إِبْرَانِيَاوَا 12 - أَتَّوْرَتْ دَ أَنَّبَاوَا

كَڢَ عِدُواْ غَ عِيسَىٰ

¹ سَبُواْدَ حَكَ دَيَكٜىٰ تَارُوانْ شَيْدُ مَاسُيَوَ ڨُورَيْ سُنْ كٜىٰوَيٜىٰمُ، بَرِ مُتُوٻٜىٰ دُكَنْ أَبِنْدَ ذَيْ هَنَمُ دَ كُمَ كُواْوَنٜىٰ ذُنُوبِنْدَ يَرِڧٜىٰمُ كَمْكَمْ، بَرِ كُمَ مُيِ ڟٜىٰرٜىٰنَّنْ دَ عَكَسَا أَغَبَنْمُ ثِكِنْ نَاثِيَ؞

² بَرِ مُكَڢَ عِدُواْ غَ عِيسَىٰ وَنْدَ شِينٜىٰ تُوشٜىٰنْ بَنْ‌غَسْكِيَرْمُ دَ كُمَ مَيْ كَٰوُاْ ثِكَاوَرْ بَنْ‌غَسْكِيَرْمُ؞ سَبُواْدَ ڢَضٍ ثِكِنْ دَ عَكَسَا أَغَبَنْسَ، يَجِمْرٜىٰوَ غِثِّيٜىٰ، يَمَيْدَ أَبِنْ كُنْيَا بَا كُواْمٜىٰبَ، عَيَنْظُ كُمَ يَنَ ظَوْنٜىٰ أَ حَنُّنْ دَامَنْ كُجٜىٰرَرْ مُلْكٍ اللَّهْ؞

³ كُلُورَ ڢَا دَ وَنَّنْ مُتُمِنْ دَ يَيِ حَڧُرِ دَ إِرِنْ ڧِيَيَّرْ دَ مَاسُ ذُنُوبِ سُكَيِ مَسَ، دُواْمِنْ كَدَ كُغَجِ، كُواْ كُوَ كُڢِدَّ ذُوثِيَا؞

حُواْرُوانْ عُبَنْ‌غِجِ أَبِنْ أَمْڢَانِ نٜىٰ

⁴ عَثِكِنْ كُواْكَوَرْكُ غَابَادَ ذُنُوبِ، ڢَامَرْ دَ كُكَيِ بَتَكَيْكُ غَ ظُبْدَ جِنِنْكُبَ؞

⁵ كُواْ كُنْ مَنْثٜىٰ نٜىٰ دَ مَغَنَرْ ڧَرْڢَڢَاوَا وَدَّ اللَّهْ يَيِ، وَدَّ كُمَ تَكٜىٰثٜىٰ دَكُو یَیَنْسَ؟ ‏«‏يَا طَانَ، كَدَ كَمَيْدَ حُواْرُوانْ عُبَنْ‌غِجِ أَبِنْ بَنْظَ، كَدَ كَڢِدَّ ذُوثِيَا عِدَنْ يَا ڟَاوَتَا مَكَ؞

⁶ غَمَا عُبَنْ‌غِجِ يَكَنْ هُواْرَرْ دَ دُكْ وَنْدَ يَكٜىٰ ڧَوْنَ، يَكَنْ كُمَ هُواْرِ دُكْ طَنْدَ يَكَرْٻَ؞»‏

⁷ كُجِمْرٜىٰ دَ وُيَرْ دَ كُكٜىٰ شَا، كُطَوْكَ هُواْرَرْوَ ثٜىٰ؞ تَهَكَ، اللَّهْ يَنَيِ دَكُو كَمَرْ یَیَنْسَ كٜىٰنَنْ؞ وَنٜىٰ طَا نٜىٰ بَابَنْسَ بَايَيِ مَسَ حُواْرُواْ؟

⁸ عِدَنْ بَعَيِ مُكُ حُواْرُواْنَّنْ دَ عَكٜىٰيِ وَدُكَنْ یَیَنْ اللَّهْ بَ، تُواْ، كُو شٜىٰغُ نٜىٰ كٜىٰنَنْ، بَیَیَنْ غِدَابَ؞

⁹ بَنْدَ حَكَمَا، مُنَدَ عُبَنِّنْمُ نَجِكِے وَطَنْدَ سُكٜىٰيِ مَنَ حُواْرُواْ، مُو كُوَ مُنَ غِرْمَمَسُ؞ أَشٜىٰ، بَذَامُڢِ يَرْدَ دَ حُواْرُوانْ عُبَنْمُ نَرُوحَنِيَ، دُواْمِنْ مُرَايُبَ؟

