَكِنْ ذُنُبَنْ مُتَنٜىٰ؞

¹⁸ دَيَكٜىٰ شِ دَكَنْسَ يَشَا وَهَلَ أَ لُواْكَثِنْ ڠُودَاوَرْسَ، يَ إِسَ يَتَيْمَكِ دُكْ وَطَنْدَ عَكٜىٰ ڠُودَاسُ؞