¹⁰ عُبَنِّنْمُ نَجِكِے سُكَنْيِ مَنَ حُواْرُواْ نَطَنْ لُواْكَثِ تَهَنْيَرْ دَ تَڢِے ݣَوْ أَغَنِنْسُ، عَمَّا اللَّهْ يَكَنْيِ مَنَ حُواْرُواْ سَبُواْدَ أَمْڢَانِنْمُ نٜىٰ، دُواْمِنْ مُسَامِ رَبُوانْمُ ثِكِنْ ڟَرْكِنْسَ؞

¹¹ دُكْ حُواْرُوانْ دَ عَكَنْيِ مَنَ يَكَنْ كَٰوُاْ ذَاڢِ أَ لُواْكَثِنْ، بَا جِنْ دَاطِے بَ؞ عَمَّا دَغَ بَايَ يَكَنْ حَيْڢَرْ دَ أَدَلْثِے دَ سَلَمَ غَ دُكْ وَطَنْدَ سُكَيِ كُواْيِ دَ حُواْرُوانْ؞

غَرْغَطِ عَكَنْ ڧِنْ أَلْحٜىٰرِنْ اللَّهْ

¹² سَبُواْدَ حَكَ، كُمِيڧٜىٰ حَنُّوَنْكُ دَ سُكَ غَجِ، كُكُمَ ڧَرْڢَڢَ ڠُوِوُاْيِنْكُ مَرَسَ ڧَرْڢِے؞

¹³ كُمِيڧٜىٰ هَنْيُواْيِ دُواْمِنْ ڧَڢَاڢُنْكُ، دُواْمِنْ كَدَ مَيْ ثِيوُانْ ڧَڢَا يَسَامِ دَامُوَ، مَيْمَكُوانْ وَرْكٜىٰوَ؞

¹⁴ كُيِ إِيَاكَثِنْ ڧُواْڧَرِ كُذَوْنَ لَاڢِيَ دَ كُواْوَ، كُكُمَ ذَمَ دَ ڟَرْكِے، غَمَا بَاوَنْدَ ذَيْغَا عُبَنْ‌غِجِ عِدَنْ بَا تَرٜىٰدَ ڟَرْكِے بَ؞

¹⁵ كُلُورَ ڢَا كَدَ كُواْوَ يَكَاسَ سَامُنْ أَلْحٜىٰرِنْ اللَّهْ؞ كُيِ حَنْكَلِ كَدَ وَنِ يَذَمَ كَمَرْ تُوشٜىٰنْ طَاثِنْ رَيْ وَنْدَ يَكَنْ كَٰوُاْ ٻَرْنَ، يَكُمَ ڧَظَنْتَرْدَ أَلْعُمَّ غَبَاطَيَ؞

¹⁶ كُلُورَ ڢَا، كَدَ وَنِ يَذَمَ مَيْ لَلَتَ، كُواْ مَرَرْ حَلِنْ اللَّهْ كَمَرْ إِسُوَ، وَنْدَ يَسَيَرْ دَ غَادُوانْسَ نَطَنْ ڢَارِ سَبُواْدَ ڨُورْيَ طَيَ تَكْ نَعَّبِنْثِ؞

¹⁷ دَغَ بَايَ، كَمَرْ يَدَّ كُنْ سَنِ، سَعَدَّ يَسُواْ يَكَرْٻِ غَادُوانْ أَلْبَرْكَرْ نَنْ، سَيْ عَكَ ڧِيشِ؞ بَيْ كُوَ سَامِ ظَرَڢِنْ يِنْ ڠَرَبَ، كُواْدَيَكٜىٰ يَا نٜىٰمِ أَلْبَرْكَرْ نَنْ دَ هَوَيٜىٰ؞

¹⁸ بَكُذُواْ وُرِنْ بَبَّنْ تُدُنْ سِنَيْ وَنْدَ أَنَ عِيَ تَٻَوَ بَ، كُواْ وُرِنْ وُتَا مَيْثِ سُواْسَيْ، كُواْ وُرِنْ دُهُ بَڧِ ڧِرِنْ، كُواْ بَبَّنْ هَدَرِ،

¹⁹ كُواْ بُوسَرْ ڧَهُواْ، كُواْ كُوَ مُرْيَ مَيْيِنْ مَغَنَ يَدَّ مَاسُ جِنْتَ سُكَيِ ضُواْڧُواْ ثٜىٰوَ كَدَ عَثِيغَبَ دَيِ مُسُ مَغَنَرْ؞

²⁰ سُكَيِ ضُواْڧُوانْ نٜىٰ دُواْمِنْ بَسُ إِيَجِمْرٜىٰوَ عُمَرْنِنَّنْ دَ عَكَ بَايَرْ بَ ثٜىٰوَ ‏«‏كُواْ دَ دَبَّثٜىٰ تَتَٻَ بَبَّنْ تُدُنْ، سَيْ أَ جٜىٰجّٜىٰڢٜىٰتَ حَرْ تَمُتُ؞»‏

²¹ وَنَّنْ أَبِنْدَ سُكَ غَنِ يَذَمَ أَبِنْ ڟُواْرُواْ ڨُورَيْ، حَرْ مَا مُوسَٰى يَثٜىٰ ‏«‏جِكِينَ يَنَ ضَوَ سَبُواْدَ ڟُواْرُواْ؞»‏

²² عَمَّا كُنْذُواْ وُرِنْ بَبَّنْ تُدُنْ سِهِيُواْنَ نٜىٰ دَ بِرْنِنْ اللَّهْ مَيْ رَيْ، وَتُواْ عُرُوشَلِيمَ تَسَمَ دَ تَارُوانْ ڢَضٍ ثِكِ نَمَلاَىِٕكُ مَاسُ طُمْبُنْ يَوَ؞

²³ كُنْذُواْ غَ جَمَعَرْ مَاسُبِے یَیَنْ ڢَارِ وَطَنْدَ سُونَيٜىٰنْسُ سُنَ أَرُبُوثٜىٰ أَ سَمَ؞ كُنْذُواْ وُرِنْ اللَّهْ وَنْدَ شِينٜىٰ مَيْيِ وَكُواْوَ شَرِيعَ دَ وُرِنْ رُوحُواْحِنْ مُتَنٜىٰ مَاسُ أَدَلْثِے وَطَنْدَ عَكَ مَيْدَسُو ثِكَكُّ؞

²⁴ كُنْذُواْ وُرِنْ عِيسَىٰ وَنْدَ شِينٜىٰ مَيْ ڟَيَاوَا ڟَكَانِنْ اللَّهْ دَ مُتَنٜىٰنْسَ عَثِكِنْ سَابُوَرْ يَرْجٜىٰجٜىٰنِيَ دَ كُمَ وُرِنْ جِنِنَّنْ دَ عَكَ يَيَّڢَا وَنْدَ يَكٜىٰيِنْ مَغَنَ مَڢِے ݣَوْ ڢِيٜىٰدَ جِنِنْ هَبِيلَ؞

²⁵ كُلُورَ ڢَا، كَدَ كُڧِ شِے وَنْدَ يَكٜىٰ مَغَنَ؞ كُسَنِ ثٜىٰوَ سُو وَطَنْدَ سُكَڧِ سُكَرْٻِ وَنْدَ يَيِ مُسُ غَرْغَطِے أَنَنْ دُونِيَا بَسُ ڟِيرَبَ، بَلّٜىٰ ڢَا مُو!‏ تَيَيَا مُو ذَامُ ڟِيرَا عِدَنْ مُنْڧِ وَنْدَ يَكٜىٰيِ مَنَ غَرْغَطِے دَغَ سَمَ؟

²⁶ أَ لُواْكَثِنْ كُوَ مُرْيَرْ اللَّهْ تَغِرْغِظَ دُونِيَا؞ عَمَّا يَنْذُ يَيِ أَلْڧَوَرِ ثٜىٰوَ ‏«‏ذَنْ غِرْغِظَ دُونِيَا سَوْ طَيَ كُمَ، بَا دُونِيَا كَطَيْبَ، عَمَّا حَرْ دَ سَمَّيْ؞»‏

²⁷ وَنَّنْ مَغَنَ ‏«‏سَوْ طَيَ كُمَ،»‏ تَنُونَ ذَاعَ كَوَرْدَ أَبِنْدَ عَكَ غِرْغِظَ، وَتُواْ، ذَاعَ كَوَرْدَ أَبُبُوَنْ دَ عَكَ حَلِتَّ، دُواْمِنْ أَبُبُوَنْ دَ بَذَاعَ عِيَ غِرْغِظَا سُبَ سُكَسَنْثٜىٰ؞

²⁸ تُواْ دَيَكٜىٰ مُنَ كَرْٻَرْ مُلْكٍ دَ بَذَاعَ عِيَ غِرْغِظَبَ، بَرِ مُيِ غُواْدِيَ، مُكُمَ مِيڧَا وَ اللَّهْ سُجَّدَرْ دَ تَدَاثٜىٰ عَثِكِنْ ڟُواْرُواْ دَ بَنْ غِرْمَ،

²⁹ غَمَا اللَّهْ نْمُ وُتَا نٜىٰ مَيْ ثِنْيٜىٰوَ؞